bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Deuteronomy 31
Deuteronomy 31
Lahu Bible Edited © Thailand Bible Society and Bible Society of Myanmar, 2010, 2020.
← Chapter 30
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 32 →
1
Moˉseˍ Iˉsaˍreˍlaˆ chaw hui hta‸ tawˇ kʼaw‸ yaw piˇ leh kʼoˆ ve,
2
Chi beu‸ ngaˬ ve a sha‸ teˇ ha nyiˇ chi hkʼaw‸ gaˬ peuˬve pa taw, nawˬ hui htaˬ kʼaw‸ shiˍ kʼai tuˬ te maˇ gʼa-o. Chi hkʼoˆ ka‸, Yawˇdanˍ iˉ kaˆ lawˬ coˇ paˉ hpawˇ lo hkanˍ tawˆ-e tuˬ, Gʼuiˬsha ngaˬ hta‸ a hkaw-anˬ maˇ pe‸ laˇ.
3
Nawˬ hui ve Gʼuiˬsha nawˬ hui gʼuˇ suhˍ lo kʼai leh, nawˬ hui mvuhˇmiˬ oˇ ve hkʼaw gʼa chehˇ tuˬ, Yawˇ lehˬ canˇ paˍ teˇ hpaˍ hta‸ te luˬ te sheˆ piˇ tuˬ yoˬ. Gʼuiˬsha kʼoˆ taˍ peuˬ ve hkʼe, Yawˇsuˆ lehˬ nawˬ hui ve awˬ hoˉ kʼaw‸ hpeh‸ la tuˬ yoˬ.
4
Gʼuiˬsha lehˬ Aˍmawˇriˆ jawˇmawˇ Siˉhonˍ leh Awˇgaˆ hui hta‸ te luˬ piˇ ve hkʼe, chaw oˇ ve teˇ hpaˍ hta‸ htawˇ te luˬ piˇ tuˬ yoˬ.
5
Gʼuiˬsha lehˬ, nawˬ hui hta‸ gʼaˇ shehˍ hpaˇ hpeh‸ la piˇ leh, ngaˬ nawˬ hui hta‸ kʼoˆ piˇ taˍ peuˬve hkʼe, yawˇ hui hta‸ gʼa te piˇ ve yoˬ.
6
Awˬ gʼaˇ yuˬ tawˆ leh ha‸ hanˉ ve nyi ma cawˬ piˇ-oˆ. Yawˇ hui hta‸ taˇ kawˆ. Nawˬ hui ve Gʼuiˬsha nawˬ hui geh chehˇ taˍ tuˬ yoˬ. Yawˇ nawˬ hui hta‸ baˬ taˉ laˇ tuˬ ve maˇ heˆ, teh‸ yawˇ hui hta‸ kʼoˆ piˇ ve yoˬ.
7
Oˇ ve hkʼaw‸ nawˉ, Moˉseˍ Yawˇsuˆ hta‸ kuˬ yuˬ leh Iˉsaˍreˍlaˆ chaw chi ma ve mehˆ gʼuˇ suhˍ lo yawˇ hta‸ chi hkʼe kʼoˆ piˇ ve yoˬ. Awˬ gʼaˇ yuˬ tawˆ leh ha‸ hanˉ ve nyi ma cawˬ piˇ-oˆ. Nawˬ lehˬ chaw chi teˇ hpaˍ hta‸ shiˍ leh, Gʼuiˬsha yawˇ hui ve awˬ puˍ awˬ pi hui hta‸ piˇ tuˬ ka ti‸ te taˍ ve mvuhˇmiˬ hkʼaw gʼa shiˍ kʼai piˇ ve yoˬ.
8
Gʼuiˬsha nawˬ geh chehˇ leh, nawˬ hta‸ shiˍ kʼai laˇ tuˬ yoˬ. Yawˇ nawˬ hta‸ baˬ taˉ laˇ tuˬve maˇ heˆ. Chi hta‸ pa taw, nyi ma taˇ luˬ. Kawˆ ve nyi ma ka‸ taˇ cawˬ piˇ, teh‸ Yawˇsuˆ hta‸ kʼoˆ piˇ ve yoˬ.
9
Hkʼe te leh, Moˉseˍ lehˬ Gʼuiˬsha ve awˬliˇtawˇhkawˇ teˇ hpaˍ hta‸ bvuh‸ keu leh, ka ti‸ shaˉ caˆ ta kʼoˍ hta‸ ha‸ shaˉ chehˇ ve Leˍviˆ chaw paw hkuˇ teˇ hpaˍ leh, Iˉsaˍreˍlaˆ chaw awˬ hoˉ awˬ naˬ hui hta‸ chiˇ a‸ piˇ peuˬ hkʼaw‸ nawˉ, yawˇ hui hta‸ chi hkʼe kʼoˆ piˇ ve yoˬ.
10
Suhˍ hkʼaw‸ biˇ leh shu ve jeˬ hta‸ ponˬ piˇ ve awˬ yanˇ gaˬ htaˇ leh, aˉ po kʼo pawehˇ te htaˇ, nawˬ hui lehˬ awˬliˇtawˇhkawˇ li‸ daw chi ve hkʼaw bvuh‸ taˍ ve teˇ hpaˍ Iˉsaˍreˍlaˆ chaw hui hta‸ awˬ hkawˇ bvuhˬ chaweh gʼa te gʼaw maˍ piˇ ve yoˬ.
11
Chaw yaˇ teˇ hpaˍ Gʼuiˬsha hta‸ oˉ kʼoˍ pui tuˬ hpawnˬ laˬ ve teˇ yanˇ, yawˇ hui hta‸ gʼaw maˍ piˇ-oˆ.
12
Iˉsaˍreˍlaˆ chaw hawˉ hkʼaˆ, yaˇ miˇ, yaˇ ehˉ leh nawˬ hui geh chehˇ taˍ ve hkehˉ chaw hkʼa peu-eˬ ve hta‸ kuˬ hpawnˬ leh, yawˇ hui Gʼuiˬsha hta‸ yawˆ yan leh awˬliˇtawˇhkawˇ chi teˇ hpaˍ hta‸ na yuˬ hpeh‸ tuˬ, yawˇ hui hta‸ gʼaw maˍ piˇ-oˆ.
13
Oˇ hkʼe te ve kʼo, awˬliˇtawˇhkawˇ hta‸ teˇ pawˆ ka‸ maˇ gʼa kaˇ jaw sheˍ ve nawˬ hui ve awˬ ceuˬ awˬ hkʼaˇ teˇ hpaˍ htawˇ, gʼa shiˍ gʼa kaˇ leh, Yawˇdanˍ iˉ kaˆ lawˬ coˇ paˉ lo cawˬ ve mvuhˇmiˬ hkʼaw yawˇ hui te‸ chehˇ ve teˇ co-e, Gʼuiˬsha ve tawˇ hkawˇ hta‸ na yuˬ puiˉ la tuˬ yoˬ, teh‸ yawˇ hui hta‸ kʼoˆ piˇ ve yoˬ.
14
Oˇ ve hkʼaw‸ nawˉ, Gʼuiˬsha Moˉseˍ hta‸ chi hkʼe kʼaw‸ kʼoˆ piˇ ve yoˬ. Nawˬ maw maw gʼa chehˇ tuˬ ve maˇ heˆ. Chi hta‸ pa taw, ngaˬ Yawˇsuˆ hta‸ tawˇ yaw piˇ hpeh‸ tuˬ yawˇ hta‸ aˉ po kʼo bon yehˬ hkʼaw shiˍ veu laˇ-oˆ, teh‸ yawˇ hta‸ kʼoˆ piˇ ve yoˬ.
15
Hkʼe te leh, Moˉseˍ Yawˇsuˆ hta‸ shiˍ veu leh aˉ po kʼo bon yehˬ lo kʼai ve yoˬ. Oˇ htaˇ, Gʼuiˬsha lehˬ aˉ po kʼo bon yehˬ yehˬmiˉhpe‸ lo, moˬ yehˬ hkuiˉ daw hkʼaw chehˇ taˍ ve yoˬ.
16
Oˇ htaˇ, Gʼuiˬsha Moˉseˍ hta‸ chi hkʼe kʼoˆ piˇ ve yoˬ. Maˇ maw maw nawˬ gʼa suh-e tuˬ yoˬ. Nawˬ suh peuˬ hkʼaw‸ nawˉ kʼo, Iˉsaˍreˍlaˆ chaw teˇ hpaˍ ngaˬ hta‸ ka ti‸ maˇ kʼaw‸ yeˬ leh, ngaˬ yawˇ hui hta‸ te piˇ taˍ ve ka ti‸ hta‸ te luˬ tuˬ yoˬ. Yawˇ hui ngaˬ hta‸ chiˇ baˬ leh, chi beu‸ yawˇ hui ca chehˇ tuˬ ve mvuhˇmiˬ hkʼaw cawˬ ve gʼuiˬsha teˇ hpaˍ hta‸ oˉ kʼoˍ ca pui tuˬ yoˬ.
17
Oˇ hkʼe hpeh‸ la ve kʼo, ngaˬ yawˇ hui hta‸ nyi ma zuhˆ la tuˬ yoˬ. Ngaˬ yawˇ hui hta‸ chiˇ baˬ piˇ leh, yawˇ hui luˬ kuiˬ sheˆ kuiˬ lo gʼa gaˬ tuˬ yoˬ. Kawˆ tuˬ dawˇ haˍ tuˬ yawˇ hui awˬ hkʼoˆ lo gaˬ la ve teˇ yanˇ, chi hkʼe hpeh‸ la ve lehˬ, ngaˬ yawˇ hui geh maˇ chehˇ-o ve hta‸ yawˇ hui shiˍ la tuˬ yoˬ.
18
Ngaˬ yawˇ hui hta‸ kʼaw‸ ga piˇ tuˬ ve maˇ heˆ. Awˬ lawn kʼo, yawˇ hui lehˬ cha‸ chiˆ ve kanˉ hta‸ te leh, awˬ nu ve gʼuiˬsha teˇ hpaˍ hta‸ oˉ kʼoˍ pui ve pa taw yoˬ.
19
Chi beu‸ kʼa muiˬ hkawˇ chi hta‸ bvuh‸ keu taˍ-o‸. Iˉsaˍreˍlaˆ chaw hui shaˍ ti‸ gʼa tuˬ, yawˇ hui hta‸ kʼa maˍ piˇ-oˆ.
20
Ngaˬ yawˇ hui ve awˬ puˍ awˬ pi hui hta‸ ka ti‸ te piˇ taˍ peuˬ ve hkʼe, hkuiˇ jaˇ da‸ jaˇ ve mvuhˇmiˬ oˇ ve lo ngaˬ yawˇ hui hta‸ shiˍ kʼai piˇ tuˬ yoˬ. Oˇ kaˬ lo yawˇ hui lehˬ, a shu yawˇ caˇ gaˇ ve caˇ tuˬ hta‸ hkʼa bvuhˆ gʼa caˇ leh, ha lehˬ ha kʼa gʼa chehˇ tuˬ yoˬ. Ya‸ hkʼaˇ, yawˇ hui kʼaw‸ hpfuhˆ leh awˬ nu ve gʼuiˬsha teˇ hpaˍ hta‸ oˉ kʼoˍ pui tuˬ yoˬ. Yawˇ hui ngaˬ hta‸ chiˇ baˬ leh, ngaˬ ve ka ti‸ shaˉ caˆ hta‸ te luˬ tuˬ yoˬ.
21
Oˇ htaˇ, kawˆ tuˬ dawˇ haˍ tuˬ yawˇ hui awˬ hkʼoˆ gaˬ la tuˬ yoˬ. Ya‸ hkʼaˇ, yawˇ hui kʼa muiˬ hkawˇ chi hta‸ kʼa leh shaˍ ti‸ gʼa tuˬ yoˬ. Ngaˬ yawˇ hui hta‸ piˇ tuˬ ka ti‸ te taˍ ve mvuhˇmiˬ hkʼaw, ngaˬ yawˇ hui hta‸ maˇ shiˍ kʼai piˇ sheˍ ka‸, yawˇ hui ve nyi ma hkʼaw hkʼaˬ hkʼe dawˇ chehˇ ve hta‸ ngaˬ shiˍ taˍ peuˬ, teh‸ yawˇ hta‸ kʼoˆ piˇ ve yoˬ.
22
Oˇ ve teˇ nyi awˬ hkʼaw lo, Moˉseˍ lehˬ kʼa muiˬ hkawˇ oˇ ve hta‸ bvuh‸ yuˬ leh, Iˉsaˍreˍlaˆ chaw hui hta‸ kʼa maˍ piˇ ve yoˬ.
23
Oˇ ve hkʼaw‸ nawˉ, Gʼuiˬsha Nunˍ ve yaˇ Yawˇsuˆ hta‸ tawˇ yaw piˇ leh kʼoˆ ve, Awˬ gʼaˇ yuˬ tawˆ leh ha‸ hanˉ ve nyi ma cawˬ piˇ-oˆ. Nawˬ lehˬ, Iˉsaˍreˍlaˆ chaw chi teˇ hpaˍ hta‸ shiˍ leh, ngaˬ yawˇ hui hta‸ piˇ tuˬ ka ti‸ te taˍ peuˬ ve mvuhˇmiˬ lo gʼa shiˍ kʼai piˇ tuˬ yoˬ. Ngaˬ nawˬ geh chehˇ taˍ ve yoˬ, teh‸ yawˇ hta‸ kʼoˆ piˇ ve yoˬ.
24
Moˉseˍ lehˬ, Gʼuiˬsha ve awˬliˇtawˇhkawˇ teˇ maˬ ka‸ maˇ gʼa ce taˉ tuˬ, shaˍ ti‸ hkʼa deh‸ taˍ leh li‸ daw hkʼaw bvuh‸ keu taˍ ve yoˬ.
25
Yawˇ bvuh‸ keu peuˬ ve teˇ yanˇ, ka ti‸ shaˉ caˆ ta kʼoˍ hta‸ ha‸ shaˉ shehˍ hpaˇ Leˍviˆ chaw paw hkuˇ teˇ hpaˍ hta‸ chi hkʼe kʼoˆ piˇ ve yoˬ.
26
Iˉsaˍreˍlaˆ chaw hui awˬ pon shaˉ hkiˆ hpeh‸ tuˬ, nawˬ hui awˬliˇtawˇhkawˇ li‸ daw chi hta‸ yuˬ leh, ka ti‸ shaˉ caˆ ta kʼoˍ awˬ paˇ lo ca teh taˍ-oˬ.
27
Yawˇ hui hkʼaˬ ma nyi ma heh leh, hkʼaˬ ma kʼaw‸ hpfuhˆ puiˉ ve chaw hpeh‸ ve hta‸ ngaˬ shiˍ taˍ ve yoˬ. Ngaˬ a sha‸ te‸ chehˇ ve teˇ co-e, yawˇ hui Gʼuiˬsha hta‸ kʼaw‸ hpfuhˆ chehˇ ve yoˬ. Ngaˬ suh peuˬ hkʼaw‸ nawˉ, yawˇ hui chi a‸ kehˉ leuˉ leh Gʼuiˬsha hta‸ kʼaw‸ hpfuhˆ tuˬ ve yoˬ.
28
Awˬ ceuˬ chi teˇ hpaˍ ngaˬ yawˇ hui ve awˬ hoˉ awˬ naˬ hui hta‸ kʼoˆ maˍ piˇ hpeh‸ tuˬ, yawˇ hui hta‸ ngaˬ mehˆ gʼuˇ suhˍ kuˬ hpawnˬ-o‸. Chi hta‸ shaˉ hkiˆ hpeh‸ tuˬ, miˬguiˬ leh mvuhˇ naw ma hta‸ ngaˬ kuˬ teh taˍ tuˬ yoˬ.
29
Ngaˬ suh peuˬ hkʼaw‸nawˉ, chaw chi teˇ hpaˍ haiˬ la leh, ngaˬ yawˇ hui hta‸ maˍ piˇ taˍ ve tawˇ teˇ hpaˍ hta‸ baˬ taˉ tuˬ ve hta‸ ngaˬ shiˍ taˍ ve yoˬ. Awˬ yanˇ gaˬ la ve kʼo, yawˇ hui kawˆ tuˬ dawˇ haˍ tuˬ hta‸ gʼa hpuˇ tuˬ yoˬ. Awˬ lawn kʼo, yawˇ hui lehˬ Gʼuiˬsha maˇ te tcuh ve kanˉ hta‸ te leh, Gʼuiˬsha nyi ma zuhˆ tuˬ te piˇ ve pa taw yoˬ, teh‸ yawˇ hui hta‸ kʼoˆ piˇ ve yoˬ.
30
Oˇ ve hkʼaw‸ nawˉ, Iˉsaˍreˍlaˆ chaw hui hpoˆ na chehˇ ve teˇ yanˇ, Moˉseˍ lehˬ kʼa muiˬ hkawˇ chi ve yawˇ hui hta‸ kʼa maˍ piˇ ve yoˬ.
← Chapter 30
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 32 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34