bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Deuteronomy 29
Deuteronomy 29
Lahu Bible Edited © Thailand Bible Society and Bible Society of Myanmar, 2010, 2020.
← Chapter 28
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 30 →
1
Mawˇbaˆ mvuhˇmiˬ hkʼaw chehˇ taˍ htaˇ, Gʼuiˬsha Moˉseˍ hta‸ cuˇ leh Iˉsaˍreˍlaˆ chaw hui hta‸ ka ti‸ tawˇ hkawˇ chi teˇ hpaˍ kʼaw‸ piˇ ve yoˬ. Ka ti‸ tawˇ hkawˇ chi teˇ hpaˍ lehˬ, Gʼuiˬsha Siˉnaˆ hkʼaw hkʼoˆ lo piˇ taˍ ve ka ti‸ tawˇ hkawˇ hpeh‸ ve maˇ heˆ.
2
Moˉseˍ Iˉsaˍreˍlaˆ chaw hkʼa peu-eˬ ve hta‸ kuˬ hpawnˬ leh, yawˇ hui hta‸ chi hkʼe kʼoˆ piˇ ve yoˬ. Gʼuiˬsha lehˬ, Eˇjiˇtu‸ jawˇmawˇ, yawˇ ve a ma‸ lonˉ teˇ hpaˍ leh mvuhˇ yaˇ miˬ yaˇ teˇ hpaˍ hta‸ hkʼaˬ hkʼe te piˇ taˍ ve hta‸ nawˬ hui hkʼa tawˍ lehˆ gʼa mawˬ taˍ peuˬ.
3
Gʼuiˬsha te maˍ laˇ ve naˬ beuˬ teˇ hpaˍ leh anˇ tuˬ awˬ heˆ teˇ hpaˍ hta‸ htawˇ, nawˬ hui gʼa mawˬ taˉ peuˬ.
4
Ya‸ hkʼaˇ, ya‸ nyi hkʼa gaˬ Gʼuiˬsha lehˬ nawˬ hui gʼa mawˬ taˉ ve awˬ ceuˬ oˇ ve teˇ hpaˍ hta‸ shiˍ gaˇ ve nyi ma nawˬ hui hta‸ maˇ piˇ laˇ sheˍ.
5
40 hkʼaw‸ hkʼa gaˬ, Gʼuiˬsha nawˬ hui hta‸ heh puiˉ hkʼaw lo shiˍ caw piˇ chehˇ ve htawˇ, nawˬ hui ve veu‸ kʼaˇ leh hkuiˉ nuˆ maˇ tzuh‸.
6
Nawˬ hui caˇ tuˬ ve hkaoˍmonˇ leh a pehˉ meuˇ gʼuiˬ maˇ cawˬ. Ya‸ hkʼaˇ, Yawˇ lehˬ nawˬ hui ve Gʼuiˬsha hpeh‸ ve hta‸ hpeu‸ maˍ laˇ tuˬ, nawˬ hui loˍ ve awˬ ceuˬ hkʼa peu-eˬ ve hta‸ piˇ laˇ chehˇ ve yoˬ.
7
Ngaˬ hui chehˇ kuiˬ chi teˇ kaˬ lo gaˬ la ve teˇ yanˇ, Heˍsaˍbonˍ jawˇmawˇ Siˉhonˍ leh Baˍshanˍ jawˇmawˇ Awˇgaˆ ngaˬ hui hta‸ ca bawˆ la ve yoˬ. Ya‸ hkʼaˇ, ngaˬ hui yawˇ huiˉ maˬ hta‸ bawˆ gʼaˇ leh,
8
yawˇ hui ve mvuhˇmiˬ, Ruˇbenˍ, Gaˆ leh Maˍnaˍseˍ chaw teˇ hkoˇ ve hta‸ pehˬ piˇ taˍ ve yoˬ.
9
Nawˬ hui hkʼa te ve kanˉ teˇ ceuˬ le le da‸ la uiˍ la tuˬ, Yawˇ ve ka ti‸ tawˇ hkawˇ teˇ hpaˍ hta‸ hkʼa deh‸ na yuˬ-o‸.
10
Ya‸ nyi nawˬ hui ve awˬ hoˉ awˬ naˬ hkʼa peu-eˬ, hawˉ hkʼaˆ yaˇ miˇ hkʼa peu-eˬ,
11
yaˇ ehˉ hkʼa peu-eˬ leh nawˬ hui geh chehˇ taˍ leh nawˬ hui awˬ pon suhˆ hkaˆ leh iˉ kaˆ hkʼo laˇ chehˇ ve buiˇshaˆaˉnaˆ chaw hkʼa peu-eˬ, Gʼuiˬsha mehˆ gʼuˇ suhˍ lo huˉ chehˇ taˍ ve yoˬ.
12
Gʼuiˬsha lehˬ nawˬ hui hta‸ Yawˇ ve chaw teh‸ shawˍ laˇ leh, nawˬ hui ve awˬ puˍ lonˉ Aˍbraˍhanˍ, Iˉcaˆ, Yaˍkoˆ hui hta‸ ka ti‸ te taˍ peuˬ ve hkʼe, Yawˇ lehˬ nawˬ hui ve Gʼuiˬsha hpeh‸ la tuˬ,
13
ya‸ nyi nawˬ hui lehˬ Gʼuiˬsha te laˇ taˍ ve ka ti‸ shaˉ caˆ hta‸ ha‸ yuˬ tuˬ choˬ kaˬ lo huˉ chehˇ taˍ ve yoˬ.
14
Gʼuiˬsha lehˬ nawˬ hui hta‸ ceh tiˉ ka ti‸ te laˇ chehˇ ve maˇ heˆ.
15
Ya‸ nyi choˬ kaˬ lo Yawˇ mehˆ gʼuˇ suhˍ lo huˉ taˍ ve ngaˬ hui hkʼa peu-eˬ leh, maˇ keuˆ la sheˍ ve ngaˬ hui ve awˬ ceuˬ awˬ hkʼaˇ teˇ hpaˍ hta‸ htawˇ ka ti‸ te laˇ chehˇ ve yoˬ.
16
Eˇjiˇtu‸ mvuhˇmiˬ hkʼaw chehˇ htaˇ hkʼaˬ hkʼe hpeh‸ ve leh, awˬ nu ve chaw ceuˬ teˇ hpaˍ ve mvuhˇmiˬ hkʼaw hpanˍ kʼai chehˇ ve teˇ yanˇ hkʼaˬ hkʼe hpeh‸ taˉ ve hta‸ nawˬ hui dawˇ nawˇ chehˇ ve yoˬ.
17
Suhˆ, haˉ pui, hpu leh shi yuˬ te taˍ ve shaˉ ho‸ teˇ hpaˍ hta‸ htawˇ, nawˬ hui gʼa mawˬ ve yoˬ.
18
Nawˬ hui awˬ hkʼaw lo ve hawˉ hkʼaˆ, yaˇ miˇ, yehˬ kʼa teˇ maˬ maˬ, maˇ heˆ kʼo chaw ceuˬ teˇ ceuˬ ceu, Gʼuiˬsha hta‸ baˬ taˉ leh chi hkʼe ve shaˉ ho‸ hta‸ oˉ kʼoˍ maˇ gʼa pui tuˬ shaˍ ti‸ taˍ-o‸. Chi hkʼe te ve lehˬ, hkʼaˇ jaˇ leh awˬ taw‸ ma cawˬ ve suhˆ cehˬ hpeh‸ la tuˬ yeˬ la chehˇ ve awˬ geu hta‸ shuˍ ve yoˬ.
19
Tawˇ hkawˇ chi teˇ hpaˍ hta‸ gʼa kaˇ peuˬ ve htawˇ, a shu yawˇ a loˍ hta‸ te kʼai ve ka‸ te‸ chiˉ maˇ heˆ hehˉ, teh‸ ya‸ nyi nawˬ hui teˇ gʼaˇ ka‸ maˇ gʼa dawˇ tuˬ shaˍ ti‸ taˍ-o‸. Oˇ hkʼe dawˇ ve kʼo, da‸ ve chaw maˇ kʼoˆ, haiˬ ve chaw maˇ kʼoˆ hkʼa shuˍ shuˍ luˬ kuiˬ sheˆ kuiˬ lo gʼa gaˬ tuˬ yoˬ.
20
Chi hkʼe ve chaw hta‸ Gʼuiˬsha venˇbaˆ hpehˇ piˇ tuˬ ve maˇ heˆ. Gʼuiˬsha nyi ma zuhˆ ve teˇ ceuˬ aˬ miˍ ha hkʼa shuˍ yawˇ hta‸ to‸ baˬ leh, yawˇ luˬ kʼai sheˆ kʼai htaˇ hkʼa gaˬ, li‸ daw chi hkʼaw bvuh‸ taˍ ve kawˆ tuˬ dawˇ haˍ tuˬ awˬ ceuˬ hkʼa peu-eˬ yawˇ awˬ hkʼoˆ lo gaˬ la tuˬ yoˬ.
21
Gʼuiˬsha lehˬ yawˇ hta‸ Iˉsaˍreˍlaˆ chaw hui awˬ pon henˇ kuiˬ jawˬ kuiˬ hpeh‸ la piˇ leh, li‸ daw chi hkʼaw bvuh‸ taˍ ve hkeu ve awˬ ceuˬ hkʼa peu-eˬ yawˇ awˬ hkʼoˆ lo gaˬ la piˇ tuˬ yoˬ.
22
Awˬ hkʼaw‸ nawˉ kʼo nawˬ hui ve awˬ ceuˬ awˬ hkʼaˇ leh, vuiˇ kuiˬ lo chehˇ ve awˬ kaˍ awˬ nu chaw teˇ hpaˍ lehˬ, Gʼuiˬsha nawˬ hui ve mvuhˇmiˬ hkʼoˆ lo gaˬ la piˇ ve kawˆ tuˬ dawˇ haˍ tuˬ awˬ ceuˬ oˇ ve teˇ hpaˍ hta‸ gʼa mawˬ tuˬ yoˬ.
23
Ti mi teˇ hpaˍ hkʼaw ma‸ shiˉ leh aˉ leh‸ hkʼa biˇ cawˬ leh, te‸ chiˉ kʼaw‸ ti caˇ gʼa tuˬ ve maˇ heˆ. Nawˬ hui ve mvuhˇmiˬ lehˬ, Gʼuiˬsha nyi ma zuhˆ jaˇ leh te luˬ piˇ ve Sawˉdonˍ, Gawˇmawˇra‸, Aˍdaˍmaˍ leh Zeˍbonˍ venˇ teˇ hpaˍ hkʼa shuˍ hpeh‸ la tuˬ yoˬ.
24
Oˇ htaˇ, miˬguiˬ chaw yaˇ teˇ hpaˍ lehˬ, Aˬ hto‸ ma pa taw yawˇ hui ve mvuhˇmiˬ hta‸ Gʼuiˬsha chi hkʼe te piˇ ve le. Yawˇ hui aˬ hto‸ ma te ya‸ ve pa taw, Gʼuiˬsha chi taw taw nyi ma zuhˆ ve le, teh‸ teˇ gʼaˇ leh teˇ gʼaˇ kʼoˆ da‸ tuˬ yoˬ.
25
Teˇ hpaˍ kʼoˆ ve, chi hkʼe hpeh‸ la ve lehˬ, Gʼuiˬsha yawˇ hui ve awˬ puˍ awˬ pi hui hta‸ Eˇjiˇtu‸ mvuhˇmiˬ hkʼaw shiˍ tawˆ la piˇ chehˇ htaˇ, yawˇ hui hta‸ te piˇ taˍ ve ka ti‸ shaˉ caˆ hta‸ chaw chi teˇ hpaˍ te luˬ ve pa taw yoˬ.
26
Yawˇ hui lehˬ, Gʼuiˬsha oˉ kʼoˍ maˇ pui tcuh ve awˬ kaˍ awˬ nu gʼuiˬsha teˇ hpaˍ hta‸ oˉ kʼoˍ pui ve yoˬ.
27
Hkʼe te leh, Gʼuiˬsha yawˇ hui hta‸ nyi ma zuhˆ jaˇ leh, li‸ daw chi hkʼaw bvuh‸ taˍ ve kawˆ tuˬ dawˇ haˍ tuˬ teˇ hpaˍ yawˇ hui ve mvuhˇmiˬ hkʼoˆ gaˬ la piˇ ve yoˬ.
28
Gʼuiˬsha nyi ma zuhˆ jaˇ leh, yawˇ hui hta‸ mvuhˇmiˬ oˇ ve hkʼaw gʼawˬ tawˆ peuˬ hkʼaw‸ nawˉ, buiˇshaˆaˉnaˆ chaw hui ve mvuhˇmiˬ hkʼaw baˬ keu piˇ ve yoˬ. Ya‸ nyi hkʼa gaˬ, yawˇ hui oˇ kaˬ lo chehˇ taˍ sheˍ ve yoˬ, teh‸ kʼoˆ ve yoˬ.
29
Gʼuiˬsha faˉ taˍ ve awˬ ceuˬ teˇ hpaˍ cawˬ sheˍ ve yoˬ. Ya‸ hkʼaˇ, Yawˇ lehˬ awˬliˇtawˇhkawˇ teˇ hpaˍ hta‸ hpeu‸ maˍ laˇ taˍ peuˬ. Ngaˬ hui teˇ co peuˬ teˇ co hkʼa deh‸ gʼa na yuˬ tuˬ yoˬ.
← Chapter 28
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 30 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34