bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilokano
/
Ilokano (Ti Biblia (1973))
/
Acts 4
Acts 4
Ilokano (Ti Biblia (1973))
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 5 →
1
Ket idi madamada nga agsasao cadagiti umili, napan kinel-laat ida dagiti papadi ken ti capitan ti templo, ken dagiti Saduceo.
2
A silulucsawda agsipud ta sursuroanda dagiti umili ken ipacpacaammoda ti panagungar dagiti natay, gapu ken Jesus.
3
Ket tiniliwda ida ket impupocda ida iti pagbaludan agingga ti sumaganad nga aldaw, ta rabii idin.
4
Ngem adu cadagidi nacangngeg ti sao namatida, ket ti bilang dagiti lallaki aglimariboda.
5
Ket naaramid iti sumaganad nga aldaw, a naguurnongda idiay Jerusalem dagiti turayen, ken dagiti lallacay ken dagiti escriba,
6
Ken da Anas padi a cangatoan, Caifas, Juan, Alejandro, ken amin dagiti cacabagian ti cangatoan a padi.
7
Ket idi nga incabilda ida iti tengnga, inintuudda cadacuada: Ania a pannacabalin, wenno asino ti akinnagan ti pinangaramidyo iti daytoy?
8
Idin ni Pedro, a sipupunno iti Espiritu Santo, kinunana cadacuada: Agturturay iti ili, ken lallacay.
9
No dacam ita mapalutpotcami iti maipapan iti parabur a naaramid iti maysa a tao a masakit, no asino ti akinpannacabalin ti pannacaagas daytoy a tao;
10
Ammoenyo dacay amin ken dagiti amin nga umili iti Israel, nga iti nagan ni Jesu-Cristo a taga Nazaret, isu nga inlansayo iti cruz, ket pinagungar ti Dios cadagiti natay, gapu kencuana daytay a tao adda a sisasalun-at iti saclangyo.
11
Isu ti bato nga imbel-lengyo nga managaramid ti balay isu a nagbalin a bato a pasuli.
12
Ket awan ti sabali a pacaisalacanan, uray siasino; ta awan ti sabali a nagan iti babaen ti langit, a naited cadagiti tao, a pacabalinantayo a maisalacan.
13
Ket idi nakitada ti tured da Pedro ken Juan, idinto nga ammoda nga awan adalda ken saanda a nasursuroan a tattao, nagsiddaawda; ket nailasinda ida a nakicadcaduada ken Jesus.
14
Ket idinto a kitkitaenda di tao a naagasan, a sitatacder iti sibayda, awan ti nabalinda a saoen nga maicaniwas.
15
Ngem idi imbilinda cadacuada a rumuarda iti ruar ti pangocoman, nagsasaoda nga isisuda,
16
A cuncunada: Anianto ti aramidentayo cadagitoy a tao? ta pudno, nga amin dagiti agnaed ditoy Jerusalem ammoda nga isuda nangaramidda ti maysa nga agdinamag a datdatlag ket daytoy ditay mabalin a libaken.
17
Ngem, tapno saan a maiwarnaken cadagiti umili, amsantay laeng ida tapno dida makisao manipud ita iti uray siasino a tao iti daytoy a nagan.
18
Ket idi nga inayabanda ida, imbilinda cadacuada nga iti uray aniaman dida agsao wenno manursuron iti nagan ni Jesus.
19
Ngem da Pedro ken Juan, idi a simmungbatda, kinunada cadacuada: Ipatoyo man, no nalinteg iti sangoanan ti Dios a denggendacayo a nangnangrona ngem iti Dios:
20
Ta dicam mabalin a di saoen ti nakita ken nangngegmi.
21
Ket isuda, idi nalpas ti panangam-amesda ti nalal-lalo pay cadacuada, ken idi dida nacasarac iti pamayan a pangdusaanda cadacuada, gapu cadagidi umili pinalubosanda ida; ta amin a tattao dinaydayawda ti Dios gapu iti daydi a naaramid.
22
Ta daydi tao a nacaaramidan daytoy pannacaagas a datdatlag, nasuroken nga uppat a pulo ti tawenna.
23
Ket idi a nawayawayaandan, napanda cadagidi caduada, ket sinaritada amin nga imbaga cadacuada dagidi panguloen dagiti papadi ken dagidi lallacay.
24
Ket isuda, idi nangngegda daytoy, nagmaymaysada a nangiturong ti timecda iti Dios, ket kinunada: Apo, sica ti Dios, a nangaramid ti langit ken daga, ken ti taaw ken ti amin nga adda cadacuada:
25
A gapu iti Espiritu Santo; iti ngiwat ni amami a David, nga adipenmo, kinunam: Apayapay nga agpungtot dagiti Gentil, ken dagiti umili nagpanunotda cadagiti banag nga awan capapayanda?
26
Nago-ornos dagiti arari ti daga, ket dagiti panguloen nagtitiponda a nagmaymaysa, iti maicaniwas iti Apo ken iti maicaniwas iti Cristona;
27
Ta pudno a nagtitiponda iti daytoy a ciudad da Herodes ken Poncio Pilato, agraman dagiti Gentil ken ti umili nga Israel, a bimmusor ken nasantoan nga Adipenmo a Jesus, isu a kinonsagrarmo,
28
Tapno aramidenda ti aniaman nga impacpacauna nga inugedan dayta imam ken ti nakemmo a maaramid,
29
Ket ita ngarud, Apo, kitaem dagiti panangam-amesda ket ipaaymo a dagiti adipenmo saoenda a situtured unay ti saom,
30
Iti yuunnat ta imam dagiti panangagas, datdatlag ken nacascasdaaw maaramidda gapu iti nagan ni nasantoan nga Adipenmo a Jesus.
31
Ket idi a nacapagcararagdan daydi disso a nacaurnonganda nagkintayeg; ket napnoda amin iti Espiritu Santo ket sinaoda a situtured ti sao ti Dios.
32
Ket dagup dagidi namati, nagmaymaysada iti puso ken iti cararua, ket awan ti nagcuna a cucuana ti aniaman nga adda kencuana, no di ket isu-amin dagiti sanicua cucuada amin.
33
Ket dagidi apostol pinanecnecanda iti dackel a pannacabalin, ti panagungar ni Apo Jesus: ket adda dackel a parabur cadacuada amin.
34
Ta awan cadacuada ti macurcurangan: ta amin dagidi agicut ti tal-talon wenno balbalay, inlacoda ida ket inyegda ti naglacoanda.
35
Ket incabilda ida cadagiti sacaanan dagidi apostol, ket naiwaras a cas ti pacasapulan ti tunggal maysa.
36
Ket ni Jose, a pinanaganan dagiti apostol ti Bernabe, (a no maipatarus, cayatna a saoen Anac ti liwliwa), maysa a Levita, a nayanac idiay Chipre,
37
Idinto nga adda maysa a talonna, inlacona ket inyegna ti naglacoan ket incabilna cadagiti sacaanan dagidi apostol.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 5 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28