bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilokano
/
Ilokano (Ti Biblia (1973))
/
Acts 10
Acts 10
Ilokano (Ti Biblia (1973))
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 11 →
1
Ket adda idi ti maysa a lalaki idiay Cesarea nga agnagan Cornelio, centurion ti compania a managan Italiana.
2
Nasingpet ket managbuteng iti Dios agraman cadagiti amin a cabbalayna, isu a nagited cadagiti adu a limlimos iti umili ket agnanayon nga agcarcararag iti Dios.
3
Nakitana iti parparmata a nalawag unay, iti cas maicasiam nga horas ti aldaw, ti maysa nga angel ti Dios a sumsumrec iti yanna ket kinunana kencuana: Cornelio.
4
Ket isu minatmatanna ket sibubuteng a nagcuna: Ania, Apo? Ket kinunana kencuana: Dagiti cararagmo ken dagiti limosmo nagpangatoda a nangipalagip iti sangoanan ti Dios.
5
Mangibaonca ngarud ita ti tattao idiay Joppe ket paayabam ti maysa nga agnagan ti Simon, a napanaganan ti Pedro.
6
Daytoy agdagus iti balay ti maysa a Simon nga agcurcurti, a ti balayna adda iti igid ti baybay: (isu ibagananto kenca ti rebbengmo nga aramiden.
7
Ket idi pimmanaw daydi angel a nakisao kencuana, nangayab ti dua cadagidi adipenna, ken maysa a nasingpet a soldado cadagiti tumultulong kencuana;
8
Ket idi a nasaritana amin cadacuada, imbaonna ida sadi Joppe.
9
Ket iti sumuno nga aldaw, idi magmagnada, ket umasidegdan iti Ili, ni Pedro immuli iti rabaw ti balay a nagcararag, iti nganngani maicanem nga horas:
10
Ket idi a naricnana ti dackel a bisin, cayatna coma ti mangan: ngem idi nga isagsaganada, immay kencuana ti maysa a parparmata;
11
Ket makitana ti langit a silulucat ken bimmaba ti maysa a bungon a cas la maysa a dackel a lupot, nga idinto a sibibitin cadagiti uppat a pingirna, bumaba iti daga;
12
Ket adda kencuana amin a kita dagiti nagsaca ti uppat, ken agcarcarayam iti daga ken dagiti tumatayab iti tangatang.
13
Ket immay ti maysa a timec kencuana a cunana: Tumacderca, Pedro, mangpartica ket agsidaca.
14
Ngem ni Pedro kinunana: Apo, saan: ta uray caano saanac pay a nagsida ti aniaman a saan a napili uray ti di nadalus.
15
Ket maysa a timec immay manen kencuana iti maicadua: Ti dinalusan ti Dios, dica naganen ti saan a napili.
16
Ket naaramid daytoy a namitlo ket idin daydi bungon nagsubli a naawat sadi langit.
17
Ket idi nga agpangpangngadua ni Pedro no ania ngata daydi parparmata a nakitana, adtoy, dagidi tao nga imbaon ni Cornelio, idi a naammoanda ti balay ni Simon, dimtengda iti sangoanan ti ruangan,
18
Ket immayabda, ket inintuudda no agdagdagus idiay ti maysa a Simon a napanaganan ti Pedro.
19
Ket idi nga adda ni Pedro nga agpanpanunot idi paparmata, kinuna kencuana ti Espiritu: Adtoy, tal-lo a tao sapulendaca.
20
Ala, tumacderca, sumalogca ket sumurotca a di agduadua cadacuada, ta siac inbaonco ida.
21
Ket napan ni Pedro cadagidi tao ket kinunana: Adtoy, siac ti sapsapulenyo: ania ti gapu ti inayanyo?
22
Ket kinunada: Ni Cornelio, a capitan, lalaki a nalinteg ken managbutbuteng iti Dios, ken naimbag ti damagna iti amin a nacion dagiti Judio, nabagbagaan iti Dios gapu iti maysa a santo nga angel, a paayabannaca iti balayna ket denggenna kenca dagiti sao.
23
Gapuna a pinasrecna ida iti uneg, ket pinagdagusna ida. Ket iti cabigatanna bimmangon, ket simmurot cadacuada; ket kinuyog dagidi dadduma a cacabsat a taga Joppe.
24
Ket iti sumuno a bigat dimtengda idiay Cesarea. Ket ni Cornelio ur-urayenna ida, nga inurnongna dagiti cacabagianna ken dagidi capalanpalalona a gagayyem.
25
Ket naaramid nga idi simrec ni Pedro, simmabet kencuana: ket nagparintumeng iti sacaananna ket nagrucbab kencuana.
26
Ngem ni Pedro isu pinatacderna, a cuncunana: Tumacderca; siac met taoac laeng.
27
Ket idi a makisasao kencuana, simrec ket nasaracanna dagiti adu a naguurnong:
28
Ket kinunana cadacuada: Ammoyo a dakes iti maysa a lalaki a Judio ti makitipon wenno umay iti sabali a nacion; ngem impakita caniac ti Dios nga awan ti tao a naganec ti saan a apili ken dinadalus:
29
Gapuna met apaman a naayabanac, immayac a saan a nagsukir. Intuudec ngarud; ania ti gapu a pinaayabandac.
30
Ket kinuna ni Cornelio; Idi maicapat nga aldaw iti castoy met la nga horas iti horas a maicasiam idi nga agcararagac iti balayco, adtoy ti maysa a lalaki a nagtacder iti sangoanac a nagcawes ti macapurar,
31
Ket kinunana: Cornelio, naipangag ti cararagmo, ket ti Dios nalagipna dagiti limlimosmo.
32
Agbaonca ngarud idiay Joppe ket paayabam ni Simon, a napanaganan ti Pedro; daytoy agdagus iti balay ni Simon, nga agcurcurti iti igid ti baybay, isu nga inton umay, casaonacanto.
33
Gapuna, dagus a nagbaonac kenca; ket naimbag ti inaramidmo ta immayca, Ita ngarud addacami amin ditoy a sisasaclang iti sangoanan ti Dios tapno denggenmi amin ti imbilin kenca ti Apo.
34
Ket ni Pedro nagsao ket kinunana: Kinapudnona a makitac a ti Dios saan a mangidumduma cadagiti tao:
35
No di ket uray ania a nacion dagiti agbuteng ken agaramid ti kinalinteg macaayayoda kencuana.
36
Ti sao nga inturongna cadagiti annac ti Israel, ti panangicascasaba ti evangelio ti talna a maipoon ken Jesu-Cristo, (isu ti Apo dagiti isu-amin.)
37
Ammoyo dayta a sao, a nagracurac iti amin a Judea, mangrugi idiay Galilea, idi calpasan ti pammautizar nga incascasaba ni Juan;
38
A maipapan ken Jesus a taga Nazaret no casano ti panangconsagrar ti Dios kencuana nga iniccanna ti Espiritu Santo ken ti pannacabalin; isu a namagpagna a nagararamid ti naimbag: ket inag-agasanna amin dagiti pinarparigat ti sairo, ta ti Dios adda kencuana.
39
Ket dacami dagiti sacsi cadagiti amin nga inararamidna iti daga dagiti Judio ken idiay Jerusalem; isu a pinapatayda met iti panangibitinda iti maysa a cayo.
40
Isu pinagungar ti Dios iti maicatlo nga aldaw, ket imparangarangna iti napanayag;
41
Saan nga iti amin nga umili no di ket cadagiti sacsi nga immuna a pinili ti Dios, isu a dacami a nakipangan ken nakiinum kencuana, idi nalpas a nagungar iti tengnga dagiti natay.
42
Ket imbilinna cadacami a mangascasabacami cadagiti umili ken mangsacsi nga isu ti insaad ti Dios nga Ocom dagiti nabiag ken natay.
43
Isu a patalgedan dagiti amin a mammadto a tunggal maysa a mamati kencuana, awatennanto ti pannacaiccat dagiti basbasol gapu iti naganna.
44
Idi a sasaoen pay laeng ni Pedro dagitoy a sao, ti Espiritu Santo bimmaba cadagidi amin nga nagdengngeg ti sao.
45
Ket dagidi nacugit a namati, nga immay a nakicuyog ken Pedro, nagsiddaawda ta naiburay met cadagiti Gentil ti parabur ti Espiritu Santo.
46
Ta nangngegda ida nga agsasao cadagiti nadumaduma a pagsasao ket idaydayawda ti Dios. Idin kinuna ni Pedro:
47
Mabalin ti asinoman a tao ti manglapped iti danum tapto saan a mabautizaran dagitoy nga immawat iti Espiritu Santo a cas met cadatayo?
48
Ket imbagana a mabautizaranda iti nagan ni Apo Jesu-Cristo. Idin kiniddawda kencuana nga agbati iti sumagmamano nga aldaw.
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 11 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28