bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilokano
/
Ilokano (Ti Biblia (1973))
/
Acts 20
Acts 20
Ilokano (Ti Biblia (1973))
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 21 →
1
Ket idi nagsardeng ti ringgor ni Pablo, idi nga inayabanna dagidi adalan, ken binagbagaanna ida, nagpacada cadacuada, ket pimmanaw a napan idiay Macedonia.
2
Ket idi a napagnana dagidiay a disso, ket binagbagaanna ida iti adu napan idiay Grecia.
3
Ket idi a naggian sadiay iti tal-lo a bulan, ken dagidi Judio cayatda coma a liputan idi nganngani aglayag a mapan idiay Siria, pinanunotna ti nagsubli a magna idiay Macedonia.
4
Ket isu kinuyogda agingga idiay Asia, da Sopatro a taga Berea, anac ni Pirro; ket cadagidi taga Tesalonica, da Aristarco ken Segundo; ken Segundo: ken ni Gayo a taga Derbe, ken ni Timoteo: ket ti taga Asia, da Tiquico ken Trofimo.
5
Ngem dagitoy, idi nga immunada, inur-uraydacami idiay Troas.
6
Ket dacami, idi napalabasen dagiti aldaw ti awan levadurana a tinapay, naglayagcami manipud Filipo bayat ti lima nga aldaw ket napancami cadacuada idiay Troas iti isu a naggiananmi iti pito nga aldaw.
7
Ket idi umuna nga aldaw ti lawas, idi a natiptiponcami tapno pispisien ti tinapay, ni Pablo insursurona ida, ta panggepna ti pumanaw iti bigat: ket inyatiddugna ti panangascasaba agingga iti ngalay ti rabii.
8
Ket adda adu a silsilaw iti siled ti ngato a nacaurnonganmi.
9
Ket maysa a baro a managan Eutico, nga adda nga agtutugaw iti tawa, nacalibay iti nauneg, ket idi nga agpalpalawag pay iti atiddag ni Pablo, idi nga nargaanen ti turogna, natnag nanipud iti maicatlo a cadsaaran agingga iti baba, ket innalada a natay.
10
Ket immulog ni Pablo, let inappungolanna ket inaracupna, a kinuna: Dicay maringgoran ta adda biagna.
11
Ket idi nga immuli, let vpinisina ti tinapay ket nangan, nagsao ti atiddag agingga iti agsapa, ket calpasanna pimmanaw.
12
Ket inyawidda daydi baro a sibibiag, ket naliwliwada ti saan a bassit.
13
Ngem dacami, idi nga immununacam idi barangay, naglayagcam a napan idiay Asson, tapno iluganminto sadiay ni Pablo; ta casta ti imbagana, a kinayatna ti manal-ay.
14
Ket idi sinabatnacami idiay Asson, inluganmi ket napancam idiay Mitilene.
15
Ket idi a naglayagcami nanipud sadiay, dimtengcam iti sumuno nga aldaw iti sangoanan ti Chio, ket iti sumaganad nga aldaw simmangladcam idiay Samos; ket (iti calpasan ti panagsardengmi idiay Trogilio), iti sumaruno nga aldaw dimtengcam idiay Mileto.
16
Ta pinanggep ni Pablo a labasan ti Efeso, tapno di agtactac idiay Asia, ta sigaganat idi ta no mabalin coma, adda idiay Jerusalem iti aldaw ti Pentecostes.
17
Ket manipud idiay Mileto, nangibaon sadi Efeso ti immayab cadagiti panglacayen ti Iglesia.
18
Ket idi immayda kencuana, kinunana cadacuada: Dacay met laeng ammoyo, nanipud idi immuna nga aldaw nga iseserrecco ditoy Asia, no casano ti pannakipaggianco cadacayo iti amin nga aldaw.
19
A nagserservi iti Apo iti isu-amin a kinapacumbaba ti nakem ken iti lulua, ken iti pannacasusuot a naaramid caniac gapu cadagiti panangisicsicat dagiti Judio;
20
Ta awan ti aniaman a macapalaing a binaybay-ac nga impacaammo cadacayo ket insuroc cadacayo iti sangoanan dagiti tao ken cadagiti balbalay.
21
A pinanecnecac cadagiti Judio ken cadagiti met Griego ti panagbabawi iti Dios, ken ti pammati ken Apotayo a Jesu-Cristo.
22
Ket ita adtoy pilitennac ti Espiritu, mapanac idiay Jerusalem a diac ammo ti maaramidto caniac idiay:
23
Isuna laeng a ti Espiritu Santo, panecnecannac iti tunggal Ili a cuncunana, nga ur-urayendac dagiti pannacabalbalud ken tutuoc.
24
Ngem diac met ilalaen a pulos ti biagco a cas napateg caniac met laeng no laket no maturposco ti dalanco ken ti annongen nga inawatco ken Apo Jesus, tapno panecnecac ti evangelio ti parabur ti Dios.
25
Ket ita, adtoy ammoc a cadacayo amin a nangicascasabaac ti pagarian ti Dios dicayto makitan ti rupac.
26
Gapuna, ipanecnecco cadacayo itoy nga aldaw, nga awan pacatulawac maipuon iti dara dagiti amin a tao.
27
Ta saanco a binaybay-an ti panangipacaammo cadacayo ti amin a bagbaga ti Dios.
28
Kitaenyo ti bagiyo ken ti amin nga ipastoran a nangicabilan ti Espiritu Santo cadacayo a cas managaywan, tapno ipaarabyo ti Iglesia ti Dios, isu a ginatangna iti darana.
29
Ta ammoc nga iti calpasan ti ipapanawco, sumrecto iti tengngayo dagiti narawet a lobo a didanto lisian ti ipastoran;
30
Ket cadacay met laeng addanto tumacder a tattao, nga agsao cadagiti nacas-ang a banag tapno guyuguyenda dagiti adalan a sumurot cadacuada.
31
Gapuna, agsalucagcayo, a laglagipenyo nga iti bayat ti tal-lo a tawen, saanac a nagsardeng a namagbaga iti tunggal maysa iti rabii ken aldaw, a binuyugan dagiti lulua.
32
Ket ita, italeccayo iti Dios ken liti sao tiparaburna; isu a mannacabalin a mamagsingpet ken mangted cadacayo ti tawid a mairaman cadagiti isu-amin a mapagsanto.
33
Saanco nga inaguman ti pirac, wenno ti balitoc wenno ti pagan-anay ti uray siasino.
34
Dacayo met laeng ammoyo a dagitoy imimac nagservida cadagiti nasapulco ken dagiti nasapul dagiti adda caniac.
35
Iti isu-amin insuroc cadacayo, nga iti castoy a panagtrabajo, masapul a tulongan dagiti masacsakit, ket laglagipenyo dagiti sao ni Apo Jesus, nga isu met laengkinunana: Nagasgasat a banag ti mangted ngem ti umawat.
36
Ket idi nasaonan dagitoy a banag, nagparintumeng ket nagcararag agraman cadacuada amin.
37
Ket isuda amin nagsangitda ti adu, ket idi nga inappungulanda ti tengnged ni Pablo, inag-agcanda,
38
A nagladingitda a nangnangrona gapu iti sao a kinunana a didanto makitan ti rupana. Ket kinuyogda ingana idi barangay.
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 21 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28