bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Deuteronomy 7
Deuteronomy 7
Lahu Bible Edited © Thailand Bible Society and Bible Society of Myanmar, 2010, 2020.
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 8 →
1
Gʼuiˬsha lehˬ, chi beu‸ nawˬ hui ca chehˇ tuˬ ve mvuhˇmiˬ oˇ ve hkʼaw nawˬ hui hta‸ shiˍ kʼai laˇ leh, oˇ kaˬ lo chehˇ taˍ ve nawˬ hui a‸ kehˉ awˬ gʼaˇ uiˍ ve Hiˇtiˆ chaw, Giˇgaˍshiˆ chaw, Aˍmawˇriˆ chaw, Hkaˍnaˍniˆ chaw, Hpeˍraˍziˆ chaw, Hiˇviˆ chaw, leh Yeˍbuˇsiˆ chaw chi ve suhˍ ceuˬ hta‸ gʼa‸ kʼoˬ piˇ tuˬ yoˬ.
2
Gʼuiˬsha lehˬ, chaw oˇ ve teˇ hpaˍ hta‸ nawˬ hui ve la‸ sheh hkʼaw chiˇ a‸ laˇ ve teˇ yanˇ, nawˬ hui lehˬ chaw oˇ ve hkʼa peu-eˬ hta‸ gʼa tiˇ pehˍ piˇ ve yoˬ. Yawˇ hui geh shaˉ caˆ taˇ caˇ. Ha kʼaˉ ve nyi ma taˇ cawˬ piˇ.
3
Yawˇ hui teˇ gʼaˇ hta‸ ka‸ taˇ heuˆ. Nawˬ hui ve yaˇ teˇ hpaˍ hta‸ ka‸ taˇ heuˆ tcuh.
4
Nawˬ hui heuˆ tcuh ve kʼo, yawˇ hui lehˬ nawˬ hui ve yaˇ teˇ hpaˍ hta‸ shiˍ veu leh, awˬ kaˍ awˬ nu gʼuiˬsha teˇ hpaˍ hta‸ oˉ kʼoˍ pui tcuh tuˬ yoˬ. Oˇ hkʼe hpeh‸ la ve kʼo, Gʼuiˬsha nawˬ hui hta‸ nyi ma zuhˆ leh, la‸ haˉ te luˬ te sheˆ laˇ tuˬ yoˬ.
5
Chi hta‸ pa taw, yawˇ hui ve tuˉ tanˇ kuiˬ teˇ hpaˍ, da‸ kehˬ ve haˉ pui hkuiˉ daw teˇ hpaˍ, leh Aˍsheˍraˆ gʼuiˬsha ma hta‸ caˉ da‸ ve awˬ nu ve mawˇ hkʼa peu-eˬ hta‸ te luˬ te sheˆ leh yawˇ hui ve shaˉ ho‸ teˇ hpaˍ hta‸ aˬ miˍ tuˉ baˬ piˇ-oˆ.
6
Nawˬ hui lehˬ Gʼuiˬsha ve chaw hpeh‸ ve pa taw, shaˉ ho‸ teˇ hpaˍ hta‸ oˇ hkʼe te piˇ-oˆ. Miˬguiˬ hkʼoˆ cawˬ ve chaw ceuˬ hkʼa peu-eˬ awˬ hkʼaw lo, yawˇ nawˬ hui hta‸ leuˆ yuˬ leh yawˇ ve chaw hpeh‸ la piˇ taˍ peuˬ.
7
Nawˬ hui lehˬ miˬguiˬ hkʼoˆ lo shu a‸ kehˉ chaw maˇ jaˇ ve pa taw, Gʼuiˬsha nawˬ hui hta‸ leuˆ yuˬ taˍ ve maˇ heˆ. Nawˬ hui lehˬ, shu a‸ kehˉ i jaˇ ve chaw teˇ ceuˬ hpeh‸ ve yoˬ.
8
Ya‸ hkʼaˇ, Gʼuiˬsha nawˬ hui hta‸ ha‸ jaˇ leh nawˬ hui ve awˬ puˍ awˬ pi hui hta‸ yawˇ te piˇ taˍ ve ka ti‸ hta‸ te biˇ la piˇ lawˬ gaˇ ve yoˬ. Chi hta‸ pa taw, Eˇjiˇtu‸ jawˇmawˇ awˬ hawˉ lo awˬ ceˬ te chehˇ ve nawˬ hui hta‸, yawˇ ve kanˇ paˆ hta‸ cuˇ leh ponˬ laˇ taˍ ve yoˬ.
9
Nawˬ hui ve Gʼuiˬsha lehˬ teˇ gʼaˇ tiˉ cawˬ ve hta‸ maˇ kʼoˆ, yawˇ lehˬ ka ti‸ yeˬ jaˇ ve Gʼuiˬsha hpeh‸ ve hta‸ maˇ kʼoˆ, hkʼaˬ htaˆ ka‸ dawˇ nawˇ taˍ-o‸. Yawˇ hta‸ ha‸ leh yawˇ ve tawˇ hta‸ na yuˬ ve chaw hui ve awˬ yaˇ awˬ duˬ awˬ hinˉ co-e htaˇ hkʼa gaˬ ve hta‸ yawˇ ha kʼaˉ piˇ tuˬ yoˬ.
10
Ya‸ hkʼaˇ, yawˇ hta‸ canˇ ve chaw hta‸ maˇ ciˍ yanˍ leh hkʼe leˇ ponˬ piˇ tuˬ ve maˇ heˆ.
11
Chi hta‸ pa taw, ya‸ nyi ngaˬ nawˬ hui hta‸ maˍ laˇ taˍ peuˬ ve awˬliˇtawˇhkawˇ teˇ hpaˍ hta‸ hkʼa deh‸ na yuˬ-o‸.
12
Nawˬ hui lehˬ, awˬliˇtawˇhkawˇ chi teˇ hpaˍ hta‸ hkʼa deh‸ na yuˬ chehˇ ve kʼo, Gʼuiˬsha yawˇ nawˬ hui ve awˬ puˍ awˬ pi hui hta‸ ka ti‸ te piˇ taˍ peuˬ ve hkʼe, nawˬ hui hta‸ ha kʼaˉ laˇ tuˬ yoˬ.
13
Nawˬ hui ve chaw maˇ la tuˬ, yawˇ nawˬ hui hta‸ ha‸ leh awˬ bon na‸ laˇ tuˬ yoˬ. Yawˇ nawˬ hui ve miˬguiˬ hta‸ awˬ bon na‸ laˇ leh, caˬshiˍ, a pehˉ meuˇ shiˍ, leh shaˍlonˍ chu maˇ maˇ gʼa tuˬ yoˬ. Nawˬ hui ve awˬ puˍ awˬ pi hui hta‸ yawˇ piˇ tuˬ ka ti‸ te taˍ ve mvuhˇmiˬ hkʼaw gaˬ htaˇ, yawˇ nawˬ hui hta‸ awˬ bon chi hkʼa peu-eˬ na‸ laˇ tuˬ yoˬ.
14
Miˬguiˬ hkʼoˆ chehˇ ve awˬ nu ve chaw hkʼaˬ ve teˇ ceuˬ maˇ kʼoˆ, nawˬ hui hkʼe taw awˬ bon na‸ laˇ ve hta‸ gʼa tuˬ ve maˇ heˆ. Nawˬ hui maˇ kʼoˆ, nawˬ hui ve ceˇ maˇ kʼoˆ, yaˇ maˇ paw puiˉ ve cawˬ tuˬ maˇ heˆ.
15
Naˬ ve gawˬ ve a naˍ laiˉ ceuˬ nawˬ hui geh maˇ gʼa gaˬ la tuˬ, Gʼuiˬsha nawˬ hui hta‸ ha‸ shaˉ taˍ laˇ leh, Eˇjiˇtu‸ mvuhˇmiˬ hkʼaw nawˬ hui gʼa hpuˇ gʼa mawˬ taˉ peuˬ ve naˬ beuˬ oˇ ve teˇ hpaˍ, yawˇ nawˬ hui geh gaˬ la piˇ tuˬ ve maˇ heˆ. Ya‸ hkʼaˇ, nawˬ hui ve canˇ paˍ teˇ hpaˍ awˬ hkʼoˆ lo gaˬ la piˇ tuˬ yoˬ.
16
Gʼuiˬsha nawˬ hui hta‸ chiˇ a‸ laˇ ve chaw hkʼa peu-eˬ ve hta‸ te luˬ te sheˆ piˇ-oˆ. Yawˇ hui hta‸ ha kʼaˉ ve nyi ma taˇ cawˬ piˇ. Yawˇ hui ve gʼuiˬsha teˇ hpaˍ hta‸ oˉ kʼoˍ taˇ puiˍ. Oˇ hkʼe te ve lehˬ ya‸ jaˇ ve yoˬ.
17
Chaw oˇ ve teˇ hpaˍ maˇ jaˇ ve pa taw, nawˬ hui gʼa‸ kʼoˬ piˇ maˇ gʼa taˬ teh‸ taˇ dawˇ.
18
Yawˇ hui hta‸ taˇ kawˆ. Gʼuiˬsha Eˇjiˇtu‸ chaw hui hta‸ hkʼaˬ hkʼe te piˇ taˍ peuˬ ve hta‸ dawˇ nawˇ-oˆ.
19
Nawˬ hui gʼa hpuˇ gʼa mawˬ taˉ peuˬ ve kawˆ tuˬ uiˍ ve naˬ beuˬ teˇ hpaˍ, anˇ tuˬ awˬ heˆ teˇ hpaˍ leh Gʼuiˬsha yawˇ ve kanˇ paˆ hta‸ yehˇ leh nawˬ hui hta‸ hkʼaˬ hkʼe te ponˬ laˇ taˍ peuˬ ve teˇ hpaˍ hta‸ dawˇ nawˇ-oˆ. Gʼuiˬsha Eˇjiˇtu‸ chaw hta‸ te luˬ te sheˆ piˇ ve hkʼe, chi beu‸ nawˬ hui kawˆ jehˇ chehˇ ve chaw oˇ ve teˇ hpaˍ hta‸ htawˇ yawˇ oˇ hkʼe te piˇ tuˬ yoˬ.
20
Yawˇ hui heh puiˉ hkʼaw lo ca hpaw va‸ toˇ chehˇ ve htawˇ, yawˇ yawˇ hui hta‸ te luˬ te sheˆ piˇ leh yawˇ hui hta‸ kawˆ jaˇ piˇ lawˬ tuˬ yoˬ.
21
Chi hta‸ pa taw, chaw oˇ ve teˇ hpaˍ hta‸ taˇ kawˆ. Nawˬ hui ve Gʼuiˬsha lehˬ nawˬ hui geh chehˇ taˍ ve yoˬ. Yawˇ lehˬ kawˆ tuˬ uiˍ jaˇ ve Gʼuiˬsha hpeh‸ ve yoˬ.
22
Nawˬ hui awˬ gʼuˇ suhˍ kʼai chehˇ htaˇ yawˇ lehˬ chaw oˇ ve teˇ hpaˍ hta‸ awˬ meu-eˇ awˬ meu-eˇ gʼa‸ kʼoˬ piˇ tuˬ yoˬ. Nawˬ hui lehˬ chaw oˇ ve teˇ hpaˍ hta‸ teˇ pawˆ tiˉ te luˬ te sheˆ piˇ gʼa tuˬ ve maˇ heˆ. Nawˬ hui oˇ hkʼe te ve kʼo, haiˬ ve to nuˇ to shaˆ teˇ hpaˍ maˇ la leh, nawˬ hui hta‸ ca ya‸ la tuˬ yoˬ.
23
Gʼuiˬsha lehˬ, canˇ paˍ hkʼa peu-eˬ ve hta‸ nawˬ hui ve la‸sheh hkʼaw lo chiˇ a‸ laˇ leh, yawˇ hui luˬ peuˬ sheˆ peuˬ htaˇ hkʼa gaˬ, yawˇ hui hta‸ kawˆ jaˇ piˇ lawˬ tuˬ yoˬ.
24
Yawˇ lehˬ yawˇ hui ve jawˇmawˇ teˇ hpaˍ hta‸ nawˬ hui ve la‸ sheh hkʼaw lo chiˇ a‸ laˇ tuˬ yoˬ. Nawˬ hui lehˬ jawˇmawˇ oˇ ve teˇ hpaˍ hta‸ tiˇ pehˍ piˇ leh, yawˇ hui mehˉ kʼai tuˬ yoˬ. Chaw teˇ gʼaˇ ka‸ nawˬ hui hta‸ tawˍ taˍ laˇ gʼa tuˬ ve maˇ heˆ. Nawˬ hui lehˬ, chaw hkʼa peu-eˬ hta‸ tiˇ pehˍ piˇ tuˬ yoˬ.
25
Yawˇ hui ve shaˉ ho‸ teˇ hpaˍ hta‸ aˬ miˍ tuˉ baˬ piˇ-oˆ. Shaˉ ho‸ hta‸ oˍ taˍ ve hpu, shi teˇ hpaˍ hta‸ taˇ sheˉ lai. Yuˬ ka‸ taˇ yuˬ. Nawˬ hui yuˬ ve kʼo, te ya‸ ve yoˬ. Awˬ lawn kʼo, Gʼuiˬsha lehˬ shaˉ ho‸ hta‸ canˇ jaˇ ve yoˬ.
26
Shaˉ ho‸ oˇ ve teˇ hpaˍ hta‸ nawˬ hui ve yehˬ hkʼaw taˇ yuˬ keu. Nawˬ hui oˇ hkʼe te ve kʼo, hkeu ve teˇ ceuˬ yawˇ hui awˬ hkʼoˆ gaˬ la ve hkʼe, nawˬ hui awˬ hkʼoˆ lo htawˇ gaˬ la tuˬ yoˬ. Shaˉ ho‸ oˇ ve teˇ hpaˍ hta‸ nawˬ hui gʼa canˇ leh gʼa cha‸ naˬ ve yoˬ Awˬ lawn kʼo, oˇ ve teˇ hpaˍ lehˬ Gʼuiˬsha hkeu ve awˬ hawˉ lo chehˇ taˍ ve yoˬ.
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 8 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34