bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Deuteronomy 5
Deuteronomy 5
Lahu Bible Edited © Thailand Bible Society and Bible Society of Myanmar, 2010, 2020.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 6 →
1
Moˉseˍ lehˬ, Iˉsaˍreˍlaˆ chaw hkʼa peu-eˬ ve hta‸ kuˬ yuˬ leh, yawˇ hui hta‸ chi hkʼe kʼoˆ piˇ ve yoˬ. Iˉsaˍreˍlaˆ chaw teˇ hpaˍ-oˬ, ya‸ nyi ngaˬ nawˬ hui hta‸ piˇ laˇ chehˇ ve awˬliˇtawˇhkawˇ teˇ hpaˍ hta‸ hkʼa deh‸ henˇ yuˬ leh, awˬ hkʼaˇ suh te kʼai-o.
2
Gʼuiˬsha lehˬ, Siˉnaˆ hkʼaw hkʼoˆ lo ka ti‸ shaˉ caˆ te laˇ taˍ peuˬ ve yoˬ.
3
Nawˬ hui ve awˬ pa teˇ hpaˍ hta‸ ceh tiˉ maˇ heˆ. Ya‸ nyi te‸ chehˇ ve ngaˬ hui hkʼa peu-eˬ hta‸ ka‸ te laˇ taˍ ve yoˬ.
4
Oˇ kaˬ lo Gʼuiˬsha lehˬ, aˬ miˍ ha hkʼaw chehˇ taˍ leh nawˬ hui hta‸ tawˇ yawˇ laˇ ve yoˬ.
5
Ngaˬ lehˬ, Gʼuiˬsha leh nawˬ hui awˬ kaˍ lo huˉ taˍ leh, yawˇ kʼoˆ laˇ ve tawˇ nawˬ hui hta‸ teˇ caˉ kʼaw‸ kʼoˆ laˇ chehˇ ve yoˬ. Awˬ lawn kʼo, nawˬ hui lehˬ aˬ miˍ ha hta‸ kawˆ ve pa taw hkʼaw hkʼoˆ lo taˆ-e maˇ haˆ ve yoˬ.
6
Gʼuiˬsha kʼoˆ ve, Ngaˬ lehˬ nawˬ hui ve Jawˇmawˇ Gʼuiˬsha hpeh‸ leh, Eˇjiˇtu‸ mvuhˇmiˬ hkʼaw shu ceˬ te chehˇ taˍ kuiˬ lo nawˬ hui hta‸ ponˬ laˇ shehˍ hpaˇ hpeh‸ ve yoˬ.
7
Ngaˬ hta‸ maˇ heˆ kʼo, awˬ kaˍ awˬ nu gʼuiˬsha hta‸ nawˬ hui oˉ kʼoˍ maˇ gʼa pui.
8
Mvuhˇnaw miˬguiˬ leh iˉ kaˆ hkʼaw cawˬ ve awˬ ceuˬ teˇ hpaˍ hta‸ shuˍ da‸ ve shaˉ ho‸ hkʼaˬ hkʼe ve teˇ ceuˬ hta‸ maˇ kʼoˆ, nawˬ hui maˇ gʼa te.
9
Shaˉ ho‸ hkʼaˬ hkʼe ve teˇ ceuˬ hta‸ maˇ kʼoˆ, oˉ kʼoˍ maˇ gʼa pui. Awˬ lawn kʼo, ngaˬ lehˬ nawˬ hui ve Jawˇmawˇ Gʼuiˬsha hpeh‸ leh, awˬ kaˍ awˬ nu gʼuiˬsha teˇ hpaˍ hta‸ ngaˬ a ciˉ ka‸ nyi ma maˇ cawˇ. Ngaˬ hta‸ canˇ ve chaw hta‸ ngaˬ ciˍ yanˍ piˇ leh, yawˇ hui ve yaˇ shehˆ co, awˇ co hkʼa gaˬ gʼa hkanˍ tuˬ yoˬ.
10
Ya‸ hkʼaˇ, ngaˬ hta‸ ha‸ leh ngaˬ ve awˬliˇtawˇhkawˇ hta‸ na yuˬ chehˇ ve chaw hta‸ ngaˬ ha kʼaˉ piˇ leh, yawˇ hui ve yaˇ awˇ hinˉ co hkʼa gaˬ chi hkʼe ha kʼaˉ ve awˬ bon hta‸ gʼa tuˬ yoˬ.
11
Ngaˬ ve awˬ meh hta‸ hkʼe leˇ maˇ gʼa kuˬ guiˇ. Awˬ lawn kʼo, oˇ hkʼe te ve chaw hta‸ ngaˬ ciˍ yanˍ piˇ tuˬ yoˬ.
12
Ngaˬ nawˬ hui hta‸ kʼoˆ piˇ taˍ peuˬ ve hkʼe, shinˉ nyi teˇ nyi lehˬ da‸ kehˬ ve awˬ nyi hpeh‸ ve hta‸ nawˬ hui gʼa dawˇ nawˇ taˍ ve yoˬ.
13
Nawˬ hui kanˉ te caˇ tuˬ ve awˬ nyi hkaw‸ nyi cawˬ ve yoˬ.
14
Ya‸ hkʼaˇ, suhˍ nyi teˇ nyi lehˬ ngaˬ awˬ pon fuiˍ teh taˍ ve gʼaˇ jehˇ ve awˬ nyi hpeh‸ ve yoˬ. Chaw teˇ gʼaˇ ka‸ shinˉ nyi htaˇ kanˉ maˇ gʼa te. Nawˬ hui leh nawˬ hui ve yaˇ, nawˬ hui ve ceˇ, nawˬ hui ve awˬ ceˬ leh nawˬ hui geh chehˇ taˍ ve hkehˉ chaw hkʼaˬ ve teˇ gʼaˇ maˇ kʼoˆ, kanˉ maˇ gʼa te. Nawˬ hui ve awˬ ceˬ teˇ hpaˍ hta‸ htawˇ, nawˬ hui hkʼa shuˍ gʼa jehˇ tcuh taˍ ve yoˬ.
15
Nawˬ hui htawˇ Eˇjiˇtu‸ mvuhˇ mi hkʼaw shu ceˬ te jaw taˉ peuˬ ve hta‸ dawˇ nawˇ-oˆ. Ya‸ hkʼaˇ, ngaˬ ve kanˇ paˆ hta‸ cuˇ leh nawˬ hui hta‸ ponˬ piˇ taˍ peuˬ ve yoˬ. Chi hta‸ pa taw shinˉ nyi htaˇ gʼaˇ jehˇ tuˬ ngaˬ nawˬ hui hta‸ tawˇ pe‸ laˇ ve yoˬ.
16
Ngaˬ nawˬ hui hta‸ piˇ taˍ ve mvuhˇmiˬ hkʼaw co zuhˬ ha zuhˬ gʼa chehˇ leh, da‸ ve awˬ meh gʼa tuˬ, ngaˬ nawˬ hui hta‸ kʼoˆ piˇ taˍ peuˬ ve hkʼe, a shu yawˇ ve awˬ pa awˬ e hta‸ yawˆ yawˆ yan yan te-o.
17
Chaw hta‸ nawˬ maˇ gʼa tiˇ pehˍ.
18
Nawˬ haˉ chawˇ haˉ paˆ maˇ gʼa te.
19
Shu ve mawˇ hta‸ nawˬ maˇ gʼa hkʼawˇ.
20
Shu hta‸ maˇ heˆ heˆ ve shaˉ hkiˆ nawˬ maˇ gʼa hkanˍ.
21
Shu miˇ ma hta‸ nawˬ maˇ gʼa hkʼawˇ faˍ. Shu ve yehˬ, shu ve ti mi, shu ve awˬ ceˬ, shu ve nuˇ, shu ve piˉ laˬ leh shu ve mawˇ hkʼaˬ ve teˇ ceuˬ hta‸ maˇ kʼoˆ, nawˬ maˇ gʼa sheˉ lai, teh‸ Gʼuiˬsha kʼoˆ ve yoˬ.
22
Nawˬ hui lehˬ, hkʼaw pui oˇ ve awˬ paˇ lo hpawnˬ chehˇ htaˇ, awˬliˇtawˇhkawˇ chi teˇ hpaˍ Gʼuiˬsha nawˬ hui hta‸ piˇ taˍ ve yoˬ. Yawˇ aˬ miˍ ha leh moˬ hkʼaw lo awˬ hkawˇ bvuhˬ chaweh tawˇ yaw laˇ chehˇ ve lehˬ, nawˬ hui hta‸ awˬliˇtawˇhkawˇ chi teˇ hpaˍ piˇ laˇ chehˇ ve yoˬ. Oˇ ve hkʼaw‸ nawˉ, yawˇ lehˬ awˬliˇtawˇhkawˇ oˇ ve teˇ hpaˍ hta‸ haˉ pui baˉ nyiˇ maˬ hkʼoˆ lo bvuh‸ keu leh, ngaˬ hta‸ pe‸ laˇ ve yoˬ.
23
Hkʼaw oˇ ve awˬ hkʼoˆ lo aˬ miˍ ha hkʼa biˇ tawˆ la leh, naˆ ho‸ kuiˬ hkʼaw awˬ hkawˇ bvuhˬ tawˆ la ve hta‸ nawˬ hui gʼa kaˇ ve teˇ yanˇ, nawˬ hui ve awˬ hoˉ awˬ naˬ teˇ hpaˍ ngaˬ geh jiˆ laˬ leh kʼoˆ ve,
24
Ngaˬ hui ve Gʼuiˬsha lehˬ, aˬ miˍ ha hkʼaw chehˇ taˍ leh ngaˬ hui hta‸ tawˇ yaw laˇ chehˇ ve teˇ yanˇ, yawˇ ve awˬ me‸ awˬ hponˇ leh kanˇ paˆ ngaˬ hui hta‸ hpeu‸ maˍ laˇ chehˇ ve yoˬ. Chaw yaˇ hta‸ Gʼuiˬsha tawˇ yaw piˇ ve htawˇ, chaw oˇ ve maˇ suh ve hta‸ ya‸ nyi ngaˬ hui gʼa mawˬ peuˬ.
25
Ya‸ hkʼaˇ, Gʼuiˬsha ngaˬ hui hta‸ tawˇ teˇ pawˆ kʼaw‸ yaw laˇ ve kʼo, ngaˬ hui suh-e peuˬ tuˬ yoˬ. Aˬ miˍ oˇ ve ngaˬ hui hta‸ to‸ baˬ laˇ tuˬ yoˬ.
26
Gʼuiˬsha aˬ miˍ ha hkʼaw chehˇ leh tawˇ yaw piˇ ve hta‸ gʼa kaˇ peuˬ hkʼaw‸ nawˉ, te‸ chehˇ ve chaw teˇ gʼaˇ gʼaˇ cawˬ jaw laˇ.
27
Moˉseˍ-oˬ, nawˬ kʼaw‸ kʼo‸-e leh Gʼuiˬsha kʼoˆ laˇ chehˇ ve tawˇ hta‸ ca kʼaw‸ na-e loˬ. Oˇ ve hkʼaw‸ nawˉ, nawˬ ngaˬ hui geh kʼaw‸ ya‸ la leh, ngaˬ hui hta‸ kʼaw‸ kʼoˆ maˍ laˇ-oˆ. Ngaˬ hui nawˬ kʼoˆ laˇ ve tawˇ hta‸ na yuˬ tuˬ yoˬ, teh‸ ngaˬ hta‸ kʼoˆ laˇ ve yoˬ.
28
Chi hkʼe kʼoˆ chehˇ ve tawˇ hta‸ Gʼuiˬsha gʼa kaˇ ve teˇ yanˇ, yawˇ ngaˬ hta‸ chi hkʼe kʼaw‸ kʼoˆ laˇ ve yoˬ. Chaw chi teˇ hpaˍ kʼoˆ chehˇ ve tawˇ hta‸ ngaˬ gʼa kaˇ peuˬ. Yawˇ hui kʼoˆ ve cawˇ ve yoˬ.
29
Yawˇ hui ve nyi ma hkʼaw hkʼaˬ htaˆ ka‸ chi hkʼe cawˬ leh, ngaˬ ve awˬliˇtawˇhkawˇ teˇ hpaˍ hta‸ na yuˬ chehˇ ve kʼo, yawˇ hui leh yawˇ hui ve awˬ ceuˬ awˬ hkʼaˇ hkʼa peu-eˬ, co co taiˍ taiˍ ha lehˬ dawˇ sha gʼa chehˇ tuˬ yoˬ.
30
Yawˇ hui geh kʼaw‸ kʼo‸-e leh, yawˇ hui hta‸ a shu yawˇ ve fa la lo kʼaw‸ kʼo‸-e tcuh-o.
31
Ya‸ hkʼaˇ, Moˉseˍ-oˬ, nawˬ lehˬ choˬ kaˬ ngaˬ geh chehˇ taˍ-o‸. Ngaˬ ve awˬliˇtawˇhkawˇ hkʼa peu-eˬ, ngaˬ nawˬ hta‸ piˇ laˇ tuˬ yoˬ. Ngaˬ yawˇ hui hta‸ piˇ taˍ ve mvuhˇmiˬ hkʼaw gaˬ htaˇ, yawˇ hui ngaˬ ve awˬliˇtawˇhkawˇ chi teˇ hpaˍ hta‸ na yuˬ tuˬ, nawˬ yawˇ hui hta‸ teˇ caˉ kʼaw‸ hto maˍ piˇ-oˆ, teh‸ ngaˬ hta‸ kʼoˆ laˇ ve yoˬ.
32
Iˉsaˍreˍlaˆ chaw teˇ hpaˍ-oˬ, Gʼuiˬsha ve awˬliˇtawˇhkawˇ teˇ hpaˍ hta‸ hkʼa deh‸ na yuˬ leh, yawˇ te tcuh laˇ ve kanˉ teˇ hpaˍ hta‸ hkʼa deh‸ te-o.
33
Nawˬ hui ca chehˇ tuˬ ve mvuhˇmiˬ oˇ ve hkʼaw, co zuhˬ ha zuhˬ gʼa chehˇ leh ha lehˬ dawˇ sha ve hta‸ gʼa tuˬ, awˬliˇtawˇhkawˇ oˇ ve teˇ hpaˍ hta‸ hkʼa deh‸ na yuˬ-o‸.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 6 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34