bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
2 Chronicles 6
2 Chronicles 6
Sukuma 2019
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 7 →
1
Hūna ū Solomoni ūhaya, “Ū SEEBA ahayile gīkī akwikala ng'wilunde lya giiti;
2
Ī haha nazengaga hekalu yawiza kūlwa nguno yako, ipandī lyako lya kwikala welelo bose.”
3
Hanuma ya henaho ū ntemi ūlīgalūkīla ī libità lya Baisilaeli, aho bataalī bīmīīlile pye a Baisilaeli abo baalī bibilinga henaho, ūbalombela mbango.
4
Ūhaya, “Akumīlījiwe ū SEEBA, ū Mulungu wa Baisilaeli; ūyo washikīlīgije na nkono gwakwe īyo wīhaya na nomo gwakwe wei ng'wenekīlī, ūng'wisagīja ū baba Daūdi alīhaya gīkī,
5
‘Kūfuma lūshikū lwene aho nakabīnja mu sī ya Misili a banhū bane, nataalī kūsola nzengo mu lūganda lose lose lwa Baisilaeli gīkī īzengwe moi hekalu kūlwa nguno ya lina lyane nabize henaho; nūūlū nataalī kūnsola ose ose abize nsugi wabo a banhū bane a Baisilaeli.
6
Alīyo ī haha nagūsolile ū nzengo gwa Yelusalemu, gīkī ī lina lyane lībize ng'wenūmo, hama nansolile Daūdi kūbasuga a banhū bane a Baisilaeli.’
7
Alilūūlū, ū baba ū Daūdi walī nago ū mhayo gwenūyū ū mu ng'holò yakwe; ū gwa kūzenga hekalu kūlwa nguno ya lina lya ng'wa SEEBA, ū Mulungu wa Baisilaeli.
8
Alīyo ū SEEBA akang'wīla ū baba ū Daūdi gīkī, ‘Īkī ū mu ng'holò yako ūlī na mhayo gwa kūzenga hekalu kūlwa nguno ya lina lyane, ūtūngīlīgije; īlī chiza īkī ūlī na mhayo gūlī gīko ū mu ng'holò yako.
9
Gwike ū bebe ūtīzenga ī hekalu; ūyo akūzenga hekalu kūlwa lina lyane akūbiza ng'witūnja wako, ūyo alī mīlī gwako na mininga gako gete.’
10
Na lūūlū ī haha, ū SEEBA wagūshikīlījaga ū kwisagīja kwakwe gīt'ūmo gūlī; nguno ū nene ningīlile a ha būtemi bo ng'wa baba, hanuma ī haha ūūyū naligasīgije nī lisumbī lya būtemi wa Isilaeli gīt'ūmo wahayīla ū SEEBA. Nī hekalu nīzengile kūlwa nguno ya lina lyakwe ū SEEBA, ū Mulungu wa Isilael;
11
nī lisandīko nalītūūlaga mo, īlo mu gatī yalyo būlīmo būlagane bo ng'wa SEEBA, ūbo akabeeja na Baisilaeli.”
12
Hanuma ū Solomoni wīmīīla ū kū būtongi bo ng'walīlo go ng'wa SEEBA, pyī ī libità lya Baisilaeli līng'wiloleelile; hūna ūgagoloola a makono gakwe.
13
Walī wabeeja lūtala lwa shaba ūlūtūūla ha gatī gatī ya gwaalugwa, lwalī lwa būlīhu wa fuuti mpungatī na nusu, nū būgalī galī gīko, ū būgūngūhu fuuti inè na nusu. Na lūūlū wīmīīla a ha lūtala lwenūlo, hūna ūtuja mazwi kū būtongi wa Baisilaeli bose; hanuma ūgagoloola a makono gakwe kūlola ng'wigūlū;
14
ūhaya, “Ee SEEBA Mulungu wa Baisilaeli, atīho Mulungu ūngī wa kūbiza gītī bebe; ībize kwigūlya ng'wigūlū, nūūlū hasī ū mu sī. Atīho wa kūbiza gītī bebe ūyo ūkadimīīlaga mu butogwa būlagane ūbo walagana na batūmami bako, abo shikū jose bakashimīzīlaga mu nzīla jako na ng'holò īmò.
15
Wīshikīlīgije īyo wang'wisagīja ū ntūmami wako ū baba ū Daūdi. Nguno walī wang'wisagīja na nomo gwako bebe ng'wenekīlī, hama ī haha washikīlījaga na nkono gwako gete, gīt'ūmo īlī lelo īyī.
16
Alilūūlū SEEBA Mulungu wa Isilaeli, ū ntūmami wako ū baba ū Daūdi nshikīlīgījage ū mhayo ūyo wang'wisagīja; aho ūkahaya gīkī, ‘A bitūnja bako ūlū bilang'hana ū mu shītīle shabo shose, būdūla kūshimīza kū būtongi wane gīt'ūmo ūkūshimīzīlaga bebe, ūtūgayiwa munhū wa kwigasha kū būtongi wane a hisumbī lya būtemi wa Isilaeli.’
17
Ee SEEBA Mulungu wa Isilaeli, nalīkūlomba ūnshikīlīgīje ū ntūmami wako ū baba ū Daūdi, ū mhayo gwako ūyo wang'wisagīja.
18
Alīyo, ū Mulungu adūgije kwikala mu sī hamò na banhū gete? Nguno ī ligūlū lītakwigelile, pyī nūūlū ī ligūlū īlo līlī kwigūlya no no no lītīko ū kūkwigela; sumbagwa na hekalu īyī nīzengile nene īyī!
19
Gwike nahene degelekaga ū kūlomba kwa ntūmami wako, nū kūlīla kwakwe kūlwa kūkooba shigongo kūfuma kūlī bebe SEEBA Mulungu wane. Igwaga ū kūlīla kwa ntūmami wako nū kūlomba kwakwe ūyo alīkūlomba kū būtongi wako.
20
A miso gako galole, gībone būlī lūshikū ī hekalu yenīyī līīmi na būjikū, ī lipandī īlo bebe ng'wenekīlī ūkahaya gīkī ūkūlītūūla henaho ī lina lyako. Igwaga ū kūlomba kwa ntūmami wako būl'ikanza aho akūkūlombaga alolelile ū kū ipandī lyenīlī.
21
Ū ntūmami wako na a banhū bako ūlū būkūlomba balolelile ū kū ipandī lyenīlī, igwagwa ū kūlomba kwabo. Igwaga kūfuma ū kū wikalo wako ū ng'wigūlū.
22
Ūlū munhū wilemeelwa na ng'wiye hūna yūng'wigeleelwa kwilahīla, wiza mu hekalu īyī kwilahīla kū būtongi bo ng'walīlo gwako;
23
igwaga kūfuma ū ng'wigūlū, wīte mhayo. Balamulage a batūmami bako, ū ng'hūbi ūng'winhe nsango, ū būbi wakwe ūngwisīje ha ntwe gwakwe wei ng'wenekīkī. Alīyo ū ntūngīlīja ūng'oleche hape gīkī atī na kabi, ūng'wītīle ya kwigeleelwa ūmo wiza bokwe būlī.
24
A banhū bako a Baisilaeli ūlū būpyenwa na banishi babo nguno ya kūkūhūba, alīyo hanuma būkūgalūkīla būlīlīlīīla lina lyako, kūnū bakūlombaga na kūkūlīlīīla kūfuma ū mu hekalu īyī,
25
igwaga kūfuma ū ng'wigūlū, ūbalekeje a banhū bako a Baisilaeli, ūbashoshe hangī ū mu sī yabo īyo wabinha bakūlūgenji babo.
26
Ī ligūlū ūlū lyūlugalwa yooya kūtūla ī mbula nguno a banhū bako baakūhūbile, alīyo ūlū būkūlomba balolelile ū kwipandī īlī na kūlīlīlīīla ī lina lyako, būgalūka bīnga ū mu hūbūbi wabo nguno baabonile gīkī baaluhile no,
27
bigwage kūfuma ū ng'wigūlū, ūbalekeje ū būkenaagūji wabo a batūmami bako a Baisilaeli. Balangage ī nzīla ya kikalīle kawiza, nī mbula ūbatūmīle ū mu sī yabo īyo wabinha a banhū bako kūbiza ya wingīji wabo.
28
Ī sī ūlū yūgwīlwa nzala, nūūlū ihūūya, nūūlū lūguukule, nūūlū booba, nūūlū jilonga njige, nūūlū mbilīzī ng'henaagūji; nūūlū būdumīlwa na banishi mu nzengo gwabo gūmò gwaho, nūūlū būgwīlwa iyanga lya mbika yose yose nūūlū būsangwa mabūsaatu;
29
alīyo ūlū wītwa būlombi nūūlū kwikūmbīlīja kose kose na munhū ose ose ū mu banhū bako a Baisilaeli, gīt'ūmo būlī ng'wene amanile būluhi ūbo būlī mu ng'holò yakwe, hūna ūkwambīla makono alolelile ū kū hekalu yenīyī,
30
igwaga kūfuma ū kū wikalo wako ī ng'wigūlū. Lekejaga hama wīte mhayo, ūngabīle būlī munhū gīt'ūmo igeleelilwe; kūlenganīla nī shītīle shakwe, nguno ūmanile ī ng'holò yakwe (bebe iyene dūhū h'ūyo ūjimanile ī ng'holò ja banhū).
31
Na lūūlū ū mu gīko bakūkogoha na bakūshimīzīla mu nzīla jako ū ng'wikanza ī lyose īlo balī ū mu sī īyo wabinha bakūlūgenji bise.
32
Nūūlū munhū ngeni ūyo atī ūmò wa banhū bako a Baisilaeli, ūlū wiza kūfuma sī ya kūle kūlwa nguno ya lina lyako itaale na būdūla wa nkono gwako ūyo gūgoloolilwe; ū munhū gītī ng'wenūyo ūlū wiza kūkūlomba alolelile kū hekalu yenīyī,
33
igwaga kūfuma ū kū wikalo wako ū ng'wigūlū, ūng'wītīle ū ngeni ng'wenūyo gīt'ūmo kūlī kūlomba kwakwe, ū mu gīko a banhū ba mu sī hose pye bakūlīmana ī lina lyako, na bakūkogoha gīt'ūmo balī a banhū bako a Baisilaeli; nīyo bakūmana hape gīkī ng'hana ī numba īyo nīzengile yenīyī īkwitanīlagwa kū lina lyako.
34
Na hangī a banhū bako ūlū būja kū būlūgū kwilwisha na banishi babo hose hose ūko ūlabatūme, ūlū būnomba ū SEEBA balolelile ū kū nzengo ūyo wagūsola bebe gwenūyū nū kū hekalu īyo nīzengile kūlwa nguno ya lina lyako,
35
igwaga kūfuma ū ng'wigūlū ū kūlomba kwabo nū kūlīla kwabo, ūbīītīle gīt'ūmo kūlomba kwabo kūlī.
36
Nūūlū būkūhūba mhayo gose gose ū bebe; īkī atīho munhū ūyo atahūbaga, hūna ūbapelanīla ūbatūūla mu makono ga ng'wanishi, ūbadima na kūbatwala nding'wa kū sī yakwe kūle nūūlū bbihī;
37
alīyo aho balī ū mu sī ya būding'wa wabo yenīyo bashikile kūgalūka, ī ng'holò jabo jūkūshokela būkūlīlīīla ū mu sī ya banhū abo babapyena benabo, būlīla balīhaya, ‘Tūlī bahūbi, twīta yabūbi na yamalofu.’
38
Ūlū būkūgalūkīla na ng'holò jabo jose na būpanga wabo bose aho balī ū mu sī ya banishi babo abo babadima nding'wa, hūna būkūlomba balolelile ū kū sī īyo wabinha bakūlūgenji babo, nū kū nzengo ūyo bebe ng'wenekīlī wagūsola, nī hekalu īyo nīzengile kūlwa lina lyako,
39
igwaga kūfuma ū kū wikalo wako ī ng'wigūlū; ūkwigwe ū kūlomba kwabo nū kūlīla kwabo, ūbīītīle ūmo kūlomba kwabo kūlī.
40
Balekejage a banhū bako abo baakūhūbaga.
41
Alilūūlū Ee SEEBA Mulungu, ī haha būkaga; wize ū kwipandī lyako lya kwifuula, ū bebe nī lisandīko lya būdūla wako. Ee SEEBA Mulungu, leka a bagabīji bako bazwīkwe būpīji; a beela bako bayegele mu wiza wako.
42
Ee SEEBA Mulungu, ūtizūmponya ū ng'witīīlwa maguta wako. Shiizūkagwe ī shigongo shako, gīt'ūmo walī wang'wisagīja ū ntūmami wako ū Daūdi.”
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 7 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36