bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
2 Chronicles 32
2 Chronicles 32
Sukuma 2019
← Chapter 31
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 33 →
1
Hanuma ya yose yenīyī, īyo Hezekia wīyītaga mu būshikanu, kwimanīla Senakelibu ntemi wa Ashulu wiza kwīdumīla ī Yuda. Ī mizengo īyo yalī īpīndīlījiwe ndugu wīpīndya mabità gakwe, gīkī ayīdime ībize yakwe.
2
Ū Hezekia aho wabona gīkī ū Senakelibu wiza na ng'hūmbū ja kwīdumīla ī Yelusalemu alwe būlūgū nayo,
3
ūlomana na a batūmami ba mu būsugi bokwe, hamò na a bataale ba mabità gakwe, gīkī bagachibīīle a minzī ayo gafumaga mu nzwīlo ījo jalī hanze ya nzengo; ng'hana būngunanha būgwīta ū nīmo gwenūyo.
4
Ibità itaale lya banhū bibilinga būjichiba pyī ī nzwīlo ja minzī; lwalīho na longa lwasejaga minzī kūbīta ū mu sī yenīyo, nalo būlūchiba bakwiwīlaga, “Nibūlī a batemi ba Ashulu bize basange minzī mingī?”
5
Hanuma ya henaho ūtūmama milīmo ya nguzu, ya kwīzenga ī ndugu ūmo yalī yakambagūka; yūdaama. Ūzenga na numba ja kūlolela kūle a higūlya ya ndugu. Wīta ūzenga na ndugu yīngī ī hanze ya yenīyo; nī Milo ya kūgūpīndīlīja ū nzengo go ng'wa Daūdi wībeeja chiza, yūdaama. Ūbeeja na shilanga shingī na mūda jingī, ūshongeleleja īsho walī nasho.
6
Hanuma a banhū ūbatūūlīla bataale ba bashilikale; hūna ūbitana biza bibilinga h'ibbaala igalī lyalī ū mu nzengo; būndegeleka akūbawīlaga mihayo alīhaya gīkī,
7
“Shishagi ng'holò mubize na nguzu; hama yaya ū kūng'ogoha ū ntemi wa Ashulu, yaya nūūlū kūtawa tawa ū mu ng'holò jing'we kūlwa nguno ya būtaale w'ibità īlo alī nalyo. Ū kū lwandī lwise būlīho būdūla būtaale kūtinda ūbo būl'ū kū lwandī lwakwe,
8
nguno a boi basendamīlile būdūla bo banhū. A bis'ū būdūla wise būfumile kūlī SEEBA Mulungu wise, ūyo akūtūgunanhaga na kūtūlwīlīīla ū mu wilwisha wise.” Ī mihayo īyo akabawīla a banhū ū Hezekia ū ntemi wa Yuda yūbaguzuhya.
9
Ū Senakelibu ū ntemi wa Ashulu aho alī kū nzengo gwa Lakishi agūpīndīlīgije na mabità ga bashilikale bakwe, akīīta ūtūma bamò ba bataale ba mabità gakwe, būja ī Yelusalemu kūtwala ī mihayo īyī kūlī Hezekia ū ntemi wa Yuda, na a banhū ba Yuda bose abo baalī kwenūko, aho bashika būhaya,
10
“Ū Senakelibu ū ntemi wa Ashulu alīhaya gīkī, A bing'we musanije mhayo kī ī gete, nose mutaalī mulikala mu Yelusalemu alīyo mupīndīlījiwe mabità ga bashilikale?
11
Ū Hezekia ūlū alīmuwīla gīkī, ‘Ū SEEBA Mulungu wise akūtūpīja ū mu nkono gwa ntemi wa Ashulu,’ managi gīkī alīmulembagūla dūhū; mukūshila kūcha na notà, na kūnanuka kūlwa nzala.
12
Ī gīsī, ū Hezekia atī ng'wene ūyo wagīnja a mapandī ga higūlya, nī myalīlo ya ng'wa mulungu ng'wenūyo, kūnū akūbawīlaga a banhū ba Yuda nī Yelusalemu gīkī, ‘Shiigelile muyūkalamya kū būtongi bo ng'walīlo gūmò dūhū, nī shitambò sha kūpemvwa muyūfunīja kwenūko?’
13
Mutīmanile īyo ū nene na a bataale bane twabīītīla pye a banhū ba mu sī ī jingī? A bamulungu ba mahanga genayo, baalī na būdūla kī ū wa kūjipīja ī sī jabo ū kūfuma ū mu nkono gwane?
14
Mulungu kī ū mu bamulungu ba mahanga gose ayo bataale bane baagakenaagūla, ūyo wabīta kūbapīja banhū bakwe kūfuma ū mu nkono gwane? Na lūūlū ū mulungu wing'we a bing'we, adūgije kinehe ū kūmupīja ū kūfuma ū mu nkono gwane?
15
Alilūūlū, mutizūneka ū Hezekia ikale akūmulembagūlaga na kūmujimīīja gīko. Yaya ū kwīzunya ī mihayo yakwe, nguno atīho mulungu w'ihanga lyose lyose, nūūlū būtemi bose bose, ūyo wabīta kūbapīja banhū bakwe kūfuma ū mu nkono gwane, nūūlū kūfuma mu nkono gwa bakūlūgenji bane. Ū mulungu wing'we ū ng'wene h'atūdūla lūūlū gete!”
16
A batūmami ba ng'wa Senakelibu bongeja kūnsondagūla ū SEEBA Mulungu, nū ntūmami wakwe ū Hezekia.
17
Nīyo ū Senakelibu wandīka na nyalūba ya kūndūkagūla ū SEEBA, ū Mulungu wa Isilaeli, akūng'hayaga, “Ūmo bamulungu ba banhū ba sī jingī baalī batadūgije kūbapīja banhū babo kūfuma mu nkono gwane, h'ūmo nū mulungu o ng'wa Hezekia atūdūla ū kūbapīja a banhū bakwe ū mu nkono gwane.”
18
Kwimanīla babahamukīla mu lūlīmi lwa Shihebulania a banhū abo baalī bazengile bbihī nī ndugu ya Yelusalemu, gīkī babogohye, bandye kūdetema; badūle kūgūdima ū nzengo.
19
Būyūng'haya ū Mulungu wa Yelusalemu gīt'ūmo babahayīlaga dūhū a bamulungu ba banhū ba mu sī jingī, abo balī milīmo ya makono ga banhū.
20
Ū ntemi Hezekia nū ng'hangi Isaya ū ng'witūnja o ng'wa Amozi, būgūlombela ū mhayo gwenūyū; būtwala ng'wigūlū ū kūlīla kwabo.
21
Ū SEEBA ūntūma malaika ū kū ng'hambī ya ntemi wa Ashulu, ūūkababūlaga pye a bashilikale ba būlūgū, na a batongeeji babo na a bataale ba mabità. Na lūūlū ū ntemi wa Ashulu wīnga hoi, ūshoka kū sī yakwe wagookaga kībi kībi. Lwise lūmò walī mu hekalu ya ng'wa mulungu wakwe, bamò ba bitūnja bakwe būnsanga moi, būkanchima shū ūcha.
22
Na lūūlū ū SEEBA ūmpīja ū Hezekia na a banhū ba Yelusalemu, ū kūfuma ū mu nkono go ng'wa Senakelibu ū ntemi wa Ashulu, nū kūfuma ū mu makono ga bangī pye a bose. Nīyo ūbalang'hana kūfuma mhandī jose.
23
Banhū bingī benha shakwinha ī Yelusalemu, kūlwa nguno ya ng'wa SEEBA; nū Hezekia ū ntemi wa Yuda būng'wenhela shakwinha sha mpango ntaale. Kūfuma ikanza lyenīlo, pye a banhū ba mahanga būnkūja ū Hezekia.
24
Ū mu shikū jenījo ū Hezekia ūsaata, ūsaaja ikanza iguhī ache. Ūnomba ū SEEBA; nang'hwe ū SEEBA ūng'wigwa, ūng'winha na shimanīīkījo.
25
Alīyo ī ng'holò yakwe ū Hezekia yookala wikumīlīja, ūleka ū kūlūmba gīt'ūmo yalī īng'wigeleelilwe kūlwa wiza ūbo akīītīlwa. Na lūūlū ū būpelanu bo ng'wa SEEBA būng'wikīīla ū wei na a banhū ba Yuda, na a ba Yelusalemu.
26
Gwike ū Hezekia widoohya, ūlomba kūlekejiwa ū wikumīlīja wa ng'holò yakwe, pye na a banhū ba Yelusalemu; na lūūlū ū SEEBA ūbalekeja, ū būpelanu wakwe būtabikīīlile ū mu shikū ja ng'wa Hezekia.
27
Ū Hezekia walī akūjiwe na banhū no, hama walī na shikolo shingī no; na lūūlū ūbeeja shiseme sha kūtūūlīla ī sabo jakwe, ī feza, zahabu, mawe ga mpango, shisanjo sha mu shilīwa, mūda, nī shikolo ī shingī shose ī sha mpango.
28
Ūbeeja na numba ja kūbīkīla ī shilīwa īsho wagesaga, nī divai mhya, na a maguta; ūbeeja na mbīgīlī ja kūlaaja būlī mbika ja ng'ombe ījo walī najo, na numba ja kūlaala ng'holo na mbūli jakwe.
29
Ūzenga na mizengo yakwe wei ng'wenekīlī, ūbiza na madaale mataale ga mitugo, ng'holo, mbūli, na ng'ombe; nguno ū Mulungu walī wang'winha būsabi wingī no.
30
Ū Hezekia ng'wenūyo hū ng'wene ūyo akachiba nzīla ya minzī gafumaga kū lūzwīlo lwa Gihoni, a minzī ūgalogeja kū lwandī lwa ng'weli lwa nzengo go ng'wa Daūdi; nīyo būlī mhayo ūyo wagwītaga gwajaga chiza.
31
Alīyo aho banhū baatūng'wa na basugi ba Babuloni, kwiza kūmūja ī mihayo ya shimanīkījo sha kūkumya īsho shikilonga ū mu sī yakwe, ū Mulungu ūneka, gīkī angeme ashibone būlī shikolo īsho shalī ū mu ng'holò yakwe.
32
Ī mihayo ī yīngī ī ya mu shikū ja būsugi bo ng'wa Hezekia nī ya kwifunya kwakwe kūlī SEEBA, ī yose yandīkilwe mu mihayo īyo oolekejiagwa ng'hangi Isaya, ng'witūūja o ng'wa Amozi, īyo yandīkilwe mu shitabo sha batemi ba Yuda na ba Isilaeli.
33
Na lūūlū ū Hezekia wifuula hamò na bataale bakwe, ūjīkwa ha lūgūlū aho shalī shigila sha banhū ba shibyalīlwe sha ng'wa Daūdi. A banhū ba Yuda a bose na a ba Yelusalemu boolecha ikūjo lyabo ū kūlī we aho waacha. Ng'witūnja wakwe Manase ūbiza ntemi a ha ng'wanya gwakwe.
← Chapter 31
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 33 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
Recommended Reading
Commentary
2 Chronicles Commentaries
→
Devotional
2 Chronicles Devotional Guide
→
Get This Bible
Sukuma Study Bible
→