bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
1 Samuel 13
1 Samuel 13
Kamba (MBIVILIA ŨVOO MŨSEO)
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 14 →
1
Saũlo atw'ĩkie mũsumbĩ e na ũkũũ wa myaka mĩongo ĩtatũ na asumbĩkie andũ ma Ĩsilaeli vandũ va myaka mĩongo ĩna.
2
Saũlo nĩwanyuvie andũ ngili itatũ kuma andũnĩ ma Ĩsilaeli; katĩ wa asu, aĩ na andũ ngili ilĩ e Mikimasi na nthĩ yĩ iĩma ya Mbethi-eli. Ala angĩ ngili ĩmwe maendie Ngivea kĩsionĩ kya nthĩ ya mbaĩ ya Mbengyameni. Maendie me na Yonathani mwana wake. Saũlo nĩweeie andũ ala angĩ onthe matialĩte nĩmenũke kĩla mũndũ kwake.
3
Yonathani nĩwavithũkĩie vala asikalĩ ma Avilisiti mambĩte maeema Ngeva na amasinda. Avilisiti nĩmeewie ũvoo ũsu. Nĩvo ĩndĩ Saũlo weeaie soo ũvuvwe nthĩ yonthe na kũineenwa ndeto ii: “Aevelania onthe nĩmethukĩĩsye!”
4
Andũ ma Ĩsilaeli nĩmeewie kana Saũlo nũvithũkĩie vala asikalĩ ma Avilisiti mambĩte maeema, na kana Avilisiti nĩmekũmena andũ ma Ĩsilaeli. Andũ nĩmeetiwe mathi Ngilikali kũla kwĩ Saũlo.
5
Avilisiti nĩmeeyũmbanisye kũkita andũ ma Ĩsilaeli. Maĩ na makasya ma kaũ ngili mĩongo ĩtatũ, asikalĩ ala maendaa malĩsĩte mbalasinĩ ngili thanthatũ, na o ta ũu maĩ na asikalĩ meana kĩthangathĩ kĩla kĩ ũtee wa ũkanga nĩ kwingĩva. Nĩmambatie mathi Mikimasi, ngalĩko ya wumĩlonĩ wa syũa ya Mbethi-aveni na mamba maeema moo vau.
6
Yĩla andũ ma Ĩsilaeli moonie kana me thĩnanĩ mũnene, na kana asikalĩ moo ma kaũ nĩ avinyĩĩe mũno, amwe nĩmeevithie ngunganĩ, angĩ meevitha maimanĩ, angĩ mavianĩ kana mbũanĩ, na angĩ meevitha ithimanĩ.
7
O na Aevelania angĩ nĩmaingie Ũsĩ wa Yolotani mathi kĩsionĩ kya nthĩ ya mbaĩ ya Ngandi na kya Ngileati. Saũlo atiiwe Ngilikali na andũ ala waĩ namo nĩmatetemaa nĩ w'ĩa.
8
Nĩweeteelile Samũeli vandũ va mĩthenya mũonza o tondũ Samũeli wamwĩaĩĩte eke, ĩndĩ Samũeli ndaĩ anamba kũka Ngilikali. Andũ nĩmambĩĩie kũmũtia Saũlo,
9
na kwoou amea atĩĩ, “Ndeteei nthembo ya kũvĩvw'a na nthembo ya ngwatanĩo.” Nĩwaumisye nthembo ya kũvĩvw'a.
10
Akilĩlye kũmina kumya nthembo oou, Samũeli nĩwavikie. Saũlo nĩwaendie kũmũthaũa nĩ kana amũkethye.
11
Samũeli nĩwamũkũlilye atĩĩ, “Ũndũ ũũ weeka nĩ mwaũ?” Nake Saũlo amũsũngĩa, “Andũ nĩmeĩendee na kũndia, na ndũnoka ĩvindanĩ yĩla ũnaĩtye ũkũka. Ũu wĩ o vo, Avilisiti mombanĩe Mikimasi.
12
Nĩvo ĩndĩ naisye, ‘Yu Avilisiti nĩmekũka vaa nĩĩ Ngilikali na ndinesa kwĩtya ũtethyo kuma kwa Mwĩai Ngai.’ Kwoou nĩnonie naĩlĩte kumya nthembo ya kũvĩvw'a.”
13
Samũeli nĩwamwĩie atĩĩ, “Weeka ũndũ wa ũtumanu. Ndũnaatĩĩa mwĩao ũla Mwĩai Ngai, Ngai waku ũkũnengie. Kethĩwa nũatĩĩie, Mwĩai Ngai ethĩwa akũekie wĩ na nzyawa syaku mũsumbĩke andũ ma Ĩsilaeli ĩvindanĩ yonthe yĩla yũkĩte.
14
Yu ũsumbĩ waku ndwĩendeea. Nũndũ nũleile kũatĩĩa mwĩao wa Mwĩai Ngai, Mwĩai Ngai nũmanthĩte mũndũ wa mũthemba ũla wendete na nũmũtw'ĩkĩthĩtye mũsumbĩ wa andũ make.”
15
Samũeli nĩwaumie Ngilikali na ambata Ngivea nthĩ ya Mbengyameni. Andũ ala angĩ nĩmaatĩĩie Saũlo aendete vala ve asikalĩ make. Nĩmambatie kuma Ngilikali mathi Ngivea nthĩ ya Mbengyameni. Saũlo nĩwatalile andũ ala waĩ namo, nao maĩ andũ ta maana thanthatũ.
16
Saũlo e na Yonathani mwana wake, na andũ ala maĩ vau nĩmekalile Ngeva nthĩ ya Mbengyameni; Avilisiti mambĩte maeema moo Mikimasi.
17
Asikalĩ ma Avilisiti nĩmaumie vala mambĩte maeema nĩ kana makavithũkĩe andũ ma Ĩsilaeli. Nĩmeeyĩaanĩtye ikundi itatũ: Kĩkundi kĩmwe kyaendie kyelekele Ovala ĩla yĩ kĩsionĩ kya nthĩ ya Suali,
18
kĩngĩ nĩkyaendie kyelekele Mbethi-oloni, na kĩla kĩngĩ kyathi mũvakanĩ ũla ũsyaĩtye ngalĩko ya ĩtheo, mwandanĩ wa Nzevoiimu ũla welekele weũnĩ.
19
Vai mũtwii wa syũma waĩ oneka nthĩ ya andũ ma Ĩsilaeli nũndũ Avilisiti nĩmaneenete makasya, “Aevelania mayaĩlĩte kwĩseũvĩsya mbyũ kana matumo.”
20
Kwoou andũ ma Ĩsilaeli nĩmaendaa kwa Avilisiti nĩ kana makanoewe mĩthya ya mĩlaũ yoo, maembe moo, mathoka na tũvyũ twa kũketha.
21
Avilisiti nĩmaĩvĩthasya andũ ma Ĩsilaeli mbesa mbingĩ mũno yĩla mathi kũnoewa mĩthya ya mĩlaũ, maembe, ũma kana mathoka kana yĩla mekwenda manoewe mĩthya ya ndata sya kũinga nzaũ yĩthĩwe yĩ myũĩ.
22
Kwoou mũthenyanĩ ũla kwaĩ kau, vai ũmwe wa Asikalĩ ma Ĩsilaeli waĩ na ũvyũ kana ĩtumo, ate o Saũlo na Yonathani.
23
Avilisiti nĩmatũmie nguthu ya Asikalĩ ĩthi ĩkasiĩĩe nzĩa ya kũlika Mikimasi.
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 14 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31