bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
1 Samuel 17
1 Samuel 17
Kamba (MBIVILIA ŨVOO MŨSEO)
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 18 →
1
Avilisiti nĩmoombanisye asikalĩ moo ma kaũ makokite. Moombanĩie ndũanĩ yĩtawa Soko ĩla yĩ Yuta na mamba maeema moo vandũ vetawa Evesi-ndamimu katĩ wa Soko na Aseka.
2
Saũlo na andũ ma Ĩsilaeli o namo nĩmoombanie na mamba maeema moo Mwandanĩ wa Ela na meeyũmbany'a mokite na Avilisiti.
3
Avilisiti nĩmeevangie kĩĩmanĩ kĩmwe ĩũlũ, namo andũ ma Ĩsilaeli meevanga kĩĩmanĩ kĩngĩ mũingo. Katĩ woo vaĩ mwanda.
4
Ngũmbaũ ĩmwe yeetawa Ngoliathi kuma ndũanĩ ya Ngathi nĩyaumaalile maeemanĩ ma Avilisiti. Ngoliathi aĩ na ũasa wa vakuvĩ mita itatũ.
5
Eekĩĩte ngovia ya kwĩsiĩĩa ĩseũvĩtw'e na mbulonzi, na akekĩa ngao kĩthũinĩ ĩseũvĩtw'e na kyũma kĩtawa mbulonzi yĩna ũito wa kilo ta mĩongo ĩtano na mũonza.
6
Maũũnĩ make aĩ na ngao ya kwĩsiĩĩa ĩseũvĩtw'e na mbulonzi, na ituonĩ syake akakua mũsenge ũseũvĩtw'e na mbulonzi.
7
Mũtĩ wa ĩtumo yake waĩ mũnene mũno ta kĩlungu kya mũtĩ ũla watũmĩawa nĩ andũ ala matumaa ngũa, na mũthya wa ĩtumo yĩu waĩ wa kyũma, na waĩ na ũito wa kĩlo ta mũonza. Mũkui wa ngao yake aendaa amũtongoesye.
8
Ngoliathi nĩwaũngamie na aneena na asikalĩ ma Ĩsilaeli na wasya mũnene amakũlya atĩĩ, “Mwooka vau na mweevanga kũkita nĩkĩ? Nyie ndi Mũvilisiti, nenyu mũi athũkũmi ma Saũlo? Nyuvai mũndũ na mũimũeka athee oke vaa nĩĩ.
9
Ethĩwa mũndũ ũsu nũkwĩthĩwa atonya kũkita nakwa na aimbũaa, nĩtũũtw'ĩka ngombo syenyu. Ĩndĩ nakwa nasinda na ngĩmũaa, nĩmũũtw'ĩka ngombo sitũ na mũitũthũkũmaa.”
10
Nĩvo ĩndĩ Mũvilisiti ũsu waneenie asya atĩĩ, “Ũmũnthĩ nĩngũvũthya asikalĩ ma Ĩsilaeli. Nengei mũndũ oke tũkite!”
11
Yĩla Saũlo na andũ ma Ĩsilaeli meewie ũndũ Mũvilisiti ũsu wasya, nĩmasaanĩiw'e na makwatwa nĩ w'ĩa mwingĩ.
12
Ndeviti aĩ mwana wa Yese, mũndũ waĩ Mũevilathi kuma ndũanĩ ya Mbetheleemu ĩla yĩ Yuta. Yese aĩ na ana nyanya na ĩvindanĩ yĩla Saũlo waĩ mũsumbĩ, Yese aĩ mũndũ mũkũũ mũno.
13
Ana atatũ ma Yese ala akũũ nĩmaendete na Saũlo kaũnĩ. Masyĩtwa ma ana asu make atatũ akũũ maĩ: Eliavu ũla nĩwe mũkũũ, Avinatavu nĩwe wamũatĩĩe na ũla wa katatũ eetawa Samama.
14
Ndeviti nĩwe waĩ ĩlumaita. Ana asu atatũ akũũ mekalaa na Saũlo,
15
ĩndĩ mavinda kwa mavinda Ndeviti nĩwasyokaa mũsyĩ Mbetheleemu akaĩthye malondu ma ĩthe wake.
16
Vandũ va mĩthenya mĩongo ĩna, Ngoliathi nĩwaumĩlaa kĩla kwakya na wĩoo akaũngama vandũ wenekee, na aineenea asikalĩ ma Ĩsilaeli na kĩvũthya.
17
Mũthenya ũmwe, Yese nĩwaneenie na Ndeviti mwana wake amwĩa atĩĩ, “Osa kilo ĩkũmi sya ngetha ĩno ya mbaa mbeke mbĩvye, na mĩkate ĩno ĩkũmi na ũithi wĩkalaatĩte ũmĩtwaĩe ana-a-inyia maku vala maeema mambĩtwe.
18
O ta ũu kua ilungu ii ĩkũmi sya mauta ma ng'ombe ũtwaĩe mũnene wa asikalĩ asu. Enda ũkamanye ũndũ ana-a-inyia maku maendee na maikũnenga kĩndũ ũete kĩthĩwe ũĩkĩĩthyo kana nũmonie na nĩmaendee nesa.
19
Mũsumbĩ Saũlo, ana-a-inyia maku na andũ ala angĩ ma Ĩsilaeli me mwandanĩ wa Ela mayũkita na Avilisiti.”
20
Ndeviti nĩwaamũkie ũnĩ ũsu kwakya tene na atiĩa mũĩthi ũngĩ malondu. Nĩwoosie ũla lĩu na ambĩĩa kyalo o tondũ weeaĩwe nĩ Yese. Avikie vala maeema ma asikalĩ mambĩtwe ĩvindanĩ yĩla asikalĩ maĩ manambĩĩa kumaala mauĩtye ngemi sya kaũ maendete kũla mokitĩaa.
21
Asikalĩ ma Avilisiti na ma Ĩsilaeli nĩmeevangie vala mokitĩaa masyaanĩtye.
22
Ndeviti nĩwatiie syĩndũ ila wakuĩte vala ve mũndũ ũla wasũvĩaa mĩio. Nĩwasembie vala vokitĩawa na akethya ana-a-inyia make.
23
Aendee kũneena namo, Ngoliathi ĩla ngũmbaũ ya Avilisiti yaumĩte Ngathi, nĩwaumie vala waĩ na aũngama mbee wa asikalĩ ma Ĩsilaeli na amavũthĩĩsya o ũndũ weekaa. Ndeviti nĩweewie ndeto ila Ngoliathi waneenie.
24
Yĩla andũ ma Ĩsilaeli moonie Ngoliathi, nĩmasembie mamũkĩĩte me na w'ĩa mwingĩ.
25
Andũ ma Ĩsilaeli nĩmekalaa maineena mayasya atĩĩ, “Nĩmũkwona mũndũ ũũ ũndũ ũtindĩaa kumĩla? Ethĩawa okĩte kũvũthĩĩsya andũ ma Ĩsilaeli. Mũsumbĩ akanenga mũndũ ũla wĩũaa mũndũ ũũ ũthwii mwingĩ. O ta ũu mũsumbĩ akanenga mũndũ ũsu mwĩĩtu wake amũtwae, na aituma andũ ma mũsyĩ wake methĩwa matekũĩva koti ta andũ ala angĩ ma Ĩsilaeli!”
26
Ndeviti nĩwakũlilye andũ ala maũngamĩte vakuvĩ nake atĩĩ, “Mũndũ ũla wĩũaa Mũvilisiti ũũ na aituma andũ ma Ĩsilaeli mauma thĩnanĩ ũũ akeekwa ata? Mũvilisiti ũũ ũtamwĩsĩ Ngai nĩwe ũũ nĩ kana avũthĩĩsye asikalĩ ma Ngai ũla wĩ thayũ?”
27
Nĩmatavisye Ndeviti ũndũ mũndũ ũla wĩũaa Ngoliathi wĩĩkwa.
28
Yĩla Eliavu mwana-a-inyia wa Ndeviti ũla mũkũũ weewie Ndeviti aineena na andũ asu, nĩwathatiw'e mũno nĩ Ndeviti na amũkũlya atĩĩ, “Watheea wooka kũũ nĩkĩ? Watia malondu asu mavũthũ naũ kũu weũnĩ? Nĩnĩsĩ ũndũ wĩany'a ngathĩĩo na ũndũ ũthũkĩte. Watheea wooka o kwĩloela kaũ.”
29
Ndeviti amũkũlya atĩĩ, “Yu nyie neeka ata? O na nditonya kũekwa nganeena?”
30
Nĩwavĩndũkie asisya mũndũ ũngĩ na akũlya o ũu; namo andũ mamũsũngĩa o ũndũ mamũtavĩtye vau mbeenĩ.
31
Andũ amwe nĩmeewie ũndũ Ndeviti wasya na matavya Saũlo. Saũlo nake nĩwatũmanie Ndeviti aketwe.
32
Ndeviti nĩweeie Saũlo atĩĩ, “Mũnene wakwa, vai mũndũ waĩlĩte kũkĩa Mũvilisiti ũũ! Nĩngũthi ngokite nake.”
33
Ĩndĩ Saũlo amwĩa atĩĩ, “Aiee, ndũtonya kũthi kũkita na Mũvilisiti ũũ nũndũ wĩ o kĩmwana, nake ethĩĩtwe e mũsikalĩ kuma e mũnini!”
34
Ndeviti eea Saũlo atĩĩ, “Mũnene wakwa, nĩĩthasya malondu ma nau. Yĩla mũnyambũ kana nyamũ mbai yĩtawa nduva yakua yĩmwe ya malondu kuma ndĩthyanĩ ĩsu,
35
nĩnĩmĩatĩĩa ngamĩkũna na ngĩtangĩĩa ĩlondu. Ethĩwa mũnyambũ ũsu kana nduva ĩsu nĩyambĩndũkĩa, nĩnĩmĩkwataa mĩmeo na ngĩmĩkũna ĩikw'a.
36
Nĩnũaĩte mĩnyambũ na nduva na ũu nĩw'o ngwĩkana na Mũvilisiti ũũ ũta mwĩsĩ Ngai, nũndũ nũvũthĩtye asikalĩ ma Ngai ũla wĩ thayũ.
37
Mwĩai Ngai ũla wambonokisye ndikoawe nĩ mĩnyambũnĩ na nduva nũkũmbonokya kuma kwa Mũvilisiti ũũ.” Saũlo nĩwamũsũngĩie amwĩa atĩĩ, “Enda na Mwĩai Ngai nĩethĩwe vamwe naku.”
38
Nĩvo ĩndĩ Saũlo weekĩie Ndeviti ngũa ila syake sya kaũ; nĩwamwĩkĩie ngovia ya kwĩsiĩĩa ĩseũvĩtw'e na mbulonzi mũtwenĩ wake, na amwĩkĩa ĩkoti yake ya kwĩsiĩĩa kĩthũi.
39
Ndeviti nĩweeyoveeie ũvyũ wa Saũlo ngũanĩ syake na atatanga kũthi nũndũ ndamanyĩĩte kwĩkĩa ngũa isu. Nĩwaneenie na Saũlo amwĩa atĩĩ, “Nditonya kũthi nasyo nũndũ ndyaamanyĩa kũsyĩkĩa.” Ndeviti nĩwasyumisye.
40
Nĩwoosie ndata yake, na athi anyuva mavia atano matendeu kuma kalũsĩnĩ amekĩa kakusunĩ ka mũvuko wake wa ndĩthya. Nĩwakuie kĩkũtha kyake na athi kũkomana na Ngoliathi.
41
Ũla Mũvilisiti atongoew'e nĩ mũndũ ũla wamũkuĩaa ngao nĩwambĩĩie kũthi elekele vala ve Ndeviti. Nĩwaendeeie kũthengeea Ndeviti,
42
na yĩla wasyaisye nesa oona Ndeviti, nĩwamũvũthisye nũndũ aĩ o kĩmwana kĩna mwĩĩ mũseo na kya kwendeesya kwa kũsiw'a.
43
Nĩwaneenie na Ndeviti amũkũlya atĩĩ, “Wũkĩte vala nĩĩ ũkuĩte ndata ko nĩ ngitĩ?” Mũvilisiti ũsu nĩwaumanĩie Ndeviti ĩsyĩtwanĩ ya ngai syake sya mĩvw'anano.
44
Nĩweeie Ndeviti atĩĩ, “Ũka vaa, nakwa nĩngũnenga nyũnyi sya yayaya na nyamũ sya kĩthekanĩ mwĩĩ waku iũye.”
45
Nake Ndeviti amwĩa atĩĩ, “Wũkĩte kũkita nakwa wĩ na ũvyũ, ĩtumo na mũsenge, ĩndĩ nakwa nooka kũkita naku ĩsyĩtwanĩ ya Mwĩai Ngai Mwene Ũtonyi W'onthe, Ngai wa asikalĩ ma Ĩsilaeli ala ũminĩte kũvũthya.
46
Ũmũnthĩ Mwĩai Ngai nũkũũnengane ũtonyinĩ wakwa, na nĩngũũkũna ngũvalũkye na ngĩũtila mũtwe. O ta ũu nĩngũnengane mĩĩ ya asikalĩ ma Avilisiti ĩĩwe nĩ nyũnyi sya yayaya na nyamũ sya kĩthekanĩ. Nĩvo ĩndĩ andũ ma nthĩ yonthe meũmanya kana ve Ngai Ĩsilaeli.
47
Andũ onthe ala mombanĩte vaa nĩmeũmanya kana Mwĩai Ngai ndavonokasya andũ aitũmĩa ũvyũ kana ĩtumo. Mwĩai Ngai nũsindaa kaũnĩ na nũkũmũnengane inyw'onthe ũtonyinĩ witũ.”
48
Yĩla Mũvilisiti ũsu wathengeeie akomane na Ndeviti, Ndeviti nĩwasembie elekele vala Avilisiti meevangĩte mokite, nĩ kana akomane nake.
49
Ndeviti nĩwalikilye kw'oko kwake mũvukonĩ wake oosa ĩvia, na ayĩkya na kĩkũtha yathi kũkima Ngoliathi kĩtulyanĩ. Ĩvia yĩu nĩyalikile kĩtulyanĩ kya Ngoliathi nthĩnĩ na avalũka nthĩ na ũthyũ.
50
Kwoou Ndeviti atena ũvyũ nĩwasindie na ooaa Ngoliathi aitũmĩa kĩkũtha na ĩvia!
51
Ndeviti nĩwasembie aũngama ĩũlũ wa Ngoliathi. Nĩwakwatie ũvyũ wa Mũvilisiti ũsu awumya ndoonĩ. Nĩwamũaie na amũtila mũtwe na ũvyũ ũsu. Yĩla Avilisiti moonie kana ngũmbaũ yoo nĩyakw'a, nĩmavĩndũkie na masemba.
52
Andũ ma Ĩsilaeli na ma Yuta nĩmamasembanisye mamauĩsye ngemi mamakũĩthya nginya Ngathi na mĩvĩanĩ ya Ekeloni. Avilisiti nĩmavalũkangĩte nzĩanĩ kuma Saalaimu kũthi kũvika Ngathi na Ekeloni me aũmĩsye.
53
Yĩla andũ ma Ĩsilaeli masyokie maumĩte kũlũngya Avilisiti, nĩmaendie vala Avilisiti mambĩte maeema moo na matava syĩndũ syoo.
54
Ndeviti nĩwoosie mũtwe wa Ngoliathi na aũtwaa Yelũsalemu. Nĩwaiie syĩndũ sya kaũ sya Mũvilisiti ũsu ĩeemanĩ yake mwene.
55
Yĩla Saũlo woonie Ndeviti aendete kũkita na Ngoliathi, nĩwaneenie na Avineli mũnene wa asikalĩ make ma kaũ amũkũlya atĩĩ, “Avineli mwanake ũya nĩ waũ?” Avineli asũngĩa amwĩa, “Mũnene wakwa, nĩngwĩvĩta na thayũ waku kana nyie ndyĩsĩ.”
56
Mũsumbĩ amwĩa atĩĩ, “Atĩĩa ũmanye mwanake ũsu nĩ waũ.”
57
Kwoou yĩla Ndeviti wasyokie vala maeema mambĩtwe amina kũaa Ngoliathi, Avineli nĩwamũtwaie kũla kwĩ Saũlo. Ĩvindanĩ yĩu Ndeviti nowakuĩte mũtwe wa Ngoliathi.
58
Saũlo nĩwaneenie na Ndeviti amũkũlya atĩĩ, “Mwanake, wĩ waũ?” Ndeviti nĩwamũsũngĩie amwĩa, “Nyie nĩ mwana wa mũthũkũmi waku Yese kuma Mbetheleemu.”
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 18 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31