bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Deuteronomy 15
Deuteronomy 15
Lahu Bible Edited © Thailand Bible Society and Bible Society of Myanmar, 2010, 2020.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 16 →
1
Suhˍ hkʼaw‸ biˇ ve teˇ pawˆ le le, shu nawˬ hui geh ca chiˇ la taˍ ve hpu hkʼa peu-eˬ ve hta‸ hkʼe leˇ gʼa ponˬ piˇ ve yoˬ.
2
Nawˬ hui chi hkʼe gʼa te ve yoˬ. Iˉsaˍreˍlaˆ chaw awˬ chawˇ chawˇ hpu chiˇ piˇ taˍ ve cawˬ kʼo, hpu oˇ ve hta‸ hkʼe leˇ gʼa ponˬ piˇ ve yoˬ. Awˬ shehˍ hpaˇ lehˬ, hpu oˇ ve hta‸ maˇ gʼa ca hkʼaw‸. Gʼuiˬsha lehˬ jeˬ oˇ ve hta‸ ponˬ piˇ peuˬ ve yoˬ.
3
Awˬ kaˍ awˬ nu ve chaw geh cha taˍ ve jeˬ hta‸ ca hkʼaw‸ hpeh‸ ve yoˬ. Ya‸ hkʼaˇ, Iˉsaˍreˍlaˆ chaw awˬ chawˇ chawˇ geh cha taˍ ve jeˬ hta‸ maˇ gʼa ca hkʼaw‸.
4
Nawˬ hui lehˬ Gʼuiˬsha piˇ laˇ taˍ ve mvuhˇmiˬ oˇ ve hkʼaw gaˬ ve teˇ yanˇ, Yawˇ nawˬ hui hta‸ bon na‸ laˇ tuˬ yoˬ.
5
Ya‸ nyi ngaˬ nawˬ hui hta‸ kʼoˆ laˇ chehˇ ve tawˇ chi teˇ hpaˍ hta‸ hkʼa deh‸ na yuˬ chehˇ ve kʼo, nawˬ hui teˇ gʼaˇ ka‸ gʼa haˍ gʼa gʼawˇ tuˬ ve maˇ heˆ.
6
Yawˇ ka ti‸ te taˍ peuˬ ve hkʼe, nawˬ hui hta‸ awˬ bon na‸ laˇ tuˬ yoˬ. Nawˬ hui lehˬ awˬ nu ve chaw ceuˬ teˇ hpaˍ hta‸ hpu maˇ maˇ gʼa chiˇ piˇ tuˬ yoˬ. Ya‸ hkʼaˇ, nawˬ hui shu geh hpu gʼa ca chiˇ yehˇ tuˬ ve maˇ heˆ. Nawˬ hui lehˬ chaw ceuˬ laiˉ ceuˬ ve hta‸ gʼa uˉ peunˍ tuˬ yoˬ. Shu uˉ peunˍ laˇ ve awˬ hawˉ lo gʼa chehˇ tuˬ ve maˇ heˆ.
7
Gʼuiˬsha nawˬ hui hta‸ piˇ laˇ taˍ ve mvuhˇmiˬ oˇ ve hkʼaw gaˬ ve teˇ yanˇ, nawˬ hui ve awˬ viˉ awˬ nyi Iˉsaˍreˍlaˆ chaw teˇ gʼaˇ gʼaˇ haˍ gʼawˇ ve hta‸ mawˬ ve kʼo, maˇ nyi gaˇ ve taˇ te.
8
Yawˇ hkʼaˬ ma loˍ kʼo chi ma ha lehˬ ha kʼa ga piˇ-oˆ.
9
Jeˬ hkʼa peu-eˬ ve hta‸ hkʼe leˇ gʼa ponˬ piˇ tuˬ ve awˬ yanˇ neˇ la chehˇ ve pa taw, yawˇ hta‸ te‸ chiˉ maˇ chiˇ piˇ, maˇ ngaˍ piˇ gaˇ ve taˇ te. Maˇ da‸ ve dawˇ hkʼaˇ chi hkʼe ve nawˬ hui ve nyi ma hkʼaw taˇ lo‸ la piˇ. Nawˬ hui yawˇ hta‸ hpu maˇ chiˇ piˇ ve kʼo, yawˇ nawˬ hui hta‸ venˇbaˆ taˍ leh, Gʼuiˬsha hta‸ hto piˇ tuˬ yoˬ. Oˇ htaˇ, nawˬ awˬ hkʼoˆ lo venˇbaˆ gaˬ la tuˬ yoˬ.
10
Yawˇ hta‸ ha lehˬ ha kʼa ga piˇ-oˆ. Oˇ hkʼe te ve kʼo, teˇ ceuˬ le le hkʼaw Gʼuiˬsha nawˬ hui hta‸ awˬ bon na‸ laˇ tuˬ yoˬ.
11
Iˉsaˍreˍlaˆ chaw hui hkʼaw, hkʼaˬ htaˆ ka‸ haˍ gʼawˇ ve chaw teˇ hpaˍ cawˬ chehˇ tuˬ ve yoˬ. Hkʼe te leh yawˇ hui hta‸ ga piˇ tuˬ, ngaˬ nawˬ hui hta‸ tawˇ pe‸ laˇ ve yoˬ.
12
Iˉsaˍreˍlaˆ chaw hawˉ hkʼaˆ maˇ kʼoˆ, yaˇ miˇ maˇ kʼoˆ, awˬ ceˬ te tuˬ yawˇ awˬ to nawˬ hta‸ hawˇ laˇ ve kʼo, yawˇ hta‸ 6 hkʼaw‸ hkʼa gaˬ awˬ ceˬ te tcuh peuˬ hkʼaw‸ nawˉ, suhˍ hkʼaw‸ teˇ hkʼaw‸ gaˬ ve kʼo, yawˇ hta‸ gʼa hpehˇ piˇ ve yoˬ.
13
Nawˬ yawˇ hta‸ hpehˇ piˇ ve teˇ yanˇ htaˇ htawˇ, hkʼe leˇ awˬ to kʼawˇ lehˍ maˇ gʼa hpehˇ peu.
14
Gʼuiˬsha nawˬ hta‸ na‸ laˇ taˍ ve awˬ bon teˇ hpaˍ hkʼaw, yawˬ ehˉ, caˬ shiˍ leh a pehˉ meuˇ gʼuiˬ teˇ hpaˍ yuˬ tawˆ leh ha lehˬ ha kʼa gʼa ga piˇ ve yoˬ.
15
Nawˬ hui htawˇ Eˇjiˇtu‸ mvuhˇmiˬ hkʼaw shu ceˬ gʼa te taˉ jaw peuˬ leh, Gʼuiˬsha nawˬ hui hta‸ ponˬ laˇ taˍ ve hta‸ dawˇ nawˇ-oˆ. Chi hta‸ pa taw, ngaˬ nawˬ hui hta‸ tawˇ chi teˇ hpaˍ pe‸ laˇ chehˇ ve yoˬ.
16
Ya‸ hkʼaˇ, nawˬ ve awˬ ceˬ oˇ ve lehˬ tawˆ-e tuˬ maˇ dawˇ tawˆ leh, nawˬ geh ceh tiˉ chehˇ taˍ gaˇ ve kʼo,
17
yawˇ hta‸ nawˬ ve yehˬmiˉhpe‸ lo shiˍ kʼai leh, yawˇ ve naˍ paw hta‸ htaw pawnˍ piˇ-oˆ. Oˇ hkʼe te ve kʼo, yawˇ teˇ co-e nawˬ ve awˬ ceˬ hpeh‸ la tuˬ yoˬ. Nawˬ ve awˬ ceˬ ma teˇ hpaˍ hta‸ htawˇ oˇ ve hkʼa shuˍ te piˇ-oˆ.
18
Nawˬ ve awˬ ceˬ hta‸ hkʼe leˇ gʼa hpehˇ piˇ ve hta‸ taˇ hpeh‸ bawˬ. Awˬ lawn kʼo, yawˇ lehˬ hkaw‸ hkʼaw‸ ve awˬ yanˇ oˇ ve hkʼaw, gʼaˇ ga caˇ ve chaw a‸ kehˉ nyiˇ pun kanˉ te laˇ taˍ peuˬ. Nawˬ yawˇ hta‸ ha lehˬ ha kʼa hpehˇ piˇ ve kʼo, Gʼuiˬsha lehˬ nawˬ te ve kanˉ hkʼa peu-eˬ ve hta‸ awˬ bon na‸ laˇ tuˬ yoˬ.
19
Awˉ lawˉ peuˇ paw la ve nawˬ hui ve ceˇ awˬ paˍ teˇ hkeh le le, Gʼuiˬsha awˬ pon hkʼa deh‸ gʼa fuiˍ teh taˍ ve yoˬ. Ceˇ chi teˇ hpaˍ hta‸ kanˉ maˇ gʼa te tcuh. Awˬ mvuh htawˇ maˇ gʼa nuˆ baˬ piˇ.
20
Teˇ hkʼaw‸ le le, nawˬ hui ve miˇ yaˇ hui geh teˇ geh Gʼuiˬsha hta‸ oˉ kʼoˍ pui kuiˬ lo kʼai leh, oˇ kaˬ Gʼuiˬsha mehˆ gʼuˇ suhˍ ceˇ oˇ ve teˇ hpaˍ hta‸ gʼa tiˇ caˇ ve yoˬ.
21
Ceˇ oˇ ve teˇ hkeh hkeh, hkui luˬ ve, mehˆ cuˉ ve, leh awˬ kuiˉ awˬ haiˇ teˇ ceuˬ ceuˬ cawˬ ve kʼo, Gʼuiˬsha hta‸ maˇ gʼa tuˉ tanˇ piˇ.
22
Nawˬ hui a shu yawˇ ve aˉ hkʼaw lo tiˇ caˇ hpeh‸ ve yoˬ. Nawˬ hui a shu yawˇ awˬ to hta‸ da‸ kehˬ tuˬ te taˍ peuˬ ve chaw maˇ kʼoˆ, maˇ gʼa te sheˍ ve chaw maˇ kʼoˆ, nawˬ hui hkuiˉ zuhˬ shaˍ caˇ ve hkʼe, to nuˇ to shaˆ oˇ ve hta‸ tiˇ caˇ hpeh‸ ve yoˬ.
23
Ya‸ hkʼaˇ, awˬ suhˍ hta‸ maˇ gʼa caˇ. Iˉ kaˆ hkʼa shuˍ, miˬ chaˇ hkʼoˆ lo gʼa ngeuˍ baˬ ve yoˬ.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34