bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
1 Samuel 28
1 Samuel 28
Kamba (MBIVILIA ŨVOO MŨSEO)
← Chapter 27
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 29 →
1
Ĩvindanĩ yĩu Avilisiti nĩmoombanisye asikalĩ moo ma kaũ mathi makokite andũ ma Ĩsilaeli. Akisi nĩwaneenie na Ndeviti amwĩa atĩĩ, “No nginya ũmanye kana we na andũ maku mũkaendany'a vamwe nakwa kaũnĩ.”
2
Ndeviti nĩwamũsũngĩie amwĩa atĩĩ, “Nyie nĩ mũthũkũmi waku na nũkwĩyonea mwene ũndũ nyie ndonya kwĩka.” Akisi nĩwamwĩie, “Nũseo, nĩngũũtw'ĩkĩthya mũsikalĩ wa kũnzũvĩa ĩvindanĩ yonthe ya thayũ wakwa.”
3
Ĩvindanĩ yĩĩ Samũeli aĩ akwie na andũ onthe ma Ĩsilaeli nĩmaĩie nũndũ wa kĩkw'ũ kyake. Nĩmamũthikie ndũanĩ ya Lama vala watũaa. Saũlo aĩ analũngya andũ ala mamanyaa maũndũ kwĩsĩla mavevanĩ ma andũ ala makwie, na awe makauma nthĩ ya Ĩsilaeli.
4
Avilisiti nĩmoombanie na mathi mamba maeema moo ndũanĩ ya Sunemu, nake Saũlo oombany'a andũ onthe ma Ĩsilaeli, na mamba maeema moo Kĩĩmanĩ kya Ngilivoa.
5
Yĩla Saũlo woonie asikalĩ ma Avilisiti, nĩwakwatiwe nĩ w'ĩa mũno,
6
na kwoou akũlya Mwĩai Ngai ũndũ waĩlĩte kwĩka. Ĩndĩ Mwĩai Ngai ndaamũsũngĩa o na vanini kwĩsĩla ndotonĩ, kana kwa kũtũmĩa Ulimu kana kwĩsĩla kwa athani.
7
Nĩvo ĩndĩ Saũlo waneenie na anini make amea atĩĩ, “Endai mũkamanthĩe mũndũ mũka ũtonya kũmanya maũndũ kwĩsĩla mavevanĩ ma andũ ala akw'ũ, nĩ kana nĩthi kũla ũĩ na ngĩmũkũlya andavye maũndũ.” Anini make nĩmasũngĩie mamwĩa, “Ve ũmwe ũtũaa Enindoli.”
8
Kwoou Saũlo nĩweeyũlanĩthisye na eekĩa ngũa syĩ kĩvathũkany'o, na athi e na andũ make elĩ kũla kwĩ mũndũ mũka ũsu. Maendie kwa mũndũ mũka ũsu ũtukũ. Saũlo nĩwaneenie nake amwĩa atĩĩ, “Aũsya ũitũmĩa veva wa mũndũ mũkw'ũ, na ũindetee ĩũlũ wa nthĩ veva wa mũndũ ũla ngũweta.”
9
Mũndũ mũka ũsu nĩwamũsũngĩie amwĩa atĩĩ, “Kwa w'o we nĩwĩsĩ ũndũ Mũsumbĩ Saũlo wĩkĩte, ũndũ walũngilye andũ ala mamanyaa maũndũ kwĩsĩla mavevanĩ ma andũ ala makwie, na awe maume nthĩ ya Ĩsilaeli. Yu ĩndĩ nĩ kyaũ kĩũtuma wenda kũmbĩkĩĩa mũteo thayũnĩ wakwa nĩ kana nũawe?”
10
Saũlo nĩweevĩtie mbee wa mũndũ mũka ũsu asya atĩĩ, “Nĩngwĩvĩta ĩsyĩtwanĩ ya Mwĩai Ngai ũla wĩ thayũ kana ndwĩkanw'a nũndũ wa kwĩka ũu.”
11
Mũndũ mũka ũsu nĩwakũlilye Saũlo atĩĩ, “Wĩenda ngwĩtĩe ũũ oke?” Saũlo amwĩa, “Mbĩtĩe Samũeli.”
12
Yĩla mũndũ mũka ũsu woonie Samũeli, nĩwakayie na wasya mũnene na akũlya Saũlo, “Wangenga nĩkĩ? We nue Saũlo!”
13
Saũlo nĩwamũsũngĩie amwĩa, “Eka kũkĩa. Wĩona kyaũ?” Mũndũ mũka amwĩa, “Nĩona ngai yumĩte nthĩ yambatĩte.”
14
Saũlo amũkũlya, “Ĩilyĩ ata?” Mũndũ mũka amwĩa, “Mũtumĩa mũkũũ wĩkĩĩte ngũa ndaasa nĩwe ũkumĩla.” Nĩvo ĩndĩ Saũlo wamanyie kana nĩ Samũeli, na akoma nthĩ na ĩvu ũthyũ ũtinĩte nthĩ amũnenge ndaĩa.
15
Samũeli nĩwaneenie na Saũlo amwĩa atĩĩ, “Wanthokoa nĩkĩ? Watuma nzyoka ĩngĩ nĩkĩ?” Saũlo asũngĩa amwĩa, “Nyie nĩ thĩnanĩ mũnene. Avilisiti nĩmekũmbũkita na Ngai nũndekete, na o na ndanzũngĩaa nongi kwĩsĩla kwa athani kana ndotonĩ. Kwoou nakwĩta nĩ kana ũndavye ũndũ naĩlĩte kwĩka.”
16
Samũeli nĩwamũsũngĩie amwĩa atĩĩ, “Wĩenda kũngũlya ũndũ nĩkĩ, ethĩwa Mwĩai Ngai nũminĩte kũekana naku na akatw'ĩka mũmaitha waku?
17
Mwĩai Ngai ekanĩte naku o ũndũ waneenie kwĩsĩla vala nĩĩ. Nũminĩte kwosa ũsumbĩ kuma vala ũĩ, na vandũ vaku akaũnenga Ndeviti mũtũi waku.
18
We nĩwaleile kũatĩĩa ũndũ Mwĩai Ngai wakwĩaĩĩte, walea kũmina Aamaleki vyũ. Kĩu nĩkyo kĩũtuma Mwĩai Ngai akwĩka ũu yu.
19
Ekũnengane we vamwe na andũ onthe ma Ĩsilaeli ũtonyinĩ wa Avilisiti. Ũnĩ we na ana maku mũkakw'a, na mũyĩthĩwa vamwe nakwa vala maveva ma ala akw'ũ mekalaa. O ta ũu Mwĩai Ngai akanengane asikalĩ onthe ma Ĩsilaeli kũla kwĩ Avilisiti.”
20
Kwa mĩtũkĩ Saũlo nĩwavalũkile nthĩ na akoma etambũũkĩtye, nũndũ wa kũtelemw'a nĩ maũndũ ala Samũeli wamũtavisye. Saũlo ndaĩ na vinya nũndũ ndaĩte kĩndũ mũthenya ũsu w'onthe na ũtukũ ũsu w'onthe.
21
Ũla mũndũ mũka nĩwaendie vala ve Saũlo na amwĩthĩa e na w'ĩa mũno. Nĩwaneenie na Saũlo amwĩa atĩĩ, “Nyie mũthũkũmi waku nĩneeka ũndũ ũkwendaa. Nĩnalikya thayũ wakwa mũisyonĩ na neeka ũndũ wambĩa nĩke.
22
Yu nĩngũkwĩsũva, mbĩthukĩĩsye nyie mũthũkũmi waku na ũieka ngũnenge lĩu ũye, nĩ kana ũkwate vinya wa kũendeea na kyalo kyaku!”
23
Saũlo nĩwaleile kũya na asya, “Nyie ndiya!” Ĩndĩ andũ ala maĩ na Saũlo nĩmatetheanĩisye na mũndũ mũka ũsu kũmwĩsũva aye. Nĩweetĩkĩlile kũya na ookĩla kuma nthĩ na ekalĩla ũkomo.
24
Kwa mĩtũkĩ mũndũ mũka ũsu nĩwooaie kasalũ kala waĩ anaĩthya kakanoa. Nĩwoosie mũtu, aũkima na aua mĩkate ĩte mĩkĩe mbota.
25
Nĩwanengie Saũlo na andũ make lĩu ũsu namo maya. Ũtukũ o ũsu, nĩmookĩlile mathi.
← Chapter 27
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 29 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31