1 Chronicles 6

Romani Sinte 2024 (O Debleskro Lab 2024 (Sinte-Manouche))

← Chapter 5 Jump to: Chapter 7 →

1O Levi: Leskre čave his: o Gershon, o Kohat oun o Merari.

2O Gershon, leskre čave his: o Libni oun o Shimi.

3O Kohat, leskre čave his: o Amram oun o Yizhar oun o Hebron oun o Usiel.

4O Merari, leskre čave his: o Mali oun o Moushi. Oun kalla hi i menshe, kay van pal o Levi pal lengre dadengre khera:

5O Gershon: leskro čavo his o Libni, koleskro čavo his o Yahat, koleskro čavo his o Simma,

6koleskro čavo his o Yoa, koleskro čavo his o Iddo, koleskro čavo his o Zera, koleskro čavo his o Yeatray.

7O Kohat: leskro čavo his o Amminadab, koleskro čavo his o Korah, koleskro čavo his o Assir,

8koleskro čavo his o Elkana, koleskro čavo his o Abiasaf, koleskro čavo his o Assir,

9koleskro čavo his o Tahat, koleskro čavo his o Ouriel, koleskro čavo his o Usiya, koleskro čavo his o Shaul.

10O Elkana his o dad kol morshendar: o Amasay oun o Ahimot,

11oun o Elkana, koleskro čavo his o Souf, koleskro čavo his o Nahat,

12koleskro čavo his o Eliab, koleskro čavo his o Yeroham, koleskro čavo his o Elkana, koleskro čavo his o Samuel.

13Koleskre čave his: o Yoel, leskro phoureder, oun o Abiya.

14O Merari, leskre čave his: o Mali, koleskro čavo his o Libni, koleskro čavo his o Shimi, koleskro čavo his o Ouza,

15koleskro čavo his o Shimea, koleskro čavo his o Haggiya, koleskro čavo his o Asaya.

16Mank i Levitarya his kalla, kolen o David i boudi das, te givenn le an o Debleskro kheer. Kova his an ko tsiro, har o Debleskro morhton kol deesh labentsa khere anlo vas, oun an o Debleskro kheer dren čiddo vas.

17Oun yon givan pengre gilya yaake har lenge penlo vas glan o Debleskro plarhteno kheer bis ap ko dives, kay kras o Salomo o baro Debleske i kheer an o foro Yerusalem.

18Oun kalla hi kol gipangre oun lengre čave: dran o kheer Kohat his o Heman ko gipaskro, koleskro dad his o Yoel, koleskro dad his o Samuel,

19koleskro dad his o Elkana, koleskro dad his o Yeroham, koleskro dad his o Elyel, koleskro dad his o Toa,

20koleskro dad his o Souf, koleskro dad his o Elkana, koleskro dad his o Mahat, koleskro dad his o Amasay,

21koleskro dad his o Elkana, koleskro dad his o Yoel, koleskro dad his o Asarya, koleskro dad his o Sefanya,

22koleskro dad his o Tahat, koleskro dad his o Assir, koleskro dad his o Abiasaf, koleskro dad his o Korah,

23koleskro dad his o Yizhar, koleskro dad his o Kohat, koleskro dad his o Levi, koleskro dad his o Israel.

24Oun leskro phraal, kay ap leskri čači rig tardo his, his o Asaf. Koleskro dad his o Berekia, koleskro dad his o Shimea,

25koleskro dad his o Mikael, koleskro dad his o Baseya, koleskro dad his o Malkiya,

26koleskro dad his o Etni, koleskro dad his o Zera, koleskro dad his o Adaya,

27koleskro dad his o Etan, koleskro dad his o Simma, koleskro dad his o Shimi,

28koleskro dad his o Yahat, koleskro dad his o Gershon, koleskro dad his o Levi.

29Oun lengre phrala, i Merarya, his ap i servi rig tardo: o Etan, koleskro dad his o Kishi, koleskro dad his o Abdi, koleskro dad his o Mallouk,

30koleskro dad his o Hashabya, koleskro dad his o Amazya, koleskro dad his o Hilkiya,

31koleskro dad his o Amzi, koleskro dad his o Bani, koleskro dad his o Shemar,

32koleskro dad his o Mali, koleskro dad his o Moushi, koleskro dad his o Merari, koleskro dad his o Levi.

33Oun kol vavar Levitarya, lengre phrala, van an koy tseli boudi an o Debleskro kheer dren čiddo.

34O rashayeskri boudi his kokres o Aroneske oun leskre čavenge. Yon rhačran i firhen ap o Debleskri sasterni rhačepaskri, ninna soungepaskro koova ap o Debleskro sonakaskro bob. Yon kokres nay djan an o Debleskri kouč isema, te krenn le o Debleskro koova, te vell o Israeleskri doosh krik lino, lauter yaake, har penas o Mose, koles o Debleskro vast his.

35Oun kalla hi o Aroneskre čave: leskro čavo o Elazar, koleskro čavo hi o Pinhas, koleskro čavo hi o Abishoua,

36koleskro čavo hi o Boukki, koleskro čavo hi o Usi, koleskro čavo hi o Zeraya,

37koleskro čavo hi o Merayot, koleskro čavo hi o Amarya, koleskro čavo hi o Ahitoub,

38koleskro čavo hi o Zadok, koleskro čavo hi o Ahimaaz.

39Oun kalla his lengre forya oun gaba, kay čivan o Aroneskre menshe pengre plarhtene khera pre. Kolla his dran o kheer Kohat. Har i Israelitarya tikne barra čivan, te hatsenn le vin, koon have gaba lell, his i Kohatarya i glanstoune, kay lan pengre gaba.

40Oun yon dan len o foro Hebron an o them Youda oun koy tseli phoub troul Hebron lengre firhengre, te nay rhan le.

41Ko harhetikri phoub pash o foro oun kol gaba trouyel dan le o Kaleb, koleskro dad o Yefunne his.

42O Hebron his yek kol foryendar, kay nashte nashenn kolla, kay yekes moulo dan. Kava fores lan o Aroneskre čave, ninna i forya Libna, Yattir, Eshtemoa, Holon, Debir, Ashan oun Bet-Shemesh oun koy tseli phoub troul kol forya, te nay rhan lengre firhe.

45Oun an o them Benyamin dan yon len i forya Geba; Alemet oun Anatot oun i tseli phoub trouyel lengre firhenge. Lengre tsele forya his khetne deesh-te-triin lengre tsele familyenge.

46Kol vavar menshende dran o kheer Kohat, dan le deesh forya. Kal forya his an o them Efrayim, an o them Dan oun an ko them, kay i paash familya Manasse djivas. Kol forya lan le yaake har kol tikne barra sikran, hoy vitsran le.

47Kol menshende dran o kheer Gershon dan le deesh-te-triin forya. Kal forya his an i themma, kay i menshe Issakar, Asser, oun Naftali djivan, oun an o them Bashan, kay i paash familya Manasse djivas.

48Kol menshende dran o kheer Merari dan le deesh-te-douy forya. Kol forya his an i themma, kay i menshe Ruben, Gad oun Zabulon djivan. Kal forya lan le yaake, har kol tikne barra sikran, hoy vitsran le.

49Oun yaake dan i Israelitarya i menshen dran o kheer Levi forya oun phoub troul kol forya, te nay rhan lengre firhe.

50[Kol forya an i themma Youda, Simeon oun Benyamin his lende ninna yaake dino, har kol tikne barra sikran, hoy vitsran le.]

51His familye koy dran o kheer Kohat, kolla lan forya oun phoub lengre firhenge an o them Efrayim:

52o foro Sichem ap i berge Efrayim, kova his i foro, kay nay khatran pen i naashepangre, ninna kol forya Geser,

53Yokmeam, Bet-Horon,

54Ayalon oun Gat-Rimmon.

55Oun kol menshende, kay pral ačan dran o kheer Kohat, dan le i forya Aner oun Bileam an o them koy paash familyatar Manasse, khetne koy phoub troul i forya i firhenge.

56I menshende dran o kheer Gershon dan le kal forya khetne koy phoub trouyel i firhenge: an o them i paash familyatar Manasse: o foro Golan an o them Bashan, oun o foro Astarot;

57an o them Issakar: i forya Kadesh oun Daberat,

58Ramot oun Anem;

59an o them Asser: Mashal, Abdon,

60Houkok oun Rehob;

61an o them Naftali: Kedesh an Galilea, Hammon oun Kiryatayim.

62Kolla, kay ačan pral i menshendar dran o kheer Merari lan kol forya khetne i phoub trouyel i firhenge: an o them Zabulon: Rimmon oun Tabor;

63an o them Ruben, ap i vavar rig o panyestar Yordan, vergel o foro Yericho, kote, kay o kham pre djala: o foro Bezer an o moulo them, oun o foro Yahaz;

64oun Kedemot oun Mefaat;

65oun an o them Gad: Ramot an Gilead oun Mahanayim,

66Heshbon oun Yaser.

← Chapter 5 Jump to: Chapter 7 →