bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
2 Chronicles 30
2 Chronicles 30
Sukuma 2019
← Chapter 29
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 31 →
1
Hūna ū Hezekia ūtūma nhūng'wa ū kū Baisilaeli a bose; na a banhū ba Efulaimu na Manase ūbandīkīla nyalūba ja kūbeegeleja kwiza ī Yelusalemu ū kūhekalu ya ng'wa SEEBA, kwiza kwīlya ī pasaka kūlwa nguno ya ng'wa SEEBA ū Mulungu wa Isilaeli.
2
Ū ntemi na a batūmami bakwe, na a banhū a bose abo baalī bibilinga mu Yelusalemu būbona gīkī īkūbeelela kwīlya ī pasaka mu ng'weji gwa kabīlī.
3
Bakalemeelwa ū kwīlya ū ng'wikanza īlo līhelilwe kūlwa nguno baalī batī bingī a bagabīji abo baalī biyeeja, na a banhū baalī bataalī ū kwibilinga ū mu Yelusalemu.
4
Ū mhayo gwenūyo gūūbeelela ū kūlī ntemi na a banhū pye a bose.
5
Būbona batūme mhola hose pyī ū mu Isilaeli, kwandīja Beeli-sheba kūshisha Dani, babalaalīke a banhū bize ī Yelusalemu kwīlya ī pasaka kūlwa ng'wa SEEBA, ū Mulungu wa Isilaeli. Nguno yalī yabīta myaka mingī ītūyegelagwa na banhū bingī gīt'ūmo yalī yandīkīlilwe.
6
Na lūūlū ū ntemi ūlagīja banhū būja hose pyī ū mu Isilaeli nī Yuda, būja babūūkije nyalūba kūfuma ū kūlī ntemi nū kū batūmami bakwe; jihayile, “Banhū ba Isilaeli, nshokelagi SEEBA, ū Mulungu o ng'wa Abulahamu, Isaka na Isilaeli; nang'hwe amushokele a bing'we abo ng'wasaagīīlile, abo ng'wapūlūgūkile mu nkono gwa batemi ba Baashulu.
7
Mutizūbiza gīt'ūmo baalī a babyaji bing'we na a baana ba ng'wing'we, abo baalī batī bigwi ū kūlī SEEBA, ū Mulungu wa bakūlūgenji babo; kūshisha nose ūbīīta kūbiza shikolo sha kūkamaaja gīt'ūmo mulībonela.
8
Mutizūbiza na mitwe midimu gīt'ūmo baalī a babyaji bing'we, idoohyagi ū kūlī SEEBA; nzūgi ū kwipandī ī lyeela īlo walyeeja shikū ja welelo bose. Ntūmamīlagi ū SEEBA, ū Mulungu wing'we, ū būpelanu wakwe būng'wīngīle.
9
Ūlū ng'ūnshokela ū SEEBA bakūchīlwa shigongo a baana ba ng'wing'we, na a baana bing'we. Abo babadima nding'wa bakūbalekela bashoke hangī ū mu sī īyī; nguno ū SEEBA Mulungu wing'we alī wa shigongo, na akabasaatagwa a banhū bakwe. Ūlū ng'ūngalūkīla atūng'winhīla ngongo.”
10
Abo baalī baatūng'wa būja mu būlī nzengo ū mu sī ya Efulaimu nī Manase, būūkashika nī Zabuloni. Alīyo a banhū babasekaga na kūbineenelegeja dūhū.
11
Gwike a heene banhū balebe ba Asheli, Manase na Zabuloni bakidoohya biza ī Yelusalemu.
12
Na hangī nīyo ū mu Yuda ū nkono go ng'wa SEEBA gwalī hamò nabo a banhū, kūlwa kūbinha būmò wa maganiko gīkī bīīshikīlīje īyo walī wīlagīla ū ntemi na a batūmami bakwe; gīt'ūmo gūhayīlile mhayo go ng'wa SEEBA.
13
Na lūūlū mu ng'weji gwa kabīlī libilinga ibità itaale lya banhū ū mu Yelusalemu, kūlwa kūshiyegela ī shigukulu sha migatī ītī na shibimbya.
14
Bīyīnja ī myalīlo ū mu Yelusalemu, nī myalīlo ya kūzuukīlīgīja būbbani bīyīnja yūūkaponyiwa kū longa lwa Kiduloni.
15
Ī ng'holo ja pasaka būjisīnza ha lūshikū lw'ikūmi na'inè, ū ng'weji gwa kabīlī gwenūyo. A bagabīji na a Balawī bakading'wa minala biyeeja, bandya kūshenha ī shitambò sha kūpemvwa ū mu hekalu ya ng'wa SEEBA.
16
Hanuma ya henaho būlī bene būjidima ī ndīīma jabo, gīt'ūmo shilagīlo sha ng'wa Musa munhū o ng'wa Mulungu sholekegije. A bagabīji būgaseseebela a mininga ayo bakayinhīlījiwa na Balawī.
17
Na lūūlū īkī banhū bingī ū ng'wibità baalī batiyeegije, a Balawī īkabigeleelwa kūbasīnzīla ī pasaka jabo pye a banhū abo baalī bateelile, abo baalī batadūgije ū kūjifunya ī ng'holo jabo ja pasaka ū kūlī SEEBA.
18
A banhū abo baalī batiyeegije baalī bingī; ī no no no a ba kūfuma Efulaimu, Manase, Isakaali na Zabuloni. Alīyo nahene bakīīlya ī pasaka, a kahelele ako katūūlilwe katakūūbīlījiwe. Gwike ū Hezekia akabalombela alīhaya, “Ū SEEBA ūyo alī wawiza anchīle shigongo būlī ng'wene
19
ūyo ng'holò yakwe īlolelile mu kū nkooba Mulungu, ū SEEBA ūyo alī Mulungu wa bakūlūgenji bakwe, nūūlū ūbiza ī haha atiyeegije gīt'ūmo kalī kajīle ka ng'wipandī lyeela.”
20
Na ng'hana ū SEEBA ūng'wigwa ū Hezekia, ūbapīja a banhū.
21
A banhū ba Isilaeli abo baalīho ī Yelusalemu, būmala shikū mpungatī bakūshilyaga mu būyegi būtaale ī shigukulu sha migatī ītī na shibimbya. A Balawī na a bagabīji bīmbaga būlī lūshikū ū kū būtongi bo ng'wa SEEBA, kūnū nī shikolo sha kwīmbīla shikūtūlagwa kūlwa kūnkumīlīja ū SEEBA.
22
Ū Hezekia ūlūngalūnga na a Balawī a bose mihayo ya kūbatimbya ng'holò, nguno boolechaga gīkī bagūmanile ū nīmo gwa kūnamya ū SEEBA. A banhū būjimala ī shikū mpungatī ja shigukulu shenīsho bakūlyaga shilīwa īsho baalī bahelelilwe, kūnū bakūfunyaga shakwinha sha būsangī na kūnkumīlīja ū SEEBA, ū Mulungu wa bakūlūgenji babo.
23
A banhū a bose abo baalī bibilinga bizunīlīja kongeja hangī shikū jingī mpungatī ja kūyegela hamò. Na lūūlū būmala shikū jingī mpungatī bakūlyaga na būyegi būtaale.
24
Ū Hezekia ū ntemi wa Yuda ūfunya nzagamba shihūmbī shimò, na ng'holo hamò na mbūli shihūmbī mpungatī, kūlwa kūlya a banhū. A batūmami nabo būfunya nzagamba shihūmbī shimò, na shihūmbī ikūmi sha ng'holo na mbūli; bagabīji bingī bongeja kwiyeeja.
25
Ī libità ī lyose ī lya Yuda lyūyega no, hamò na a bagabīji na a Balawī; na a bose abo baalī biza kūfuma Isilaeli, pye na a balobeji; a ba kūfuma Isilaeli na a ba mu Yuda.
26
Walī būyegi būtaale no ū mu Yelusalemu, nguno kūfuma mu shikū ja ng'wa Solomoni ū ng'witūnja o ng'wa Daūdi ū ntemi wa Isilaeli, ū mhayo gwa gīko gwalī gūtaalī kwītwa ū mu Yelusalemu.
27
A bagabīji na a Balawī bīmīīla kūbalombela a banhū, nang'hwe ū Mulungu ūbigwa, nguno ū kūlomba kwabo kūkashika ī ng'wigūlū, ū kū wikalo wakwe.
← Chapter 29
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 31 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36