bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
1 Samuel 11
1 Samuel 11
Kamba (MBIVILIA ŨVOO MŨSEO)
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 12 →
1
Ĩtina wa ĩvinda ya ta mwei ũmwe, Naasu ũla waĩ Mũamimoni nĩwatongoeisye asikalĩ make mambata ndũanĩ ya Yavesi-ngileati na amĩthyũlũlũka. Andũ onthe ma Yavesi nĩmaneenie na Naasu mamwĩa atĩĩ, “Seũvya wĩw'ano naitũ, na tũkakũthũkũmaa.”
2
Ĩndĩ Naasu amasũngĩa amea atĩĩ, “Ngeetĩkĩla kũseũvya wĩw'ano nenyu ethĩwa ngathong'olya metho menyu onthe ma ngalĩko ya kw'oko kwa aũme, na kwa nzĩa ĩsu ndyĩkĩĩthya andũ onthe ma Ĩsilaeli nthoni.”
3
Atongoi ma ndũa ya Yavesi nĩmamwĩie atĩĩ, “Tũnenge ĩvinda ya mĩthenya mũonza tũtũme andũ mathi nthĩ yonthe ya andũ ma Ĩsilaeli. Ethĩwa vai mũndũ wĩtũtetheesya, ithyĩ ĩndĩ nĩtũkwĩnengane kũla ũĩ.”
4
Andũ ala matũmĩtwe nĩmavikie Ngivea vala Saũlo watwĩe na matavya andũ ũvoo ũsu. Andũ onthe nĩmambĩĩie kũĩa na wasya mũnene.
5
Saũlo nĩwookie aumĩte mũũndanĩ aingĩte nzaũ syake sya wĩa na akũlya atĩĩ, “Kweekwa ata? Andũ onthe meĩw'a nĩ kyaũ?” Andũ nĩmamũtavisye ũtũmani ũla waetetwe nĩ ala andũ kuma Yavesi.
6
Yĩla Saũlo weewie ũu, Veva wa Ngai nĩwookie na vinya ĩũlũ wake na athata mũno.
7
Nĩwoosie nzaũ ilĩ sya wĩa na aitilanga ilungu na atũma andũ melingĩle nthĩ ya andũ ma Ĩsilaeli makuĩte ilungu isu mayasya atĩĩ, “Ũla ũkũlea kũatĩĩa Saũlo na Samũeli maendete kaũnĩ, nzaũ syake sya wĩa o nasyo syĩĩkwa ũũ!” Mwĩai Ngai nĩweekĩie andũ onthe ma Ĩsilaeli w'ĩa mwingĩ, na kwoou onthe nĩmaumie mathi me mũamba.
8
Yĩla Saũlo wamombanĩisye Mbeseki, vaĩ andũ ngili maana atatũ kuma Ĩsilaeli, na andũ ngili mĩongo ĩtatũ kuma Yuta.
9
Nĩmaneenie na andũ ala matũmĩtwe kuma Yavesi mamea atĩĩ, “Tavyai andũ menyu mũmee ũnĩ syũa yĩivyũva makatangĩĩwa.” Yĩla andũ asu matũmĩtwe maendie na matavya andũ ma Yavesi ũndũ ũsu, andũ asu nĩmatanie mũno.
10
Nĩvo ĩndĩ andũ ma Yavesi meeie Aamimoni atĩĩ, “Ũnĩ tũkeenengane kwenyu nĩ kana mwĩkane naitũ ũndũ mũkwenda.”
11
Ũtukũ ũsu, Saũlo nĩwaanisye andũ make ikundi itatũ. Kũkilĩlye kũkya nĩmaendie vala Aamimoni mambĩte maeema moo na mamavithũkĩa. Nĩmamoaie nginya syũa yesa kũvyũva. Ala matialile mate oae nĩmasembie manyaĩĩka weethĩa vai ũmwe wĩ na ũngĩ.
12
Nĩvo ĩndĩ andũ ma Ĩsilaeli maneenie na Samũeli mamũkũlya atĩĩ, “Maĩva andũ ala maisye kana Saũlo ndaĩlĩte kũtw'ĩka mũsumbĩ waitũ? Maete kũla tũĩ naitũ nĩtũũmoaa!”
13
Ĩndĩ Saũlo amea atĩĩ, “Vai mũndũ waĩlĩte kũawa ũmũnthĩ, nũndũ mũthenya ũũ nĩw'o Mwĩai Ngai watangĩĩa andũ ma Ĩsilaeli.”
14
Nĩvo ĩndĩ Samũeli weeie andũ atĩĩ, “Ithyonthe tũendei Ngilikali, na tũilũlũmĩĩlya ĩngĩ twasye kana Saũlo nĩ mũsumbĩ waitũ.”
15
Kwoou andũ onthe nĩmaendie Ngilikali, na me mbee wa Mwĩai Ngai maĩkĩĩthya kana Saũlo nĩ mũsumbĩ. Nĩmaumĩisye Mwĩai Ngai nthembo sya ngwatanĩo, na Saũlo e na andũ onthe ma Ĩsilaeli meethĩwa na mboka nene mũno.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 12 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31