bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Deuteronomy 12
Deuteronomy 12
Lahu Bible Edited © Thailand Bible Society and Bible Society of Myanmar, 2010, 2020.
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 13 →
1
Gʼuiˬsha nawˬ hui hta‸ piˇ laˇ taˍ ve mvuhˇmiˬ oˇ ve hkʼaw, nawˬ hui te‸ chehˇ ve teˇ co-e, awˬliˇtawˇhkawˇ chi teˇ hpaˍ hta‸ hkʼa deh‸ na yuˬ-o‸.
2
Mvuhˇmiˬ oˇ ve hkʼaw, chaw yaˇ teˇ hpaˍ hkʼaw hkʼoˆ lo leh suhˆ cehˬ teˇ hpaˍ awˬ hawˉ lo te teh taˍ ve oˉ kʼoˍ pui kuiˬ teˇ hpaˍ hta‸ te luˬ piˇ-oˆ.
3
Yawˇ hui ve tuˉ tanˇ kuiˬ teˇ hpaˍ leh, da‸ kehˬ ve haˉ pui hkuiˉ daw teˇ hpaˍ hta‸ te luˬ te sheˆ piˇ-oˆ. Aˍsheˍraˆ gʼuiˬsha ma ve shaˉ ho‸ teˇ hpaˍ hta‸ chaw yaˇ teˇ hpaˍ oˉ kʼoˍ maˇ gʼa kʼaw‸ pui tuˬ aˬ miˍ tuˉ baˬ piˇ-oˆ.
4
Chaw oˇ ve teˇ hpaˍ shaˉ ho‸ hta‸ oˉ kʼoˍ pui ve hkʼe, nawˬ hui ve Gʼuiˬsha hta‸ oˇ hkʼe oˉ kʼoˍ taˇ te pui.
5
Nawˬ hui gʼa taˍ ve mvuhˇmiˬ hkʼaw, Gʼuiˬsha lehˬ Yawˇ hta‸ oˉ kʼoˍ pui kuiˬ teˇ kaˬ ceh tiˉ leuˆ yuˬ tuˬ yoˬ.
6
Nawˬ hui oˇ kaˬ gʼa kʼai leh, nawˬ hui ve tuˉ tanˇ tuˬ teˇ hpaˍ, teˇ chi pun teˇ pun ve tanˇ tuˬ teˇ hpaˍ, nawˬ hui Gʼuiˬsha hta‸ ka ti‸ te taˍ ve tanˇ tuˬ teˇ hpa, leh awˉ lawˉ peuˇ paw la taˍ ve nuˇ leh yawˬ teˇ hpaˍ gʼa ca tanˇ piˇ tuˬ yoˬ.
7
Oˇ kaˬ lo nawˬ hui hta‸ bon na‸ laˇ shehˍ hpaˇ Gʼuiˬsha mehˆ gʼuˇ suhˍ, nawˬ hui ve miˇ yaˇ teˇ hpaˍ hta‸ shiˍ kʼai leh, nawˬ hui muiˬ gʼa taˍ ve awˬ shiˍ awˬ nu teˇ hpaˍ hta‸ teˇ geh gʼa mui caˇ tuˬ yoˬ.
8
Awˬ yanˇ oˇ ve gaˬ la htaˇ, chi beu‸ nawˬ hui te chehˇ ve hkʼe maˇ gʼa kʼaw‸ te. Ya‸ nyi hkʼa gaˬ, nawˬ hui lehˬ a shu yawˇ dawˇ cawˇ ve hkʼe oˉ kʼoˍ pui chehˇ ve yoˬ.
9
Awˬ lawn kʼo, nawˬ hui lehˬ Gʼuiˬsha piˇ laˇ taˍ ve mvuhˇmiˬ hkʼaw maˇ gaˬ sheˍ ve pa taw yoˬ.
10
Nawˬ hui Yawˇdanˍ iˉ kaˆ lawˬ hta‸ hkanˍ tawˆ-e ve teˇ yanˇ, Gʼuiˬsha lehˬ nawˬ hui hta‸ mvuhˇmiˬ oˇ ve hkʼaw gawˬ lehˍ chehˇ tcuh laˇ tuˬ yoˬ.
11
Yawˇ hta‸ oˉ kʼoˍ pui kuiˬ teˇ kaˬ Yawˇ leuˆ yuˬ laˇ tuˬ yoˬ. Nawˬ hui lehˬ oˇ kaˬ lo, ngaˬ kʼoˆ piˇ taˍ peuˬ ve tuˉ tanˇ tuˬ teˇ hpaˍ, teˇ chi pun teˇ pun tanˇ tuˬ teˇ hpaˍ leh nawˬ hui Gʼuiˬsha hta‸ ka ti‸ te taˍ ve tanˇ tuˬ teˇ hpaˍ gʼa yuˬ laˬ tuˬ yoˬ.
12
Nawˬ hui ve miˇ yaˇ, nawˬ hui ve awˬ ceˬ, leh nawˬ hui geh chehˇ taˍ ve Leˍviˆ chaw hui geh teˇ geh, oˇ kaˬ lo ha lehˬ ha kʼa te chehˇ-oˆ. Leˍviˆ chaw hui lehˬ, mvuhˇmiˬ maˇ cawˬ ve hta‸ dawˇ nawˇ taˍ-o‸.
13
Nawˬ hui hkʼaˇ nawˬ hui leuˆ yuˬ taˍ ve chehˇ kuiˬ lo, Gʼuiˬsha hta‸ maˇ gʼa tuˉ tanˇ piˇ.
14
Nawˬ hui ve mvuhˇmiˬ hkʼaw, Gʼuiˬsha leuˆ yuˬ taˍ ve chehˇ kuiˬ lo ceh tiˉ Gʼuiˬsha hta‸ gʼa tuˉ tanˇ piˇ leh, ngaˬ kʼoˆ laˇ taˍ peuˬ ve kanˉ hta‸ gʼa te ve yoˬ.
15
Ya‸ hkʼaˇ, nawˬ hui lehˬ Gʼuiˬsha piˇ laˇ taˍ ve a shu yawˇ ve ceˇ teˇ hpaˍ hta‸ hkʼaˬ htaˆ teˇ yanˇ maˇ kʼoˆ tiˇ caˇ hpeh‸ ve yoˬ. A shu yawˇ awˬ to hta‸ da‸ kehˬ tuˬ te taˍ peuˬ ve chaw maˇ kʼoˆ, maˇ gʼa te sheˍ ve chaw maˇ kʼoˆ, nawˬ hui hkuiˉ zuhˬ shaˍ leh tsuh shaˍ caˇ ve hkʼe, ceˇ oˇ ve teˇ hpaˍ hta‸ tiˇ caˇ hpeh‸ ve yoˬ.
16
Ya‸ hkʼaˇ, nawˬ hui awˬ suhˍ teˇ ceuˬ hta‸ maˇ gʼa caˇ. Iˉ kaˆ hkʼa shuˍ miˬ chaˇ hkʼoˆ lo gʼa ngeuˍ baˬ ve yoˬ.
17
Nawˬ hui Gʼuiˬsha hta‸ tanˇ piˇ taˍ peuˬ ve caˬ shiˍ, a pehˉ meuˇ gʼuiˬ, shaˍlonˍ chu, awˉ lawˉ peuˇ paw la ve nuˇ leh yawˬ, Gʼuiˬsha hta‸ piˇ tuˬ ka ti‸ te taˍ peuˬ ve tanˇ tuˬ, leh awˬ kaˍ awˬ nu ve tanˇ tuˬ chi teˇ hpaˍ hta‸ a shu yawˇ ve chehˇ kuiˬ lo maˇ gʼa caˇ.
18
Nawˬ hui leh nawˬ hui ve miˇ yaˇ, nawˬ hui ve awˬ ceˬ, leh nawˬ hui geh chehˇ taˍ ve Leˍviˆ chaw teˇ hpaˍ lehˬ, tanˇ tuˬ chi teˇ hpaˍ hta‸ Gʼuiˬsha Yawˇ leuˆ yuˬ taˍ ve oˉ kʼoˍ pui kuiˬ lo ceh tiˉ gʼa ca caˇ-e ve yoˬ. Oˇ kaˬ lo nawˬ hui ha lehˬ ha kʼa gʼa te ve yoˬ.
19
Nawˬ hui a shu yawˇ ve mvuhˇmiˬ hkʼaw gʼa chehˇ taˍ sheˍ ve ceh ceh, Leˍviˆ chaw hui hta‸ ka‸ maˇ gʼa leunˇ taˉ tuˬ shaˍ ti‸ taˍ-o‸.
20
Gʼuiˬsha lehˬ Yawˇ ka ti‸ te taˍ peuˬ ve hkʼe, nawˬ hui ve mvuhˇmiˬ hta‸ uiˍ la kʼehˬ la piˇ peuˬ ve teˇ yanˇ, nawˬ hui caˇ gaˇ ve shaˍ hta‸ caˇ hpeh‸ ve yoˬ.
21
Gʼuiˬsha hta‸ oˉ kʼoˍ pui kuiˬ lehˬ, nawˬ hui hta‸ vuiˇ jaˇ ve kʼo, Gʼuiˬsha piˇ laˇ taˍ ve ceˇ teˇ hpaˍ hta‸ ngaˬ kʼoˆ laˇ taˍ peuˬ ve hkʼe, nawˬ hui a shu yawˇ ve yehˬ hkʼaw tiˇ caˇ hpeh‸ ve yoˬ.
22
A shu yawˇ awˬ to hta‸ da‸ kehˬ tuˬ te taˍ peuˬ ve chaw maˇ kʼoˆ, maˇ gʼa te sheˍ ve chaw maˇ kʼoˆ, hkuiˉ zuhˬ shaˍ leh tsuh shaˍ caˇ ve hkʼe, shaˍ oˇ ve teˇ hpaˍ hta‸ te caˇ hpeh‸ ve yoˬ.
23
Ya‸ hkʼaˇ, awˬ suhˍ teˇ ceuˬ hta‸ maˇ gʼa caˇ. Awˬ lawn kʼo, awˬ suhˍ hkʼaw a sha‸ cawˬ leh, a sha‸ oˇ ve hta‸ awˬ shaˍ geh teˇ geh maˇ gʼa caˇ.
24
Awˬ suhˍ teˇ ceuˬ hta‸ taˇ caˇ. Iˉ kaˆ hkʼa shuˍ miˬ chaˇ hkʼoˆ lo gʼa ngeuˍ baˬ ve yoˬ.
25
Nawˬ hui awˬliˇtawˇhkawˇ chi hta‸ na yuˬ chehˇ ve kʼo, Gʼuiˬsha nyi hkʼaˇ suh leh, nawˬ hui leh nawˬ hui ve awˬ ceuˬ awˬ hkʼaˇ hkʼa peu-eˬ, ha lehˬ dawˇ sha gʼa chehˇ tuˬ yoˬ.
26
Nawˬ hui Gʼuiˬsha hta‸ piˇ tuˬ ka ti‸ te taˍ ve mawˇ hkʼa peu-eˬ, Gʼuiˬsha leuˆ yuˬ taˍ ve oˉ kʼoˍ pui kuiˬ lo ceh tiˉ gʼa yuˬ kʼai ve yoˬ.
27
Gʼuiˬsha hta‸ tuˉ tanˇ piˇ tuˬ ve teˇ hpaˍ hta‸, tuˉ tanˇ tuˬ hkʼoˆ teh leh tuˉ tanˇ piˇ-oˆ. Awˬ shaˍ teˇ hpaˍ hta‸ nawˬ hui caˇ hpeh‸ ve htawˇ, awˬ suhˍ hta‸ yuˬ leh tuˉ tanˇ kuiˬ hta‸ gʼa hpeh‸ pfuhˍ piˇ ve yoˬ.
28
Ngaˬ nawˬ hui hta‸ kʼoˆ laˇ taˍ peuˬ ve tawˇ chi hkʼa peu-eˬ hta‸ nawˬ hui hkʼa deh‸ na yuˬ chehˇ ve kʼo, nawˬ hui leh nawˬ hui ve awˬ ceuˬ awˬ hkʼaˇ teˇ hpaˍ co co taiˍ taiˍ ha lehˬ dawˇ sha ve awˬ bon hta‸ gʼa tuˬ yoˬ. Awˬ lawn kʼo, nawˬ hui lehˬ Gʼuiˬsha nyi ma cawˇ ve kanˉ hta‸ te chehˇ ve pa taw yoˬ.
29
Nawˬ hui awˬ gʼuˇ suhˍ kʼai chehˇ ve teˇ yanˇ, nawˬ hui ve Gʼuiˬsha lehˬ chaw oˇ ve teˇ hpaˍ hta‸ te luˬ te sheˆ piˇ leh, nawˬ hui mvuhˇmiˬ oˇ ve hkʼaw gʼa chehˇ tuˬ yoˬ.
30
Gʼuiˬsha chaw oˇ ve teˇ hpaˍ hta‸ te luˬ te sheˆ piˇ peuˬ hkʼaw‸ nawˉ, nawˬ hui shu ve oˉ kʼoˍ pui ve awˬ liˇ hta‸ maˇ gʼa gʼa‸ te tuˬ shaˍ ti‸ taˍ-o‸. Oˇ hkʼe te ve lehˬ ya‸ jaˇ ve yoˬ. Yawˇ hui gʼuiˬsha hta‸ hkʼaˬ hkʼe te oˉ kʼoˍ pui ve hta‸ taˇ gʼa‸ chaˬ nyi.
31
Yawˇ hui oˉ kʼoˍ pui ve hkʼe, nawˬ hui ve Gʼuiˬsha hta‸ oˇ hkʼe oˉ kʼoˍ taˇ te pui. Awˬ lawn kʼo, yawˇ hui oˉ kʼoˍ pui kuiˬ hkʼaw, Gʼuiˬsha canˇ ve kanˉ teˇ hpaˍ hta‸ yawˇ hui te chehˇ ve yoˬ. Yawˇ hui lehˬ a shu yawˇ ve yaˇ teˇ hpaˍ hta‸ htawˇ yuˬ leh tuˉ tanˉ piˇ chehˇ ve yoˬ.
32
Ngaˬ kʼoˆ laˇ taˍ peuˬ ve tawˇ teˇ hpaˍ hta‸ hkʼa deh‸ na yuˬ leh te-o. Awˬ suhˉ teˇ ceuˬ ka‸ taˇ kʼaw‸ keu htehˍ. Yuˬ yawnˇ ve ka‸ taˇ te.
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 13 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34