bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Deuteronomy 27
Deuteronomy 27
Lahu Bible Edited © Thailand Bible Society and Bible Society of Myanmar, 2010, 2020.
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 28 →
1
Oˇ ve hkʼaw‸ nawˉ, Moˉseˍ lehˬ Iˉsaˍreˍlaˆ chaw awˬ hoˉ awˬ naˬ hui geh teˇ geh, chaw moˍ lonˉ hta‸ chi hkʼe kʼoˆ piˇ ve yoˬ. Ngaˬ ya‸ nyi nawˬ hui hta‸ kʼoˆ laˇ chehˇ ve tawˇ hkʼa peu-eˬ ve hta‸ na yuˬ-o‸.
2
Nawˬ hui Yawˇdanˍ iˉ kaˆ lawˬ hta‸ hkanˍ leh Gʼuiˬsha piˇ laˇ chehˇ ve mvuhˇmiˬ hkʼaw tanˬ lo‸-e ve teˇ nyi htaˇ, nawˬ hui lehˬ haˉ pui shiˍ lonˉ teˇ hpaˍ hta‸ gʼa duˇ ti leh,
3
awˬliˇtawˇhkawˇ chi teˇ hpaˍ gʼa htawˆ bvuh‸ taˍ ve yoˬ. Gʼuiˬsha nawˬ hui hta‸ piˇ laˇ tuˬ ka ti‸ te taˍ ve Yawˇdanˍ iˉ kaˆ lawˬ coˇ paˉ hpawˇ lo cawˬ ve hkuiˇ jaˇ da‸ jaˇ ve mvuhˇmiˬ oˇ ve hkʼaw gaˬ ve teˇ yanˇ,
4
ya‸ nyi ngaˬ nawˬ hui hta‸ kʼoˆ laˇ chehˇ ve hkʼe, haˉ pui shiˍ lonˉ teˇ hpaˍ hta‸ Eˇbaˍlaˆ hkʼaw hkʼoˆ lo duˇ ti taˍ-o‸.
5
Oˇ kaˬ lo tcuhˇ maˇ yuˬ htawˆ ve haˉ pui shiˍ teˇ hpaˍ hta‸ gʼawˆ yuˬ leh tuˉ tanˇ kuiˬ teˇ maˬ te-o.
6
Awˬ lawn kʼo, nawˬ hui lehˬ tcuhˇ yuˬ htawˆ taˍ ve haˉ pui shiˍ hta‸ yuˬ leh, Gʼuiˬsha awˬ pon tuˉ tanˇ kuiˬ maˇ gʼa te. Oˇ kaˬ lo nawˬ hui lehˬ aˬ miˍ tuˉ tanˇ tuˬ ve tanˇ tuˬ Gʼuiˬsha hta‸ gʼa tuˉ tanˇ piˇ ve yoˬ.
7
Oˇ kaˬ lo nawˬ hui lehˬ awˬ chawˇ te da‸ ve tuˉ tanˇ tuˬ hta‸ gʼa tanˇ piˇ leh, Gʼuiˬsha mehˆ gʼuˇ suhˍ ha lehˬ ha kʼa gʼa hti caˇ ve yoˬ.
8
Haˉ pui shiˍ oˇ ve teˇ hpaˍ awˬ hkʼoˆ lo, Gʼuiˬsha ve awˬliˇtawˇhkawˇ hta‸ hkʼa tawˍ lehˆ gʼa htawˆ bvuh‸ taˍ ve yoˬ, teh‸ Iˉsaˍreˍlaˆ chaw hui hta‸ kʼoˆ piˇ ve yoˬ.
9
Oˇ ve hkʼaw‸ nawˉ, Moˉseˍ lehˬ Leˍviˆ paw hkuˇ hui geh teˇ geh, Iˉsaˍreˍlaˆ chaw hui hta‸ chi hkʼe kʼoˆ piˇ ve yoˬ. Iˉsaˍreˍlaˆ chaw teˇ hpaˍ-oˬ, ngaˬ ve tawˇ hta‸ na sheˍ. Ya‸ nyi nawˬ hui lehˬ Gʼuiˬsha ve chaw hpeh‸ la peuˬ.
10
Chi hta‸ pa taw, Yawˇ ve tawˇ hta‸ na leh, ya‸ nyi ngaˬ nawˬ hui hta‸ piˇ laˇ chehˇ ve awˬliˇtawˇhkawˇ hkʼa peu-eˬ ve hta‸ hkʼa deh‸ na yuˬ-o‸, teh‸ yawˇ hui hta‸ kʼoˆ piˇ ve yoˬ.
11
Oˇ ve hkʼaw‸ nawˉ, Moˉseˍ Iˉsaˍreˍlaˆ chaw hui hta‸ chi hkʼe kʼoˆ piˇ ve yoˬ.
12
Nawˬ hui Yawˇdanˍ iˉ kaˆ lawˬ hta‸ hkanˍ tawˆ-e chehˇ ve teˇ yanˇ, Siˉmonˍ, Leˍviˆ, Yuˇda‸, Yoˇseh‸ leh Beˍyaˍmenˍ awˬ ceuˬ awˬ hkʼaˇ teˇ hpaˍ lehˬ, chaw yaˇ teˇ hpaˍ hta‸ bon na‸ piˇ tuˬ, Geˍraˍzenˍ hkʼaw hkʼoˆ lo gʼa huˉ taˍ ve yoˬ.
13
Ruˇbenˍ, Gaˆ, Aˍshaˍ, Zeˍbuˆlonˍ, Danˍ leh Naˍtaˍliˆ awˬ ceuˬ awˬ hkʼaˇ teˇ hpaˍ lehˬ, hkeu ve hkawˇ yaw tuˬ Eˇbaˍlaˆ hkʼaw hkʼoˆ lo gʼa huˉ taˍ ve yoˬ.
14
Leˍviˆ chaw teˇ hpaˍ lehˬ, awˬ hkawˇ bvuhˬ chaweh te leh chi hkʼe gʼa kʼoˆ ve yoˬ.
15
Haˉ pui, suhˆ, sho chi hkʼe ve hta‸ yuˬ leh shaˉ ho‸ te leh oˉ kʼoˍ hkʼawˇ pui chehˇ ve chaw lehˬ, Gʼuiˬsha hkeu ve hta‸ gʼa hkanˍ tuˬ yoˬ. Awˬ lawn kʼo, Gʼuiˬsha lehˬ shaˉ ho‸ hta‸ canˇ jaˇ ve yoˬ. Oˇ htaˇ chaw moˍ lonˉ hkʼa peu-eˬ, A menˬ teh‸ gʼa kʼoˆ ve yoˬ.
16
Awˬ pa awˬ e hta‸ maˇ yawˆ yan ve chaw lehˬ, Gʼuiˬsha hkeu ve hta‸ gʼa hkanˍ tuˬ yoˬ. Oˇ htaˇ chaw hkʼa peu-eˬ, A menˬ teh‸ gʼa kʼoˆ ve yoˬ.
17
Shu ve miˬ tcuhˉ hta‸ yuˬ jiˆ ve chaw lehˬ, Gʼuiˬsha hkeu ve hta‸ gʼa hkanˍ tuˬ yoˬ. Oˇ htaˇ chaw hkʼa peu-eˬ, A menˬ teh‸ gʼa kʼoˆ ve yoˬ.
18
Mehˆ cuˉ paˍ hta‸ ya‸ kʼaw sheh ya‸ ve chaw lehˬ, Gʼuiˬsha hkeu ve hta‸ gʼa hkanˍ tuˬ yoˬ. Oˇ htaˇ chaw hkʼa peu-eˬ, A menˬ teh‸ gʼa kʼoˆ ve yoˬ.
19
Hkehˉ chaw, yaˇcuˬshi leh mehˇchawˇma hui hta‸ maˇ hteˇ maˇ cawˇ te piˇ ve chaw lehˬ Gʼuiˬsha hkeu ve hta‸ gʼa hkanˍ tuˬ yoˬ. Oˇ htaˇ chaw hkʼa peu-eˬ, A menˬ teh‸ gʼa kʼoˆ ve yoˬ.
20
A shu yawˇ awˬ pa ve awˬ miˇ ma hta‸ haˉ chawˇ te leh yawˇ ve awˬ me‸ awˬ hponˇ hta‸ te luˬ piˇ ve chaw lehˬ, Gʼuiˬsha hkeu ve hta‸ gʼa hkanˍ tuˬ yoˬ. Oˇ htaˇ chaw hkʼa peu-eˬ, A menˬ teh‸ gʼa kʼoˆ ve yoˬ.
21
To nuˇ to shaˆ hta‸ haˉ chawˇ te ve chaw lehˬ, Gʼuiˬsha hkeu ve hta‸ gʼa hkanˍ tuˬ yoˬ. Oˇ htaˇ chaw hkʼa peu-eˬ, A menˬ teh‸ gʼa kʼoˆ ve yoˬ.
22
A shu yawˇ ve awˬ nyi ma hta‸ haˉ chawˇ te ve chaw lehˬ, Gʼuiˬsha hkeu ve hta‸ gʼa hkanˬ tuˬ yoˬ. Oˇ htaˇ chaw hkʼa peu-eˬ, A menˬ teh‸ gʼa kʼoˆ ve yoˬ.
23
A shu yawˇ ve awˬ pi ma hta‸ haˉ chawˇ te ve chaw lehˬ, Gʼuiˬsha hkeu ve hta‸ gʼa hkanˍ tuˬ yoˬ. Oˇ htaˇ chaw hkʼa peu-eˬ, A menˬ teh‸ gʼa kʼoˆ ve yoˬ.
24
Shu hta‸ hkʼawˇ tiˇ pehˍ ve chaw lehˬ, Gʼuiˬsha hkeu ve hta‸ gʼa hkanˍ tuˬ yoˬ. Oˇ htaˇ chaw hkʼa peu-eˬ, A menˬ teh‸ gʼa kʼoˆ ve yoˬ.
25
Te‸ chiˉ venˇbaˆ maˇ cawˬ ve chaw hta‸ tiˇ pehˍ tuˬ shu geh hpu yuˬ caˇ ve chaw lehˬ, Gʼuiˬsha hkeu ve hta‸ gʼa hkanˍ tuˬ yoˬ. Oˇ htaˇ chaw hkʼa peu-eˬ, A menˬ teh‸ gʼa kʼoˆ ve yoˬ.
26
Gʼuiˬsha ve awˬliˇtawˇhkawˇ hta‸ maˇ na yuˬ ve chaw lehˬ, Gʼuiˬsha hkeu ve hta‸ gʼa hkanˍ tuˬ yoˬ. Oˇ htaˇ chaw hkʼa peu-eˬ, A menˬ teh‸ gʼa kʼoˆ ve yoˬ.
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 28 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34