bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilokano
/
Ilokano (Ti Biblia (1973))
/
Acts 23
Acts 23
Ilokano (Ti Biblia (1973))
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 24 →
1
Ket ni Pablo idi a minatmatanna daydi consejo, kinunana: Lal-laki a cacabsat, siac nagbiagac agraman nadalus a conciencia iti sangoanan ti Dios agingga itoy nga aldaw.
2
Ket imbilin ni Ananias, a cangatoan a padi, cadagidi nagtacder iti dinnana ta timamenda coma ti ngiwatna.
3
Idin kinunana ni Pablo kencuana: Ti Dios cabilennacanto, pader a pinapudaw! Ta agtugawca a mangocom caniac cas mayannurot iti linteg, ket ibilinmo a cabilendac a maisalungasing iti linteg?
4
Ket dagidi adda a sisasango kinunada: Pagsasaoam ti cangatoan a padi ti Dios?
5
Ket ni Pablo kinunana: Diac impapan, cacabsat, nga isu ti cangatoan a padi; ta adda a naisurat: Iti panguloen ti ilim dicanto pagsaoan ti dakes.
6
Ket idi naammoan ni Pablo a dadduma cadacuada Saduceo; ket dagiti sabsabali Fariseoda, impuccawna iti consejo: Lal-laki a cacabsat, siac maysaak a Fariseo, anac dagiti Fariseo: Maipapan iti pananginanama ken ti panagungar dagiti natay, maococomac.
7
Ket idinto a nasaona daytoy, naaramid ti suppiat cadagidi Fariseo ken Saduceo; ket ti gimong nabingay.
8
Ta dagidi Saduceo cunada nga awan ti panagungar, ket awan met ti angel wenno espiritu; ngem dagidi Fariseo patienda dagitoy dua a banag.
9
Ket nabangon ti maysa a dackel nga ariwawa: ket timmacder dagidi dadduma nga escriba a cappon cadagiti Fariseo, ket nakisuppiatda a cuncunada: Awan ti aniaman a dakes a masaracanmi itoy a tao; ket ania no isu kinasao ti espiritu wenno angel?
10
Ket idi naaramid ti maysa a dackel a ringgor, daydi coronel, gapu ta amkenna a pispisangenda ni Pablo, inbilinna a bumaba dagiti soldado ket rabsutenda ni Pablo iti nagtengngaanda ket ipanda idiay castillo.
11
Ket iti sumuno a rabii, nagtacder iti dinnana ti Apo ket kinunana kencuana: Agtalgedca; ta no casano ti panangsacsim ti maipapan caniac ditoy Jerusalem, casta met a masapul a sacsiam idiay Roma.
12
Ket idi bimmigaten, dadduma a Judio nagbubunggoyda ket insapatada iti babaen ti panaglunod, a cuncunada a didanto mangan wenno uminum agingga iti dida mapapatay ni Pablo.
13
Ket nasurocda nga uppat a pulo dagidi nagaramid itoy a panangisicat.
14
Ket napanda cadagidi panguloen dagiti papadi ken dagidi lallacay ket kinunada: Insicatmi iti babaen ti maysa a dackel a panaglunod a dicam ramanan ti uray ania nga agingga iti dicam mapapatay ni Pablo.
15
Ita ngarud, dacayo, agraman ti consejo, ibagayo iti coronel nga isu ibabana cadacayo a cas la cayatyo a palutputen a napudpudno ti maipapan kencuana; ket dacami inton dipay macaasideg, addacamto a sisasagana a mamapatay kencuana.
16
Ngem daydi anac ti babai a cabsat ni Pablo, nangngegna daydi sicatda, ket napan ket simrec idi castillo ket impacaammona ken Pablo.
17
Ket ni Pablo inayabanna daydi maysa cadagidi capitan ket kinunana: Ipanmo daytoy bumaro ken coronel ta adda bassit ipacaammona kencuana.
18
Gapuna innalana, ket impanna idi coronel ket cunana: ni Pablo a balud inayabannac ket nagdawat caniac nga iyegco kenca daytoy bumaro, ta adda bassit ibagana kenca.
19
Ket di coronel kinibinna ket idi a limmasinda, inintuudna kencuana iti nalimed: Ania ti ibagam caniac?
20
Ket kinunana: Dagiti Judio nagnunumoanda a dawaten kenca, nga inton bigat ibabam ni Pablo iti consejo, a cas la adda napudpudno a palutputenda, a maipapan kencuana.
21
Dica ngarud tumuloc cadacuada; ta adda agsaneb kencuana a nasuroc nga uppat a pulo a tao, isuda a nangicari iti babaen ti maysa a lunod a didanto mangan ken uminum agingga iti dida mapapatay; ket ita siurayda iti panagcarim.
22
Daydi coronel ngarud, pinagawidna daydi bumaro nga imbilinna kencuana: Dica ibaga iti uray siasino nga impacaammon daytoy caniac.
23
Ket immayab ti dua cadagidi capitan ket kinunana: Mangisaganacayo ti dua gasut a soldado a mapanda nga agingga idiay Cesarea, ken pito pulo nga agcabayo ken dua gasut nga agtagipica, iti maicatlo nga horas ti rabii:
24
Ket pinagsaganana ida cadagiti an-animal a pangipasacayanda ken Pablo, tapno ipanda a di agpeggad ken Felix a Gobernador.
25
Ket nagsurat ti maysa a surat a castoy ti wagasna:
26
Ni Claudio Lisias cablaawanna ni natan-oc unay a Gobernador Felix.
27
Daytoy a tao tiniliw dagiti Judio ket idi a papatayendan coma insalacanco nga inyarayatco dagiti soldado, idi naammoac nga umili iti Roma.
28
Ket agsipud ta cayatco nga ammoen coma ti gapu a pangipulonganda kencuana, isu imbabac iti consejoda.
29
Ket nasaracac nga isu ipulongda cadagiti ringgor a maipapan iti lintegda; nga awan ket ti babacna a maicari iti pannacapapatay wenno pannacabalud.
30
Ket idi a naipacaammo caniac nga adda liput a naisagana itoy a tao, dagus nga imbaonco kenca, ket inbilinco met cadagiti mangidarum nga isaoda iti saclangmo ti ipabasolda kencuana.
31
Dagidi ngarud soldado cas iti naibilin cadacuada, innalada ni Pablo, ket impanda iti rabii idiay Antipatris.
32
Ngem iti sumuno nga aldaw, pinalubosanda dagidi nagcabayo a manguyog kencuana, ket nagsublida idi castillo:
33
Ket idi dimtengda idiay Cesarea, intedda di surat iti Gobernador, ket imparangda met ni Pablo kencuana,
34
Ket daydi Gobernador, idi nabasana, inintuudna no ania ti provinciana: ket idi maammoanna a taga Cilicia,
35
Kinunana: Denggencanto a naananay, inton dagiti mangidarum kenca macagtengda met. Ket imbilinna nga isu aywananda idiay palacio ni Herodes.
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 24 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28