bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Deuteronomy 18
Deuteronomy 18
Lahu Bible Edited © Thailand Bible Society and Bible Society of Myanmar, 2010, 2020.
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 19 →
1
Leˍviˆ awˬ ceuˬ aw hkʼaˇ paw hkuˇ teˇ hpaˍ lehˬ, Iˉsaˍreˍlaˆ mvuhˇmiˬhkʼaw miˬguiˬ pehˬ gʼa tuˬ ve maˇ heˆ. Ya‸ hkʼaˇ, yawˇ hui lehˬGʼuiˬsha hta‸ tanˇ piˇ ve tuˉ tanˇ tuˬ teˇ hpaˍ hta‸ caˇ hpeh‸ ve yoˬ.
2
Yawˇ hui lehˬ, awˬ nu ve Iˉsaˍreˍlaˆ chaw teˇ hpaˍ hkʼa shuˍ miˬguiˬ maˇ cawˬ. Gʼuiˬsha ka ti‸ te taˍ peuˬ ve hkʼe, yawˇ hui lehˬ Gʼuiˬsha ve paw hkuˇ teˇ hpaˍ hpeh‸ ve yoˬ.
3
Nuˇ leh yawˬ ehˉ hta‸ tuˉ tanˇ piˇ ve teˇ pawˆ le le, la‸ hpeh kʼaˉ, paˇ kaˇ gʼawˇ, leh awˬ gʼuˬ tehˆ teˇ hpaˍ paw hkuˇ hui hta‸ gʼa piˇ ve yoˬ.
4
Awˉ lawˉ peuˇ naw‸ la ve awˬ shiˍ awˬ nu, a pehˉ meuˇ gʼuiˬ, shaˍlonˍ chu leh yawˬ mvuh teˇ hpaˍ htawˇ yawˇ hui hta‸ gʼa piˇ ve yoˬ.
5
Nawˬ hui ve chaw ceuˬ hkʼa peu-eˬ awˬ hkʼaw lo, Gʼuiˬsha lehˬ Leˍviˆ chaw hui hta‸ leuˆ yuˬ leh co co taiˍ taiˍ Yawˇ ve paw hkuˇ te tcuh taˍ ve yoˬ.
6
Iˉsaˍreˍlaˆ mvuhˇmiˬ hkʼaw chehˇ ve Leˍviˆ chaw hkʼaˬ ve teˇ gʼaˇ maˇ kʼoˆ, Gʼuiˬsha hta‸ oˉ kʼoˍ pui kuiˬ lo laˬ leh,
7
oˇ kaˬ lo kanˉ te chehˇ ve awˬ nu ve Leˍviˆ chaw hui hkʼa shuˍ Gʼuiˬsha ve kanˉ hta‸ ca te la hpeh‸ ve yoˬ.
8
Yawˇ htawˇ ka‸ awˬ nu ve Leˍviˆ chaw hui hkʼe caˇ tuˬ hkʼa shuˍ gʼa caˇ leh, yawˇ ve miˇ yaˇ teˇ hpaˍ feu laˇ ve mawˇ teˇ hpaˍ hta‸ ha‸ shaˉ taˍ hpeh‸ ve yoˬ.
9
Gʼuiˬsha nawˬ hui hta‸ piˇ laˇ chehˇ ve mvuhˇmiˬ hkʼaw gaˬ ve teˇ yanˇ, oˇ kaˬ lo chehˇ taˍ ve chaw hui te ve awˬ liˇ awˬ hkʼaˇ teˇ hpaˍ hta‸ taˇ gʼa‸ te.
10
Nawˬ hui ve tuˉ tanˇ kuiˬ hkʼoˆ lo, nawˬ hui ve yaˇ teˇ hpaˍ hta‸ maˇ gʼa tuˉ tanˇ piˇ. Nawˬ hui ve chaw teˇ hpaˍ hta‸ htawˇ, neˇ maˇ gʼa te tcuh. Maˇ gʼa mawˉ nyi tcuh.
11
Faˍ maˇ gʼa te tcuh. Suh peuˬ ve chaw hta‸ tawˇ na nyi ve, chi hkʼe ve teˇ hpaˍ ka‸ maˇ gʼa te tcuh.
12
Chi hkʼe te ve chaw hui hta‸ Gʼuiˬsha canˇ ve yoˬ. Chi hta‸ pa taw, nawˬ hui awˬ gʼuˇ suhˍ kʼai chehˇ ve teˇ yanˇ, Gʼuiˬsha lehˬ chaw oˇ ve teˇ hpaˍ hta‸ gʼa‸ kʼoˬ piˇ ve yoˬ.
13
Gʼuiˬsha hta‸ ceh tiˉ ka ti‸ yeˬ chehˇ-oˆ, teh‸ yawˇ hui hta‸ kʼoˆ piˇ ve yoˬ.
14
Oˇ ve hkʼaw‸ nawˉ, Moˉseˍ yawˇ hui hta‸ chi hkʼe kʼoˆ piˇ ve yoˬ. Chi beu‸ nawˬ hui ca chehˇ tuˬ ve mvuhˇmiˬ oˇ ve hkʼaw chehˇ taˍ ve chaw teˇ hpaˍ lehˬ, neˇ te leh mawˉ nyi ve chi teˇ hpaˍ hta‸ te chehˇ ve yoˬ. Ya‸ hkʼaˇ, nawˬ hui ve Gʼuiˬsha lehˬ nawˬ hui hta‸ oˇ hkʼe te tuˬ a hkaw-anˬ maˇ pe‸ laˇ.
15
Yawˇ lehˬ nawˬ hui ve chaw ceuˬ hkʼaw, ngaˬ hkʼa shuˍ ve tcuh kaˍ paˍ teˇ gʼaˇ peu laˇ tuˬ yoˬ. Nawˬ hui hkʼa peu-eˬ yawˇ ve tawˇ hta‸ gʼa na yuˬ ve yoˬ.
16
Nawˬ hui Siˉnaˆ hkʼaw hkuiˉ puiˍ lo hpoˆ chehˇ taˍ htaˇ, Gʼuiˬsha aˬ miˍ ha hkʼaw chehˇ taˍ leh nawˬ hui hta‸ tawˇ yaw laˇ chehˇ ve hta‸ nawˬ hui maˇ mawˬ gaˇ-o teh‸ kʼoˆ ve yoˬ. Nawˬ hui suh-e la ve hta‸ kawˆ jaˇ ve yoˬ.
17
Hkʼe te leh, Gʼuiˬsha ngaˬ hta‸ chi hkʼe kʼoˆ laˇ ve, Yawˇ hui teˇ ceuˬ lawˬ chehˇ ve yoˬ.
18
Yawˇ hui ve chaw ceuˬ awˬ hkʼaw lo nawˬ hta‸ shuˍ ve tcuh kaˍ paˍ teˇ gʼaˇ hta‸ ngaˬ peu laˇ tuˬ yoˬ. Yawˇ hkʼaˬ hkʼe gʼa kʼoˆ tuˬ ve ngaˬ yawˇ hta‸ kʼoˆ maˍ piˇ leh, ngaˬ hkʼa kʼoˆ ve tawˇ hkʼa peu-eˬ yawˇ yawˇ hui hta‸ gʼa kʼaw‸ kʼoˆ maˍ piˇ tuˬ yoˬ.
19
Yawˇ lehˬ ngaˬve awˬ meh hkʼaw tawˇ yaw leh, yawˇ ve tawˇ hta‸ maˇ na yuˬ ve chaw hta‸ ngaˬ ciˍ yanˍ piˇ tuˬ yoˬ.
20
Ya‸ hkʼaˇ, ngaˬ maˇ kʼoˆ tcuh ve htawˇ, ngaˬ ve awˬ meh hkʼaw tawˇ yaw toˇ ve tcuh kaˍ paˍ hta‸ ngaˬ tiˇ pehˍ piˇ tuˬ yoˬ. Oˇ ve hkʼa shuˍ, awˬ nu ve gʼuiˬsha teˇ hpaˍ ve awˬ meh hkʼaw tawˇ yaw chehˇ ve tcuh kaˍ paˍ hta‸ htawˇ, ngaˬ tiˇ pehˍ piˇ tuˬ yoˬ, teh‸ Gʼuiˬsha ngaˬ hta‸ kʼoˆ laˇ ve yoˬ.
21
Tcuh kaˍ paˍ teˇ gʼaˇ yaw chehˇ ve tawˇ oˇ ve Gʼuiˬsha geh gʼa, maˇ gʼa ve hta‸ hkʼaˬ hkʼe te shiˍ hpeh‸ tuˬ le, teh‸ nawˬ hui dawˇ tuˬ yoˬ.
22
Tcuh kaˍ paˍ teˇ gʼaˇ lehˬ, Gʼuiˬsha ve awˬ meh hkʼaw tawˇ yaw leh yawˇ kʼoˆ ve hkʼe maˇ hpeh‸ la ve kʼo, tawˇ oˇ ve Gʼuiˬsha geh laˬ ve tawˇ maˇ heˆ. Tcuh kaˍ paˍ oˇ ve yawˇ hkʼaˇ yawˇ dawˇ tawˆ ve hkʼe yaw toˇ chehˇ ve pa taw, nawˬ hui yawˇ hta‸ kawˆ tuˬ maˇ loˍ.
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 19 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34