bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
2 Chronicles 4
2 Chronicles 4
Sukuma 2019
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 5 →
1
Ūbeeja na ng'walīlo gwa shaba, gwa fuuti makūmi adatū ū būlīhu nū būgalī galī wago; ū būgūngūhu fuuti ikūmi na'itanò.
2
Ūbeeja na nyanza ya chūma sha kūsula; ū būgalī galī wayo ū kūfuma kū lūgala ūlū kūja ū kū lūgala ū lūngī jalī fuuti ikūmi n'itanò; ū būgūngūhu fuuti mpungatī na nusu. Ūlū lūgoye lwa kūshipīndīlīja lūkūbiza na būlīhu wa fuuti makūmi anè n'itanò.
3
A ha sīlīlī ya lūgala shalī shihelilwe shiikolile sha nzagamba ja ng'ombe shūpīndīlījiwa, būlī ha ng'wanya gwa nusu miita shūbiza ho shiikolile ikūmi. Ī shiikolile shenīsho shalī sha chūma shisulilwe hamò nī nyanza, hūna shūhelwa ng'hīlīlī ibīlī kūlūpīndīlīja pyī ū lūgala.
4
Ī nyanza yalī ījaadīkilwe ha migongo ya shiikolile sha nzagamba ja ng'ombe ikūmi n'ibīlī, idatū jūūlolela sukuma, idatū ng'weli, idatū dakama, idatū kīya. Hūna ī nyanza yūūlembeela a higūlya ya nzagamba jenījo; ī joi jiilogeja madako.
5
Ū būgīnu wa shiseme sha nyanza shenīsho walī gītī inchi idatū gīko; ū lūgala lwalī lūbeegije lūtaamuka gītī lwa shikombe, hūna lyūbiza gītī booba būtaale waalile. Ī nyanza yenīyo yalī na būtaale wa kūdūla kūbūūcha galani ja minzī shihūmbī ikūmi na shimò, na magana atanò.
6
Ūbeeja na shiseme shingī ikūmi sha kūbiza gītī makalayi; ūshitūūla kūlwa koogeja, shitanò kū lwandī lwa dakama, na shitanò kū lwandī ū lwa sukuma. Ī shitambò sha kūpemvwa shoojiagwa ng'wenūmo, alīyo ī nyanza ī yene bītūmamīlaga bagabīji kūlwa kooja magūlū na makono gabo.
7
Ūbeeja na makīndīkīlo ikūmi ga tala ga zahabu, kūlenganīla na a kabeegeje kajo ako kaalī kahayiwe; hūna ūjitūūla mu hekalu, itanò jūbiza kū lwandī lwa dakama itanò lwandī lwa sukuma.
8
Hanuma ya henaho ūbeeja na meza ikūmi ūjitūūla ū mu hekalu; itanò kū lwandī lwa dakama, itanò lwa sukuma. Ūbeeja na mabbakuli igana ga zahabu ga kūseseebelela.
9
Nī gwaalugwa ya bagabīji wībeeja, nī libīndo ī litaale, nī milyango ya h'ibīndo. Ī milyango wīnaagīla shaba.
10
Ī nyanza wītūūla kū lwandī lwa dakama ya kīya.
11
Ūbeeja na nzweso, hamò na makolelo na mabakuli ga kūseseebelela. Na lūūlū ū Hulamu ūmala pyī ī milīmo ya ntemi Solomoni īyo wībeejaga mu hekalu ya ng'wa Mulungu; ī milīmo ya kūbeeja shikolo gītī,
12
ng'hīngī īj'ibīlī, na a makundīkījo ayo abīlī a ga kūbiza gītī mabbakuli, ayo akajizwīka ī ng'hīngī jenījo būbīlī wajo; nū tūlweyo ūto akatūdaamīlīja a ha makundīkījo ga ng'hīngī genayo kūlwa būlenji;
13
na a makomamanga a magana anè ayo akagatūūla a higūlya ya makundīkījo genayo būbīlī wago, (ng'hīlīlī ibīlī ja makomamanga ījo jikatūūlwa a higūlya ya tūlweyo kūlwa kūtūūla būlenji a ha makundīkījo a ga kūbiza gītī mabbakuli, ayo gaalī a ha ng'hīngī jenījo);
14
na a makīndīkīlo ayo ikūmi nī shiseme īsho ikūmi ī sha kūtūūla a makīndīkīlo genayo;
15
nī nyanza, nī nzagamba īj'ikūmi n'ibīlī ījo jalī ha sīlīlī yayo;
16
nī nzweso, na a makolelo, na a mabbakuli ga kūseseebelela. Ī shikolo shose shenīshi īsho Hulamu-abi akameegeja ntemi Solomoni kūlwa nguno ya hekalu ya ng'wa SEEBA, shalī sha shaba īguusilwe yūlabangīla.
17
Ū ntemi walī walagīja yaabiwa ī shaba mu maabījo ga malongo, kū mbūga ya kū mongo gwa Yolodani; sī ya mīmbī na Sukoti na Zalesani.
18
Ī shikolo īsho Solomoni akabeeja shenīshi shikakwīla no, ūleka nū kūbūlola ū būdito wa shaba.
19
Na lūūlū ū Solomoni ūbiza washibeeja pyī ī shikolo īsho shalī mu hekalu ya ng'wa SEEBA; shikolo gītī, Ng'walīlo gwa zahabu, meza ījo jatūmamīlagwa kūtūūlwa migatī ya shiizūkījo;
20
makīndīkīlo ga tala ayo gaalī ga zahabu yawiza nī tala jago, kūlwa kūbaka ū kū būtongi w'ipandī ī lyeela no no no, gīt'ūmo gwalī gūhelelilwe.
21
Nī shikolo ī shingī ī sha zahabu; gītī, būlenji wa bonji, tala, na a masabūlīlo ga shikolo shisebu (a gene gaalī gabeejiwe ga zahabu yoi yenekīlī dūhū);
22
majimījo ga tala ga zahabu yawiza, mabbakūli ga kūseseebelela, shijiko, shiseme sha kūtūmamīla kūzuukīja būbbani, milyango ya zahabu ya kwingīlīla mu hekalu; nī milyango ya mu gatī ī ya kwingīlīla ng'wipandī lyeela no no no; nī milyango ya ha nyango ū gwa kwingīla mu chumba shitaale ī sha mu hekalu.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 5 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
Recommended Reading
Commentary
2 Chronicles Commentaries
→
Devotional
2 Chronicles Devotional Guide
→
Get This Bible
Sukuma Study Bible
→