bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilokano
/
Ilokano (Ti Biblia (1973))
/
Acts 21
Acts 21
Ilokano (Ti Biblia (1973))
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 22 →
1
Ket idi naaramid a naglayagcami, ken simminacami cadacuada, napancami a nagtartarus idiay Coos, ket iti sumaganad nga aldaw idiay Rodas, ket nanipud sadiay napancam idiay Patara.
2
Ket idi a nacasaraccam ti maysa a barangay a lumabas a mapan idiay Fenicia, limmugan ken naglayagcami.
3
Ket idi makitami ti Chipre, pinanawanmi iti macatigid ket naglayagcami a nagturong idiay Siria ket dimsaagcam idiay Tiro: ta daydi barangay idissaagna sadiay ti kinargana.
4
Ket naggiancam idiay iti pito nga aldaw, idi nasaracanmi dagiti adalam isuda a nagcuna babaen ti Espiritu, ken Pablo a di sumang-at idiay Jerusalem.
5
Ket idi napalabasmin dagidi nga aldaw, rimmuarcami ket nagnacami ket isuda amin kinuyogdacami agraman babbai ken annac agingga iti ruar ti Ili; ket idi a nagparintumengcami iti gid ti baybay, nagcararagcami;
6
(Ket nagpipinnacadacami); ket limmugancami idi barangay, ket nagawidda cadagiti balbalayda.
7
Ket dacami, idi nanungpal ti panaglayagmi nanipud Tiro, dimtengcam idiay Tolemaida: ket idi nacablaawanmi dagiti cacabsat, nagbaticami cadacuada iti maysa nga aldaw.
8
Ket iti cabigatan, pimmanawcami ket dimtengcam idiay Cesarea: ket idi a simreccam idiay balay ni Felipe nga evangelista, isu a maysa cadagidi pito, nagdaguscami kencuana.
9
Ket daytoy adda uppat nga annac na a babbalasang, a nagpadpadto.
10
Ket idi a nagsardengcami sadiay iti adu nga aldaw, simmalog nanipud Judea ti maysa a mammadto a managan Agabo.
11
Ket idi nga immay cadacami, innalana ti barikes ni Pablo ket idi a pinarautanna dagidi sacsaca ken imimana met laeng, kinunana: Ti Espiritu Santo cunana daytoy: Castoyto ti panangparaut dagiti Judio idiay Jerusalem iti lalaki a makinbarikes itoy ket isunto ti iyawatda cadagiti imima dagiti Gentil.
12
Ket idi nangngegmi daytoy, dacami ken dagidi met taga idiay a disso, nagdawatcami a saan coma a sumang-at idiay Jerusalem.
13
Idin ni Pablo simmungbat: Ania ti aramidenyo nga agsangsangit ket pagpulcokenyo daytoy pusoc? ta siac saan laeng nga addaac a sisasagana a maparautan, no di ket matay pay idiay Jerusalem a maipoon iti nagan ni Apo Jesus.
14
Ket agsipud ta isu dina cayat ti mauyutan, nagsardengcami a cuncunami: Maaramid ngarud ti nakem ti Apo.
15
Ket iti calpasan dagitoy nga aldaw, idi nacasaganacamin, simmang-atcam idiay Jerusalem.
16
Ket immayda met a nakicuyog cadacami nanipud Cesarea dagiti dadduma nga adalan, nga incuyogda ti maysa nga agnagan Mnason, a taga Chipre, adalan a nabayagen, isu a pagdagusanminto.
17
Ket idi dimtengcam idiay Jerusalem, dagidi cacabsat inawatdacami a siraragsac unay.
18
Ket iti sumuno nga aldaw, simrec ni Pablo agraman cadacami a cumita ken Santiago, ket dagidi lallacay addada a sisasango.
19
Ket iti calpasan ti panangablaawna cadacuada, sinarsaritana a sinaggaysa isu-amin dagiti banag nga inaramid ti Dios cadagiti Gentil babaen ti panagservina.
20
Ket isuda, idi nangngegda daytoy, dinaydayawda ti Dios, ket kinunada kencuana: Makitamon, cabsat no mano a ribo dagiti adda a namati cadagiti Judio; ket isuda amin napingetda a mangsalimetmet ti linteg:
21
Ket nangngegda a sasaw-enda ti maipapan kenca nga isurom dagiti amin a Judio nga adda cadagiti Gentil, a pagtal-licudanda ni Moises a cunam cadacuada a dida cugiten dagiti annacda ket dida suruten dagiti ug-ugali.
22
Ania ngarud ti maaramid? Nalabit mangngegdanto a dimtengca.
23
Aramidem ngarud datoy nga ibagami kenca: Adda cadacami ti uppat a tao nga adda carida;
24
Alaem ngarud dagitoy ket aggugorca agraman cadacuada ket ibayadam ida cadagiti gastoda, tapno makiskisan dagiti ul-uloda, ket maawatanda amin nga awan ti pudno cadagiti nangngegda a maipapan kenca: no di ket sica sumursurotca met iti linteg:
25
Ngem ti maipapan cadagiti Gentil a namati, insuratmi nga impato nga adaywanda coma dagiti naidaton cadagiti didiosen, ken ti dara ken ti nalmes, ken ti pannakiabig.
26
Idin ni Pablo innalana dagidi a tao, ket iti sumuno nga aldaw, iti calpasan ti panaggugorna agraman cadacuada, simrec idi templo nga impacaammona ti pannacatungpal dagiti aldaw ti panaggugor, agingga iti pannacaidaton ti sagut a maipaay iti tunggal maysa cadacuada.
27
Ket idi nganngani maturpos dagiti pito nga aldaw, dagiti Judio a taga Asia idi isu nakitada idiay templo, riniribocda ti amin a caadu ti tao ket isu tiniliwda,
28
Nga ipucpuccawda: Lallaki nga Israelitas, tumulongcayo: daytoy ti tao a cadagiti isu-amin a disso manursuro cadagiti isu-amin a disso mamaisalungasing iti umili, iti linteg, ken itoy a disso; ken nangiserrec pay cadagiti taga Grecia iti templo ket tinulawanna daytoy santo a disso.
29
Ta immuna a nakitada a nakicuyog kencuana idiay ciudad, ni Trofimo a taga Efeso, isu a pagarupenda idi nga inserrec ni Pablo idiay templo.
30
Ket ti amin a ciudad naririboc ket naguurnong dagiti umili ket innalada ni Pablo, ket isu ginuyodguyodda nga agingga iti ruar ti templo, ket calpasanna pinunitanda dagiti ruangan.
31
Ket idinto nga agawaanda a papatayen, dimteng ti damag iti coronel dagiti soldado nga adda ririboc iti amin a Jerusalem.
32
Isu a dinagusna ti nangala cadagiti soldado ken cadagiti capitan ket timmaray a simmalog cadacuada. Ket idi nakitada daydi coronel ken dagidi soldado, insardengda ti nangabil ken Pablo.
33
Idin immasideg daydi coronel, ket isu tiniliwna ket imbilinna nga maparautan iti dua a cawar; ket inintuudna no siasino ken no ania ti inaramidna.
34
Ket dagiti dadduma cadagiti adu a tao maysa a banag ti iyic-ickisda, ket dagidi dadduma sabali met; ket idi dina maawatan ti pudno gapu iti ariwawa imbilinna nga isu ipanda iti castillo.
35
Ket idi dimteng cadagiti tucad, naaramid nga inawit dagidi soldado agsipud iti pungtot dagiti tattao.
36
Ta adu dagidi umili a simmurot kencuana nga iyic-ickisda: Papatayenyo.
37
Ket idi nganngani maiserrec ni Pablo iti uneg ti castillo, kinunana idi caronel: Maipalubos nga agsaoac bassit kenca? Ket kinunana: Ammom ti sao ti Griego?
38
Saan a sica ngarud daydi taga Egipto a cadagitay nalabes nga aldaw nangbangonca ti maysa nga iyaalza ket impanmo iti let-ang dagiti uppat a ribo a tattao a nacapapatay?
39
Ngem kinuna ni Pablo: Siac Judioac, umiliac iddiay Tarso, ciudad a saan a nanomo idiay Cilicia ket dawatec kenca nga ipalubosmo caniac nga agsaoac cadagiti umili.
40
Ket idi nga impalubosna, ni Pablo nga agtatacder cadagidi tucad, sininasanna iti imana ti umili. Ket idi a naaramid ti dackel a panagulimec nagsao iti sao ti Hebreo, a cuncunana.
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28