2 Samuel 23

Luganda (BIBU1) (BIBULIYA ENTUKUVU)

← Chapter 22 Jump to: Chapter 24 →

1Bino bye bigambo bya Dawudi ebyasembayo: “Ebigambo bya Dawudi mutabani wa Yesse, obubaka bw'omusajja eyasukkulumizibwa waggulu, omusiige wa Katonda wa Yakobo, omuyimbi wa Yisirayeli ow'ennyimba.

2“Mwoyo w'Omukama yayogerera mu nze, n'ebigambo bye byandi ku lulimi.

3Katonda wa Yisirayeli yayogera, Olwazi lwa Yisirayeli yaŋŋamba: ‘Afuga abantu mu butuukirivu, afuga ng'atya Katonda,

4ali ng'ekitangaala kya mmambya ng'asala ng'eggulu tekuli bire, ng'ekitangaala ekijja ng'enkuba ekedde, ekimerusa omuddo mu ttaka.’

5“Ennyumba yange tenyweredde ku Katonda? Yakola nange endagaano ey'olubeerera, nnuŋŋamu mu byonna, nnywevu. Taliwa obulokofu bwange bwonna na buli kye neegomba okubala?

6Naye ababi balikanyugibwa eri ng'amaggwa, agatayoolwawo na ngalo.

7Ayagadde okugakwatako, yeeyamba kyuma oba lunyago; we gali, we gookerwa.”

8Gano ge mannya g'abasajja ba Dawudi abazira: Yosebu-Bassebeti Omutakukemoni; ye yali omukulu w'Abasatu. Effumu lye yaligalulira abantu lunaana, n'abatta mu lulwana lumu.

9Amuddirira ye Eleyazari, mutabani wa Dodo Omwakoki. Ali mu bazira Asatu abaali ne Dawudi e Pasi-Dammimu Abafilisitiini lwe baakuŋŋaanirayo okubatabaala bo abasajja ba Yisirayeli ne badduka.

10Naye ye yagumirawo, n'atta Abafilisitiini okutuusa omukono gwe lwe gwakoowa, ne gukakanyalira ku kitala; Omukama ku olwo yawa obuwanguzi obw'amaanyi; abantu ne badda ewa Eleyazari, naye nga lwa kwenyagira bintu.

11Amuddirira ye Samma, mutabani wa Age Omwarari. Abafilisitiini baakuŋŋaana mu Leki mu kifo awaali ennimiro ejjudde empokya. Amagye ga Yisirayeli ne gadduka Abafilisitiini,

12naye Samma n'agumira mu nnimiro wakati, n'agitaasa, n'akuba Abafilisitiini. Omukama n'awa obuwanguzi obw'amaanyi.

13Mu budde obw'amakungula basatu mu kibinja ky'Asatu baaserengeta ewa Dawudi mu mpuku y'e Adullamu; Abafilisitiini nga bo basiisidde mu kiwonvu ky'e Refayimu.

14Olwo Dawudi yali mu bwekwekero; yo enkambi y'Abafilisitiini yali Beteleemu.

15Dawudi n'ayagala okunywa amazzi, n'agamba nti: “Singa waliwo andeetera ku mazzi ag'omu kidiba ekiri okumpi n'omulyango gw'e Beteleemu.”

16Abasajja abazira basatu ne bawaguza mu lusiisira lw'Abafilisitiini, ne basena amazzi mu kidiba ky'e Beteleemu ekyali okumpi n'omulyango, ne bagaleetera Dawudi. Naye n'agaana okuganywa, wabula n'agayiwa awo mu maaso g'Omukama,

17ng'agamba nti: “Kikafuuwe, Mukama, nze okukola kino; nze nnywe omusaayi gw'abantu bano abaatunze obulamu bwabwe?” Bw'atyo n'atayagala kunywa. Abazira abasatu ebyo bye baakola.

18Abisayi, muganda wa Yowabu mutabani wa Zeruya, ye yali omukulu w'Abasatu. Yagalulira effumu lye abasajja ebikumi bisatu n'abatta, ne yeekolera erinnya mu Asatu.

19Teyassibwamu ekitiibwa okusinga n'Abasatu? Yafuuka mukulu waabwe, naye teyatuuka bali Abasatu.

20Ne Benaaya mutabani wa Yoyada yali musajja muzira eyakola ebingi; yali ava Kabuzeeli. Oyo yatta abasajja abazira babiri ab'e Mowabu. Era ku lunaku olw'omuzira yakkirira mu bunnya bw'oluzzi n'atta empologoma.

21Era yatta omusajja Omumisiri omuwagguufu; omusajja yalina effumu mu mukono, naye yaserengeta gy'ali n'omuggo. Effumu n'alisika ku Mumisiri ate n'amussisa effumu lye lyennyini.

22Benaaya, mutabani wa Yoyada, ebyo bye yakola; naye abalirwa mu Basatu abazira.

23Yassibwamu ekitiibwa okusinga Asatu, naye era teyatuuka bali Abasatu. Dawudi yamufuula mutwe gwa bakuumi be.

24Asa-Eli muganda wa Yowabu yali mu Makumi Asatu. Elukanani mutabani wa Dodo ow'e Beteleemu;

25Samma ow'e Karodi; Elika ow'e Karodi;

26Kelezi ow'e Paluti; Yira mutabani wa Yikkesi, ow'e Tekowa;

27Abiyezeri ow'e Anatoti; Mebunnayi Omukusati;

28Zalumoni Omwakoki; Mawarayi owe Netofa;

29Kelebu mutabani wa Baana, ow'e Netofa; Yittayi mutabani wa Ribayi ow'e Gibewa eky'Ababenyamiini;

30Benaaya ow'e Piratoni; Yiddayi ow'e Nakale-Gaasi;

31Abi-Aluboni ow'e Beti-Aruba; Azumaveti ow'e Bakurimu;

32Eliyakuba ow'e Saaluboni; batabani ba Yaseni; Yonatani

33Samma Omwarari; Akiyamu mutabani wa Sarari Omwarari;

34Elifeleti mutabani wa Akasubayi, ow'e Beti-Maaka; Eliyamu mutabani wa Akitofeli Omugilo;

35Kezuro ow'e Karumeli; Paarayi Omwaruba;

36Yigali mutabani wa Natani, ow'e Zoba; mutabani wa Agadi;

37Zeleki Omwammoni; Nakarayi Omubeeroti, omwetissi w'ebyokulwanyisa bya Yowabu mutabani wa Zeruya;

38Yira Omuyituri; Garebu Omuyituri;

39Wuriya Omukitti. Bonna wamu, makumi asatu mu musanvu.

← Chapter 22 Jump to: Chapter 24 →