bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
1 Samuel 26
1 Samuel 26
Kamba (MBIVILIA ŨVOO MŨSEO)
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 27 →
1
Andũ amwe kuma Nzivu nĩmaendie Ngivea vala ve Saũlo, na mamũtavya kana Ndeviti evithĩte kĩĩmanĩ kya Akila, kĩla kĩ ũtee wa weũ wa Yuta.
2
Saũlo nĩwookĩlile na atheea e na asikalĩ ala aseo ma Ĩsilaeli ngili itatũ, mathi weũnĩ wa Nzivu makamanthe Ndeviti.
3
Saũlo nĩwambie maeema ũtee wa nzĩa Kĩĩmanĩ kya Akila weũnĩ ũsu. Ĩvindanĩ yĩu, Ndeviti aĩ o weũnĩ, na yĩla wamanyie kana Saũlo okĩte kũmũmantha,
4
nĩwatũmie andũ mathi kwa kĩmbithĩ na mamanya kana Saũlo kwa w'o aĩ vau.
5
Ndeviti nĩwaendie vala Saũlo wambĩte maeema. Nĩwoonie vala Saũlo na Avineli mwana wa Neli, mũnene wa Asikalĩ, makomete. Saũlo akomete vau katĩ, na asikalĩ make mambĩte maeema mamũthyũlũlũkĩte.
6
Ndeviti nĩwaneenie na Aimeleki ũla waĩ Mũititi na Avisai mwana-a-inyia wa Yoavu mwana wa Nzeluia amakũlya atĩĩ, “Nũũ ũla ngũendany'a nake nginya vala Saũlo wambĩte maeema?” Avisai nĩwasũngĩie asya, “Nĩngũendany'a naku.”
7
Kwoou ũtukũ ũsu Ndeviti na Avisai nĩmalikile vala maeema ma Saũlo mambĩtwe, na meethĩa akomete katĩ katĩ wa vau maeema mambĩtwe, ĩtumo yake yĩnzĩlĩtwe nthĩ vakuvĩ na mũtwe wake. Avineli vamwe na asikalĩ ala angĩ makomete mamũthyũlũlũkĩte.
8
Avisai nĩwaneenie na Ndeviti amwĩa atĩĩ, “Ũmũnthĩ Ngai nĩwanengane mũmaitha waku ũtonyinĩ waku. Yu ĩndĩ nĩngũkwĩsũva eka nĩmũtonyanĩsye na nthĩ na ĩtumo ĩtonya o yĩmwe, o na ndimũtonya kelĩ?”
9
Ĩndĩ Ndeviti amwĩa atĩĩ, “Ndũkatate kũmwĩka ũndũ mũthũku! Nũũ ũtonya kwĩka mwĩtĩkĩw'a mauta wa Mwĩai Ngai ũndũ mũthũku na ayĩthĩwa ate na ĩvĩtyo?”
10
Ndeviti nĩwaendeeie kũneena asya atĩĩ, “Nĩngwĩvĩta ĩsyĩtwanĩ ya Mwĩai Ngai ũla wĩ thayũ, kana Mwĩai Ngai nĩwe wĩmũaa ĩvinda ya kũkw'a kwake yavika, kana athi kaũnĩ na ayũaĩwa kw'o.
11
Mwĩai Ngai nĩanziĩĩe ndikatate kwĩka mwĩtĩkĩw'a mauta wake ũndũ mũthũku. Yu osa ĩtumo na sũva wa kĩw'ũ ila syĩ vakuvĩ na mũtwe wa Saũlo na tũithi.”
12
Kwoou Ndeviti nĩwoosie ĩtumo yĩu na ũla sũva wa kĩw'ũ, ila syaĩ vakuvĩ na mũtwe wa Saũlo, na e na Avisai mathi. Vai mũndũ o na ũmwe waaona kana akamanya kĩla kyeekĩka. O na vai ũmwe waamũka; onthe makomete makalĩkwa vyũ, nũndũ Mwĩai Ngai nĩwatumĩte methĩwa na too mwingĩ.
13
Nĩvo ĩndĩ Ndeviti waendie mũingo ũla ũngĩ na aũngama kĩĩmanĩ ĩũlũ, vandũ vaasanga ũkethĩa ve mwanya mũnene katĩ woo.
14
Nĩweetie asikalĩ ma Saũlo ma kaũ na eeta Avineli mwana wa Neli ayasya, “Avineli, nũkũmbĩw'a?” Avineli nĩwakũlilye atĩĩ, “Nũũ ũsu ũkũlonzany'a na kũamũkya mũsumbĩ?”
15
Ndeviti asũngĩa amwĩa atĩĩ, “We Avineli, nũndũ ũte mũndũ ũla wĩ nguma vyũ Ĩsilaeli? Wĩlea kũsũvĩa mũnene waku mũsumbĩ nĩkĩ? Ve mũndũ walika vala maeema mambĩtwe oae mũnene waku.
16
Weeka ũndũ mũthũku. Nĩngwĩvĩta ĩsyĩtwanĩ ya Mwĩai Ngai ũla wĩ thayũ, kana we na andũ maku mwaĩlĩte kũawa, nũndũ mũinasũvĩa mũnene wenyu ũla nĩ mwĩtĩkĩw'a mauta wa Mwĩai Ngai. Sisya vau, ĩtumo ya mũsumbĩ yĩĩva? Ũĩva ũla sũva wa kĩw'ũ wĩĩ vakuvĩ na mũtwe wake?”
17
Saũlo nĩwamanyie wasya wa Ndeviti na akũlya atĩĩ, “Wasya ũsu nĩ waku, mwana wakwa Ndeviti?” Ndeviti nĩwamũsũngĩie amwĩa, “Ĩĩ, nĩ wasya wakwa we mũsumbĩ, mũnene wakwa.”
18
Ndeviti nĩwaendeeie kũneena akũlya atĩĩ, “Mũnene wakwa, ũendee kũngatĩĩa nĩkĩ? Nĩkĩte ata? Ĩvĩtyo yakwa nĩ yĩva?
19
Mũnene wakwa, ĩthukĩĩsye ũndũ nyie mũthũkũmi waku ngwasya. Ethĩwa Mwĩai Ngai nĩwe ũtumĩte ũnthokoa, aumĩw'a nthembo nĩaalyũle mesilya make. Ĩndĩ ethĩwa nĩ andũ mekĩte ũu, nĩmakwatwe nĩ kĩumo kya Mwĩai Ngai, nĩkwĩthĩwa nĩmandũngĩtye kuma nthĩ ĩla Mwĩai Ngai watũnengie yĩthĩwe ũtiĩwa witũ, na ngathi nthĩ ĩla ĩthaithawa ngai sya mĩvw'anano syĩ syoka.
20
Ndũkaekane nakwa nũaĩwe nthĩ yĩ vaasa na vala Mwĩai Ngai ũĩ. Nĩ kĩtumi kyaũ we mũsumbĩ wa Ĩsilaeli ũũmantha ngala takwa, o tondũ mũndũ ũsyĩmaa ngwae iĩmanĩ?”
21
Saũlo nĩwasũngĩie asya atĩĩ, “Nĩnĩkĩte naĩ. Ndeviti mwana wakwa syoka! Ndikaakwĩka ũndũ mũthũku ĩngĩ, nũndũ nĩwalea kũmbũaa ũmũnthĩ. Nyie nĩthĩĩtwe nĩ mũtumanu. Nĩnĩvĩtĩtye mũno.”
22
Ndeviti nĩwasũngĩie Saũlo amwĩa atĩĩ, “Mũnene wakwa, ĩtumo yaku nĩ yĩĩ, eka ũmwe wa anake maku oke ayose.
23
Mwĩai Ngai nũtuvaa kĩla mũndũ nũndũ wa kwĩthĩwa e mũlũngalu na e mũĩkĩĩku. Ũmũnthĩ Mwĩai Ngai nũkũnenganie ũtonyinĩ wakwa, ĩndĩ ndinakwĩka ũndũ mũthũku we mwĩtĩkĩw'a mauta wa Mwĩai Ngai.
24
O tondũ nasũvĩa thayũ waku ũmũnthĩ, Mwĩai Ngai nĩasũvĩe thayũ wakwa, na aimbonokya kuma ũnyamaonĩ w'onthe!”
25
Nĩvo ĩndĩ Saũlo waneenie na Ndeviti amwĩa atĩĩ, “Mwana wakwa, Ngai nĩakũathime. Ũkeekaa maũndũ manene, na vate nzika ũkasinda.” Kwoou Ndeviti nĩweeyĩendeie, nake Saũlo asyoka mũsyĩ.
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 27 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31