bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Deuteronomy 24
Deuteronomy 24
Lahu Bible Edited © Thailand Bible Society and Bible Society of Myanmar, 2010, 2020.
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 25 →
1
Chaw teˇ gʼaˇ awˬ miˇ ma heuˆ peuˬ hkʼaw‸ nawˉ, yaˇ miˇ oˇ ve hta‸ maˇ kʼaw‸ heuˆ gaˇ ve pa taw, yawˇ hta‸ baˬ ve li‸ teˇ kʼoˆ bvuh‸ piˇ leh gʼa‸ kʼoˬ piˇ ve yoˬ.
2
Oˇ ve hkʼaw‸ nawˉ, yaˇ miˇ oˇ ve awˬ nu ve chaw teˇ gʼaˇ hta‸ kʼaw‸ heuˆ kʼai ve yoˬ.
3
Ya‸ hkʼaˇ, chaw oˇ ve htawˇ yaˇ miˇ oˇ ve hta‸ maˇ kʼaw‸ heuˆ gaˇ ve pa taw, yawˇ hta‸ baˬ ve li‸ teˇ kʼoˆ bvuh‸ piˇ leh gʼa‸ kʼoˬ piˇ ve yoˬ. Awˬ hkʼaw‸ nawˉ hawˉ hkʼaˆ oˇ ve suh kʼai ve yoˬ.
4
Awˉ lawˉ peuˇ ve awˬ hpawˇ lehˬ, yaˇ miˇ oˇ ve hta‸ kʼaw‸ heuˆ maˇ hpeh‸. Yaˇ miˇ oˇ ve maˇ da‸ kehˬ teh‸ gʼa shawˍ taˍ ve yoˬ. Yawˇ yaˇ miˇ oˇ ve hta‸ kʼaw‸ heuˆ ve kʼo, Gʼuiˬsha hta‸ te ya‸ ve yoˬ. Gʼuiˬsha nawˬ hui hta‸ piˇ laˇ taˍ ve mvuhˇmiˬ oˇ ve hkʼaw, nawˬ hui chi hkʼe ve venˇbaˆ maˇ gʼa te.
5
Awˬ miˇ ma heuˆ gehˇ sheˍ ve chaw teˇ gʼaˇ hta‸ ma‸ yaˇ maˇ kʼoˆ, mvuhˇmiˬ kanˉ maˇ kʼoˆ, maˇ gʼa te tcuh. Teˇ hkʼaw‸ jehˇ leh awˬ miˇ ma geh ha lehˬ ha kʼa te chehˇ tuˬ a hkaw-anˬ gʼa piˇ ve yoˬ.
6
Nawˬ chaw teˇ gʼaˇ hta‸ mawˇ teˇ ceuˬ ceuˬ chiˇ piˇ ngaˍ piˇ ve teˇ yanˇ, mawˇ oˇ ve awˬ tan chaw oˇ ve hpaˇ ve haˉ pui mawˍ hta‸ maˇ gʼa yuˬ taˍ. Nawˬ yuˬ taˍ ve kʼo, yawˇ ve yehˬ yaˇ kʼa yaˇ teˇ hpaˍ gʼa meu‸ jehˇ tuˬ yoˬ.
7
Iˉsaˍreˍlaˆ chaw teˇ gʼaˇ hta‸ hkʼawˇ yuˬ leh awˬ ceˬ te tcuh ve, maˇ heˆ kʼo hawˇ caˇ ve chaw hta‸ gʼa tiˇ pehˍ ve yoˬ. Haiˬ ve awˬ ceuˬ chi hkʼe ve hta‸ oˇ hkʼe gʼa te yuˬ baˬ ve yoˬ.
8
Nawˬ hkiˬ tu‸ keuˆ ve kʼo, paw hkuˇ nawˬ hta‸ te tcuh laˇ ve hkʼe hkʼa deh‸ gʼa na yuˬ leh gʼa te ve yoˬ. Ngaˬ yawˇ hui hta‸ kʼoˆ maˍ piˇ taˍ ve awˬ liˇ awˬ hkʼaˇ hta‸ hkʼa deh‸ gʼa gʼa‸ te ve yoˬ.
9
Nawˬ hui Eˇjiˇtu‸ mvuhˇmiˬ hkʼaw tawˆ la chehˇ htaˇ, Gʼuiˬsha Meˇriˆanˍ hta‸ hkʼaˬ hkʼe te piˇ peuˬ ve hta‸ dawˇ nawˇ-oˆ.
10
Nawˬ chaw teˇ gʼaˇ hta‸ mawˇ teˇ ceuˬ ceuˬ chiˇ piˇ ngaˍ piˇ ve teˇ yanˇ, yawˇ ve yehˬ hkʼaw lo‸-e leh yawˇ ve aˉ po‸ hta‸ maˇ gʼa ca yuˬ.
11
Yehˬ baˬ lo gʼa law taˍ ve yoˬ. Yawˇ hkʼaˇ yawˇ yuˬ veu laˇ piˇ-oˆ.
12
Chaw oˇ ve lehˬ haˍ gʼawˇ ve chaw hpeh‸ ve kʼo, aˉ po‸ oˇ ve hta‸ mvuhˇ hpeu‸ htaˇ hkʼa gaˬ nawˬ maˇ gʼa yuˬ teh taˍ.
13
Teˇ haˉ le le mvuhˇ hpeu‸ la ve kʼo, aˉ po‸ oˇ ve hta‸ yawˇ veu‸ zuh‸ hpeh‸ tuˬ, yawˇ hta‸ gʼa kʼaw‸ hkʼaw‸ piˇ ve yoˬ. Oˇ hkʼe te ve kʼo, yawˇ ha lehˬ jaˇ leh Gʼuiˬsha htawˇ nawˬ hta‸ nyi ma cawˇ tuˬ yoˬ.
14
Nawˬ hui geh chehˇ taˍ ve haˍ gʼawˇ jaˇ leh gʼaˇ ga caˇ chehˇ ve Iˉsaˍreˍlaˆ chaw, maˇ heˆ kʼo hkehˉ chaw teˇ hpaˍ hta‸ heˍ caˇ ve maˇ gʼa te.
15
Mvuhˇ nyi maˇ kʼehˬ sheˍ htaˇ, teˇ nyi awˬ pon yawˇ kanˉ te taˍ ve gʼaˇ hpfuhˇ gʼa shawˍ piˇ ve yoˬ. Yawˇ hpu loˍ leh gʼaˇ ga caˇ chehˇ ve yoˬ. Nawˬ yawˇ hta‸ gʼaˇ hpfuhˇ maˇ piˇ ve kʼo, nawˬ ve awˬ lawn yawˇ Gʼuiˬsha hta‸ kʼoˆ piˇ leh, nawˬ lehˬ venˇbaˆ taˍ ve hta‸ gʼa hkanˍ tuˬ yoˬ.
16
Yaˇ teˇ hpaˍ te ya‸ ve venˇbaˆ awˬ tan, awˬ pa awˬ e hta‸ maˇ gʼa tiˇ pehˍ. Awˬ pa awˬ e te ya‸ ve venˇbaˆ awˬ tan, yaˇ teˇ hpaˍ hta‸ maˇ gʼa tiˇ pehˍ. Te ya‸ ve chaw hta‸ ceh tiˉ gʼa tiˇ pehˍ ve yoˬ.
17
Hkehˉ chaw leh yaˇcuˬshi teˇ hpaˍ hta‸ maˇ hteˇ maˇ cawˇ ve hkʼaw suhˉ jehˬ piˇ ve maˇ gʼa te. Mehˇchawˇma hta‸ hpu chiˇ piˇ ve kʼo, chiˇ piˇ ve hpu oˇ ve awˬ tan yawˇ ve aˉ po‸ hta‸ nawˬ maˇ gʼa yuˬ teh taˍ.
18
Teˇ pawˆ htaˇ, nawˬ hui htawˇ Eˇjiˇtu‸ mvuhˇmiˬ hkʼaw shu ceˬ te jaw taˉ peuˬ leh, Gʼuiˬsha nawˬ hui hta‸ ponˬ laˇ taˍ ve hta‸ dawˇ nawˇ-oˆ. Chi hta‸ pa taw, awˬliˇtawˇhkawˇ chi ve ngaˬ nawˬ hui hta‸ piˇ laˇ chehˇ ve yoˬ.
19
Nawˬ hui caˬ gʼeu‸ leh caˬ kʼa‸ teˇ hpaˍ hta‸ shaw hpoˆ peuˬ hkʼaw‸ nawˉ, cawˬ taˉ sheˍ ve caˬ nu teˇ hpaˍ hta‸ maˇ gʼa kʼaw‸ gʼawˆ yuˬ. Oˇ ve teˇ hpaˍ hta‸ hkehˉ chaw, yaˇcuˬshi leh mehˇchawˇma teˇ hpaˍ awˬ pon gʼa teh taˉ piˇ ve yoˬ. Oˇ hkʼe te ve kʼo, nawˬ hui hkʼa te ve kanˉ hkʼa peu-eˬ ve hta‸ Gʼuiˬsha awˬ bon na‸ laˇ tuˬ yoˬ.
20
Nawˬ hui shaˍlonˍ shiˍ teˇ pawˆ shaˉ peuˬ ve kʼo, hkʼaw‸ nawˉ teˇ pawˆ maˇ gʼa kʼaw‸ shaˉ. Oˇ ve teˇ hpaˍ hta‸ hkehˉ chaw, yaˇcuˬshi leh mehˇchawˇma teˇ hpaˍ awˬ pon gʼa teh taˉ piˇ ve yoˬ.
21
Nawˬ hui a pehˉ meuˇ shiˍ teˇ pawˆ shaˉ peuˬ ve kʼo, awˬ hkʼaw‸ nawˉ teˇ pawˆ maˇ gʼa kʼaw‸ shaˉ. Oˇ ve teˇ hpaˍ hta‸ hkehˉchaw, yaˇcuˬshi leh mehˇchawˇma teˇ hpaˍ awˬ pon gʼa teh taˉ piˇ ve yoˬ.
22
Nawˬ hui Eˇjiˇtu‸ mvuhˇmiˬ hkʼaw shu ceˬ te jaw taˉ peuˬ ve hta‸ taˇ leunˇ piˇ. Chi hta‸ pa taw, awˬliˇtawˇhkawˇ chi ngaˬ nawˬ hui hta‸ piˇ laˇ chehˇ ve yoˬ.
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 25 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34