bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Deuteronomy 20
Deuteronomy 20
Lahu Bible Edited © Thailand Bible Society and Bible Society of Myanmar, 2010, 2020.
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 21 →
1
Nawˬ hui canˇ paˍ teˇ hpaˍ hta‸ bawˆ da‸ tuˬ tawˆ kʼai leh, shu ve iˉ mvuhˇ lawˬ leh iˉ mvuhˇ ciˇ ve ma‸ yaˇ teˇ hpaˍ nawˬ hui a‸ kehˉ awˬ gʼaˇ uiˍ ve hta‸ gʼa mawˬ ve teˇ yanˇ, yawˇ hui hta‸ kawˆ ve nyi ma taˇ cawˬ piˇ. Nawˬ hui hta‸ Eˇjiˇ tu‸ mvuhˇmiˬ hkʼaw shiˍ tawˆ laˇ shehˍ hpaˇ nawˬ hui ve Gʼuiˬsha nawˬ hui geh chehˇ taˍ tuˬ yoˬ.
2
Nawˬ hui ma‸ maˇ ca bawˆ sheˍ gʼuˇ suhˍ, paw hkuˇ teˇ gʼaˇ shu gʼuˇ suhˍ lo tawˆ la leh, ma‸ yaˇ teˇ hpaˍ hta‸ chi hkʼe gʼa kʼoˆ piˇ ve yoˬ.
3
Iˉsaˍreˍlaˆ chaw teˇ hpaˍ-oˬ, na sheˍ. Ya‸ nyi nawˬ hui ma‸ gʼa ca bawˆ tuˬ yoˬ. Nawˬ hui ve canˇ paˍ teˇ hpaˍ hta‸ taˇ kawˆ. Awˬ gʼaˇ ka‸ taˇ nuˇ piˇ.
4
Nawˬ hui ve Gʼuiˬsha nawˬ hui geh chehˇ leh, Yawˇ nawˬ hui hta‸ gʼaˇ shehˍ hpaˇ hpeh‸ la piˇ tuˬ yoˬ, teh‸ ma‸ yaˇ hui hta‸ gʼa kʼoˆ piˇ ve yoˬ.
5
Oˇ ve hkʼaw‸ nawˉ, ma‸ poˍ lonˉ teˇ hpaˍ yawˇ hui hta‸ chi hkʼe gʼa kʼaw‸ kʼoˆ piˇ ve yoˬ. Choˬ kaˬ lo chehˇ taˍ ve ma‸ yaˇ teˇ hpaˍ hkʼaw, yehˬ te taˍ peuˬ leh Gʼuiˬsha hta‸ maˇ gʼa chiˇ a‸ piˇ sheˍ ve chaw teˇ gʼaˇ gʼaˇ cawˬ laˇ. Cawˬ ve kʼo, yawˇ aˉ hkʼaw kʼo‸-e hpeh‸ ve yoˬ. Oˇ hkʼe maˇ heˆ leh, yawˇ ma‸ bawˆ kuiˬ lo ca suh-e puiˉ ve kʼo, awˬ nu ve chaw teˇ gʼaˇ laˬ leh yawˇ ve yehˬ Gʼuiˬsha hta‸ chiˇ a‸ piˇ tuˬ yoˬ.
6
A pehˉ meuˇ hko te taˍ peuˬ ve ka‸, a pehˉ meuˇ shiˍ maˇ gʼa shaˉ caˇ taˉ ve chaw teˇ gʼaˇ gʼaˇ cawˬ-aw laˇ. Cawˬ ve kʼo, yawˇ aˉ hkʼaw kʼo‸-e hpeh‸ ve yoˬ. Oˇ hkʼe maˇ heˆ leh, yawˇ ma‸ bawˆ kuiˬ lo ca suh-e puiˉ ve kʼo, awˬ nu ve chaw teˇ gʼaˇ yawˇ ve iˉ shiˍ hta‸ caˇ tuˬ yoˬ.
7
La‸ kʼawˍ toˆ tuˬ gu taˍ ve chaw teˇ gʼaˇ gʼaˇ cawˬ-aw laˇ. Cawˬ ve kʼo, yawˇ htawˇ aˉ hkʼaw kʼo‸-e hpeh‸ ve yoˬ. Oˇ hkʼe maˇ heˆ leh, yawˇ ma‸ bawˆ kuiˬ lo ca suh-e puiˉ ve kʼo, yawˇ heuˆ tuˬ ka ti‸ te taˍ ve yaˇ miˇ hta‸ awˬ nu ve chaw teˇ gʼaˇ heuˆ kʼai tuˬ yoˬ.
8
Nyi ma awˬ gʼaˇ i leh kawˆ puiˉ ve chaw teˇ gʼaˇ gʼaˇ cawˬ-aw laˇ. Cawˬ ve kʼo, yawˇ aˉ hkʼaw kʼo‸-e hpeh‸ ve yoˬ. Maˇ heˆ kʼo, yawˇ lehˬ awˬ nu ve ma‸ yaˇ teˇ hpaˍ hta‸ htawˇ nyi ma awˬ gʼaˇ i kʼai piˇ leh, kawˆ la piˇ tuˬ yoˬ, teh‸ yawˇ hui hta‸ gʼa kʼoˆ piˇ ve yoˬ.
9
Ma‸ poˍ lonˉ teˇ hpaˍ yawˇ hui hta‸ tawˇ yaw piˇ peuˬ hkʼaw‸ nawˉ, yawˇ hui teˇ moˍ peuˬ teˇ moˍ awˬ hkʼoˆ awˬ hoˉ te tuˬ ve chaw gʼa leuˆ teh piˇ ve yoˬ.
10
Nawˬ hui venˇ teˇ maˬ maˬ hta‸ ca bawˆ yuˬ tuˬ kʼai ve teˇ yanˇ, awˉ lawˉ peuˇ venˇ yaˇ oˇ ve teˇ hpaˍ la‸ caˉ ya‸ tuˬ gʼa kʼoˆ piˇ ve yoˬ.
11
Yawˇ hui yehˬ miˉ hpaw leh la‸ caˉ ya‸ laˇ ve kʼo, yawˇ hui lehˬ nawˬ hui ve awˬ ceˬ hpeh‸ la ve yoˬ.
12
Ya‸ hkʼaˇ, venˇ yaˇ oˇ ve teˇ hpaˍ la‸ caˉ maˇ ya‸ leh, nawˬ hui hta‸ bawˆ da‸ tuˬ gu chehˇ ve kʼo, yawˇ hui ve venˇ hta‸ caw hoˆ taˍ-o‸.
13
Venˇ oˇ ve Gʼuiˬsha nawˬ hui hta‸ chiˇ a‸ laˇ ve kʼo, venˇ oˇ ve hkʼaw chehˇ ve hawˉ hkʼaˆ paˍ hkʼa peu-eˬ ve hta‸ tiˇ pehˍ piˇ-oˆ.
14
Yaˇ miˇ yaˇ nehˬ teˇ hpaˍ, ceˇ caˬ teˇ hpaˍ leh venˇ hkʼaw cawˬ ve awˬ nu ve mawˇ jeˬ teˇ hpaˍ hta‸ nawˬ hui heuˆ hpeh‸ ve yoˬ. Oˇ ve teˇ hpaˍ Gʼuiˬsha nawˬ hui hta‸ pe‸ laˇ taˍ peuˬ ve yoˬ.
15
Nawˬ hui ca chehˇ tuˬ ve mvuhˇmiˬ hta‸ vuiˇ da‸ jaˇ ve venˇ teˇ hpaˍ hta‸ nawˬ hui oˇ hkʼe gʼa te piˇ ve yoˬ.
16
Ya‸ hkʼaˇ, Gʼuiˬsha nawˬ hui hta‸ piˇ laˇ chehˇ ve mvuhˇmiˬ hkʼaw cawˬ ve venˇ teˇ hpaˍ hta‸ nawˬ hui ca bawˆ yuˬ ve teˇ yanˇ, venˇ yaˇ oˇ ve hkʼa peu-eˬ hta‸ gʼa tiˇ pehˍ piˇ ve yoˬ.
17
Gʼuiˬsha nawˬ hui hta‸ kʼoˆ piˇ taˍ peuˬ ve hkʼe, Hiˇtiˆ chaw, Aˍmawˇriˆ chaw, Hpeˍraˍziˆ chaw, Hkaˍnaˍniˆ chaw, Hiˇviˆ chaw, leh Yeˍbuˇshiˆ chaw chi hkʼa peu-eˬ ve hta‸ gʼa tiˇ pehˍ piˇ ve yoˬ.
18
Yawˇ hui ve gʼuiˬsha hta‸ oˉ kʼoˍ pui htaˇ te ve awˬ liˇ awˬ hkʼaˇ teˇ hpaˍ, yawˇ hui nawˬ hui hta‸ maˇ gʼa maˍ laˇ tuˬ, leh nawˬ hui htawˇ yawˇ hui te ve hkʼe maˇ gʼa te tuˬ, yawˇ hui hkʼa peu-eˬ ve hta‸ gʼa tiˇ pehˍ piˇ ve yoˬ.
19
Nawˬ hui venˇ teˇ maˬ hta‸ bawˆ yuˬ tuˬ coˇ caˇ chehˇ ve teˇ yanˇ, nawˬ hui ma‸ bawˆ ve hkʼaˬ maw gaˬ peuˬ ve htawˇ, yawˇ hui ve iˉ shiˍ cehˬ teˇ hpaˍ hta‸ maˇ gʼa htu baˬ piˇ. Iˉshiˍ oˇ ve teˇ hpaˍ hta‸ shaˉ caˇ-oˆ. Ya‸ hkʼaˇ, iˉ shiˍ cehˬ teˇ hpaˍ hta‸ maˇ gʼa te luˬ piˇ. Iˉ shiˍ cehˬ oˇ ve teˇ hpaˍ lehˬ, nawˬ hui ve canˇ paˍ hpeh‸ ve maˇ heˆ.
20
Venˇ oˇ ve hta‸ bawˆ yuˬ gʼa htaˇ hkʼa gaˬ, nawˬ hui lehˬ ta‸ awˬ pon loˍ ve suhˆ teˇ hpaˍ hta‸ yuˬ yehˇ hpeh‸ ve yoˬ.
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 21 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34