bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Xhosa
/
Xhosa 1902 (Incwadi Yeziba̔lo Ezingcwele 1864, 1902 (Xhosa Appleyard))
/
Numbers 3
Numbers 3
Xhosa 1902 (Incwadi Yeziba̔lo Ezingcwele 1864, 1902 (Xhosa Appleyard))
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 4 →
1
KANJALO ezi zizizizukulwana zika‐Arone no‐Mosesi, mhlana wabeteta uehova ku‐Mosesi entabeni ye‐Sinai.
2
Ngawo la amagama abo onyana baka‐Arone: owamazibulo u‐Nadabi, no‐Abihu, n o‐Elezari, no‐Yitamare.
3
Ngawo la amagama onyana baka‐Arone, abaperisite ababetanjiswe, abazandla bezizalisiwe ukukonza ngobuperisite.
4
Kodwa u‐Nadabi no‐Abihu bafa ebusweni bukayehova, bakunikela umlilo wasemzini pambi kwoyehova, entlango ye‐Sinai, bengenabo abantwana; kanti u‐Elezari no‐Yitamare bakonza ngobuperisite ebusweni buka‐Arone uyise wabo.
5
Waye uyehova wateta ku‐Mosesi, esiti:
6
Sondeza isizwe sika‐Levi, usimise pambi kwo‐Arone umperisite, ukuba bakonze kuye;
7
nokuba bagcine isigcinelo sake, nesigcinelo sayo yonke intlanganiso, pambi kwentente yentlangano, baze bayenze inkonzo yetabanakele;
8
nokuba bagcine zonke impahla zentente yentlangano, nesigcinelo sosapo luka‐Sirayeli, baze bayenze inkonzo yetabanakele.
9
Wauya kunika aba‐Levi ku‐Arone nakonyana bake; bayanikwa, bayanikwa bona kuye bevela elusatsheni luka‐Sirayeli.
10
Kodwa u‐Arone nonyana bake uya kubamisela ukuba bagcine ubuperisite babo; nowasemzini osondelayo yena uya kufiswa.
11
Waye uyehova wateta ku‐Mosesi, esiti:
12
Mna, bona ke, ndibatabatile aba‐Levi kwa pakati kwosapo luka‐Sirayeli, esikundleni sawo onke amazibulo ekuzityulwa ngawo pakati kwosapo luka‐Sirayeli; ngako aba‐Levi boba ngabam:
13
ngokuba onke amazibulo engawam: umhla ndandibeta onke amazibulo ezweni le‐Jipete ngawo, ndawangcwalisa kum onke amazibulo kwa‐Sirayeli, awabantu nawezilo; oba ngawam: mna ndi nguyehova.
14
Waye uyehova wateta ku‐Mosesi entlango ye‐Sinai, esiti:
15
Bala onyana baka‐Levi ngendlu zoyise zabo, ngezizalwane zabo; onke amadoda abudala buyinyanga nye nobupezulu uya kubala wona.
16
Waza u‐Mosesi wababala ngelizwi likayehova, njengokuyalelwa kwake.
17
Aba ke bebengonyana baka‐Levi ngamagama abo: u‐Gereshone, no‐Kohati, no‐Merari.
18
Ngawo la namagama abo onyana baka‐Gereshone, ngezizalwane zabo; u‐Libeni no‐Shimehi.
19
Nonyana baka‐Kohati, ngezizalwane zabo; u‐Hamerame no‐Yitsare, u‐Hebrone no‐Huziyeli.
20
Nonyana baka‐Merari, ngezizalwane zabo; u‐Mahali no‐Mushi. Zizo ezi izizalwane zaba‐Levi, ngendlu zoyise zabo.
21
Ku‐Gereshone kwavela isizalwane sama‐Libeni, nesizalwane sama‐Shimehi: zizo ezi izizalwane zama‐Gereshone.
22
Ababalweyo bawo, ngombalo wawo onke amadoda abudala buyinyanga nye nobupezulu, ababalweyo bawo bebengamawaka asixe̔nxe anamakulu mahlanu.
23
Izizalwane zama‐Gereshone ziya kuti waca ngasemva kwetabanakele, ngasentshonalanga.
24
Inkosi yayo indlu yoyise wama‐Gereshone yoba ngu‐Eliyasafa, unyana ka‐Layeli.
25
Nesigcinelo sonyana baka‐Gereshone ententeni yentlangano, yitabanakele, nentente, n esigubungelo sayo, nelengalenga lalo ucango lwentente yentlangano,
26
namalengalenga ebala, nelengalenga locango lwebala, elingakuyo itabanakele, nangakuso isibingelo ngento engqongayo; kwa nentambo zalo ngenxa yayo yonke inkonzo yalo.
27
Naku‐Kohati kwavela isizalwane sama‐Hamerame, nesizalwane sama‐Yitsare, nesizalwane sama‐Hebrone, nesizalwane sama‐Huziyeli: zizo ezi izizalwane zama‐Kohati.
28
Ngombalo wawo onke amadoda abudala buyinyanga nye nobupezulu, ebengamawaka asibozo anamakulu matandatu, egcina isigcinelo seyingcwele indawo.
29
Izizalwane zonyana baka‐Kohati ziya kuti waca ecaleni letabanakele, ngasesuyide.
30
Inkosi yayo indlu yoyise wezizalwane zama‐Kohati yoba ngu‐Elitsafane, unyana ka‐Huziyeli.
31
Nesigcinelo sawo, yityeya, netafile, nekandelare, nezibingelo, nempahla zeyingcwele indawo akonzayo ngazo, nelengalenga, nako konke okwenkonzo yayo.
32
Nenkosi yenkosi zaba‐Levi yoba ngu‐Elezari, unyana ka‐Arone umperisite, oya kuba ngumongama pezu kwabagcinayo isigcinelo seyingcwele indawo.
33
Ku‐Merari kwavela isizalwane sama‐Mahali, nesizalwane sama‐Mushi: zizo ezi izizalwane zama‐Merari.
34
Nababalweyo bawo, ngombalo wawo onke amadoda abudala buyinyanga nye nobupezulu, bebengamawaka matandatu anamakulu mabini.
35
Inkosi yayo indlu yoyise wezizalwane zika‐Merari yoba ngu‐Tsuriyeli, unyana ka‐Abihayili: aba baya kuti waca ecaleni letabanakele, ngasenode.
36
Nomsebenzi wesigcinelo sabo onyana baka‐Merari, ziplanke zetabanakele, nemivalo yayo, nentsika zayo, neziseko zayo, nazo zonke impahla zayo, nako konke okwenkonzo yayo,
37
nentsika zebala ezilingqongayo, neziseko zazo, nezikonkwane zazo, nentambo zazo.
38
Kanjalo abo abaya kuti waca pambi kwetabanakele ngasempumalanga, pambi kwentente yentlangano, ngasekupumeni kwelanga, ngu‐Mosesi, no‐Arone, nonyana bake, begcina isigcinelo seyingcwele indawo, ngenxa yesigcinelo salo usapo luka‐Sirayeli; nowasemzini osondelayo yena nya kufiswa.
39
Bonke ababalweyo babo aba‐Levi, abo bababalayo u‐Mosesi no‐Arone ngelizwi likayehova, ngezizalwane zabo, onke amadoda abudala buyinyanga nye nobupezulu, bebengamawaka angamashumi mabini enesibini.
40
Waza uyehova wati ku‐Mosesi: Bala onke amazibulo engamadoda pakati kwosapo luka‐Sirayeli, abudala buyinyanga nye nobupezulu, ulibale inani lamagama awo.
41
Wauya kunditabatela mna Yehova aba‐Levi, esikundleni sawo onke amazibulo pakati kwosapo luka‐Sirayeli; kwa nenkomo zaba‐Levi, esikundleni sawo onke amazibulo pakati kwenkomo zosapo luka‐Sirayeli.
42
Wayebala u‐Mosesi, njengokuba uyehova ebemyalele, onke amazibulo pakati kwosapo luka‐Sirayeli.
43
Onke amazibulo engamadoda, ngombalo wamagama, abudala buyinyanga nye nobupezulu, abalweyo awo, ebengamawaka angamashumi mabini enesibini anamakulu mabini anamashumi asixe̔nxe enesitatu.
44
Waza wateta uyehova ku‐Mosesi, esiti:
45
Tabata aba‐Levi esikundleni sawo onke amazibulo pakati kwosapo luka‐Sirayeli, nenkomo zaba‐Levi esikundleni senkomo zalo; ngokuba aba‐Levi beya kuba ngabam: mna ndi nguyehova.
46
Nalawomakulu mabini anamashumi asixe̔nxe enesitatu aya kukululwa, agqitayo pezu kwaba‐Levi, kuwo amazibulo osapo luka‐Sirayeli;
47
uya kutabatela wona amanye ngamanye ishekele zibe ntlanu; ezingangayo ishekele yeyingcwele indawo wozitabata; zigera ezimashumi mabini ishekele leyo.
48
Wauya kunika leyomali ku‐Arone nakonyana bake, ibe ye yokukululwa kwagqitayo pakati kwawo.
49
Waye u‐Mosesi watabata imali yokukululwa kwawo agqitayo pezu kwakululwayo ngaba‐Levi:
50
kwa kuwo amazibulo osapo luka‐Sirayeli wayitabata imali leyo; iliwaka elinamakulu matatu anamashumi matandatu anesihlanu leshekele, ngeshekele yeyingcwele indawo.
51
Waza u‐Mosesi wayinika imali yawo akululweyo ku‐Arone nakonyana bake, ngelizwi likayehova, njengokuba uyehova ebemyalele u‐Mosesi.
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 4 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36