bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
2 Chronicles 35
2 Chronicles 35
Sukuma 2019
← Chapter 34
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 36 →
1
Hūna ū Yosia ūlagīja gīkī ībize ho pasaka ū mu Yelusalemu kūlwa ng'wa SEEBA; ī ng'holo ja pasaka jūsīnzwa mu lūshikū lw'ikūmi n'inè ng'weji gwa kwandya.
2
A bagabīji ūbahelela ī ndīīma jabo; hūna ūbatimbya ng'holò gīkī bagwīte mu welwa ng'holò ū nīmo gwa mu hekalu ya ng'wa SEEBA.
3
A Balawī, abo baalī baamala kwejiwa kūlwa ng'wa SEEBA, abo nīmo gwabo gwalī kūbalanga a banhū; ūbawīla, “Ī lisandīko lyeela lītūūlagi mu hekalu, īyo wīzenga Solomoni ng'witūnja o ng'wa Daūdi ntemi wa Isilaeli; mutī na nguno ya kwikala ng'ūlībūūcha ha mabega ging'we būlī makanza. Ī haha managi gīkī ū nīmo gwing'we gūlī kūntūmamīla SEEBA Mulungu wing'we, hamò na a banhū bakwe a Baisilaeli.
4
Gabanhīkagi būlī bene mu ndūgū jabo kūlondeela magele ging'we; gīt'ūmo kahelele ako katūūlwa na Daūdi ntemi wa Isilaeli, hamò nū ng'witūnja wakwe ū Solomoni.
5
Īmīīlagi mu magelè magele, hamò nabo a baana ba ng'wing'we kūlondeela ndūgū ja basaabo; būlī hene lībize ho igelè lya Balawī.
6
Nī ng'holo ja pasaka mukūjisīnza bing'we; na lūūlū iyeejagi mujigolanyī ī ng'holo ja pasaka jenījo kūlwa nguno ya baana ba ng'wing'we; ng'wīte gīt'ūmo SEEBA alagīlile mu nzīla ya ng'wa Musa.”
7
Ī shakwinha sha pasaka īsho akafunya ū Yosia kūlwa nguno ya banhū bose abo baalīho ho a henaho, jalī ng'holo hamò na mbūli shihumbī makūmi adatū, na nzagamba shihūmbī shidatū. Ī jose jenījo jalī ja kūfuma mu sabo ja ntemi dūhū.
8
A batūmami bakwe nabo būfunya kūlwa nguno ya banhū, na a bagabīji hamò na a Balawī. A batūmami ba mu hekalu ya ng'wa Mulungu a ba Hilikia, Zakalia nū Yehieli būbinha a bagabīji shakwinha sha pasaka, mitugo shihūmbī shibīlī na magana atandatū, na ng'ombe magana adatū.
9
Ū Konania nang'hwe hamò na a baana ba ng'wawe a ba Shemaya nū Nesaneeli; hamò na a batongeeji ba Balawī a ba Hashabia, Yeieli nū Yozabadi, būfunya shakwinha sha pasaka kūlwa nguno ya Balawī, ng'holo na mbūli shihūmbī shitanò, na ng'ombe magana atanò.
10
Ī likanza aho lyang'wa, a bagabīji bīmīīla būlī ng'wene h'ipandī lyakwe, a Balawī nabo bihela mu magele gabo gīt'ūmo walī walagīīlīla ū ntemi.
11
Ī mitugo ja pasaka jandya kūsīnzwa, a bagabīji nabo bandya kūgaseseebela a mininga ayo binhīlījiagwa; a Balawī h'abo bajibaagaga ī mitugo.
12
Ī shitambò sha kūpemvwa būshitūūla ha mhūjo kūlwa kūbinha a banhū ūmo baalī bigasha mu magele mado mado, kūlondeela ndūgū ja basaabo, gīkī bafunye shitambò kūlī SEEBA, gīt'ūmo yandīkilwe mu Shitabo sha ng'wa Musa. Nī nzagamba būjīīta gīko.
13
Ī mitugo ja pasaka būjoocha gīt'ūmo īhayīlilwe; ī shakwinha ī sheela būshizuga ī shene mu manengelo, masufulia, na mazugīlo gangī gangī, hūna būjigabanhya wangū ū kū banhū a bose.
14
Hanuma ya henaho hū bibeegeja nī shabo na a bagabīji; nguno a bagabīji, a ba shibyalīlwe sha ng'wa Alooni baalī na nīmo gwa kūfunya shitambò sha kūpemvwa, hamò na a masazu; kūshisha wil'ū būjikū. Na lūūlū a Balawī būbeeja ī shabo nī sha bagabīji ba shibyalīlwe sha ng'wa Alooni.
15
A bīmbi a ba shibyalwe sha ng'wa Asafu baalī ū mu mapandī gabo ayo baalī bahelelwa na Daūdi hamò na Asafu na Hemani na Yedusuni, abo baalī baboni ba ntemi. A balang'hani ba ha mibita baalī batī na nguno ya kwīnga a ha mapandī gabo, nguno a bichaabo a Balawī bakabalonja longeja nabo ī shabo.
16
Hūna lūūlū ū nīmo gwa kūnamya SEEBA mu nzīla ya kwīyegela ī pasaka, gwītwa mu lūshikū lwenūlo pyī ū gose; nū nīmo gwa kūfunya ī shitambò sha kūpemvwa gwītwa gīt'ūmo ntemi Yosia walī walagīīlīla.
17
A Baisilaeli abo baalīho ī likanza lyenīlo būmala shikū mpungatī bakwīyegelaga ī Psaska nī shigukulu sha migatī ītī na shibimbya.
18
Ī pasaka yalī ītaalī kūyegelwa gīko ū mu Isilaeli kūfuma mu shikū ja ng'hangi Sang'weli. Walī atīho ntemi wa Isilaeli nūūlū ūmò ūyo walī wabīta kwīyegela ī pasaka gīt'ūmo akīītīla ū Yosia; kwīlya hamò na bagabīji, Balawī, na a banhū ba Yuda a bose, na a Baisilaeli abo baalīho hoi, hamò na a banhū ba Yelusalemu.
19
Ī pasaka yenīyo īkaliwa mu ng'waka gw'ikūmi n'īnaane ū mu shikū ja būtemi bo ng'wa Yosia.
20
Hanuma ya yose yenīyī, ū Yosia aho wamalamaja ū kwīgolanya ī hekalu, Neko ntemi wa Misili ūbūūka kūjiilwisha būlūgū Kakemishi kū mongo gwa Fulati. Ū Yosia ūnchaamīīla gīkī alwe būlūgū nang'hwe.
21
Alīyo ū Neko ūntūmīla banhū kūng'wīla, “Bebe ntemi wa Yuda, gūlīho mhayo kī a ha gatī yako nū nene? Ī likanza lyenīlī natizile kūkūūbūkīla bebe, najile kū banhū abo nalī na wilwisha nabo; ū Mulungu wanikomigile naje wangū, na lūūlū lekaga ū kwīhangīja īyo īhelilwe na Mulungu ūyo alī hamò nane, nguno akūkūkenaagūla.”
22
Gwike ū Yosia atanyamukile gīkī aleke ū kūnchaamīīla; ūzwalīla shizwalo sha kūng'wīta ajimīīlīke, hūna ūja kwilwisha nang'hwe ū būlūgū. Ūbiza walema ū kwīyigwa īyo wīhayaga ū Neko kūlwa kūlagīlwa na Mulungu. Ūja dūhū kūndumīla, ū būlūgū wenūbo būlwīlwa ha mbūga ya Megido.
23
Balasi būnasa ū ntemi Yosia; hūna ūbawīla a batūmami bakwe, “Nīnjagi a henaha munitwale, nalabūlwa!”
24
Būng'wīnja ū ng'wigogoteni lyakwe, būntūūla ng'wigogoteni līngī walī nalyo, būnshosha Yelusalemu ūūkashikīla kūcha. Ūjīkwa mu shigila sha bakūlūgenji bakwe; pye a banhū ba Yuda nī Yelusalemu būnīla.
25
Yelemia ūbeeja mīmbo ga kūnīla ū Yosia; kūshisha lelo īyī pye a bagosha na a bakīma a bīmbi bataalī bakang'wizūkagwa ū Yosia ū mu mīmbo ga ng'hūngū genayo. Shūbiza shīmīle sha banhū ū mu Isilaeli ū kwīmba a mīmbo genayo; nīyo ī haha gandīkilwe mu shitabo sha ng'hūngū.
26
Ī milīmo ya ng'wa Yosia ī yīngī, hamò nī yawiza īyo wīyīta kūlwa kūlondeela īyo yandīkilwe mu shilagīlo sha ng'wa SEEBA;
27
Ī yose īyo wīta, kūfuma wandījo kūshisha būkalīkījo, yandīkilwe mu shitabo sha batemi ba Isilaeli na Yuda.
← Chapter 34
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 36 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36