bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
2 Chronicles 23
2 Chronicles 23
Sukuma 2019
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 24 →
1
Ū mu ng'waka gwa mpungatī, ū Yehoyada ūboolecha ū būdūla wakwe. Ūlomana na kwiyigwa nabo a bataale ba mabità ga bashilikale igana igana: Azalia ng'witūnja o ng'wa Yelohamu, Ishimaeli ng'witūnja o ng'wa Yehohanani, Azalia ng'witūnja o ng'wa Obedi, Maaseya ng'witūnja o ng'wa Adaya, na Elishafati ng'witūnja o ng'wa Zikili.
2
A banhū benabo būbīta bīta hose pyī ū mu Yuda, bakūbabilingaga a Balawī na a bataale ba kaya ja Baisilaeli kūfuma ū mu mizengo ī yose; biza ī Yelusalemu.
3
Aho bashika, ī libità ī lyose lyūbeej'ilagane nū ntemi ū mu hekalu ya ng'wa Mulungu. Ū Yehoyada ūbawīla, “Ū ng'witūnja wa ntemi ūyo alī wa shibyalīlwe sha ng'wa Daūdi shiigelile ateme, gīt'ūmo SEEBA ahayīlile.
4
Na lūūlū yīyī īyo mukwīyīta; a bing'we bagabīji na Balawī abo mulī na lūdīīma ha lūshikū lwa Sabato mukūgabanhīka magele adatū; ī ligelè ī līmò līkūlang'hana ha milyango;
5
līngī kū numba y'ikūlū, ī lya kadatū ha mita gwa kū nsingi; a banhū a bangī pye bakūbiza mu gwaalugwa ya hekalu ya ng'wa SEEBA.
6
Atizingīla munhū ūngī ose ose ū mu hekalu ya ng'wa SEEBA ūlū ītī a bagabīji ba lūdīīma dūhū; a benabo hū badūgije ū kwingīla, nguno balī beela. Alīyo a banhū a bangī shibigelile bīlang'hane īyo SEEBA abahelelile.
7
A Balawī bakwihela bampīndije ū ntemi, būlī ng'wene na shilanga shakwe mu nkono. Ose ose ūyo wingīla mu hekalu abūlagwe; shiigelile ng'wikale bbihī nū ntemi būlī kwene ūko alīja.”
8
Na ng'hana a Balawī na a banhū ba Yuda bīīta gīt'ūmo akabalagīīlīla ū ngabīji Yehoyada. Būlī munhū ūbasola a banhū bakwe; abo bizaga kūdima lūdīīma ha Sabato, na a babo bamalaga ū lūdīīma; nguno ū ngabīji Yehoyada atabazunīlīgije banhū bose bose kwīnga ū mu magele gabo.
9
Hūna ūbinha a bataale ba bashilikale igana igana a machimu, nī mūda ī ndo do do nī nhaale nhaale; shilanga īsho shalī sha ng'wa ntemi Daūdi, īsho shikalaga mu hekalu ya ng'wa Mulungu.
10
Ūbahela chiza pye a banhū kūlwa kūnang'hana ū ntemi; būlī munhū aho alī, na shilanga shakwe mu nkono. Bīmīīla bbihī nū ng'walīlo, nī hekalu bīpīndya kwandīja kū lwandī lwa dakama ya hekalu kūshisha sukuma yaho.
11
Hūna ū ngabīji Yehoyada na a bitūnja bakwe būng'wenha ū ng'witūnja wa ntemi, būntūūlīla ū kū ntwe ī ngikili ya nyatemi. Būng'winha na shitabo sh'ilagane, hanuma būhaya hape n'ilaka lya higūlya gīkī hū ng'wene ū ntemi; hūna būng'witīīla maguta na kūhamuka, “Kūlaga ūhangame ntemi!”
12
Ū Asalia aho wigwa ī yoge ya banhū bakūkimbaga na kūtūla mhūndū ja kūnyegela ū ntemi, ūja ū kū hekalu ya ng'wa SEEBA ūko baalī.
13
Kūlola ū mu hekalu ūmona ū ntemi wīmīīlaga bbihī na ng'hīngī yakwe haho na nyango. A basugi ba sī na a bafuuji ba mhembe baalī bihela haho naag'hwe ū ntemi; pye a banhū ba mu sī baalī bayega no, bakūlījaga mbiilūlū dūhū. A bīmbi babatongeelaga a banhū bakūkumīlījaga na kūtūla shikolo sha kwīmbīla. Ī likanza lyenīlo ū Asalia ūtandūla shizwalo shakwe, ūyoganya akūhayaga, “Wijomboki! Ū wenūbū wijomboki!”
14
Hūna ū Yehoyada ūbalagīja a bataale ba bashilikale igana igana abo baalī na lūdīīma lwa kūgalang'hana a mabità ga bashilikale; ūbawīla, “Ng'wīnjagi hoi mumfunye hanze; ose ose ūyo alihambe kūnkūūbīja mūlagagi.” Ū ngabīji ongeja kūhaya, “Yaya ū kūbūlagīlwa mu hekalu ya ng'wa SEEBA.”
15
Na lūūlū būndima aho washika ha mita gwa kwingīlīla falasa mu gwaalugwa ya hikūlū, būmūlagīla henaho.
16
Hūna ū Yehoyada ūbeeja ilagane a ha gatī yakwe na a banhū a bose hamò nū ntemi, gīkī bakūbiza banhū ba ng'wa SEEBA.
17
Hanuma ya henaho pye a banhū būja ū kū hekalu ya ng'wa Baalī būkīkambagūla. Ī myalīlo bīsagambūla nī shiikolile shaho būshibelagūla. Walīho ngabījibo ng'wa Baalī witanagwa Matani, būmūlaga; būmūlagīla ū kū būtongi wa myalīlo yenīyo.
18
Hūna ū ngabīji Yehoyada ūgūtūūla ū nīmo gwa kwīlang'hana ī hekalu ya ng'wa SEEBA mu makono ga bagabīji, abo baalī Balawī; abo Daūdi walī wabahelela ū mu hekalu nīmo gwa kūmfunīja ū SEEBA shitambò sha kūpemvwa, gīt'ūmo yandīkilwe mu shilagīlo sha ng'wa Musa, kūyūgwīta na būyegi na mīmbo gīt'ūmo akahelela ū Daūdi.
19
Na a ha mibita ya hekalu ya ng'wa SEEBA ūtūūla ho balang'hani, kūlang'hana gīkī ose ose ūyo walī na būsoso wa mbika yose yose atizingīla moi.
20
Ūbasola a bataale ba mabità ga bashilikale igana igana, na a basugi ba sī, na a bataale ba banhū, na a banhū bose a ba sī yenīyo būkūūbīja. Pye a bose būng'wīnja ū ntemi ū mu hekalu ya ng'wa SEEBA, būntwaala mu numba y'ikūlū; būūkingīlīla kū mita gwa kū ngūlya. Hūna ū ntemi būntūūla a h'isumba lya būtemi.
21
Na lūūlū pye a banhū ba sī yenīyo būyega no, nguno ū Asalia aho wabūlagwa bo līlūshū gūlembeela ū nzengo.
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 24 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36