bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
1 Samuel 18
1 Samuel 18
Kamba (MBIVILIA ŨVOO MŨSEO)
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 19 →
1
Ndeviti amina kũneena na Saũlo, Yonathani mwana wa Saũlo nĩwendeeiw'e mũno nĩ Ndeviti, na amwenda o tondũ weeyendete mwene.
2
Kuma mũthenya ũsu Saũlo nĩwekalanilye na Ndeviti kwake na ndaaĩtĩkĩla enũke mũsyĩ kwa ĩthe wake.
3
Yonathani nĩwaseũvisye ũtianĩo na Ndeviti, nũndũ amwendete o tondũ weeyendete.
4
Yonathani nĩwaumisye ngũa yake ndaasa ĩla weekĩĩte na amĩnenga Ndeviti. O ta ũu nĩwamũnengie ngao, ũvyũ, ũta na mũsivi wake.
5
Ndeviti nĩweekaa nesa mũno kũndũ kw'onthe kũla Saũlo wamũtũma, nginya Saũlo amũtw'ĩkĩthya ũmwe wa atongoi ma asikalĩ make. Ũndũ ũsu nĩwendeeisye andũ onthe o vamwe na atongoi ala angĩ ma Saũlo.
6
Ĩvindanĩ yĩla asikalĩ masyokete mĩsyĩ ĩtina wa Ndeviti kũaa ũla Mũvilisiti, aka kuma kĩla ndũanĩ ya Ĩsilaeli nĩmaendie kũthaũa Mũsumbĩ Saũlo. Aka asu nĩmainĩte mbathi sya ũtanu na nĩmasũngaa makũnĩte ndambulĩnĩ na syĩndũ ingĩ sya mbathi.
7
Maendee na kũsũnga mainaa mayasya, “Saũlo nĩwũaĩte andũ ngili, nake Ndeviti nĩwũaĩte andũ ngili makũmi.”
8
Saũlo ndaaendeew'a nĩ ndeto isu, na kwoou eew'a woo mwingĩ mũno. Nĩwaneenie asya atĩĩ, “Nĩmatalĩle Ndeviti ngili makũmi, nakwa mandalĩle o ngili. Kĩla kĩatĩĩe yu nĩ kũtw'ĩkĩthya Ndeviti mũsumbĩ!”
9
Kwa kĩtumi kĩu kuma mũthenyanĩ ũsu, Saũlo nĩwambĩĩie kwĩw'ĩa Ndeviti kĩwĩu.
10
Mũthenyanĩ ũla waatĩĩe, Ngai nĩwaekie veva mũthũku walika Saũlo, na ambĩĩa kũlonza e vau nyũmba ta mũndũ wa ndũũka. Ndeviti nĩwaendee kũkũna ngitaa o tondũ weekaa. Ĩvindanĩ yĩu Saũlo akwete ĩtumo.
11
Saũlo nĩwekisye ĩtumo yĩu nũndũ asũanĩie asya, “Nĩngũmũtonyanĩsya na ũkũta.” Nĩwekisye ĩtumo yĩu kelĩ yelekele Ndeviti, ĩndĩ nake Ndeviti ayathũkĩa mavinda asu elĩ.
12
Saũlo akĩaa Ndeviti nũndũ Mwĩai Ngai aĩ vamwe na Ndeviti, ĩndĩ nĩwamũtiĩte Saũlo.
13
Kwoou Saũlo nĩwalũngilye Ndeviti auma vakuvĩ nake, na amũtw'ĩkĩthya mũnene wa asikalĩ ngili ĩmwe. Ndeviti nĩwatongoesye asikalĩ make kaũnĩ,
14
na nĩwaendeeie nesa maũndũnĩ make onthe ala weekaa, nũndũ Mwĩai Ngai aĩ vamwe nake.
15
Yĩla Saũlo woonie ũndũ Ndeviti waendee nesa, nĩwambĩĩie kũmũkĩa mbeange.
16
Ĩndĩ andũ onthe ma Ĩsilaeli na Yuta nĩmendete Ndeviti, nũndũ nĩwamatongoeasya maendete kaũnĩ.
17
Saũlo nĩwaneenie na Ndeviti amwĩa atĩĩ, “Ũũ nĩ Melavu mwĩĩtu wakwa ũla mũkũũ. Nĩngũũnenga we ũmũtwae ethĩwa ũkanthũkũmaa ta mũsikalĩ ngũmbaũ na mwĩwi, na ũyũkitaa makaũnĩ ma Mwĩai Ngai.” Saũlo asũanĩaa kana kwa nzĩa ĩsu Avilisiti makooaa Ndeviti na kwoou ũyĩthĩa ti we mwene wamũaa.
18
Ĩndĩ Ndeviti nĩwakũlilye Saũlo atĩĩ, “Nyie ninyie ũũ na mũsyĩ witũ, kana andũ ma ĩthe wakwa nĩmo aaũ katĩ wa andũ ma Ĩsilaeli, nĩ kana nĩtw'ĩke mũthoni wa mũsumbĩ?”
19
Ĩndĩ yĩla ĩvinda yavikie nĩ kana Melavu anenganwe kũla kwĩ Ndeviti, vandũ va kũnenganwe kwa Ndeviti nĩwanenganiwe kũla kwĩ mũndũ weetawa Atilieli waumĩte Meolathi atw'ĩka mũka wake.
20
Mikali mwĩĩtu wa Saũlo nĩwendie Ndeviti. Yĩla Saũlo weewie ũu nĩwendeeiw'e mũno.
21
Saũlo nĩwasũanĩie asya, “Nĩngũnengane Mikali kũla kwĩ Ndeviti nĩ kana ethĩwe e mũteo kwake, na kwoou ayũawa nĩ Avilisiti.” Nĩvo ĩndĩ Saũlo weeie Ndeviti atĩĩ, “Yu nĩwakwata mwanya ũngĩ wa kũtw'ĩka mũthoni wakwa.”
22
Saũlo nĩweeyĩaĩie athũkũmi make amea atĩĩ, “Neenai na Ndeviti kĩmbithĩnĩ mũmwĩe, ‘Ndeviti, mũsumbĩ nĩwendeeiw'e nue, na athũkũmi make onthe nĩmakwendete na kwoou yu tw'ĩka mũthoni wake.’ ”
23
Kwoou nĩmatavisye Ndeviti ũu, nake asũngĩa amakũlya atĩĩ, “Mwĩsũanĩa nĩ ũndũ ũnini mũndũ kũtw'ĩka mũthoni wa mũsumbĩ? Nyie nĩ o mũndũ ngya ũtesĩkĩe mũno.”
24
Athũkũmi asu nĩmatavisye Saũlo ũndũ Ndeviti waisye.
25
Saũlo nĩwameaĩie amea nĩmathi makaneene na Ndeviti mamwĩe atĩĩ, “Mũsumbĩ ndekwenda ngasya o na ĩmwe; kĩla ũkwenda kuma kwaku nĩ ikonde ĩana sya kũndũ kwa kĩmbithĩ sya Avilisiti ala wũaĩte ta ũĩvanĩsyo kũla kwĩ amaitha ma mũsumbĩ.” Saũlo avangĩte Ndeviti oawe nĩ Avilisiti.
26
Yĩla athũkũmi ma Saũlo matavisye Ndeviti ũndũ matavĩtw'e nĩ Saũlo, Ndeviti nĩwendeeiw'e nĩ kũtw'ĩka mũthoni wa mũsumbĩ. Mbee wa mũthenya ũla wavangĩtwe wa mũtwaano,
27
Ndeviti na asikalĩ make nĩmaendie na mooaa Avilisiti maana elĩ. Nĩwakuie ikonde syoo syonthe atwaĩa mũsumbĩ nĩ kana atwae mwĩĩtu wake. Kwoou Saũlo nĩwanenganie mwĩĩtu wake Mikali atwawa nĩ Ndeviti.
28
Saũlo nĩwamanyie kwa w'o ki kana Mwĩai Ngai aĩ vamwe na Ndeviti, na kana Mikali mwĩĩtu wake nĩwendete Ndeviti.
29
Kwoou Saũlo nĩwaendeeie kũkĩa Ndeviti mbeange, na aendeea kwĩthĩwa e mũmaitha wa Ndeviti ĩvindanĩ yonthe ya thayũ wake.
30
Atongoi ma asikalĩ ma Avilisiti nĩmookaa makokita, ĩndĩ kĩla ĩvinda Ndeviti nĩweethĩawa na ũsindi mũnene mbee wa atongoi ala angĩ onthe ma asikalĩ ma Saũlo. Nũndũ wa ũu, Ndeviti nĩwatw'ĩkie mũndũ wĩ nguma mũno.
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 19 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31