bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Deuteronomy 16
Deuteronomy 16
Lahu Bible Edited © Thailand Bible Society and Bible Society of Myanmar, 2010, 2020.
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 17 →
1
Aˍbiˆbaˍlaˆ ha pa gaˬ la ve kʼo, Paˍsaˍhkaˍ pawehˇ caˇ tuˬ hkʼaˬ htaˆ ka‸ gʼa dawˇ nawˇ taˍ ve yoˬ. Oˇ ve teˇ ha pa tanˇ hkuinˇ htaˇ, Gʼuiˬsha lehˬ nawˬ hui hta‸ Eˇjiˇtu‸ chaw hui ve la‸ sheh hkʼaw htaiˍ hkʼaw‸ laˇ ve yoˬ.
2
Gʼuiˬsha hta‸ oˉ kʼoˍ pui kuiˬ lo kʼai leh Yawˇ hta‸ yawˆ yan ve hkʼaw, Paˍsaˍ hkaˍ pawehˇ caˇ tuˬ nawˬ hui ve nuˇ, maˇ heˆ kʼo yawˬ ehˉ hta‸ tiˇ pehˍ-o‸.
3
Nawˬ hui pawehˇ chi hta‸ caˇ ve teˇ yanˇ, diˇ keu taˍ ve hkaoˍmonˇ hta‸ maˇ gʼa caˇ. Nawˬ hui Eˇjiˇtu‸ mvuhˇmiˬ hkʼaw kiˍ moˉ kiˍ chiˆ te tawˆ la chehˇ htaˇ, diˇ maˇ keu ve hkaoˍmonˇ hta‸ nawˬ hui suhˍ nyi hkʼa gaˬ gʼa caˇ taˉ peuˬve yoˬ. Hkaoˍmonˇ chi hta‸ tu‸ hkanˍ ve hkaoˍmonˇ teh‸ kʼoˆ ve yoˬ. Tu‸ hkanˍ jaˇ ve Eˇjiˇtu‸ mvuhˇmiˬ hkʼaw gʼa ponˬ tawˆ la ve hta‸ nawˬ hui teˇ co-e dawˇ nawˇ hpeh‸ tuˬ, hkaoˍmonˇ chi hta‸ caˇ-oˆ.
4
Suhˍ nyi hkʼa gaˬ nawˬ hui ve yehˬ hkʼaw diˇ maˇ gʼa teh taˍ. Awˉ lawˉ peuˇ ve teˇ haˉ htaˇ tiˇ pehˍ taˍ ve shaˍ hta‸, oˇ ve teˇ haˉ tiˉ hkʼaw gʼa caˇ peuˬ piˇ ve yoˬ.
5
Paˍsaˍhkaˍ pawehˇ caˇ tuˬ ve yawˬ ehˉ hta‸ Gʼuiˬsha hta‸ oˉ kʼoˍ pui tuˬ leuˆ yuˬ taˍ ve chehˇ kuiˬ lo gʼa sheh kʼai leh gʼa tiˇ pehˍ ve yoˬ. Awˬ nu ve chehˇ kuiˬ lo ca tiˇ pehˍ maˇ hpeh‸.
6
Yawˬ ehˉ oˇ ve hta‸, nawˬ hui Eˇjiˇtu‸ mvuhˇmiˬ hkʼaw tawˆ la ve, mvuhˇ nyi lo‸-e ve awˬ yanˇ hkʼe htaˇ gʼa tiˇ pehˍ ve yoˬ.
7
Shaˍ hta‸ mu‸ hkʼu hkʼaw keu caˉ leh, Gʼuiˬsha hta‸ oˉ kʼoˍ pui kuiˬ lo gʼa caˇ ve yoˬ. Shawˉ pawˍ mvuhˇ htiˇ la ve kʼo, a shu yawˇ ve yehˬ lo gʼa kʼaw‸ kʼo‸-e ve yoˬ.
8
Awˬ hkʼaw‸ nawˉ hkaw‸ nyi hkʼa gaˬ, nawˬ hui lehˬ diˇ maˇ keu ve hkaoˍmonˇ hta‸ tiˉgʼa caˇ ve yoˬ. Suhˍ nyi teˇ nyi gaˬ ve kʼo, nawˬ hui Gʼuiˬsha hta‸ oˉ kʼoˍ pui tuˬ gʼa hpawnˬ da‸ leh, chaw teˇ gʼaˇ ka‸ kanˉ maˇ gʼa te.
9
Nawˬ hui caˬ tanˬ gʼeu‸ ve teˇ nyi hta‸ te leh suhˍ shinˉ ponˬ peuˬ hkʼaw‸ nawˉ,
10
awˬ shiˍ awˬ nu gʼeu‸ jaw‸ ve pawehˇ hta‸ gʼa te ve yoˬ. Gʼuiˬsha hta‸ yawˆ yan ve hkʼaw, yawˇ na‸ laˇ ve bon hta‸ dawˇ nyi leh, a shu yawˇ nyi ma cawˬ ve hkʼe tanˇ tuˬ teˇ hpaˍ Gʼuiˬsha geh gʼa yuˬ laˬ ve yoˬ.
11
Nawˬ hui ve miˇ yaˇ, awˬ ceˬ teˇ hpaˍ, Leˍviˆ chaw, hkehˉ chaw, yaˇcuˬshi leh mehˇchawˇma teˇ hpaˍ hta‸ shiˬ veu laˇ leh, Gʼuiˬsha hta‸ oˉ kʼoˍ pui kuiˬ, yawˇ mehˆ gʼuˇ suhˍ lo ha lehˬ ha kʼa gʼa hti caˇ ve yoˬ.
12
Awˬliˇtawˇhkawˇ chi teˇ hpaˍ hta‸ hkʼa deh‸ na yuˬ-o‸. Teˇ pawˆ htaˇ, nawˬ hui htawˇ Eˇjiˇtu‸ mvuhˇmiˬ hkʼaw shu ceˬ gʼa te jaw taˉ peuˬ ve hta‸ hkʼaˬ htaˆ ka‸ dawˇ nawˇ tcuhˉ taˍ-o‸.
13
Nawˬ hui caˬ jaw‸ peuˬ leh a pehˉ meuˇ gʼuiˬ nyiˉ peuˬ hkʼaw‸ nawˉ, aˉ po kʼo pawehˇ hta‸ suhˍ nyi gʼa kʼaw‸ te ve yoˬ.
14
Nawˬ hui ve miˇ yaˇ, nawˬ hui ve awˬ ceˬ, Leˍviˆ chaw, hkehˉ chaw, yaˇcuˬshi leh mehˇchawˇma hui hta‸ shiˍ veu leh teˇ geh ha lehˬ ha kʼa gʼa hti caˇ ve yoˬ.
15
Gʼuiˬsha hta‸ yawˆ yan ve hkʼaw, yawˇ hta‸ oˉ kʼoˍ pui kuiˬ lo kʼai leh suhˍ nyi hkʼa gaˬ pawehˇ chi hta‸ gʼa te ve yoˬ. Gʼuiˬsha lehˬ nawˬ hui muiˬ taˍ vaˇ taˍ ve hta‸ awˬ bon na‸ laˇ ve pa taw, ha lehˬ ha kʼa te chehˇ-oˆ.
16
Nawˬ hui hawˉ hkʼaˆ paˍ hkʼa peu-eˬ, teˇ hkʼaw‸ shehˆ pawˆ Gʼuiˬsha hta‸ oˉ kʼoˍ pui kuiˬ lo laˬ leh, Paˍsaˍhkaˍ pawehˇ, awˬ shiˍ awˬ nu gʼeu‸ jaw‸ ve pawehˇ, leh aˉ po kʼo pawehˇ chi teˇ hpaˍ hta‸ gʼa ca te la ve yoˬ.
17
A shu yawˇ te gʼa ve hkʼe, Gʼuiˬsha bon na‸ laˇ ve hta‸ nyi leh, Gʼuiˬsha hta‸ tanˇ piˇ tuˬ ve tanˇ tuˬ teˇ hpaˍ htawˇ gʼa yuˬ laˬ ve yoˬ.
18
Gʼuiˬsha nawˬ hui hta‸ piˇ laˇ taˍ ve mvuhˇmiˬ hkʼaw, suhˉ jehˬ shehˍ hpaˇ leh awˬ nu ve awˬ hoˉ awˬ naˬ teˇ hpaˍ hta‸ leuˆ teh taˍ-o‸. Chaw chi teˇ hpaˍ lehˬ, mvuhˇmiˬ yaˇ hta‸ hteˇ ve cawˇ ve hkʼaw suhˉ gʼa jehˬ piˇ ve yoˬ.
19
Yawˇ hui lehˬ, maˇ hteˇ maˇ cawˇ ve hkʼaw suhˉ maˇ gʼa jehˬ. Shu geh la‸ shawnˍ ka‸ maˇ gʼa ha‸ yuˬ. Chi hkʼe ve la‸shawnˍ lehˬ cuˇ yiˍ cawˬ leh hteˇ ve cawˇ ve chaw hui hta‸ mehˆ cuˉ piˇ lawˬ leh, maˇ hteˇ maˇ cawˇ ve hkʼaw suhˉ jehˬ piˇ puiˉ ve yoˬ.
20
Gʼuiˬsha nawˬ hui hta‸ piˇ taˍ ve mvuhˇmiˬ hkʼaw awˬ yanˇ maw chaweh gʼa chehˇ tuˬ, nawˬ hui hkʼaˬ htaˆ ka‸ hteˇ ve cawˇ ve kanˉ hta‸ ceh tiˉ te-o.
21
Nawˬ hui Gʼuiˬsha hta‸ tuˉ tanˇ kuiˬ te ve teˇ yanˇ, tuˉ tanˇ kuiˬ oˇ ve awˬ paˇ lo Aˍsheˍraˆ gʼuiˬsha ma ve shaˉ ho‸ maˇ gʼa yuˬ teh taˍ.
22
Awˬ kaˍ awˬ nu da‸ kehˬ ve haˉ pui hkuiˉ daw leh shaˉ ho‸ teˇ hpaˍ hta‸ htawˇ maˇ gʼa te teh taˍ. Awˬ ceuˬ oˇ ve teˇ hpaˍ hta‸ Gʼuiˬsha canˇ jaˇ ve yoˬ.
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 17 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34