bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Deuteronomy 26
Deuteronomy 26
Lahu Bible Edited © Thailand Bible Society and Bible Society of Myanmar, 2010, 2020.
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 27 →
1
Gʼuiˬsha nawˬ hui hta‸ piˇ laˇ chehˇ ve mvuhˇmiˬ hkʼaw gaˬ ve teˇ yanˇ,
2
nawˬ hui awˉ lawˉ peuˇ ti tawˆ la taˍ ve awˬ shiˍ awˬ nu teˇ hpaˍ hta‸ hkʼawˍ lawˇ hkʼaw keu leh, Gʼuiˬsha hta‸ oˉ kʼoˍ pui kuiˬ lo gʼa yuˬ kʼai ve yoˬ.
3
Oˇ kaˬ lo paw hkuˇ lonˉ te chehˇ ve chaw geh kʼai leh, Gʼuiˬsha ngaˬ hui ve awˬ puˍ awˬ pi hui hta‸ piˇ tuˬ ka ti‸ te taˍ ve mvuhˇmiˬ hkʼaw, ngaˬ gaˬ la peuˬ ve awˬ lawn shaˉ hkiˆ hpeh‸ tuˬ ngaˬ laˬ ve yoˬ, teh‸ yawˇ hta‸ gʼa kʼoˆ piˇ ve yoˬ.
4
Paw hkuˇ lehˬ nawˬ ve hkʼawˍ lawˇ hta‸ yuˬ leh, tuˉ tanˇ kuiˬ gʼuˇ suhˍ lo teh taˍ ve yoˬ.
5
Oˇ ve hkʼaw‸ nawˉ, Gʼuiˬsha mehˆ gʼuˇ suhˍ lo nawˬ chi hkʼe gʼa kʼoˆ ve yoˬ. Ngaˬ ve awˬ puˍ lonˉ lehˬ, teˇ kaˬ peuˬ teˇ kaˬ lo ca hpaw toˇ chehˇ ve Aˍranˍ chaw hpeh‸ leh, yawˇ ve miˇ yaˇ teˇ hpaˍ geh teˇ geh Eˇjiˇtu‸ mvuhˇmiˬ lo ca hpaw chehˇ kʼai taˍ ve yoˬ. Yawˇ hui oˇ kaˬ lo ca chehˇ htaˇ, chaw a ciˉ ceh tiˉ yoˬ. Ya‸ hkʼaˇ, awˬ hkʼaw nawˉ yawˇ hui awˬ gʼaˇ uiˍ ve chaw ceuˬ lonˉ teˇ ceuˬ hpeh‸ la ve yoˬ.
6
Eˇjiˇtu‸ chaw teˇ hpaˍ ngaˬ hui hta‸ awˬ ceˬ hkʼa shuˍ hehnˇ chaweh kanˉ nyiˉ te tcuh laˇ ve yoˬ.
7
Oˇ htaˇ, ngaˬ hui lehˬ ngaˬ hui ve awˬ puˍ awˬ pi hui ve Gʼuiˬsha hta‸ kuˬ ca ve yoˬ. Yawˇ lehˬ ngaˬ hui ve kuˬ hkawˇ hta‸ kaˇ leh, ngaˬ hui hkʼaˬ ma gʼa tu‸ gʼa hkanˍ chehˇ ve hta‸ gʼa mawˬ ve yoˬ.
8
Yawˇ ve kanˇ paˆ leh Yawˇ ve awˬ gʼaˇ awˬ shaˉ hta‸ cuˇ leh, kawˆ law‸ law‸ ve awˬ ceuˬ teˇ hpaˍ hta‸ tawˆ la piˇ ve yoˬ.
9
Yawˇ ngaˬ hui hta‸ choˬ kaˬ lo shiˍ veu laˇ leh, hkuiˇ jaˇ da‸ jaˇ ve mvuhˇmiˬ chi Yawˇ ngaˬ hui hta‸ piˇ laˇ ve yoˬ.
10
Chi hta‸ pa taw, Yawˇ ngaˬ hui hta‸ piˇ laˇ taˍ ve awˬ shiˍ awˬ nu teˇ hpaˍ awˬ hkʼaw lo, awˉ lawˉ peuˇ naw‸ la taˍ ve awˬ shiˍ awˬ nu teˇ hpaˍ, chi beu‸ ngaˬ Gʼuiˬsha geh yuˬ veu laˇ piˇ taˍ ve yoˬ, teh‸ gʼa kʼoˆ ve yoˬ. Oˇ hkʼe kʼoˆ peuˬ hkʼaw‸ nawˉ, hkʼawˍ lawˇ oˇ ve hta‸ Gʼuiˬsha mehˆ gʼuˇ suhˍ teh taˍ leh oˉ kʼoˍ gʼa pui ve yoˬ.
11
Nawˬ ve yehˬ kʼa hta‸ Gʼuiˬsha awˬ bon na‸ laˇ ve teˇ hpaˍ awˬ pon, ha lehˬ ha kʼa te chehˇ-oˆ. Leˍviˆ chaw leh nawˬ hui geh chehˇ taˍ ve hkehˉ chaw teˇ hpaˍ htawˇ, nawˬ hui geh ga ha lehˬ tcuh-o.
12
Shehˆ hkʼaw‸ teˇ pawˆ, nawˬ hui ve awˬ shiˍ awˬ nu teˇ chi pun teˇ pun yuˬ tawˆ leh, nawˬ hui geh chehˇ taˍ ve chaw hkʼa peu-eˬ caˇ law‸ dawˬ law‸ cawˬ tuˬ, Leˍ viˆ chaw, hkehˉ chaw, yaˇcuˬshi leh mehˇchawˇma teˇ hpaˍ hta‸ pehˬ piˇ-oˆ. Oˇ hkʼe te peuˬ hkʼaw‸ nawˉ, Gʼuiˬsha hta‸ chi hkʼe gʼa kʼoˆ piˇ ve yoˬ.
13
Da‸ kehˬ ve tanˇ tuˬ ngaˬ ve yehˬ hkʼaw maˇ kʼaw‸ cawˬ-o. Nawˬ kʼoˆ laˇ taˍ peuˬve hkʼe, Leˍviˆ chaw, hkehˉ chaw, yaˇcuˬshi leh mehˇchawˇma hui hta‸ ngaˬ tanˇ piˇ peuˬ. Tanˇ tuˬ hta‸ caˉ da‸ leh, nawˬ kʼoˆ taˍ ve hkʼe ngaˬ maˇ te ve teˇ ceuˬ ka‸ maˇ cawˬ.
14
Ngaˬ dawˇ haˍ jaˇ leh paˆ hawˬ chehˇ ve awˬ yanˇ awˬ hkʼaw lo, tanˇ tuˬ oˇ ve teˇ hpaˍ hta‸ ngaˬ a ciˉ ka‸ maˇ caˇ. Ngaˬ ve awˬ to maˇ da‸ maˇ kehˬ hpeh‸chehˇ ve teˇ yanˇ, tanˇ tuˬ oˇ ve teˇ hpaˍ hta‸ ngaˬ ve yehˬ baˬ lo maˇ yuˬ tawˆ-e. Suh peuˬ ve chaw hta‸ htawˇ, tanˇ tuˬ oˇ ve hta‸ yuˬ leh ngaˬ maˇ tanˇ piˇ. Gʼuiˬsha-oˬ, ngaˬ lehˬ nawˬ ve tawˇ hta‸ na yuˬ chehˇ ve yoˬ. Tanˇ tuˬ hta‸ caˉ da‸ leh, nawˬ kʼoˆ laˇ taˍ ve hkʼe ngaˬ maˇ te ve teˇ ceuˬ ka‸ maˇ cawˬ.
15
Mvuhˇ naw ma hkʼoˆ da‸ve kehˬ ve chehˇ kuiˬ lo nyi ya‸ peu laˇ leh, nawˬ ve Iˉsaˍreˍlaˆ chaw hta‸ awˬ bon na‸ laˇ-oˆ. Ngaˬ hui ve awˬ puˍ awˬ pi hui hta‸ nawˬ piˇ tuˬ ka ti‸ te taˍ ve hkuiˇ jaˇ da‸ jaˇ ve mvuhˇmiˬ chi hta‸ htawˇ awˬ bon na‸ laˇ-oˆ, teh‸ Gʼuiˬsha hta‸ gʼa kʼoˆ piˇ ve yoˬ.
16
Gʼuiˬsha lehˬ Yawˇ ve awˬliˇtawˇhkawˇ hkʼa peu-eˬ ve hta‸ hkʼa deh‸ na yuˬ tuˬ, ya‸ nyi nawˬ hui hta‸ tawˇ pe‸ laˇ chehˇ ve yoˬ. Chi hta‸ pa taw, nawˬ hui ve nyi ma awˬ tawˬ hkʼa gaˬ hkʼa deh‸ na yuˬ-o‸.
17
Ya‸ nyi nawˬ hui lehˬ, Gʼuiˬsha hta‸ nawˬ hui ve Jawˇmawˇ hpeh‸ ve yoˬ, teh‸ hkanˍ yuˬ taˍ peuˬ. Yawˇ ve tawˇ hkawˇ hta‸ na yuˬ tuˬ maˇ kʼoˆ, yawˇ kʼoˆ laˇ ve hkʼe te tuˬ maˇ kʼo, nawˬ hui ka ti‸ te taˍ peuˬ.
18
Ya‸ nyi Gʼuiˬsha lehˬ Yawˇ ka ti‸ te taˍ peuˬ ve hkʼe, nawˬ hui hta‸ Yawˇ ve chaw teh‸ shawˍ leh ha‸ yuˬ taˍ peuˬ. Hkʼe te leh, Yawˇ ve tawˇ hta‸ na yuˬ tuˬ, Yawˇ nawˬ hui hta‸ tawˇ pe‸ laˇ chehˇ ve yoˬ.
19
Yawˇ te hpanˍ taˍ ve awˬ nu ve chaw ceuˬ teˇ hpaˍ a‸ kehˉ Yawˇ nawˬ hui hta‸ uiˍ la mvuh la piˇ taˍ peuˬ ve pa taw, nawˬ hui lehˬ Yawˇ ve awˬ meh hta‸ chiˇ mvuh leh awˬ me‸ awˬ hponˇ gʼa cawˬ piˇ ve yoˬ. Yawˇ ka ti‸ te taˍ peuˬ ve hkʼe, nawˬ hui lehˬ Yawˇ ve chaw hpeh‸ la tuˬ yoˬ, teh‸ Moˉseˍ yawˇ hui hta‸ kʼoˆ piˇ ve yoˬ.
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 27 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34