1 Chronicles 7

Romani Sinte 2024 (O Debleskro Lab 2024 (Sinte-Manouche))

← Chapter 6 Jump to: Chapter 8 →

1O Issakar: Leskre čave his: O Tola, o Pouva, o Yashoub oun o Shimron; lauter khetne his star.

2O Tola: Leskre čave his: o Usi, o Refaya, o Yeriel, o Yamay, o Yibsam, oun o Samuel. Kolla his pralstoune pral pengre familye oun bare kourepangre. An o tsiro, kay o David djivas, his kolla, kay van pal o Tola, 22.600 morsha. Yaake his dren činlo an i familyakro liil.

3O Usi: Les his yek čavo, o Izrahia. Leskre čave his: o Mikael, o Obadya, o Yoel, oun o Issia; lauter khetne his panč. Kolla his pralstoune pral pengre familye.

4Len his yaake boud romya oun čave, kay van dran lengre familye 36.000 morsha, kay his kourepangre. Yaake his dren činlo an i familyakro liil.

5Oun lengre phrala an i vavar familye, kolengro phouro dad o Issakar his, kolla his lauter zorele kourepangre. Khetne his le 87.000, kay his dren činlo an i familyakro liil.

6O Benyamin: Leskre čave his: o Bela, o Beker, o Yedjael, lauter khetne his triin.

7O Bela: Leskre čave his: o Ezbon, o Usi, o Usiel, o Yerimot oun o Ir; lauter khetne his panč. Yon his pralstoune pral pengre familye oun zorele kourepangre. Lendar van 22.034 morsha, kay his dren činlo an i familyakro liil.

8O Beker, leskre čave his: o Semira, o Yoash, o Eliyeser, o Elyoenay, o Omri, o Yeremot, o Abiya, o Anatot, oun o Alemet.

9Yon his dren činlo an i familyakro liil pal pengre familye. Lendar van 20.200 morsha, kay his zorele kourepangre.

10O Yedjael: Leskro čavo his o Bilhan. Leskre čave his: O Yehoush, o Benyamin, o Ehoud, o Khenaana, o Setan, o Tarsis oun o Ahishahar.

11Kolla his pralstoune pral pengre familye. Lendar van 17.200 morsha, kay his zorele kourepangre oun nay djan an o kourepen.

12I čave o morshestar Ir his o Shouppim oun o Houppim. O Houshim his o čavo o morshestar Aher.

13O Naftali, leskre čave his: o Yassiel, o Gouni, o Yesser, oun o Shalloum. I Bilha his lengri mami.

14O Manasse, leskre čave his: o Asriel oun o Makir; lengri day his i djouvel dran o them Syria. O Makir vas o dad o morshestar Gilead.

15Oun o Makir las peske i romni, koya his i pheen kol morshendar Houppim oun Shouppim. Lakro lab his Maaka. Leskro vavar čavo his o Selofad. O Selofad, koles his ča oun kek čave.

16Oun i Maaka, koy romni o morshestar Makir, anas leske douy čave ap i phoub, ko yekes kharas li Peresh, ko vavar kharas Sheresh, oun koleskre čave his o Oulam oun o Rekem.

17Oun o Oulam, les his yek čavo: o Bedan. Kalla hi i morsha, kay van pal o Gilead; leskro dad his o Makir oun leskro papo his o Manasse.

18Oun leskri pheen his i Moleket. Koya his i day kol morshendar Ishod, o Abiyeser oun Mala.

19Oun i čave o morshestar Shemida his: o Ahian, o Shekem, o Likhi oun o Aniam.

20O Efrayim: Leskre čave his: o Shoutelak, o Eser oun o Elada. O čavo o morshestar Shoutelak hi o Bered, koleskro čavo hi o Tahat, koleskro čavo hi o Sabad, koleskro čavo hi o Shoutelak. Oun kol morsha, o Eser oun o Elad, djan an o foro Gat, te lenn le kol menshendar dran Gat lengre firhen penge. Oun i morsha dran Gat maran len.

22Oun lengro dad, o Efrayim, rovas i rah tsiro, oun leskre phrala van, te rakrenn leha lače laba.

23Oun yob djas pash peskri romyate, oun yoy vas an vavar koova, oun anas i čaves ap i phoub. Oun dran koy bibarht, hoy ap leskro kheer čiddo hi, das yob ko čaves ko lab Beria.

24Oun o Efrayim, les his ninna i čay. Koya his i Sheera. Yoy moukas triin forya pre te čivell: o telstouno Bet-Horon, ko pralstouno Bet-Horon, oun ninna Usen-Sheera.

25Oun leskre čave his: o Refa oun o Reshef. Koleskro čavo his o Tela, koleskro čavo o Tahan,

26koleskro čavo o Ladan, koleskro čavo o Ammihoud, koleskro čavo o Elishama,

27koleskro čavo, o Noun, oun koleskro čavo, o Yosua.

28Oun lengro kotar phoub oun lengre forya his: o foro Betel oun kol gaba koy trouyel; oun kote, kay o kham pre djal: o foro Naaran; kote, kay o kham tele djal: o foro Geser oun kol gaba koy trouyel; o foro Sichem oun kol gaba koy trouyel, bis pash Aya oun kol gaba koy trouyel;

29oun ap koy rig ko themestar, kay i menshe dran o kheer Manasse djivenn, his kol forya: Bet-Shean, oun kol gaba koy trouyel, Taanak oun kol gaba koy trouyel, Megiddo oun kol gaba koy trouyel, Dor oun kol gaba koy trouyel. I menshe, kay djivan an kal forya oun gaba, his i čave o morshestar Yosef, koleskro dad o Yakob his.

30O Asser: Leskre čave his: o Yimna, o Yishva, o Yishvi, o Berya, oun i Zera, lengri pheen.

31O Berya, leskre čave his: o Heber, o Malkiel, kova hi o dad o morshestar Birsayit.

32O Heber, leskre čave his: o Yaflet, o Shomer, o Hotam, oun i Shoua, lengri pheen.

33o Yaflet, leskre čave his: o Pasak, o Bimhal, o Ashvat.

34o Shemer, leskre čave his: o Ahi, o Rohga, o Yeshoubba oun o Aram.

35Oun kol čave leskro phralestar, o Helem, his: o Sofa, o Yimna, o Shelesh, oun o Amal.

36O Sofa, leskre čave his: o Soua, o Harnefer, o Shoual, o Beri, o Yimra,

37o Bezer, o Hod, o Shamma, o Shilsha, o Yitran oun o Beera.

38Oun i čave o morshestar Yeter his: o Yefunne, o Pishepa oun o Ara.

39O Oulla, leskre čave his: o Ara, o Hanniel, oun o Rizya.

40Kolla halauter his čave o morshestar Asser. Yon his pralstoune pral pengre familye, vi-rodede zorele kourepangre, lače pralstoune. Lendar van 26.000 morsha, kay his kourepangre oun dren činlo an i familyakro liil.

← Chapter 6 Jump to: Chapter 8 →