bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
2 Chronicles 1
2 Chronicles 1
Sukuma 2019
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 2 →
1
Ū Solomoni ng'witūnja o ng'wa Daūdi akabiza na nguzu ū mu būtemi bokwe, nguno ū SEEBA Mulungu wakwe walī hamò nang'hwe; h'ūyo akang'winha kūhangama no no no.
2
Hūna ū Solomoni ūhooya na a Baisilaeli a bose, baalīho a bataale ba mabità ga bashilikale shihūmbī shihūmbī, na bataale ba mabità ga bashilikale igana igana; baalīho na a balamuji, na a batongeeji a bose, a bataale ba ndūgū ja mu Isilaeli.
3
Na lūūlū ū Solomoni nī libità lya banhū ī lyose būja Gibeoni kwipandī lya higūlya; nguno ī liheema lya kwibilingīla lya ng'wa Mulungu lyalī kwenūko, īlo Musa ntūmami o ng'wa SEEBA walī walībeeja aho bataalī kwitogolo.
4
Ū mu shikū jenījo ū Daūdi walī wamala kūlyenha ī lisandīko lya ng'wa SEEBA kūfuma ī Kiliati-yalimu; ūlītūūla ū ng'wipandī īlo walī walībeegeja; nguno walī walīkomela iheema mu nzengo gwa Yelusalemu.
5
Alīyo ū ng'walīlo gwa shaba ūyo gwalī gwabeejiwa na Bezaleli ng'witūnja o ng'wa Uuli, ng'witūnja o ng'wa Huuli gwalī gūtaalī Gibeoni kū būtongi w'ipandī lya kwikala lya ng'wa SEEBA; na lūūlū ū Solomoni nī libità ī lyose būja koi kūjūnomba ū SEEBA.
6
Ū Solomoni ūja a ha ng'walīlo gwa shaba ū kū būtongi bo ng'wa SEEBA ū ng'wiheema lya kwibilingīla, ūfunya mitugo shihūmbī shimò kūbiza shitambò sha kūpemvwa a ha ng'walīlo gwenūyo.
7
Ū būjikū wenūbo ū Mulungu ūng'wilongela ū Solomoni ūng'wīla, “Lombaga shose shose īsho ūtogilwe nakwinhe.”
8
Ū Solomoni ūnshokeja ū Mulungu, “Ū baba ū Daūdi wang'olekegije wiza būtaale no, hūna ū nene ūnīīta kūbiza ntemi a ha ng'wanya gwakwe.
9
Na lūūlū SEEBA Mulungu, shikīlījaga ū kwisagīja kwako ū kūlī baba ū Daūdi, nguno wanīītile kūbiza ntemi wa banhū bingī gītī lūbuubuu lwa hasī.
10
Ninhage masala na witegeleja, nadūle ū kūbatongeela a banhū benaba; nguno nani ūyo adūgije kūlīsuga ī lihanga lya banhū bako ī litaale lyenīlī.”
11
Hūna ū Mulungu ūng'wīla, “Īkī ī ng'hūmbū ja ng'holò yako jilī ha mhayo gwenūyū, waleka kūlomba būsabi, sabo ningī, ikūjo, nūūlū gīkī banishi bako bache; nūūlū ūtalombile myaka mingī ya būlamu, alīyo walomba ūpandīke masala na witegeleja ūmane ū kūbasuga a banhū bane abo nakwītile kūbiza ntemi wabo,
12
na ng'hana ūkūpandīka ū witegeleja nū būdeeba. Nū būsabi nakūkwinha, pyī nī sabo ningī, nī likūjo; ūkūpandīka ūmo ataalī kūpandīkīla ntemi ūngī ose ose, na atalabiza ho ūngī wa kūbiza gītī bebe.
13
Na lūūlū ū Solomoni wīnga ū kū būtongi w'iheema lya kwibilingīla ū kwipandī lyeelya ī Gibeoni, ūja Yelusalemu. Ūbasuga a Baisilaeli.
14
Ū Solomoni walī wakumingīja magogoteni mingī ga falasa, hamò na badamhīji ba falasa bingī no; walī na magogoteni shihūmbī shimò na magana anè, na falasa shihūmbī ikūmi na shibīlī; ī shose shenīshi walī ashibīkile mu mizengo īyo walī wazenga kūlwa magogoteni ga būlūgū; na shingī wikalaga nasho ū mu nzengo gwa Yelusalemu.
15
Nīyo ū ntemi walī wajikwīja no ī feza ū mu Yelusalemu, jaali gītī mawe dūhū, nī mitī ya mibanga yalī mingī no, gītī mipumbula īyo īkazwaga mu matūmbī.
16
Ī falasa ja ng'wa Solomoni jalagījiagwa kūfuma Misili na Kū; a bachooji ba sabo ba ng'wikūlū bajaga Kū baakajigūla.
17
A magogoteni ayo gagūlagwa būlī lyene īlo balīgūlaga na kūlyenha, lyabasojaga shekeeli ja feza ja būdito wa kilo mpungatī, ī falasa būlī yene yabasojaga shekeeli ja feza ja būdito wa kūkīla a ha kilo īmò na nusu. Nabo babajingījaga ī shikolo shenīsho pye a batemi ba Bahītī na a Baalamu.”
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 2 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36