bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilokano
/
Ilokano (Ti Biblia (1973))
/
Acts 7
Acts 7
Ilokano (Ti Biblia (1973))
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 8 →
1
Ket kinuna daydi cangatoan a padi: Casta nga agpayso dagitoy?
2
Ket isu simmungbat: Lallaki a cacabsat ken amma, denggenyo: Ti Dios ti gloria nagparang ken amatayo nga Abraham, idi adda idiay Mesopotamia, idi saanpay a nagnaed sadi Haran,
3
Ket kinunana kencuana: Pumanawca iti dagam ken cadagiti cacabagiam ket umayca iti daga nga isurocto kenca.
4
Iti casta pimmanaw iti daga dagiti taga Caldea, ket naggian idiay Haran; ket manipud sadiay, idi natay ni amana, isu nayalis itoy a daga, a pagnaedanyo ita:
5
Ket isu dina, iniccan ti tawid ditoy, uray pagbatayan la coma ti saca; ngem incarina kencuana nga iyawatnanto daytoy a daga kencuana ken cadagiti putotna a sumuno kencuana, idinto nga awan pay anacna.
6
Ket nagsao ti Dios ti castoy: Dagiti putotna agnaeddanto iti daga a gangannaet, ket tagaboendanto ida ket parparigatenda ida iti uppat a gasut a tawen.
7
Ngem siac ocomecto, kinuna ti Dios, ti nacion a pagserviandanto: ket iti calpasan daytoy, pumanawdanto ket agservidanto caniac itoy a disso.
8
Ket intedna kencuana ti tulag ti pannacacugit: ket iti casta ni Abraham pinutotna ni Isaac, ket isu kinugitna iti maicawalo nga aldaw: ket ni Isaac pinutotna ni Jacob, ket ni Jacob pinutotna met dagiti sangapulo ket dua a patriarca.
9
Ket dagiti patriarca, idi nga inapalanda ni Jose, inlacoda tapno maipan idiay Egipto; ngem ti Dios adda kencuana,
10
Ket inalawna cadagiti isu-amin a tuocna, ket iniccanna ti saguday ken sirib iti sangoanan ni Faraon, ari sadi Egipto; isu a nangisaad kencuana a Gobernador ti Egipto ken ti isu-amin a balayna.
11
Ket immay idi ti bisin ken ti dackel a rigat iti amin nga Egipto ken iti Canaan; ket dagidi ammatayo dida nacasarac cadagiti pagtaraon.
12
Ngem idi nangngeg ni Jacob nga adda trigo sadi Egipto, imbaonna nga immuna dagidi ammatayo.
13
Ket iti maicadua, ni Jose nailasin dagidi cacabsatna, ket naammoan ni Faraon ti capuonan ni Jose.
14
Ket nangibaon ni Jose ket pinaalana ni amana a Jacob, ken isu-amin a cacabagianna, a pito pulo ket lima a tao.
15
Ket ni Jacob bimmaba sadi Egipto; ket natay, isu ken dagidi ammatayo;
16
Ket nayalisda sadi Siquem, ket naicabilda iti tanem a ginatang ni Abraham iti pateg ti pirac cadagidi annac ni Hamor, idiay Siquem.
17
Ngem agsipud ta immasidegen ti aldaw ti cari nga impaay nga inted ti Dios ken Abraham, ti umili dimmackel ken immadu sadi Egipto,
18
Agingga iti timmaud ti sabali nga ari sadi Egipto a dina amammo ni Jose.
19
Daytoy inaramatna dagiti dakes a pamuspusan iti capuonantayo, ket pinarigatna dagiti ammatayo, tapno ibel-lengda dagiti tagibida, tapno dida agbiag.
20
Idi a tiempo nayanac ni Moises, ket nalibnos unay: ket nataraken iti tal-lo a bulan iti balay ni Amana:
21
Ngem idi a naibel-leng, daydi babai nga anac ni Faraon, isu innalana ket tinarakenna a cas anacna.
22
Ket nasursuroan ni Moises iti amin a kinasirib dagiti taga Egipto; ket mannacabalin idi cadagiti sao ken aramidna.
23
Ngem idi nganngani uppat a pulo ti tawennan timmubo iti pusona ti tarigagay a sumucnal cadagiti cacabsatna, nga annac ti Israel.
24
Ket agsipud ta nacakita ti maysa cadacuada a napagsasaoan, isu insalacanna, ket imbalesanna daydi napaldaangan, a pinatayna daydi taga Egipto:
25
Ket isu inpapanna a dagiti cacabsatna naawatanda a ti Dios itdennanto cadacuada ti pannacaisalacan gapu iti imana; ngem saanda a naawatan.
26
Ket iti sumuno nga aldaw, nagparang cadacuada idi madamada nga agriringgor, ket pagcappiaenna coma ida a cunana: Lallaki, agcacabsatcayo: apayapay agririnnanggascayo iti maysa ken maysa?
27
Ngem daydi mangranggas iti padana a tao, isu induronna, a kinuna; Asino ti nangicabil kenca a panguloen ken mangocom cadacami?
28
Cayatnac aya a papatayen a cas iti panangpapataymo idi calman iti daydi Egipcio?
29
Ket iti daytoy a sao, ni Moises nagtalaw ket napan a nagnaed a cas gangannaet iti daga ti Madian, isu a nangputotanna ti dua nga annac.
30
Ket idi naturpos ti uppat a pulo a tawen, nagparang kencuana ti maysa nga angel iti let-ang ti bantay Sinai iti maysa a gil-ayab ti apuy iti maysa a zarza.
31
Ket idi nakita ni Moises, nagsiddaawanna daydi nagpakita; ket idi nga immasideg tapno matmatanna, nangngegna ti maysa a timec ti Apo:
32
Siac ti Dios dagiti ammam, ti Dios ni Abraham ken ni Isaac ken ni Jacob. Nagpigerger ni Moises, ket dina naitured ti kimmita.
33
Ket kinuna kencuana ti Apo: Iccatem dagiti pal-loca cadagiti sacsacam, ta ti disso a nagtacderam, daga a nasantoan.
34
Naimatangac ti pannacaparigat dagiti tattaoc nga adda sadi Egipto ket dinengngegco ti asugda, ket bimmabaac tapno isalacanco ida. Ket ita, umayca, ibaoncanto sadi Egipto.
35
Daytoy met laeng Moises, isu a dida inawat a cunada: Asino ti nangicabil kenca a panguloen ken ocom? Isu ti imbaon ti Dios a cas panguloen ken mannubbot agraman tulong ti ima ti angel a nagparang kencuana idi zarza.
36
Daytoy a tao inruarna ida idinto a nagaramid cadagiti nacascasdaaw ken datdatlag idiay Egipto ken idiay taaw a Nalabaga, ken idiay let-ang iti uppat a pulo a tawen.
37
Daytoy isu daydi Moises, a nagcuna cadagiti annac ti Israel: Ti Apo a Diosyo ibangonannacayto ti mammadto, cadagiti cacabsatyo, a cas caniac; isu denggenyonto.
38
Daytoy daydi naggian iti gimong idiay let-ang a kinadcaddua ti angel a makisasao kencuana idiay bantay Sinai, ken agraman dagidi ammatayo; isu nga immawat cadagiti sao ti biag tapno itdenna cadatayo:
39
Isu a saan a kinayat a sinurot dagidi ammatayo; no di ket isu tinallicudanda, ket nagsubli dagiti pusoda sadi Egipto.
40
A cuncunada ken Aaron: Iyaramidannacami cadagiti didios a mamangulo cadatayo, ta daytoy Moises, a nangala cadatayo idiay daga ti Egipto, dicam ammo no ania ti naaramid kencuana.
41
Ket nangaramidda ti maysa a sinan urbon ti vaca, cadagidi nga aldaw, ket nangidayada ti daton iti ladawan a diosen ket nagayayatanda dagidi aramid dagiti imimada met laeng.
42
Ngem ti Dios timmal-licud, ken binaybayanna ida, tapno agrucbabda iti bongoy iti tangatang cas adda a naisurat iti libro dagiti mammadto. Indatonandac aya cadagiti animal a napapatay ken datdaton, idiay let-ang iti uppat a pulo a tawen, O balay ti Israel?
43
Ket binangonyo ti abong-abong ni Moloch, casta met ti bituen ni diosen a Refam: ladladawan nga inaramidyo tapno pagrucbabanyo ida: ket ipancayto iti labes ti Babilonia.
44
Ti Tabernaculo ti Pangpanecnec naggian cadagidi ammatayo idiay let-ang isu nga inaramid ni Moises, cas catulad ti nakitana nga impakita ti Dios kencuana.
45
Isu nga idi nasublat met dagidi ammatayo agraman ni Josue, inserrecda, idi naalada dagidi nacion, a pinapanaw ti Dios iti sangoanan dagidi ammatayo, agingga cadagidi aldaw ni David;
46
Isu a nacasarac ti parabur iti sangoanan ti Dios ket dinawatna a sumapul ti pagnaedan a maipaay iti Dios ni Jacob.
47
Ket ni Salomon imbangonanna ti maysa a balay.
48
Nupay casta ti Cangatoan saan nga agnaed cadagiti balay nga inaramid dagiti ima, a cas cuna ti mammadto:
49
Ti langit ti tronoc, ket ti daga ti pagbatayan dagiti sacsacac: Ania a kita ti balay ti bangonenyonto a maipaay caniac? Cuna ti Apo; Wenno, ania a disso ti paginanaac?
50
Saan aya nga inaramid ti imac amin dagitoy nga adda?
51
O dacayo a natangken a teltel ken saan a nacugit iti puso ken pagdengngeg; agnanayon a sukirenyo ti Espiritu Santo: no casano dagidi ammayo castacay met.
52
Asino cadagidi mammadto ti saan nga indadanes dagidi ammayo? ket pinatayda dagidi nangipacpacauna a nangipacaammo ti iyaay ti Nalinteg, isu ita a liniputan ken pinatayyo;
53
Dacayo a nangawat ti linteg babaen cadagiti angel, ket dicay tinungpal.
54
Ket idi nangngegda dagitoy a banag, nasakitan ti pusoda ket ngarngaretngetenda dagiti ngipenda.
55
Ngem isu, idinto a sipupunno iti Espiritu Santo, ket sipeperreng dagiti matana sadi langit, nakitana ti dayag ti Dios, ken ni Jesus nga agtatacder iti macanawan ti Dios,
56
Ket kinunana: Adtoy, a kitkitaec dagiti langit a silulucat ken ti Anac ti tao nga agtatacder iti macanawan ti Dios.
57
Ngem nagariwawada ti napigsa, inappotda dagiti lapayagda, ket naminpinsanda a dimmuclos kencuana:
58
Ket isu pinaruarda iti ciudad ket inuborda; ket dagiti sacsi incabilda dagiti pagananayda cadagiti sacsaca ti maysa a baro, a nanagan Saulo.
59
Ket inuborda ni Esteban, nga umaw-awag ken cuncunana: Apo Jesus, awatem toy cararuac.
60
Ket nagparintumeng, ket iti napigsa a timec immawag: Apo, dica ipabaclay cadacuada daytoy a basol. Ket idi nasaona daytoy, naturogen.
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 8 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28