bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilokano
/
Ilokano (Ti Biblia (1973))
/
Acts 19
Acts 19
Ilokano (Ti Biblia (1973))
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 20 →
1
Ket naaramid, nga idi adda ni Apolos idiay Corinto, ni Pablo idi a napagnana dagiti dagdaga a nangatngato, dimteng idiay Efeso, ket nasaracanna dagiti dadduma nga adalan.
2
Ket kinunana cadacuada: Inawatyo ti Espiritu Santo idi namaticayo? Ket kinunada kencuana: Saan, ket uray caanoman dicam pay nangngegan no adda Espiritu Santo.
3
Ket kinunana: Ania ngarud ti nacabautizaranyo? Ket kinunada: Iti pammautizar ni Juan.
4
Ket kinunana ni Pablo: ni Juan namautizar iti pammautizar ti panagbabawi, a cuncunana cadagiti umili a mamatida coma iti daydiay umayto sumaruno kencuana, cayatna a saoen, ni Jesus.
5
Ket idi nangngegda daytoy, nabautizaranda iti nagan ni Apo Jesus.
6
Ket ni Pablo idi nga imparabawna cadacuada dagiti imimana, immay cadacuada ti Espiritu Santo ket nagsaoda cadagiti nadumaduma a pagsasao, ket namadpadtoda.
7
Ket isuda amin nalabit sangapuloda ket dua a lallaki.
8
Ket idi simrec iti sinagoga, ket nagsao a situtured iti bayat ti tal-lo a bulan, nakisupsuppiat ken namagbaga iti maipapan ti pagarian ti Dios,
9
Ngem agsipud ta dagidi dadduma nagpatangkenda ken nagsukirda, nga uy-uyawenda ti Dalan ti Dios, iti sangoanan dagiti adu a tao, immadayu cadacuada ket insinana dagidi adalan, a nakisupsuppiat nga inaldaw idiay panursuroan ni Tiranno.
10
Ket naaramid daytoy iti bayat ti dua a tawen; iti casta nga isu-amin dagidi agnaed idiay Asia, dagiti Judio ken dagiti Griego, nangngegda ti sao ti Apo.
11
Ket nagar-aramid idi ti Dios cadagiti nacascasdaaw a datdatlag babaen cadagiti imima ni Pablo;
12
Iti casta nga iti laeng panangipanda cadagiti pano wenno bidang a naggapu iti bagina cadagiti masakit, agpucaw cadacuada dagiti sacsakit ket dagiti dakes nga espiritu rumuarda.
13
Ngem dagiti met sumagmamano cadagidi Judio a baglan a mamagpagna, pinadasda nga inawagan ti nagan ni Apo Jesus cadagiti adda dakes nga espirituda, a cuncunada: Ibilinco cadacayo gapu ken Jesus, nga icascasaba ni Pablo,
14
Ket dagiti nagar-aramid itoy isuda dagidi pito nga annac ti maysa a Judio, ni Sceva, a turayen dagiti papadi.
15
Ngem daydi espiritu a dakes simmungbat cadacuada, ket kinunana: Am-ammoc ni Jesus, ket ammoc ni Pablo: ngem, asinocayo?
16
Ket daydi tao a yan daydi espiritu a dakes, limmagto iti rabawda ket iniggananna ti dua cadacuada, ket pinarucmana ida, gapuna pimmanawda idi balay ket timmarayda a lamolamo ken sisusugat.
17
Ket daytoy naammoan amin dagidi Judio ken casta met dagidi Griego nga agnaed idiay Efeso: ket napabutengda amin, ket naidaydayaw ti nagan ni Apo Jesus.
18
Ket adu met cadagidi namati ti immay nga impudpudnoda ken imbagbagada dagiti aramidda.
19
Ket saan a bassit cadagidi nagan-anito, dagiti nangurnong cadagiti libroda, ket pinuuranda ida iti sangoananda amin; ket pininsarda ti pategda, ket ti dagupna lima pulo a ribo a bagi ti pirac.
20
Iti casta rimmang-ay a sipipigsa unay ket nagbal-ligi ti sao ti Apo.
21
Ket calpasan ti pannacatungpal dagitoy a banag pinanggep ni Pablo ti mapan idiay Jerusalem, a pagnaenna ti Macedonia ken Acaya, a cuncunana: Inton malpas ti panaggianco sadiay; masapulco met a kitaen ti Roma.
22
Ket idi nga imbaonna idiay Macedonia dagiti dua cadagidi tumultulong kencuana, da Timoteo ken Erasto, isu nagtaeng ti sumagmamano nga aldaw idiay Asia.
23
Ket cadagidi nga aldaw naaramid ti riri a saan a bassit iti maipapan iti Dalan ti Apo.
24
Ta maysa nga agpanpanday ti pirac a managan Demetrio, a nagararamid idi ti pirac nga orna ni Diana isu a nangnangted idi cadagidi managpanday ti saan a bassit a mateggedan;
25
Isuda nga inurnongna agraman cadagiti adda itoy a kita ti panggedan ket kinunana: Lallaki, ammoyo nga agtaud itoy nga tegged ti kinabacnangtayo.
26
Ket makitayo ken mangngegyo a saan laeng a ditoy Efeso, no di ket nganngani isu-amin nga Asia, daytoy Pablo nanguy-uyot ket inyadayuna ti adu a tao, a kinunana a saan a diosen dagiti naaramid cadagiti ima:
27
Ket saan laeng nga adda peggad iti pannacaiccatto ti pateg daytoy a pagsapulantayo, no di ket ti templo met ni dackel a diosa a Diana, maawanto ti pategna ket mangruginto met a maracrac ti dayagna a daydayawen ti isu-amin nga Asia ken ti lubong.
28
Idi nangngegda daytoy, napnoda ti pungtot ket nagariwawada a cuncunada: Dackel ni Diana dagiti taga Efeso;
29
Ket ti ciudad napno iti riri, ket nagmaymaysada a dimmarup idi teatro, a tiniliwda da Gayo ken Aristarco taga Macedoniada; cacuyugan ni Pablo iti panamagpagnana.
30
Ket idi cayat coma ni Pablo ti sumrec iti uneg ti ili dagidi adalan dida pinalubosan.
31
Ket dagidi met dadduma cadagidi agturay ti Asia, a gagayyemna, nangibabaonda kencuana ti nagdawat a di agparang idiay teatro.
32
Dagiti dadduma ngarud, iyic-ickisda ti maysa a banag ket dagidi dadduma sabali met: ta daydi gimong saan nga agsusurot, ket dagidi adadu saanda nga ammo no ania ti gapu ti naguurnonganda.
33
Ket dagiti Judio innalada, ni Alejandro, iti nagoornongan dagiti adu a tattao ket impasangoda. Ket ni Alejandro, pinagtalnana ida a sininasan iti imana, ta cayatna coma nga impalawag cadagiti umili ti calinteganna.
34
Ngem idi naammoanda nga isu maysa a Judio, nagmaymaysada a nangipucpuccaw iti bayat ti nganngani dua nga horas: Dackel ni Diana dagiti taga Efeso!
35
Idin daydi Secretario ti ili, idi a napagtalnana dagiti adu a tao, kinunana: Lallaki a taga Efeso, asino a tao ti saan a macaammo a ti ciudad dagiti taga Efeso isu ti managaywan iti templo ni dackel a Diana, ken iti ladawan a nagtinnag ken Jupiter?
36
Yantangay daytoy saan a mabalin a salungasingen, rebbengyo ti agtalna ken awan ti aramidenyo iti ginagarasugas.
37
Ta inyegyo dagitoy a tao idinto a saanda a mannanacaw cadagiti templo wenno nagsao iti nacas-ang iti diostayo.
38
No ngarud ni Demetrio, ken dagiti managpanday, a cadcaduana, adda pangipulonganda iti siasinoman, adda a silulucat dagiti pangocoman ket adda met dagiti Gobernador a mangocom; agpipinnulong ngarud ti maysa ken maysa.
39
Ngem no adda sabali a banag a sapulenyo, maocomto iti maicari a gimong.
40
Ta pudno nga agpeggadtayo a maipulong gapu iti riribuc iti daytoy nga aldaw, ta awan ti uray ania a mabalintayo a pagpambar itoy a panaguurnong.
41
Ket idi nasaona daytoyen, pinagawidna ti gimong.
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 20 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28