bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilokano
/
Ilokano (Ti Biblia (1973))
/
Acts 5
Acts 5
Ilokano (Ti Biblia (1973))
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 6 →
1
Ngem maysa a lalaki a managan Ananias, nga asawa ni Safira, inlacona ti maysa a cucua,
2
Ket nangilemmeng iti paset ti naglacoan, nga kimmanunong met ni asawana: ket inyegna ti dadduma a naglacoan, ket incabilna cadagiti sacaanan dagidi apostol.
3
Ngem kinuna ni Pedro: Ananias, apayapay pinunno ni Satanas ta pusom a mangulbod iti Espiritu Santo ken mangitidda ti naglacoan ti talon?
4
No di coma nalaco, di coma natda kenca? ket uray nalaco, saan aya nga adda iti biangmo? Apay nga inawatmo daytoy a banag ita pusom? Saanca a nagulbod cadagiti tao, no di ket iti Dios.
5
Ket ni Ananias, idi mangegna dagitoy a sao, napasag ket nagwayaway ti cararuana. Ket nagkintayeg dagidi isu-amin a nacangeg itoy.
6
Ket timmacder dagiti agtutubo ket isu binungonda, ket inruarda ket intanemda.
7
Ket idi nalabes ti cas tal-lo nga horas, simrec met di asawana, a dina ammo ti naaramid.
8
Ket ni Pedro kinunana kencuana: Ibagam caniac, Inlacoyo ti talon iti castoy a pateg? Ket kinunana: Wen, casta a pateg.
9
Ngem ni Pedro kinunana kencuana: Casano aya a nagtulagcayo a mangsuut iti Espiritu ti Apo? Adtoy, dagiti sacsaca dagiti nangitabon ken asawam, addadan iti ruangan ket iruardacanto.
10
Ket naigiddato a napasag iti sacaananna ket nauyus ti biagna ket simrec dagidi agtutubo, ket natumpunganda a natay; ket inruarda, ket intanemda iti dinna ni asawana.
11
Ket isu-amin ti Iglesia, ken dagiti amin a nacangngeg cadagitoy a banag nagbutengda iti napalalo.
12
Ket adu dagiti pagilasinan ken nacascasdaaw a naaramid iti umili babaen cadagiti ima dagidi apostol; ket isuda amin naggigimongda a nagcaycaysa iti ruangan ni Salomon.
13
Ngem cadagiti sabsabali awan ti nacaitured a nakigimong cadacuada; nupay casta dagiti umili indaydayawda ida;
14
Ket dagidi mammati iti Apo umaduda la nga umadu, adu unay a lallaki ken casta met dagiti babbai:
15
Iti casta nga ipanda dagiti masacsakit cadagiti daldalan ket icabilda ida cadagiti pagiddaan ken cadagiti langcapi, ta inton lumabas ni Pedro, bareng no ti aniniwanna linonganna ti dadduma cadacuada.
16
Ket napan met a nagcucuyog dagiti adu a tao a naggapu cadagiti il-ili a caparanget ti Jerusalem, a nangnangyeg cadagiti masacsakit ken cadagiti parparigaten dagiti espiritu a narugit, ket isuda amin naagasanda.
17
Ket timmacder ti panguloen dagiti papadi, ken dagidi amin a caduana, (nga isu dagidi pasurot dagiti Saduceo), napnoda ti pungtot,
18
Ket tiniliwda dagidi apostol, ket impupocda ida iti pagbaludan ti pagilian.
19
Ngem ti maysa nga angel ti Apo linuctanna dagiti ruangan ti pagbaludan iti rabii ket inruarna ida ket kinunana:
20
Incayon, ket agtacdercayo idiay templo, ket ipalpalawagyo cadagiti umili dagiti amin a sasao a maipapan itoy a Biag.
21
Ket idinto a nangngegda daytoy, simrecda a nasapa unay idiay templo ket nanursuroda. Ngem idi dimteng ti panguloen dagiti papadi ken dagidi caduana, inurnongda ti consejo ken dagiti amin a panglacayen dagiti annac ti Israel, ket nangibaonda iti pagbaludan tapno yegda ida.
22
Ngem idi dimteng dagidi oficial dida nasaracan ida iti pagbaludan, nagsublida, ket impacaammoda,
23
A cunada: Kinapudnona a nasaracanmi ti pagbaludan a siririkep iti nalagda unay, ken dagiti agbanbantay a sitatacder iti sangoanan dagiti ruangan; ngem itay linuctanmi, awan ti nasaracanmi a tao iti uneg.
24
Ket idi nangngeg ti capitan ti templo, ken dagidi panguloen dagiti papadi dagitoy a sao, agpangpangadduada iti maipapan cadacuada no ania ti panungpalanto daytoy.
25
Ket immay ti maysa ket impacaammona cadacuada a kinuna: Adtoy, dagiti lallaki nga impisocyo iti pagbaludan, addada a sitatacder idiay templo, ket sursuroanda dagiti umili.
26
Idin napan ti capitan agraman dagidi oficial, ket inyegna ida a saan a pinilit, ta nagbutengda nga uburen ida dagiti umili.
27
Ket idi inyegda ida, insaclangda ida iti consejo: ket daydi panguloen dagiti papadi inintuudna cadacuada.
28
A kinuna: Saanmi nga imbilin iti nairut cadacayo a dicay mangisuro iti daytoy a nagan? ket adtoy, a pinunnoyo ti Jerusalem iti sursuroyo, ket cayatyo nga ipabasol cadacami ti dara daytoy a tao.
29
Ngem ni Pedro ken dagidi apostol, simmungbatda ket kinunada: Masapul nga agtuloccami a nangnangrona iti Dios ngem cadagiti tao.
30
Ti Dios dagidi ammatayo pinagungarna ni Jesus, isu a pinapatayyo nga imbitinyo iti maysa a cayo.
31
Isu intan-oc ti Dios iti macanawanna a cas maysa a Principe ken Manangisalacan, tapno itdenna iti Israel ti panagbabawi ken ti panangiccat dagiti basbasol.
32
Ket dacami ti macasacsi cadagitoy a banag, ken casta met ti Espiritu Santo, isu nga inted ti Dios cadagiti agtulnog kencuana.
33
Ngem isuda, idi mangngegda daytoy, nasasakitan ti nakemda ket nagnonommoananda a papatayen ida.
34
Ngem timmacder idiay consejo ti maysa a Fariseo, a managan Gamaliel, a masirib iti linteg, a padayawan ti amin nga umili, imbilinna nga iruarda iti apagbiit dagidi apostol.
35
Ket kinunana cadacuada: O lallaki nga Israelitas, agaluadcayo iti incay aramiden cadagitoy a tao.
36
Ta idi saan pay a dimteng dagitoy nga aldaw, timmacder ni Teudas, a cuncunana nga isu dackel a tao, isu a sinurot ti aguppat a gasut a tao ti bilangda: isu a napapatay, ket isu-amin dagidi namati kencuana nawarawarada, ket nagbalinda nga awan.
37
Iti calpasan daytoy, timmacder ni Judas a taga Galilea cadagidi aldaw ti panagpaipadron ket adu ti tao a simmurot kencuana. Isu napucaw met, ket isu-amin nga immanamung kencuana, nawarawarada.
38
Ket ita cunac cadacayo: Dicay biangan dagitoy a tattao ket baybayanyo ida; ta no daytoy a panggep wenno daytoy nga aramid aggapu cadagiti tao, marbanto:
39
Ngem no aggapu iti Dios, dicayto mabalin a rebbaen ida; di la ket ta rumsua a sumupringcayo iti Dios.
40
Ket isu inanamunganda: ket idi nga inayabanda dagiti apostol, iti calpasan ti pannacabaotda, imbilinda cadacuada a dida agsao iti nagan ni Jesus ket pinalubusanda ida.
41
Isuda ngarud pimmanawda a siraragsac, iti sangoanan ti consejo agsipud ta naibilangda a maicari a nagsagaba ti nacababain gapu iti Nagan ni Jesus.
42
Ket inaldawaldaw iti templo ken cadagiti balbalay, dida namingga a manursuro ken mangicascasaba a ni Jesus isu ti Cristo.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 6 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28