bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
2 Chronicles 2
2 Chronicles 2
Sukuma 2019
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 3 →
1
Ū Solomoni ūfunya shilagīlo sha kūzenga hekalu kūlwa lina lya ng'wa SEEBA, na numba ya ikūlū lyakwe.
2
Ūlagīja bilonga banhū shihūmbī makūmi mpungatī babūūcha ba miligo, na bangī shihūmbī makūmi anaane batūji ba mawe mu ngūlū; na shihūmbī shidatū na magana atandatū, ba kūgwīmīīla ū nīmo.
3
Hūna ū Solomoni ūtūma nhūng'wa ū kūlī Hilamu ū ntemi wa Tulo; ūhaya, “Nitūmīlage magogo ga mitī ya mibanga, gīt'ūmo ūkīītīla kūlī baba Daūdi, aho ūkantūmīla magogo ga mitī ya mibanga kūlwa kūzenga numba ya ikūlū lyakwe lya kwikala moi.
4
Ū nene ī haha nalī na ng'hūmbū ja kūzenga hekalu kūlwa nguno ya lina lya ng'wa SEEBA Mulungu wane, nīfunye kūlwa nguno yakwe, kūlwa kūzuukīja būbbani bo ng'waso gwawiza kū būtongi wakwe būlī lūshikū dilū na mhīndī, na mu shikū ja Sabato, na mu makanza ga shigukulu sha ng'weji mpya; na mu shikū ījo jihelilwe kūlwa nguno ya ng'wa SEEBA Mulungu wise. Ī shenīshi shilī shilagīlo sha būja na būja ū kū Baisilaeli.
5
Ī hekalu īyo nakwīzenga īkūbiza nhaale, nguno ū Mulungu wise alī ntaale kūtinda pye a bamulungu a bangī.
6
Alīyo nahene, nani ūyo adūgije kūnzengela hekalu? Nguno ī ligūlū lītang'wigelilwe, pyī nūūlū ī ligūlū īlo līlī kwigūlya no no no lītīko ū kūng'wigelwa. Ū nene hū nalī nani nose nanzengele hekalu, ūlū ītī kūbeeja ipandī lya kūpemba shitambò kū būtongi wakwe dūhū?
7
Alilūūlū, nitūmīlage munhū koolī, ūyo adūgije kūbeeja shikolo mu kūtūmamīla zahabu, feza, shaba, chūma, na būlūba wa langi yaza na ya būlulu; hama abize amanile Koola būlenji. Ū munhū ng'wenūyo nitūmīlage ize atūmame hamò na a bakoolī abo nalī nabo kūūnū Yuda na Yelusalemu; abo baasolwa na baba Daūdi.
8
Nitūmīlage na mitī ya mibanga kūfuma Lebanoni, na mizule, hamò na mitī midimu ya kūtūmamīla; nguno nadeebile gīkī a banhū bako bagūmanīīlile ū nīmo gwa kūbbuta mitī. A banhū bane bakwiza koi batūmame na a banhū bako,
9
napandīke mitī mingī, nguno ī hekalu īyo nalīzenga īlī nhaale, hangī shiigelile ībize yawiza no no no.
10
A batūmami bako, a babbuti ba mitī nakūbinha madebbe shihūmbī igana na makūmi abīlī na shitanò ga būsu wa ngano, na madebbe shihūmbī igana na makūmi abīlī na shitanò ga būsīga, na divai galani shihūmbī igana na ikūmi na shitanò, hamò na maguta ga zeituni galani shihūmbī igana na'ikūmi na shitanò.”
11
Ū Hilamu ū ntemi wa Tulo ūnshokeja ishosho ū Solomoni mu nzīla ya nyalūba ūhaya, “Īkī ū SEEBA abatogilwe a banhū bakwe, h'ī nguno yene wakwītile ū bebe kūbiza ntemi wabo.”
12
Ū Hilamu ongeja kūhaya, “Akumīlījiwe ū SEEBA, ū Mulungu wa Baisilaeli, ū meeja w'igūlū na sī! Nguno akang'winha ū ntemi Daūdi ng'witūnja wa masala na ng'witegeleja, hangī ndeeba; ūyo akūzenga hekalu kūlwa nguno ya ng'wa SEEBA, n'ikūlū lya kwikala mo ū wei.
13
Alilūūlū, nalīntūma Hulamu-abi ize koi, nguno ū munhū ng'wenūyo mani wa mihayo mingī.
14
Ū nina walī ūmò wa bashīke ba mu lūganda lwa ng'wa Dani, ū ise walī muna Tulo. Ū munhū ng'wenūyū koolī, alangilwe kūbeeja shikolo mu kūtūmamīla zahabu, feza, shaba, chūma, mawe, hamò na mitī. Nū būlūba wa langi ya nzulunge amanile ū kūbūtūmamīla kūbeeja shikolo; pyī nū wa langi ya būlulu nī yaza, nī kitaani ī yawiza. Adūgije kūbeeja mhayo gose gose ūyo winhwa gīkī agwīte; nūūlū Koola būlenji wa mbika yose yose adūgije. Na lūūlū ū wei akūtūmama nabo a batūmami bako, hamò na a ba ng'wa baba būgonzo ū Daūdi ū so.
15
Alilūūlū, ū baba būgonzo ni abatūmīlage a batūmami bakwe ī ngano nū būsīga, na a maguta ga zeituni nī divai, gīt'ūmo wahayīlile.
16
A bise ū kūūnū tūkūgabbuta a magogo ga mitī ū kūfuma ū ng'wipoolu lya Lebanoni gīt'ūmo ūtogelilwe, hūna tūgatunge miligo miligo tūgeleeje mu nyanza tūkwenhele, twize tūgatūūle Yopa; nang'ho lūūlū ūkūgasomba ūgashikīlīje ī Yelusalemu.”
17
Hūna ū Solomoni ūbabala pye a banhū abo baalī baalobela mu sī ya Isilaeli, gīt'ūmo walī wītīla ū ise ū Daūdi; ī lisaabu lya banhū benabo lyūshika shihūmbī igana na makūmi atanò na shidatū, na magana atandatū.
18
Ū mu benabo banhū shihūmbī makūmi mpungatī ūbatūūla ha nīmo gwa kūbūūcha shikolo, banhū shihūmbī makūmi anaane būbiza batūji ba mawe mu ngūlū; abo shihūmbī shidatū na magana atandatū būbiza ba kūgwīmīīla ū nīmo, kūgūlola ū ūmo gūlīīla.
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 3 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
Recommended Reading
Commentary
2 Chronicles Commentaries
→
Devotional
2 Chronicles Devotional Guide
→
Get This Bible
Sukuma Study Bible
→