bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
1 Samuel 24
1 Samuel 24
Kamba (MBIVILIA ŨVOO MŨSEO)
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 25 →
1
Yĩla Saũlo wasyokie amina kũlũngya Avilisiti, nĩwataviw'e eewa kana Ndeviti aĩ weũnĩ wa Eni-ngeti.
2
Kwoou Saũlo nĩwanyuvie asikalĩ ala aseo ma Ĩsilaeli ngili itatũ, na mathi makamanthe Ndeviti vamwe na andũ make, vakuvĩ na vandũ vetawa Mavia ma Mbũi sya Kĩthekanĩ.
3
Saũlo nĩwavikie ngunganĩ yaĩ vakuvĩ na syengo sya malondu ila syaĩ ũtee wa nzĩa, na alika ngunganĩ ĩsu etethye. Ndeviti na andũ make meevithĩte ngunganĩ o ĩsu nthĩnĩ, ĩndĩ mailyĩ naku nthĩnĩ mũno.
4
Andũ asu maĩ na Ndeviti nĩmaneenie masya atĩĩ, “Ũũ nĩw'o mũthenya ũla Mwĩai Ngai waneenie ĩũlũ waw'o yĩla wakwĩie, ‘Nganengane mũmaitha waku ũtonyinĩ waku na ũyĩkana nake ũndũ ũkwona wĩ ũseo.’ ” Nĩvo ĩndĩ Ndeviti waendie evithĩte atila kĩlungu kya ngũa ndaasa ya Saũlo, Saũlo atesĩ.
5
Ĩndĩ ĩtina wa ũu, Ndeviti nĩwambĩĩie kũthĩnw'a nĩ wasya wa ngoo,
6
na eea andũ make atĩĩ, “Mwĩai Ngai nĩanziĩĩe ndikeke mũnene ũla ũmũtw'ĩkĩthĩtye mũsumbĩ ũndũ o na wĩva mũthũku. Nditonya kũmwĩka ũndũ mũthũku o na wĩva, nũndũ nĩwe mũsumbĩ ũla ũnyuvĩtwe nĩ Mwĩai Ngai.”
7
Kwĩsĩla ndetonĩ isu Ndeviti nĩwavatie andũ asu maikatate kũkũna Saũlo. Ndeto isu sya Ndeviti nĩsyakanisye andũ ala waĩ namo weethĩa maitonya kwĩka Saũlo ũndũ o na ũmwe. Saũlo nĩwookĩlile auma vau ngunganĩ, na eeyĩendea.
8
Ĩtina wa ũu nake Ndeviti nĩwookĩlile auma ngunganĩ, na aatĩĩa Saũlo amwĩta ayasya atĩĩ, “Mũnene wakwa mũsumbĩ!” Saũlo nĩwavĩndũkie asisya ĩtina, nake Ndeviti akumana na akoma nthĩ, ũthyũ wake ũtinĩte nthĩ onany'e ndaĩa.
9
Nĩwakũlilye Saũlo atĩĩ, “Wĩĩthukĩĩsya ndeto sya andũ ala mekwasya kana nĩ na mũvango wa ũkwĩka naĩ nĩkĩ?
10
Ũmũnthĩ nĩweeyonea mwene ũndũ Mwĩai Ngai wakũnengane mokonĩ makwa ngunganĩ. Andũ amwe membĩaa nĩkũae ĩndĩ namea, ‘Ndiĩka mũnene wakwa ũndũ mũthũku, nũndũ Mwĩai Ngai nĩwe ũmũnyũvĩte atw'ĩke mũsumbĩ.’
11
Ĩthe wakwa, sisya kĩlungu kĩĩ nĩkwete kya ngũa ĩsu yaku ndaasa. Nyie nĩthĩwa nĩkũaie, ĩndĩ vandũ va ũu natila kĩlungu kĩĩ kuma mũthyanĩ wa ngũa ĩsu. Ũndũ ũũ nĩwaĩlĩte ũkũĩkĩĩthya kana nyie ndisũanĩĩte ũkũng'endea kana kũkwĩka naĩ. Nyie ndikũvĩtĩsye, ĩndĩ we nũũmantha ũmbũae.
12
Mwĩai Ngai nĩatw'e sila katĩ wakwa naku! Nĩakũĩvanĩsye nũndũ wa mothũku ala ũmbĩkĩte, ĩndĩ nyie ndikwĩka naĩ o na vanini.
13
Lilikana nthimo ya tene ĩla yaasya, ‘Ũthũku wumaa kwa ala athũku.’ Kwoou nyie ndikwĩka ũndũ mũthũku.
14
Yu we mũsumbĩ wa Ĩsilaeli sisya mũndũ ũla ũkwenda kũaa! Ũatĩĩe ũũ? Ũatĩĩe ngitĩ ngw'ũ! Ũatĩĩe ngala!
15
Mwĩai Ngai nĩethĩwe mũsili waitũ na aisilany'a katĩ wakwa naku. Nĩasisye ĩũlũ wa ũndũ ũsu na ainzũvĩa na kũndangĩĩa kuma ũtonyinĩ waku.”
16
Ndeviti amina kũneena ũu, Saũlo nĩwamũkũlilye atĩĩ, “Ndeviti mwana wakwa, isu nĩ ndeto syaku?” Saũlo nĩwambĩĩie kũĩa na wasya mũnene.
17
Nĩwaneenie asya atĩĩ, “We wĩ mũlũngalu mbee wakwa nũndũ we nũmbĩkĩte nesa mũno, nakwa nĩngwĩkĩte naĩ mũno!
18
Ũmũnthĩ nĩwandavya ũndũ wambĩka nesa, nũndũ ndũnambũaa yĩla Mwĩai Ngai wanengane ũtonyinĩ waku.
19
Nĩ mavinda meana ata mũndũ ũkwataa mũmaitha wake na aimũeka athi atamwĩkĩte ũndũ mũthũku? Mwĩai Ngai nĩakũathime nũndũ wa ũndũ wambĩka ũmũnthĩ.
20
Yu nĩnamanya kana kwa w'o ũkatw'ĩka mũsumbĩ wa Ĩsilaeli, na kana ũsumbĩ wa Ĩsilaeli ũkaendeea ũtongoinĩ waku.
21
Ĩvĩte kũla nĩĩ ĩsyĩtwanĩ ya Mwĩai Ngai, kana ndũkoaa nzyawa syakwa nĩ kana ĩsyĩtwa yakwa na ya mũsyĩ wakwa yĩikaaũle.”
22
Ndeviti nĩweevĩtie vala ve Saũlo. Nĩvo ĩndĩ Saũlo wenũkie, nake Ndeviti e na andũ make masyoka vala meevithĩte.
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 25 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31