bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
2 Chronicles 14
2 Chronicles 14
Sukuma 2019
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 15 →
1
Hūna ū Abiya wifuula hamò na bakūlūgenji bakwe, ūjīkwa mu nzengo go ng'wa Daūdi. Asa ng'witūnja wakwe wingīla a ha ng'wanya gwakwe ūbiza ntemi; ū mu shikū jakwe ī sī yifuula ikanza lya myaka ikūmi.
2
Ū Asa akīīta yawiza ū mu miso ga ng'wa SEEBA ū Mulungu wakwe.
3
Ūyīnja pyī ī myalīlo ya bamulungu bageni, na a mapandī ga higūlya; gaalīho na mawe meela, nago ūgabelagūla; na ng'hīngī ja ng'wa Ashela jalīho, najo ūjibbutagūla.
4
A banhū ba Yuda ūbinha shilagīlo sha kūnkooba SEEBA, ū Mulungu wa bakūlūgenji babo, na kūshimīzīla ū mu shilagīlo shakwe.
5
Ūgīnja a mapandī ga higūlya ayo gaalī gabeejiwa ūko na ūko ū mu mizengo ya Yuda, nī myalīlo īyo yalī yazengwa; ū būtemi būbiza na mhola ū mu shikū jakwe.
6
Īkī ī sī yalī na mhola, wīzenga būpya ī mizengo īyo yalī īpīndīlījiwe ndugu. Walī atīho nūūlū ūmò ūyo wilwishaga nang'hwe būlūgū ū mu shikū jenījo, nguno ū SEEBA walī wang'winha kwifuula.
7
Hūna ūbawīla a banhū ba Yuda, “Twībeejagi ī mizengo yenīyī, twīpīndīlīje ndugu na numba ja balang'hani, hamò na mibita na malugalīlo gaho. Ī sī yenīyī ītaalī yise nguno twangalūkīlile ū SEEBA Mulungu wise; īkī twangalūkīlile h'ī chene watwinhile mhola būlī kwene.” Na ng'hana būzenga yūūbabeelela ī mihayo.
8
Ū Asa walī n'ibità lya bashilikale shihūmbī magana adatū a ba kūfuma mu Yuda, baalī na mūda nhaale na machimu; ū kūfuma ī Benajamini walī nabo shihūmbī magana abīlī na makūmi anaane, a bene baalī na mūda ndo do do, hamò na būta. A bose benaba baalī bashilikale bakalī, batogohaga shose shose.
9
Walīho Zeelà muna Kushi, wiza n'ibità itaale lya bashilikale kūbadumīla, na magogoteni magana adatū ga būlūgū walī nago; wiza ūtūūla ng'hambī ipandī lya Malesha.
10
Ū Asa ūja koi kūjūmanhya nang'hwe; bamba būlūgū mu sī ya ntubīlo gwa Zefata, ū mu Malesha ng'wenūmo.
11
Ū Asa ūnīlīīla ū SEEBA Mulungu wakwe alīhaya, “SEEBA, atīho ūngī ūyo abizile gītī bebe, ū mu kūbagunanha abo batī na nguzu ūlū balilwisha na a ba nguzu. Tūgunanhage SEEBA Mulungu wise, nguno tūkūsendamīlile bebe; hama twizaga mu lina lyako ū kwilwisha nī libità ī litaale lyenīlī. Ee SEEBA, ū bebe ūlī Mulungu wise, ūtizūneka munhū ose ose igūngūhye higūlya yako.”
12
Na ng'hana ū SEEBA ūbakenaagūla a Bakushi ū kū būtongi bo ng'wa Asa na a banhū ba Yuda. A Bakushi būpeela,
13
ū Asa nī libità lyakwe būboolomya nhambo kūshisha Geela. A Bakushi bakagwa bingī no, ī libità lyabo lītapandīkile nguzu ja kūgūngūmūka hangī; būbiza baapyenwa gete ū kū būtongi bo ng'wa SEEBA na a mabità gakwe. A banhū ba Yuda būbūūcha shikolo shingī ū kūfuma ū mu būtindi wenūbo.
14
Būgakenaagūla pye a magūngūli ayo gaalī gīpīndīlīgije ī Geela, nguno baalī na lyogohya lya ng'wa SEEBA; nīyo bakasola shikolo shingī ū kūfuma ū mu magūngūli genayo, nguno shalīmo shikolo shingī no.
15
Būjidumīla na ng'hambī ja badīīmi, būtula madaale mataale ga ng'holo na mbūli na ngamīla; hūna būshoka Yelusalemu.
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 15 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36