bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Romani
/
Romani Sinte 2024 (O Debleskro Lab 2024 (Sinte-Manouche))
/
1 Chronicles 16
1 Chronicles 16
Romani Sinte 2024 (O Debleskro Lab 2024 (Sinte-Manouche))
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 17 →
1
Har yon o Debleskro morhton dren anan, čivan yon les an ko plarhteno kheer, hoy o David leske pre čivas, oun rhačran firhen o baro Debleske, oun maran vavar firhen, te rhan le len khetne glan o Debleste.
2
Oun pal kova rakras o David pral i menshende i barht o baro Deblestar vin.
3
Oun yob das hako menshes, kay kote hi, morshen oun djouvyen, hakenes, yek maro, yek kotar mass oun yek drakengri merkli.
4
Oun yob rodas gipangre vin dran i Levitarya, te hi le tardo glan o baro Debleskro morhton, te sharenn le o baro Debles oun parkrenn pen pash leste pengre gilyentsa.
5
Kolla his: o Asaf, lengro pralstuno; o Zakarie his o douyto; pal leste o Yasiel, o Semiramot, o Yehiel, o Mattitya, o Eliab, o Benaya, o Obed-Edom oun o Yehiel. Yon te givenn oun bashrenn ap pengre doryengre bashepangre. Oun o Asaf te dell ap i sasterne patria.
6
I rashaya, o Benaya oun o Yaziel, lengri boudi his, te phourdenn le ap pengre phourdepangre hako tsiro glan o morhton o Debleskre deesh labentsa.
7
Ap ko dives moukas o David o ersto kopo o Asafes oun leskre phralen kay gili te givell, te parkrenn le pen pash o baro Debleste.
8
Parkrenn t'men pash o baro Debleste, oun hadenn leskro lab! Penenn i menshenge an vavar themma kova, hoy yob kras!
9
Givenn oun bashrenn leske! Rakrenn pral ko tselo baro koova, hoy yob lauter kras!
10
Sharenn koles, koon kokres o čačo Devel hi! Avenn barhteles pral leste, t'mer, kay rodenn o baro Debles!
11
Poučenn pal o baro Debleste, oun pal leskri zoor! Avenn glan leste hako tsiro!
12
T'mer, kay venn pal o Israel, o Debleskro boudepaskro, t'mer čave o Yakobestar, koles yob vin rodas, ma bistrenn, hoy yob lauter kras an peskri bari zoor, kova, hoy kek vavar nay kras! Ma bistrenn, har yob o čačepen pral i menshende vin rakras!
14
O baro Devel hi maro Devel, oun o čačepaskro ray pral i tseli phoub.
15
Ma bistrenn, hoy yob mentsa vin kras! Leskro lab, hoy das lo, ačella yaake rah har menshe ap i phoub djivenna.
16
Kova hi ko lab, hoy das lo o Abrahameste, koy sovel, hoy das lo o Isaakeste,
17
oun pal leste o Yakobeste, oun das peskro vast pre, te ačell kava lab i Israelenge hako tsireske.
18
Yob penas: “Touke dau kava them Kanaan, kova hi ko them hoy t'menge vell.”
19
An ko tsiro his le gar boud, gar boudeder har i vast pherdo, oun his vi-themarya an o them.
20
Oun yon djan yek themestar an o vavar, djan trouyel an boud rayengre themma.
21
Oun o Devel das yak, te taprell len kek an. Oun i bare rayen pral kol themma das lo trad oun penas lenge:
22
“Lenn i vasta krik mire menshenge, kolen mange vin rodom! Ma krenn čilačepen kolenge, kay mire rakepangre hi!”
23
Givenn leske, o baro Debleske, t'mer menshe an i tsele themma! Penenn i menshenge, te hi yob kova, kay lell vin dran o čilačepen.
24
Penenn kolenge, kay les gar prindjrenna, havo raylepen les hi. Penenn i menshenge an hake themma havo baro koova yob kras.
25
O baro Devel hi o pralstouno, oun hakeno hounte sharell les. Mank i tsele vavar debla hi yob kova, konestar daras mer.
26
I debla i vavar menshendar hi rhorhene debla. O baro Devel hi kova, kay o bolepen kras.
27
Yob hi bareder har hako vavar. Shoukapen hi troul leste, Leskri zoor oun leskri barht hi an leskro kheer.
28
T'mer dran i vavar themma, sharenn o baro Debles! Sharenn leskro raylepen oun leskri zoor!
29
Krenn leskro lab bares yaake har yob moldo hi! Avenn glan leste, oun anenn leske shoukar koova! Mangenn o baro Debles an ap ko dives, kay vell lo an shoukar oun kouč ripya.
30
I tseli phoub hounte trissell glan leste. Yob kras i phoub, te vell li zoreles tardo.
31
O bolepen vell barhtelo, oun i phoub sala. Penenn i tsele menshenge: O baro Devel hi o baro ray.
32
O baro pani stell i barhtyatar oun lauter, hoy an leste hi. O them vell barhtelo oun lauter, hoy ap leste baro vas.
33
I tsele rouka an o veesh givenna i barhtyatar glan o baro Debleste. Yob vella, oun anell o čačepen ap i phoub.
34
Sharedo vell o baro Devel! Parkrenn t'men pash o baro Debleste! Yob hi i lačo Devel. Leskro lačepen ačella hako tsireske.
35
Penenn: Maro Devel, ab ap mari rig! tou hal kova, kay lell men vin dran o čilačepen. Doleske le men vin dran i vasta kol vavar menshendar! An men pale lauter khetne, te sharas tout oun parkras men pash toute, kay kokres o čačo Devel hal.
36
Sharedo vell o baro Devel, kay o Israeleskro Devel hi, kanna oun hako tsireske! Oun i tsele menshe penan: “Amen! Sharedo vell o baro Devel!”
37
Oun yaake har o David lenge penas, ačan o Asaf oun leskre phrala glan o morhton o baro Debleskre deesh labentsa, te krenn le kote koy boudi, hoy hako dives hounte kerdo vell.
38
Ninna o Obed-Edom, koleskro dad o Yedoutoun his oun leskre 68 (shob-deesh-te-orhta) phrala ačan kote. O Obed-Edom oun o Hosa dan garda ap i voudya.
39
I rashaya, o Zadok oun leskre phrala, kran pengri boudi pash o baro Debleskro plarhteno kheer ap i berga pash o foro Gibeon.
40
Yon hounte anan o baro Debleske hako dives firhen, kay leske tseles rhačedo venn ap i sasterni rhačepaskri, taysarlakro oun ratsyakro. Yaake his glan činlo an o Moseskre lila, kay tardo hi, hoy o baro Devel peskre menshendar Israel kamella.
41
Ninna ačan kote vi-rodede gipangre, kay pengro labeha pre kharedo van, te parkrenn le pen pash o baro Debleste, kay leskro lačepen an hako tsiro kay hi. Mank lende his o Heman oun o Yedoutoun.
42
Yon sharan o Debles pengro bashepah, oun bashran ap i phourdepangre oun doryengre bashepangre oun vavar bashepangre. I čaven o morshestar Yedoutoun das o David koy boudi, te denn le garda ap i voudya.
43
Oun i tsele menshe djan penge, hakeno an peskro kheer. Oun ninna o David djas khere, te penell lo peskri familyake lačo dives.
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 17 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29