bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Deuteronomy 11
Deuteronomy 11
Lahu Bible Edited © Thailand Bible Society and Bible Society of Myanmar, 2010, 2020.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 12 →
1
Nawˬ hui ve Jawˇmawˇ Gʼuiˬsha hta‸ ha‸ leh, yawˇ ve awˬliˇtawˇhkawˇ hta‸ hkʼaˬ htaˆ ka‸ na yuˬ-o‸.
2
Nawˬ hui gʼa shiˍ gʼa mawˬ taˍ peuˬ ve Gʼuiˬsha chi teˇ gʼaˇ hta‸ ya‸ nyi hkʼa deh‸ dawˇ nawˇ taˍ-o‸. Gʼuiˬsha hkʼaˬ ma uiˍ jaˇ mvuhˇ jaˇ ve leh, Yawˇ kanˇ paˆ hkʼaˬ ma uiˍ jaˇ ve hta‸ nawˬ hui gʼa mawˬ taˍ peuˬ.
3
Yawˇ te maˍ laˇ ve anˇ tuˬ awˬ heˆ teˇ hpaˍ hta‸ htawˇ, nawˬ hui gʼa mawˬ taˍ peuˬ. Eˇjiˇtu‸ jawˇmawˇ leh yawˇ ve mvuhˇmiˬ hta‸ Yawˇ hkʼaˬ hkʼe te piˇ ve hta‸ htawˇ, ngaˬ hui gʼa mawˬ taˉ peuˬ.
4
Eˇjiˇtu‸ ma‸ yaˇ teˇ hpaˍ iˉ mvuhˇ lawˬ ciˇ leh nawˬ hui hkʼaˇ suh gʼa‸ yuˬ laˬ chehˇ htaˇ, Laˇ tsuhˇ gʼuiˬ hkʼaw Gʼuiˬsha yawˇ hui hta‸ hkʼaˬ hkʼe te luˬ te sheˆ piˇ ve hta‸ nawˬ hui gʼa mawˬ taˉ peuˬ.
5
Nawˬ hui choˬ kaˬ lo maˇ gaˬ la sheˍ gʼuˇ suhˍ, heh puiˉ hkʼaw lo Yawˇ nawˬ hui awˬ pon kanˉ hkʼaˬ hkʼe te laˇ taˍ peuˬ ve hta‸ htawˇ nawˬ hui gʼa mawˬ taˉ peuˬ.
6
Ruˇbenˍ awˬ ceuˬ awˬ hkʼaˇ, Eˇlaˍbaˆ ve yaˇ Daˍtanˍ leh Aˍbiˆranˍ hui hta‸ Gʼuiˬsha hkʼaˬ hkʼe te piˇ peuˬ ve hta‸ nawˬ hui dawˇ nawˇ chehˇ ve yoˬ. Nawˬ hui hkʼa peu-eˬ mehˆ gʼuˇsuhˍ lo miˬguiˬ pe‸ hkoˇ sheˬ leh yawˇ huiˉ maˬ hta‸ maˇ kʼoˆ, yawˇ hui ve miˇ yaˇ, yawˇ hui ve aˉ po kʼo, yawˇ hui ve awˬ ceˬ, leh yawˇ hui ve ceˇ hkʼa peu-eˬ hta‸ maˇ kʼoˆ hehˆ dawˬ sheˬ ve yoˬ.
7
Nawˬ hui lehˬ Gʼuiˬsha te taˍ peuˬ ve uiˍ jaˇ ve kanˉ chi teˇ hpaˍ hta‸ gʼa mawˬ taˉ peuˬ ve chaw teˇ hpaˍ hpeh‸ ve yoˬ.
8
Ya‸ nyi ngaˬ nawˬ hui hta‸ kʼoˆ laˇ chehˇ ve tawˇ hkʼa peu-eˬ ve hta‸ na yuˬ-o‸. Oˇ hkʼe te ve kʼo, nawˬ hui lehˬ Yawˇdanˍ iˉ kaˆ lawˬ chi hta‸ gʼa hkanˍ tawˆ-e leh, mvuhˇmiˬ oˇ ve hkʼaw gʼa ca chehˇ tuˬ yoˬ.
9
Nawˬ hui ve awˬ puˍ awˬ pi hui hta‸ Yawˇ piˇ tuˬ ka ti‸ te taˍ peuˬ ve hkuiˇ jaˇ da‸ jaˇ ve mvuhˇmiˬ oˇ ve hkʼaw nawˬ hui maw maw gʼa chehˇ tuˬ yoˬ.
10
Chi beu‸ nawˬ hui ca chehˇ tuˬ ve mvuhˇmiˬ oˇ ve lehˬ, ponˬ laˬ htaˇ nawˬ hui chehˇ jaw taˉ ve Eˇjiˇtu‸ mvuhˇmiˬ hkʼe maˇ heˆ. Ponˬ laˬ htaˇ, nawˬ hui lehˬ iˉ kaˆ gʼuiˬ hkʼaˇ duˇ keu leh ti mi gʼa te caˇ ve yoˬ.
11
Ya‸ hkʼaˇ, chi beu‸ nawˬ hui ca chehˇ tuˬ ve mvuhˇmiˬ oˇ ve lehˬ, hkʼaw mvuh lawˬ naˉ leh mvuhˇ yeˬ hkʼa biˇ cawˬ ve yoˬ.
12
Nawˬ hui ve Gʼuiˬsha lehˬ, mvuhˇmiˬ oˇ ve hta‸ teˇ hkʼaw‸ ma nyi ha‸ shaˉ taˍ ve yoˬ.
13
Chi hta‸ pa taw, ya‸ nyi ngaˬ nawˬ hui hta‸ kʼoˆ laˇ chehˇ ve tawˇ chi teˇ hpaˍ hta‸ hkʼa deh‸ na yuˬ-o‸. Nawˬ hui ve Jawˇmawˇ Gʼuiˬsha hta‸ ha‸ leh, nyi ma awˬ tawˬ hkʼa gaˬ Yawˇ ve kanˉ hta‸ te-o.
14
Oˇ hkʼe te ve kʼo, nawˬ hui loˍ la htaˇ yawˇ mvuhˇ yeˬ ya‸ la piˇ leh, nawˬ hui ve mvuhˇmiˬ hkʼaw caˬ shiˍ, a pehˉ meuˇ shiˍ leh shaˍlonˍ chu hkʼa biˇ cawˬ la tuˬ yoˬ.
15
Nawˬ hui ve ceˇ teˇ hpaˍ awˬ pon htawˇ, mvuh‸ hkʼa biˇ cawˬ la tuˬ yoˬ. Nawˬ hui caˇ gaˇ ve caˇ tuˬ laiˉ ceuˬ hta‸ nawˬ hui gʼa caˇ tuˬ yoˬ
16
Nawˬ hui shu hkawˇ na leh, awˬ kaˍ awˬ nu gʼuiˬsha teˇ hpaˍ hta‸ oˉ kʼoˍ maˇ gʼa pui tuˬ shaˍ ti‸ taˍ-o‸.
17
Nawˬ hui oˇ hkʼe te ve kʼo, Gʼuiˬsha nawˬ hui hta‸ nyi ma zuhˆ la tuˬ yoˬ. Yawˇ mvuhˇ yeˬ maˇ kʼaw‸ laˬ piˇ leh, nawˬ hui ve miˬguiˬ goˇ choˆ kʼai tuˬ yoˬ. Oˇ hkʼe hpeh‸ la ve kʼo, Yawˇ nawˬ hui hta‸ piˇ laˇ taˍ ve mvuhˇmiˬ oˇ ve hkʼaˬ ma da‸ jaˇ ve htawˇ, nawˬ hui oˇ kaˬ lo gʼa suh-e tuˬ yoˬ.
18
Chi hta‸ pa taw, ngaˬ kʼoˆ laˇ chehˇ ve tawˇ hta‸ hkʼaˬ htaˆ ka‸ dawˇ nawˇ taˍ-o‸. Nawˬ hui shaˍ ti‸ gʼa tuˬ, oˇ ve teˇ hpaˍ hta‸ nawˬ hui ve la‸ sheh leh nawˬ hui ve naˍ kʼaˍ pui hkʼoˆ lo hpeh tsuh‸ taˍ-o‸.
19
Nawˬ hui ve yaˇ teˇ hpaˍ hta‸ htawˇ maˍ piˇ-oˆ. Nawˬ hui aˉ hkʼaw chehˇ htaˇ maˇ kʼoˆ, ya‸ kʼaw te toˇ chehˇ htaˇ maˇ kʼoˆ, gʼaˇ jehˇ chehˇ htaˇ maˇ kʼoˆ, kanˉ te chehˇ htaˇ maˇ kʼoˆ, yawˇ hui hta‸ maˍ piˇ tcuhˉ taˍ-o‸.
20
Tawˇ hkawˇ oˇ ve teˇ hpaˍ hta‸ nawˬ hui ve yehˬ miˉ leh taˍ meu‸ hpe‸ teˇ hpaˍ hkʼoˆ lo htawˇ bvuh‸ teh taˍ-o‸.
21
Oˇ hkʼe te ve kʼo, nawˬ hui leh nawˬ hui ve yaˇ teˇ hpaˍ lehˬ, nawˬ hui ve awˬ puˍ awˬ pi hui hta‸ Gʼuiˬsha piˇ tuˬ ka ti‸ te taˍ ve mvuhˇmiˬ oˇ ve hkʼaw maw maw gʼa chehˇ tuˬ yoˬ. Mvuhˇ naw ma chi ve miˬguiˬ hkʼoˆ lo cawˬ taˍ sheˍ ve ceh ceh, nawˬ hui mvuhˇmiˬ oˇ ve hkʼaw gʼa chehˇ tuˬ yoˬ.
22
Ngaˬ nawˬ hui hta‸ kʼoˆ laˇ chehˇ ve tawˇ chi teˇ hpaˍ hta‸ hkʼa deh‸ na yuˬ-o‸. Nawˬ hui ve Jawˇmawˇ Gʼuiˬsha hta‸ ha‸ leh, ka ti‸ yeˬ ve hkʼaw yawˇ kʼoˆ laˇ ve hkʼe te-o.
23
Oˇ hkʼe te ve kʼo, nawˬ hui awˬ gʼuˇ suhˍ kʼai chehˇ ve teˇ yanˇ, Yawˇ lehˬ chaw ceuˬ oˇ ve teˇ hpaˍ hta‸ gʼa‸ kʼoˬ laˇ leh, nawˬ hui a‸ kehˉ awˬ gʼaˇ uiˍ ve chaw oˇ ve teˇ hpaˍ ve mvuhˇmiˬ hkʼaw nawˬ hui hta‸ chehˇ tcuh laˇ tuˬ yoˬ.
24
Nawˬ hui hkʼa naˆ toˇ taˉ peuˬ ve miˬguiˬ lehˬ, nawˬ hui ve mvuhˇmiˬ hpeh‸ la tuˬ yoˬ. Nawˬ hui ve miˬ tcuhˉ lehˬ, awˬ hawˉ hpawˇ lo cawˬ ve hteunˍ lonˉ hta‸ te leh, awˬ na hpawˇ lo cawˬ ve Leˍbaˍnonˍ hkʼaw lo hkʼa gaˬ, mvuh nyi tawˆ hpawˇ lo cawˬ ve Uˇhpaˍraˆ iˉ kaˆ lawˬ hta‸ te leh, mvuhˇ nyi kʼehˬ hpawˇ lo cawˬ ve Awˬ kʼaw ji ve laˇ tsuhˇ gʼuiˬ lo hkʼa gaˬ hpeh‸ tuˬ yoˬ.
25
Mvuhˇmiˬ oˇ ve hkʼaw nawˬ hui hkʼaˬ lo teˇ kaˬ kʼai ve maˇ kʼoˆ, Gʼuiˬsha Yawˇ ka ti‸ te taˍ peuˬve hkʼe, chaw hkʼa peu-eˬ nawˬ hui hta‸ kawˆ leh, teˇ gʼaˇ ka‸ nawˬ hui hta‸ tawˍ taˍ haˆ tuˬ ve maˇ heˆ.
26
Ya‸ nyi ngaˬ nawˬ hui hta‸ leuˆ yuˬ tcuh laˇ ve yoˬ. Awˬ bon na‸ laˇ ve hta‸ heuˆ gaˇ ve laˇ. Maˇ heˆ kʼo, hkeu ve hta‸ heuˆ gaˇ ve laˇ.
27
Ya‸ nyi ngaˬ nawˬ hui hta‸ kʼoˆ laˇ chehˇ ve Gʼuiˬsha ve tawˇ chi teˇ hpaˍ hta‸ na yuˬ ve kʼo, awˬ bon na‸ laˇ ve hta‸ gʼa tuˬ yoˬ.
28
Nawˬ hui tawˇ oˇ ve teˇ hpaˍ hta‸ maˇ na yuˬ leh, nawˬ hui teˇ pawˆ ka‸ oˉ kʼoˍ maˇ pui jaw ve awˬ kaˍ awˬ nu gʼuiˬsha teˇ hpaˍ hta‸ oˉ kʼoˍ pui ve kʼo, hkeu ve hta‸ gʼa hkanˍ tuˬ yoˬ.
29
Nawˬ hui lehˬ, Gʼuiˬsha piˇ laˇ chehˇ ve mvuhˇmiˬ oˇ ve hkʼaw gaˬ ve teˇ yanˇ, Geˍraˍzenˍ hkʼaw hta‸ awˬ bon gʼa na‸ piˇ leh, Eˇbaˍlaˆ hkʼaw hta‸ gʼa hkeu piˇ ve yoˬ.
30
(Hkʼaw chi ve nyiˇ maˬ lehˬ, Hkaˍnaˍniˆ mvuhˇmiˬ, Yawˇdanˍ iˉ kaˆ lawˬ mvuhˇ nyi kʼehˬ hpawˇ lo cawˬ leh, Giˇlaˍgaˍ venˇ paˇ lo cawˬ ve Mawˇreˍ teh‸ kʼoˆ ve da‸ kehˬ ve suhˆ tsuh de hta‸ tcuhˇ tcuhˬ maˇ vuiˇ da‸.)
31
Nawˬ hui lehˬ Gʼuiˬsha piˇ laˇ taˍ ve mvuhˇmiˬ hkʼaw ca lo‸ chehˇ tuˬ awˬ pon, Yawˇdanˍ iˉ kaˆ lawˬ hta‸ gʼa hkanˍ tawˆ-e tuˬ yoˬ.
32
Nawˬ hui oˇ kaˬ lo gaˬ ve teˇ yanˇ, ya‸ nyi ngaˬ nawˬ hui hta‸ kʼoˆ laˇ taˍ peuˬ ve awˬliˇtawˇhkawˇ chi teˇ hpaˍ hta‸ hkʼa deh‸ na yuˬ tuˬ shaˍ ti‸ taˍ-o‸.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 12 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34