bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Deuteronomy 6
Deuteronomy 6
Lahu Bible Edited © Thailand Bible Society and Bible Society of Myanmar, 2010, 2020.
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 7 →
1
Chi ve lehˬ, nawˬ hui hta‸ maˍ piˇ tuˬ Gʼuiˬsha ngaˬ hta‸ pe‸ laˇ taˍ ve awˬliˇtawˇhkawˇ teˇ hpaˍ hpeh‸ ve yoˬ. Chi beu‸ nawˬ hui ca chehˇ tuˬ ve mvuhˇmiˬ lo gaˬ htaˇ awˬliˇtawˇhkawˇ chi teˇ hpaˍ hta‸ hkʼa deh‸ na yuˬ-o‸.
2
Nawˬ hui a sha‸ te‸ chehˇ ve teˇ co-e, nawˬ hui leh nawˬ hui ve awˬ ceuˬ awˬ hkʼaˇ hkʼa peu-eˬ Gʼuiˬsha hta‸ gʼa yawˆ yan leh, ngaˬ nawˬ hui hta‸ piˇ laˇ chehˇ ve awˬliˇtawˇhkawˇ chi teˇ hpaˍ hta‸ gʼa na yuˬ ve yoˬ. Oˇ hkʼe te ve kʼo, nawˬ hui mvuhˇmiˬ oˇ ve hkʼaw maw maw gʼa chehˇ tuˬ yoˬ.
3
Iˉsaˍreˍlaˆ chaw teˇ hpaˍ-oˬ, awˬliˇtawˇhkawˇ chi teˇ hpaˍ hta‸ hkʼa deh‸ na yuˬ-o‸. Oˇ hkʼe te ve kʼo, nawˬ hui ha lehˬ dawˇ sha ve hta‸ gʼa leh, Gʼuiˬsha ka ti‸ te taˍ peuˬ ve hkʼe hkuiˇ jaˇ da‸ jaˇ ve mvuhˇmiˬ oˇ ve hkʼaw nawˬ hui chaw ceuˬ lonˉ teˇ ceuˬ hpeh‸ la tuˬ yoˬ.
4
Iˉsaˍreˍlaˆ chaw teˇ hpaˍ-oˬ, chi ve hta‸ hkʼaˬ htaˆ ka‸ dawˇ nawˇ taˍ-o‸. Gʼuiˬsha chi teˇ gʼaˇ ceh tiˉ ngaˬ hui ve Gʼuiˬsha hpeh‸ ve yoˬ.
5
Nawˬ hui ve nyi ma hkʼa peu-eˬ, nawˬ hui ve co ha hkʼa peu-eˬ, leh nawˬ hui ve awˬ gʼaˇ awˬ shaˉ hkʼa peu-eˬ, nawˬ hui ve Jawˇmawˇ Gʼuiˬsha hta‸ ha‸-o‸.
6
Ya‸ nyi ngaˬ nawˬ hui hta‸ piˇ laˇ chehˇ ve awˬliˇtawˇhkawˇ chi teˇ hpaˍ hta‸ taˇ leunˇ piˇ.
7
Nawˬ hui ve yaˇ teˇ hpaˍ hta‸ htawˇ maˍ piˇ-oˆ. Yehˬ hkʼaw chehˇ htaˇ maˇ kʼoˆ, ya‸ kʼaw te toˇ chehˇ htaˇ maˇ kʼoˆ, gʼaˇ jehˇ chehˇ htaˇ maˇ kʼoˆ, kanˉ te chehˇ htaˇ maˇ kʼoˆ maˍ piˇ tcuhˉ taˍ-o‸.
8
Nawˬ hui shaˍ ti‸ gʼa tuˬ, awˬliˇtawˇhkawˇ oˇ ve teˇ hpaˍ hta‸ nawˬ hui ve la‸ sheh, leh naˍ kʼa‸ pui hkʼoˆ lo hpeh tsuh‸ taˍ leh,
9
nawˬ hui ve yehˬ miˉ leh taˍ meu‸ hpe‸ teˇ hpaˍ lo htawˇ bvuh‸ nehˉ taˍ-o‸.
10
Jawˇmawˇ Gʼuiˬsha lehˬ, nawˬ hui ve awˬ puˍ lonˉ Aˍbraˍhanˍ, Iˉcaˆ leh Yaˍkoˆ hui hta‸ ka ti‸ te piˇ taˍ peuˬ ve hkʼe, nawˬ hui hta‸ mvuhˇmiˬ lonˉ teˇ peˆ leh, nawˬ hui maˇ te taˍ ve venˇ lonˉ teˇ hpaˍ piˇ laˇ tuˬ yoˬ.
11
Yehˬ teˇ hpaˍ awˬ hkʼaw lo htawˇ, nawˬ hui maˇ ca keu taˍ ve mawˇ hkʼa biˇ cawˬ leh, nawˬ hui maˇ duˇ taˍ ve iˉ kaˆ nanˬ bawˍ teˇ hpaˍ, nawˬ hui maˇ te taˍ ve a pehˉ meuˇ hko leh shaˍlonˍ hko teˇ hpaˍ oˇ kaˬ lo cawˬ taˍ ve yoˬ. Gʼuiˬsha nawˬ hui hta‸ mvuhˇmiˬ oˇ ve hkʼaw shiˍ kʼai laˇ ve teˇ yanˇ, nawˬ hui hkʼa caˇ gaˇ ve awˬ ceuˬ hkʼa peu-eˬ ve hta‸ gʼa caˇ tuˬ yoˬ.
12
Nawˬ hui Eˇjiˇtu‸ mvuhˇmiˬ hkʼaw shu ceˬ te chehˇ htaˇ, nawˬ hui hta‸ ponˬ laˇ shehˍ hpaˇ Gʼuiˬsha hta‸ maˇ gʼa leunˇ kʼai tuˬ shaˍ ti‸ taˍ-o‸.
13
Nawˬ hui ve Jawˇmawˇ Gʼuiˬsha hta‸ yawˆ yan leh, yawˇ hta‸ ceh tiˉ oˉ kʼoˍ pui-o. Nawˬ hui teˇ ceuˬ ceuˬ ka ti‸ te gaˇ ve kʼo, yawˇ ve awˬ meh hkʼaw ceh tiˉ ka ti‸ te-o.
14
Nawˬ hui awˬ paˇ awˬ kui lo chehˇ ve chaw teˇ hpaˍ oˉ kʼoˍ pui chehˇ ve awˬ kaˍ awˬ nu gʼuiˬsha hkʼaˬ ve teˇ gʼaˇ hta‸ maˇ kʼoˆ oˉ kʼoˍ taˇ pui.
15
Nawˬ hui lehˬ, awˬ kaˍ awˬ nu ve gʼuiˬsha teˇ hpaˍ hta‸ oˉ kʼoˍ pui ve kʼo, Gʼuiˬsha nyi ma zuhˆ ve teˇ ceuˬ aˬ miˍ hkʼe ce la leh, nawˬ hui hta‸ te luˬ te sheˆ laˇ tuˬ yoˬ. Awˬ lawn kʼo, chi beu‸ nawˬ hui geh chehˇ taˍ ve Gʼuiˬsha lehˬ, awˬ kaˍ awˬ nu ve gʼuiˬsha teˇ hpaˍ hta‸ a ciˉ ka‸ nyi ma maˇ cawˇ.
16
Maˍsaˍ teh‸ kʼoˆ ve chehˇ kuiˬ lo nawˬ hui Gʼuiˬsha hta‸ lawˇ nyi ve hkʼe, taˇ kʼaw‸ lawˇ nyi.
17
Yawˇ piˇ laˇ taˍ ve awˬliˇtawˇhkawˇ teˇ hpaˍ hta‸ hkʼaˬ htaˆ ka‸ na yuˬ-o‸.
18
Gʼuiˬsha kʼoˆ laˇ ve cawˇ ve da‸ ve kanˉ teˇ hpaˍ hta‸ te-o. Oˇ hkʼe te ve kʼo, nawˬ hui ha lehˬ dawˇ sha gʼa chehˇ leh, Gʼuiˬsha nawˬ hui ve awˬ puˍ awˬ pi hui hta‸ piˇ tuˬ ka ti‸ te taˍ peuˬ ve hkuiˇ jaˇ da‸ jaˇ ve mvuhˇmiˬ hkʼaw gʼa chehˇ tuˬ yoˬ.
19
Yawˇ ka ti‸ te taˍ peuˬ ve hkʼe, nawˬ hui lehˬ canˇ paˍ teˇ hpaˍ hta‸ htawˇ gʼa‸ kʼoˬ piˇ gʼa tuˬ yoˬ.
20
Awˬ hkʼaw‸ nawˉ awˬ yanˇ maw la ve teˇ yanˇ nawˬ hui ve yaˇ teˇ hpaˍ lehˬ, Aˬ hto‸ ma pa taw, Gʼuiˬsha lehˬ awˬliˇtawˇhkawˇ chi teˇ hpaˍ ngaˬ hui hta‸ na yuˬ tcuh laˇ ve le, teh‸ nawˬ hui hta‸ na nyi laˇ tuˬ yoˬ.
21
Oˇ htaˇ, nawˬ hui chi hkʼe kʼaw‸ yaw hkʼaw‸ piˇ-oˆ. Ngaˬ hui lehˬ Eˇjiˇtu‸ mvuhˇmiˬ hkʼaw shu ceˬ te chehˇ ve yoˬ. Oˇ htaˇ, Gʼuiˬsha yawˇ ve kanˇ paˆ hta‸ cuˇ leh ngaˬ hui hta‸ ponˬ laˇ ve yoˬ.
22
Eˇjiˇtu‸ jawˇmawˇ leh Eˇjiˇtu‸ chaw teˇ hpaˍ hta‸ Gʼuiˬsha anˇ tuˬ awˬ heˆ laiˉ ceuˬ te maˍ piˇ ve hta‸ ngaˬ hui mehˆ shiˍ hkʼa tawˍ lehˆ gʼa mawˬ ve yoˬ.
23
Yawˇ ngaˬ hui hta‸ Eˇjiˇtu‸ mvuhˇmiˬ hkʼaw shiˍ tawˆ laˇ leh, ngaˬ hui ve awˬ puˍ awˬ pi hui hta‸ yawˇ ka ti‸ te taˍ peuˬ ve hkʼe, ngaˬ hui hta‸ mvuhˇmiˬ chi ve hkʼaw lo shiˍ veu laˇ taˍ ve yoˬ.
24
Oˇ ve hkʼaw‸ nawˉ, awˬliˇtawˇhkawˇ chi teˇ hpaˍ hta‸ na yuˬ tuˬ leh, yawˇ hta‸ yawˆ yan tuˬ ngaˬ hui hta‸ kʼoˆ laˇ ve yoˬ. Ngaˬ hui oˇ hkʼe te chehˇ ve kʼo, yawˇ ngaˬ hui hta‸ ha‸ shaˉ laˇ leh, ngaˬ hui hta‸ uiˍ la da‸ la piˇ tuˬ yoˬ.
25
Gʼuiˬsha ngaˬ hui hta‸ kʼoˆ laˇ taˍ ve tawˇ oˇ ve hkʼa peu-eˬ hta‸ ngaˬ hui hkʼa deh‸ na yuˬ leh te chehˇ ve kʼo, yawˇ ngaˬ hui hta‸ nyi ma cawˇ tuˬ yoˬ, teh‸ yawˇ hui hta‸ kʼoˆ maˍ piˇ-oˆ.
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 7 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34