bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
2 Chronicles 24
2 Chronicles 24
Sukuma 2019
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 25 →
1
Ū Yoashi aho alandya kūtema walī na myaka mpungatī, ūsuga ikanza lya myaka makūmi anè alī mu Yelusalemu. Ū nina walī muna Beeli-sheba, ī lina lyakwe witanagwa Zibia.
2
Ū Yoashi walī ntūngīlīja ū kūlī SEEBA, pyī ī myaka īyo ngabīji Yehoyada walīho mpanga.
3
Ū Yehoyada ūmpandīkīla bakīma babīlī ūtoola ūbyaala bitūnja na bashīke.
4
Ikanza ilebe ū Yoashi ūbona gīkī īlī yawiza kwībeegeleja ī hekalu ya ng'wa SEEBA ūmo yalī yakambagūka.
5
Na lūūlū ūbitana pye a bagabīji na a Balawī; ūbawīla, “Jagi hose hose ū mu mizengo ya Yuda, ng'ūjikuminga ī hela ījo jikafunyiagwa na Baisilaeli būlī ng'waka kūlwa kwībeegeleja ī hekalu ya ng'wa Mulungu wing'we; nīyo kangīlījagi ū kūgwīta ū nīmo gwenūyo.” Alīyo a Balawī batandije wangū ū kwīta.
6
Nose ū ntemi ūng'witana ū ngabīji ntaale Yehoyada ūmūja, “Nibūlī ūtūūbakomelejaga a Balawī ū kūjeenha ī hela ja goodi kūfuma ī Yuda nī Yelusalemu; ī goodi īyo yalagījiwa na Musa ntūmami o ng'wa SEEBA kūlwa kūlībeegeleja ī liheema lya būkaanīji, na a Baisilaeli a bose būzunya?”
7
Ikanza ilebe a bitūnja ba nkīma wa malofu ū Asalia bakīkambūla hanhū ī hekalu ya ng'wa Mulungu, bingīla moi būshisola ī shiseme ī sheela; būyūshitūmamīla na mu myatīla ya kūgalamya Mabaalī!
8
Hūna ū ntemi ūlagīja lyūbeejiwa isandīko lyūtūūlwa hanze, ha mita gwa hekalu ya ng'wa SEEBA.
9
Na lūūlū a banhū ba Yuda nī Yelusalemu būkomelejiwa kūng'wenhela ū SEEBA ī goodi īyo Musa ntūmami o ng'wa Mulungu walī walagīja na kūbakomeleja a Baisilaeli aho balī kwitogolo.
10
Pye a batūmami na a banhū a bose bandya kūsooga na būyegi, būyūtūūla ū ng'wisandīko kūshisha lyookala pa.
11
A Balawī balyenhaga ng'hangala ningī ī lisandīko ū kū batūmami ba ntemi, ūlū babona gīkī jilī ningī moi ī hela, wizaga ū kalani wa ntemi nū ntūmami wa ngabīji ntaale bajisola ī hela ū ng'wisandīko, hūna balīshosha hangī ī lyoi ūko likalaga. Jikakwīla ī shikū bakūgwītaga ū mhayo gwenūyo, kūshisha būbilinga hela ningī.
12
Ū ntemi nū Yehoyada būyūbinha a banhū abo bagūbeejaga ū nīmo gwa kwībeegeleja ī hekalu ya ng'wa SEEBA. Būyūbinha baselemala na bazengi kūlwa kwībeegeleja ī hekalu, na bakoolī mu milīmo ya chūma na shaba kūlwa kwībeeja chiza ī hekalu ya ng'wa SEEBA.
13
A banhū abo bagwīmīīlaga ū nīmo baalī basanyiwa, na lūūlū gwajaga chiza; yūūzengwa būpya ī hekalu ya ng'wa Mulungu, yūdaama, yūshoka ūmo yalī ī kwandya.
14
Aho bagūmala ū nīmo, ī hela ījo jikasaaga būjitwala kūlī ntemi na Yehoyada; jūūbeejiwa shiseme sha kūtūmamīla mu hekalu ya ng'wa SEEBA. Shiseme sha milīmo ya kūlamīja, na ya kūfunīja shitambò sha kūpemvwa, na mabbakuli na shiseme shingī sha zahabu na sha feza. Ū mu shikū jose ja būlamu bo ng'wa Yehoyada, ī shitambò sha kūpemvwa shafunyiagwa gwa gwa gwa ū mu hekalu ya ng'wa SEEBA.
15
Alilūūlū, ū Yehoyada walī wanamhaala, nose lyūshika ī likanza lya kūcha kwakwe, ūcha namhala wa myaka mingī, igana na makūmi adatū.
16
Ūjīkwa mu nzengo go ng'wa Daūdi hamò na batemi, nguno ya wiza ūbo walī wabīītīla a Baisilaeli, nī yīyo walī wīyīta kūlwa ng'wa Mulungu nī hekalu yakwe.
17
Ū Yehoyada aho waacha, batūmami ba būsugi wa mu sī ya Yuda biza kūnangamīla ū ntemi; ūbadegeleka īyo bīhayaga.
18
Būbiza bīleka ī hekalu ya ng'wa SEEBA, ū Mulungu wa bakūlūgenji babo; bandya kūlamya makīngī ga Maashela na shiikolile shingī shingī; na lūūlū kūlwa būhūbi wabo wenūbo, ū būpelanu bo ng'wa Mulungu wīyikīīla ī Yuda nī Yelusalemu.
19
Nguno nūūlū īkī ū SEEBA wabatūmīlaga a banhū bahangi kūlwa kūbakaanīla gīkī banyamuke bangalūkīle, alīyo naheene batabadegelekile.
20
Hūna Moyo o ng'wa Mulungu ūng'wikīīla Zakalia ng'witūnja o ng'wa Yehoyada, ūyo walī ngabīji. Wīmīīla ū kū būtongi wa banhū ūhaya, “Ū Mulungu alīhaya gīkī, ‘Nibūlī mulīshikenaagūla ī shilagīlo sha ng'wa SEEBA? Ītūbeela ī mihayo ying'we; na lūūlū īkī ng'wanekile ū SEEBA, nū wei wamulekile a bing'we.’”
21
Alīyo būnīīla gwīnda yabūbi, būmponda mawe kūlwa shilagīlo sha ntemi būmūlagīla ha gwaalugwa ya hekalu ya ng'wa SEEBA.
22
Ū ntemi Yoashi atizūkilwe ū wiza ūbo Yehoyada ū ise o ng'wa Zakalia walī wang'wītīla; ūmūlaga ū ng'witūnja wakwe. Ū munhū ng'wenūyo aho alambalalile alī ng'wikanza lya kūcha ūhaya, “Ū SEEBA ni agūbonage ū mhayo gwenūyū, agūmalīle shiilī wei.”
23
Mu makanza ga kūjīlīīla kū būkalīkījo bo ng'waka, ibità lya Baalamu būng'ūbūkīla ū Yoashi; bīdumīla ī Yuda nī Yelusalemu būbabūlaga pye a basugi ba banhū; būsola shikolo shingī no, būshitwala Damasiko kūlī ntemi wabo.
24
Nūūlū īkī a Baalamu baalī biza na banhū bageehu dūhū, alīyo ū SEEBA ūbinha mu makono gabo ibità itaale no. Nguno ī Yuda yalī yaneka ū SEEBA ū Mulugu wa bakūlūgenji babo; na lūūlū ū Yoashi ūgwisījiwa nsango.
25
A Baalamu aho balīnga, būneka ū Yoashi walabūkaga kībi no; hanuma ya henaho batūmami ba mu būsugi bokwe būnsīīga bizunīlīja mu mbisīla kūnkenaagūla kūlwa nguno walī wamūlaga ū ng'witūnja wa ngabīji Yehoyada. Na lūūlū būmūlagīla mu būlīīlī bokwe; aho waacha ūjīkwa mu nzengo go ng'wa Daūdi; gwike atajīkilwe hamò na a batemi a bangī.
26
A batūmami ba mu būsugi bokwe abo bakamūlaga baalī, Yozabadi ng'witūnja wa nkīma muna Amoni, witanagwa Shimeati, na Yehozabadi ng'witūnja o ng'wa Shimiliti nkīma muna Moabu.
27
Ī mihayo ya bitūnja bakwe, nū būhangi wa kūng'hama ū bose ūbo akahangīlwa, nū nīmo gwa kwībeeja būpya ī hekalu ya ng'wa Mulungu; pyī ī yenīyo yandīkilwe mu shitabo sha ng'hūlū ja batemi. Hūna Amazia ng'witūnja wakwe ūbiza ntemi a ha ng'wanya gwakwe.
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 25 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36