bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Deuteronomy 23
Deuteronomy 23
Lahu Bible Edited © Thailand Bible Society and Bible Society of Myanmar, 2010, 2020.
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 24 →
1
Awˬ tawnˇ paˍ hpeh‸ la tuˬ te taˍ peuˬ ve chaw, maˇ heˆ kʼo, nyiˍ shawˆ baˬ ve hta‸ gʼa hkanˍ ve chaw hta‸ Gʼuiˬsha ve chaw teh‸ maˇ gʼa kʼaw‸ shawˍ taˍ.
2
Haˉ chawˇ yaˇ hta‸ htawˇ, Gʼuiˬsha ve chaw teh‸ maˇ gʼa shawˍ. Yawˇ ve awˬ ceuˬ awˬ hkʼaˇ 10 co-e hkʼa gaˬ ve hta‸ ka‸ Gʼuiˬsha ve chaw teh‸ maˇ gʼa shawˍ.
3
Aˍmawˇniˆ chaw, Mawˇbaˆ chaw, maˇ heˆ kʼo yawˇ hui ve awˬ ceuˬ awˬ hkʼaˇ 10 co-e hkʼa gaˬ ve hta‸ Gʼuiˬsha ve chaw teh‸ maˇ gʼa shawˍ.
4
Yawˇ hui lehˬ, nawˬ hui Eˇjiˇtu‸ mvuhˇmiˬ hkʼaw tawˆ la chehˇ htaˇ, nawˬ hui hta‸ caˇ tuˬ leh iˉ kaˆ maˇ piˇ laˇ ve awˬ hkʼoˆ, Meˍsoˇpoˇtaˍmiˆ mvuhˇmiˬ, Peˍtawˍ venˇ hkʼaw chehˇ ve Bawˇraˆ ve yaˇ Baˍlanˍ hta‸ kuˬ yuˬ leh, nawˬ hui hta‸ hkeu tcuh ve yoˬ.
5
Ya‸ hkʼaˇ, nawˬ hui ve Gʼuiˬsha lehˬ, Baˍlanˍ ve tawˇ hta‸ maˇ na yuˬ. Yawˇ nawˬ hui hta‸ ha‸ jaˇ ve pa taw, Baˍlanˍ hkeu hkawˇ hta‸ bon na‸ hkawˇ kʼaw‸ hpeh‸ la piˇ lawˬ ve yoˬ.
6
Nawˬ hui chaw ceuˬ teˇ ceuˬ hpeh‸ chehˇ taˍ sheˍ ve ceh ceh, chaw chi teˇ hpaˍ uiˍ la da‸ la tuˬ te‸ chiˉ maˇ gʼa te piˇ, maˇ gʼa ga piˇ.
7
Eˇdonˍ chaw hui hta‸ taˇ shawˍ baˬ. Yawˇ hui lehˬ, nawˬ hui ve awˬ ceuˬ awˬ hkʼaˇ hpeh‸ ve yoˬ. Eˇjiˇtu‸ chaw hui hta‸ htawˇ taˇ shawˍ baˬ. Teˇ pawˆ htaˇ, nawˬ hui lehˬ yawˇ hui ve mvuhˇmiˬ hkʼaw chehˇ jaw taˉ peuˬ ve yoˬ.
8
Yawˇ hui ve awˬ ceuˬ awˬ hkʼaˇ shehˆ co teˇ co hta‸ tanˬ leh, Gʼuiˬsha ve chaw teh‸ shawˍ piˇ hpeh‸ ve yoˬ.
9
Ma‸ hpeh‸ chehˇ ve awˬ yanˇ hkʼaw, nawˬ hui fa la hkʼaw gʼa chehˇ taˍ ve teˇ yanˇ, nawˬ hui ve awˬ to maˇ gʼa cha‸ chiˆ kʼai tuˬ shaˍ ti‸ hkʼa deh‸ gʼa te ve yoˬ.
10
Chaw teˇ gʼaˇ tanˇ hkuinˇ htaˇ zuh‸ maˆ ve hkʼaw, maˇ da‸ ve awˬ gʼuiˬ tawˆ-e puiˉ ve kʼo, yawˇ lehˬ fa la awˬ baˬ hpawˇ lo gʼa ca chehˇ taˍ ve yoˬ.
11
Mvuhˇ hpeu‸ la hpawˇ gaˬ ve teˇ yanˇ yawˇ iˉ kaˆ gʼa hehˉ leh, mvuhˇ nyi lo‸-e peuˬ htaˇ fa la hkʼaw kʼaw‸ lo‸ la hpeh‸ ve yoˬ.
12
Nawˬ hui aˉ kʼa‸ kʼai kuiˬ hta‸ fa la awˬ baˬ hpawˇ lo gʼa te taˍ ve yoˬ.
13
Hkʼaˬ htaˆ ka‸ aˉ du taˬ teˇ maˬ gʼa yuˬ toˇ ve yoˬ. Aˉ kʼa‸ kʼai gaˇ la ve teˇ yanˇ, miˬ kʼoˍ duˇ leh kʼai peuˬ hkʼaw‸ nawˉ gʼa kʼaw‸ yaˆ beh taˉ ve yoˬ.
14
Nawˬ hui ve fa la hta‸ gʼa da‸ kehˬ piˇ ve yoˬ. Awˬ lawn kʼo, nawˬ hui hta‸ ha‸ shaˉ laˇ tuˬ leh, nawˬ hui hta‸ gʼaˇ shehˍ hpaˇ hpeh‸ la piˇ lawˬ tuˬ, Gʼuiˬsha nawˬ hui geh chehˇ taˍ ve yoˬ. Gʼuiˬsha nawˬ hui hta‸ maˇ gʼa baˬ taˉ tuˬ, maˇ da‸ kehˬ ve kanˉ hta‸ a ciˉ ka‸ maˇ gʼa te.
15
Shu ve awˬ ceˬ teˇ gʼaˇ nawˬ geh ca hpaw chehˇ la ve kʼo, yawˇ hta‸ taˇ kʼaw‸ kʼo‸-e peu.
16
Yawˇ chehˇ gaˇ ve venˇ hkʼaw chehˇ tcuh leh, yawˇ hta‸ hehnˇ chaweh maˇ gʼa te piˇ.
17
Iˉsaˍreˍlaˆ chaw hawˉ hkʼaˆ maˇ kʼoˆ, yaˇ miˇ maˇ kʼoˆ, bon yehˬ hkʼaw chehˇ taˍ leh meh maˬ lanˉ maˇ gʼa te caˇ.
18
Oˇ hkʼe te leh gʼa ve hpu hta‸ bon yehˬ hkʼaw yuˬ laˬ leh, Gʼuiˬsha hta‸ maˇ gʼa tanˇ piˇ. Bon yehˬ hkʼaw meh maˬ lanˉ te caˇ ve hta‸ Gʼuiˬsha canˇ ve yoˬ.
19
Iˉsaˍreˍlaˆ chaw teˇ gʼaˇ hta‸ nawˬ caˇ tuˬ, hpu, maˇ heˆ kʼo, mawˇ teˇ ceuˬ ceuˬ chiˇ piˇ ve kʼo, yawˇ geh awˬ yawˬ maˇ gʼa lawˬ yuˬ.
20
Buiˇshaˆaˉnaˆ chaw hta‸ chiˇ piˇ taˍ ve mawˇ hta‸ nawˬ awˬ yawˬ lawˬ yuˬ hpeh‸ ve yoˬ. Ya‸ hkʼaˇ, Iˉsaˍreˍlaˆ chaw hta‸ nawˬ awˬ yawˬ maˇ gʼa lawˬ yuˬ. Tawˇ chi hta‸ nawˬ hui hkʼa deh‸ na yuˬ ve kʼo, nawˬ hui ca chehˇ tuˬ ve mvuhˇmiˬ oˇ ve hkʼaw, nawˬ hui hkʼa te ve kanˉ hkʼa peu-eˬ hta‸ Gʼuiˬsha awˬ bon na‸ laˇ tuˬ yoˬ.
21
Nawˬ hui Gʼuiˬsha hta‸ ka ti‸ teˇ ceuˬ ceuˬ te ve teˇ yanˇ, ka ti‸ oˇ ve biˇ la tuˬ te-o. Gʼuiˬsha lehˬ, nawˬ te taˍ ve ka ti‸ oˇ ve hta‸ ha‸ shaˉ taˍ ve yoˬ.
22
Nawˬbiˇ la tuˬ maˇ te ve kʼo, venˇbaˆ hpeh‸ ve yoˬ. Gʼuiˬsha hta‸ te‸ chiˉ ka ti‸ maˇ te ve lehˬ, venˇbaˆ hpeh‸ ve maˇ heˆ.
23
Ya‸ hkʼaˇ, nawˬ ka ti‸ teˇ ceuˬ ceuˬ te taˍ peuˬ ve kʼo, ka ti‸ oˇ ve biˇ la tuˬ gʼa te ve yoˬ.
24
Nawˬ shu ve a pehˉ meuˇ hko hkʼaw ya‸ kʼaw te toˇ chehˇ ve teˇ yanˇ, a pehˉ meuˇ shiˍ hta‸ nawˬ caˇ gaˇ ve hkʼe shaˉ caˇ hpeh‸ ve yoˬ. Ya‸ hkʼaˇ, aˉ hkʼaw lo shaˉ pfuhˇ kʼo‸-e ve maˇ gʼa te.
25
Nawˬ shu ve ti mi hkʼaw te toˇ chehˇ ve teˇ yanˇ, caˬ shiˍ hta‸ nawˬ shoˆ caˇ gaˇ ve hkʼe shoˆ caˇ hpeh‸ ve yoˬ. Ya‸ hkʼaˇ, law‸ kʼawˉ yuˬ leh maˇ gʼa gʼeu‸ yuˬ.
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 24 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34