bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
2 Chronicles 21
2 Chronicles 21
Sukuma 2019
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 22 →
1
Hūna ū Yehoshafati wifuula hamò na bakūlūgenji bakwe, ūjīkwa mu nzengo go ng'wa Daūdi. Ng'witūnja wakwe Yeholamu wingīla a ha ng'wanya gwakwe ūbiza ntemi.
2
A baana ba ng'wawe ū Yeholamu a bitūnja ba ng'wa Yehoshafati baalī, Azalia, Yehieli, Zakalia, Azaliahu, Mikaeli, na Shefatia; a bose benaba baalī bitūnja ba ng'wa Yehoshafati ntemi wa Isilaeli.
3
Ū saabo walī wabinha shakwinha shingī, feza na zahabu, na shikolo sha būyaga sha mpango ntaale, hamò na mizengo īyo yalī īpīndīlījiwe ndugu ū mu Yuda. Alīyo ū būtemi walī wang'winha Yeholamu, nguno h'ūyo walī myalwa wakwe wa kwandya.
4
Ū Yeholamu aho wigasha a ha būtemi bo ng'wa ise ūpandīka nguzu, ūbabūlaga a baana ba ng'wawe pye a bose, hamò na banhū bangī a ba ng'wikūlū lya Isilaeli.
5
Ū Yeholamu ng'wenūyo aho alandya kūbiza ntemi walī na myaka makūmi adatū n'ībīlī; ūtema ikanza lya myaka īnaane ū mu Yelusalemu.
6
Washimīzaga mu kūlondeela nzīla ja batemi ba Isilaeli; walondeelaga nhūngwa ja numba ya ng'wa Ahabu, nguno akantoola nshīke o ng'wa Ahabu; wīta yabūbi ū miso ga ng'wa SEEBA.
7
Alīyo kūlw'ilagane īlo SEEBA walī wabeeja na Daūdi, ū SEEBA atīkenaagūlile ī numba yenīyo. Nguno walī wisagīja gīkī akūleka tala kūlwa ng'wa Daūdi, hamò nī shibyalīlwe shakwe shikū jose.
8
Ū mu shikū jakwe ū Yeholamu ī Edomu yūlema ū kūbiza ha sīlīlī ya būsugi wa Yuda, nayo yūtūūla ntemi wayo.
9
Hūna ū Yeholamu ūja koi hamò na bataale ba bashilikale bakwe, na magogoteni gakwe ga būlūgū; aho alī kwenūko a mabità ga Baedomu gūmpīndya hamò na a bataale ba bashilikale bakwe. Alīyo aho wila ū būjikū ūbūūka ūnyeenyeeka ūpūlūgūka wīnga ko.
10
Kūshisha na leelo yene ī Edomu yalema ū kūbiza ha sīlīlī ya būsugi wa Yuda. Nī Libuna yūgoma ū mu makanza genayo, nguno ū Yeholamu akang'wība ū SEEBA, ū Mulungu wa bakūlūgenji bakwe.
11
Nīyo akabeeja na mapandī ga higūlya ū mu ngūlū ja Yuda, ūbenheleja a banhū ba Yuda kwisosohaja mu nzīla ja wilamīlīja, ūbenheleja kūtala ū mu nzīla ya ng'wa SEEBA.
12
Kwitulwa ū Yeholamu wapandīka nyalūba ya kūfuma kūlī ng'hangi Eliya; īlīhaya, “Ū SEEBA ū Mulungu wa nkūlūgenji wako Daūdi alīhaya gīkī, ‘Walekile ū kūshimīzīla ū mu nzīla ja ng'wa so ū Yehoshafati, nūūlū ū Asa ū ntemi wa Yuda.
13
Alīyo ūkūshimīzīlaga mu nzīla ja batemi ba Isilaeli; na a banhū ba Yuda wabenhelegije kwisosohaja mu nzīla ja wilamīlīja gīt'ūmo yītīla numba ya ng'wa Ahabu. Hama na a baana ba ng'wing'we wababūlagile, banhū ba mu numba ya ng'wa so gete, abo baalī bawiza kūkūheeba ū bebe.
14
Na lūūlū ī haha ū SEEBA alī hihī kūbatūla ha bbahu a banhū bako, a bitūnja bako na a bake bako, nī shikolo shako shose.
15
Nīyo ū bebe ng'wenekīlī ūkūsaata munda, būsaatu wa makanza malīhu, ū kū ng'halīlo yaho ūkūfuma ngongo!’”
16
Hūna ū SEEBA ūbasaja Bafilisiti na Baalabu abo bikalaga bbihī na Bakushi, būnzanzamukīla ū Yeholamu.
17
Bīyūbūkīla ī Yuda, būshibūūcha pyī ī shikolo īsho bakapandīka ū mu numba y'ikūlū, būja nasho; būbajana na a bitūnja hamò na a bake bakwe. Atalekelilwe ng'witūnja, ūlū atī Ahazia dūhū, ūyo walī ndo wa kūmalīja.
18
Hanuma ya yenīyī, ū SEEBA ūntūla ū Yeholamu, ūsaata būsaatu wa munda būtī wa kūpīla.
19
Ī likanza aho lyaja līlongeja kūja kū būtongi, yahayūshika myaka ībīlī, ūfuma ngongo kūlwa būsaatu wenūbo; ūcha mu kūsaatwa kūtaale no! A banhū bakwe batapembile moto gwa koolekeja kūnkūja gīt'ūmo baalī bīītīla kū bataale bakwe.
20
Ū Yeholamu walī na myaka makūmi adatū n'ībīlī aho alandya kūtema; ūtema ū mu Yelusalemu ikanza lya myaka īnaane. Aho waacha, atapīnīhalile munhū nūūlū ūmò; ūjīkwa mu nzengo go ng'wa Daūdi, alīyo ītī ū mu shigila ūmo bajīkīlagwa batemi.
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36