bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
1 Samuel 22
1 Samuel 22
Kamba (MBIVILIA ŨVOO MŨSEO)
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 23 →
1
Ndeviti nĩwakĩie auma ndũanĩ ya Ngathi na athi kwĩvitha ngunganĩ yĩ ndũanĩ ya Atulamu. Yĩla ana-a-inyia make na andũ ala angĩ ma mũsyĩ wa ĩthe wake meewie kana e vau, nĩmatheeie kũla ũĩ makekalany'e nake.
2
Andũ onthe ala mathĩnaw'a, kana maĩ na thiĩ, kana mataĩ eanĩe nĩmatheeie moombanĩa vala Ndeviti waĩ na atw'ĩka mũsumbĩ woo. Maĩ andũ ta maana ana.
3
Kuma vau Ndeviti nĩwaendie ndũanĩ ya Misiva ĩla yĩ nthĩ ya Moavi na aneena na mũsumbĩ wa Moavi amwĩa atĩĩ, “Nĩngũkwĩsũva, eka nau na mwaitũ moke kwĩkalany'a naku nginya nĩmanye ũndũ Ngai wĩmbĩka.”
4
Kwoou Ndeviti nĩwatiie asyai make kwa mũsumbĩ nake mũsumbĩ ekalany'a namo ĩvindanĩ yonthe yĩla Ndeviti waĩ vala weevithĩte.
5
Nĩvo ĩndĩ mwathani weetawa Ngandi waendie vala ve Ndeviti na amwĩa atĩĩ, “Eka kwĩkala vaa wĩvithĩte. Enda nthĩ ya Yuta.” Kwoou Ndeviti nĩwaumie vau na athi kĩthekanĩ kya Elethi.
6
Mũthenya ũmwe Saũlo aĩ Ngivea ailyĩ ungu wa mũtĩ wĩtawa mweseli waĩ kĩĩmanĩ. Akwete ĩtumo yake na anini make onthe maũngyĩ mamũthyũlũlũkĩte. Nĩwataviw'e eewa kana Ndeviti na andũ ala waĩ namo nĩmonekie vala maĩ.
7
Nĩvo ĩndĩ Saũlo waneenie na anini asu make amea atĩĩ, “Ĩthukĩĩsyei inyw'ĩ andũ ma mbaĩ ya Mbengyameni! Mwĩsũanĩa kana Ndeviti akanenga kĩla ũmwe wenyu isesi na mĩũnda ya mĩsavivũ, na aitw'ĩkĩthya amwe menyu anene ma asikalĩ ĩana na angĩ anene ma asikalĩ ngili?
8
Kĩu nĩkyo kĩtumĩte mũvanga kũmbĩka naĩ? Vai ũmwe wenyu waandavya kana mwana wakwa mwene e na ngwatanĩo na mwana wa Yese. Vai ũmwe wenyu ũkũmbĩw'ĩa tei, kana akandavya ũndũ Ndeviti ũmwe wa athũkũmi makwa ũkũmantha kũmbũaa ĩvindanĩ yĩĩ athangaaĩtw'e nĩ mwana wakwa!”
9
Mũetomu ũmwe weetawa Ndoeki ũla waũngamĩte e na athũkũmi ma Saũlo nĩwasũngĩie amwĩa atĩĩ, “Nĩnĩnoonie mwana wa Yese ooka Novu kũla kwĩ Aimeleki mwana wa Aituvu.
10
Aimeleki nũnakũlilye Mwĩai Ngai ũndũ Ndeviti waĩlĩte kwĩka, na ĩndĩ anenga Ndeviti lĩu na ũvyũ wa ũla Mũvilisiti weetawa Ngoliathi.”
11
Mũsumbĩ Saũlo nĩwatũmanie aketĩwe mũthembi Aimeleki mwana wa Aituvu, na andũ onthe ma mũsyĩ wa ĩthe wa Aimeleki ala nĩmo maĩ athembi Novu. Onthe nĩmookie vala ve mũsumbĩ.
12
Saũlo nĩwaneenie na Aimeleki amwĩa atĩĩ, “Aimeleki, ĩthukĩĩsye!” Aimeleki asũngĩa amwĩa, “Mũnene wakwa, ninyioo.”
13
Saũlo amũkũlya, “We wĩ na mwana wa Yese mũvangĩte kũmbĩka naĩ nĩkĩ? Ũnamũnengie lĩu na ũvyũ na wakũlya Ngai ũndũ kwondũ wake nĩkĩ? Yu nĩwĩthĩĩtwe aing'endea na emantha mwanya wa kũmbũaa!”
14
Aimeleki nĩwasũngĩie Saũlo amwĩa atĩĩ, “Ndeviti nĩwe mũthũkũmi ũla waku mũĩkĩĩku vyũ! Nĩ mũthoni waku, na mũnene wa asikalĩ ala maũsungaa. O ta ũu, nĩwe mũndũ ũla ũnengetwe ndaĩa nene katĩ wa andũ ala mekalaa nyũmbanĩ ya mũsumbĩ.
15
Nĩkũlya, mũthenya ũsu nĩw'o ũnaĩ wakwa wa mbee kũneena na Ngai nĩmũkũlye ũndũ kwondũ wake? Aiee ti w'o, Mũnene wakwa ndũkandalĩle nyie kana mũndũ o na wĩva wa mũsyĩ wakwa ĩvĩtyo ĩũlũ wa mũvango ũsu. Nyie ndi ũndũ nĩsĩ ĩũlũ wa ũndũ ũsu!”
16
Mũsumbĩ nĩwaneenie asya atĩĩ, “Kwa w'o we Aimeleki na andũ onthe ma mũsyĩ wa ĩthe waku no nginya mũkw'e.”
17
Nĩvo ĩndĩ mũsumbĩ weeie asikalĩ ala mamũsungaa na maĩ vakuvĩ nake atĩĩ, “Ũaai athembi ma Mwĩai Ngai, nũndũ o namo me na ngwatanĩo na Ndeviti. Nĩmaneesĩ kana nũkĩĩte ĩndĩ maineeĩtĩkĩla kũndavya.” Ĩndĩ asikalĩ asu nĩmaleile kũkĩlya moko moo moae athembi ma Mwĩai Ngai.
18
Saũlo nĩweeie Ndoeki atĩĩ, “Ũaa athembi aa!” Ndoeki nĩwooaie athembi asu onthe. Mũthenyanĩ ũsu, Ndoeki ooaie athembi mĩongo nyanya na atano ala meekĩaa ĩla ngũa ya ĩũlũ yĩtawa evoti.
19
Saũlo o ta ũu nĩweeaie nĩ kana andũ onthe ala matwĩe Novu ĩla nĩ ndũa ya athembi moawe. Aũme na aka, syana o na ila ikwonga, ng'ombe, mang'oi na malondu, syonthe nĩsyooaiwe na ũvyũ.
20
Aviathali, ũmwe wa ana ma Aimeleki mwana wa Aituvu nĩwavonokie na akĩa athi kũla kwĩ Ndeviti.
21
Nĩwatavisye Ndeviti ũndũ Saũlo wooaa athembi ma Mwĩai Ngai.
22
Nĩvo ĩndĩ Ndeviti waneenie na Aviathali amwĩa atĩĩ, “Yĩla noonie Ndoeki ũla mũthenya nĩnamanyie kana kwa w'o ki nũkũtavya Saũlo. Kwoou ninyie natuma andũ ma mũsyĩ wa ĩthe waku moawa.
23
We ĩkala vamwe nakwa na ndũkakĩe; mũndũ ũla ũkũũmantha akũae nowe ũkũmantha ambũae. Wĩ vamwe nakwa wĩ ũsũvĩonĩ.”
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 23 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31