bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilokano
/
Ilokano (Ti Biblia (1973))
/
Acts 2
Acts 2
Ilokano (Ti Biblia (1973))
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 3 →
1
Ket idi madama ti aldaw ti Pentecostes, addada amin a naurnong iti maysa a disso.
2
Ket iti apagdaricmat immay manipud langit ti maysa a daranudor a cas la panagpuyupoy ti napigsa unay nga angin ket pinunnona ti amin a balay nga yanda nga agtutugaw.
3
Ket nagparang cadacuada dagiti cas la dildila nga apuy, a naibunong, ket nagdisso iti tunggal maysa cadacuada.
4
Ket napnoda amin iti Espiritu Santo, ket rinugianda ti nagsasao cadagiti sabsabali a pagsasao a cas inted ti Espiritu cadacuada a pagsasao.
5
Ket nagnaedda idi idiay Jerusalem dagiti nasingpet a lallaki a Judio, a naggapuda cadagiti isu-amin a nacion iti baba ti langit.
6
Ket idi nangngeg daytoy a daranudor, naguurnong dagiti adu a tao; ket nasnasdaawda, agsipud ta tunggal maysa a tao nangngegna ida nga agsasaoda iti pagsasaona a bucod.
7
Ket isuda amin nagmalmalangada ken nagsidsidaawda a cuncunada: Apay, dagitoy nga agsasao, saanda amin aya a taga Galilea?
8
Ket apay a mangngegmi a ti tunggal maysa cadacuada agsao iti sao a nacayanacanmi?
9
A taga Partia, ken taga Media, ken taga Elam ken dacam nga agnaed idiay Mesopotamia, idiay Judea, ken idiay Capadocia, idiay Ponto ken idiay Asia,
10
Idiay Frigia ken idiay Pamfilia, idiay Egipto, ken cadagiti disso ti Libia nga adda iti dinna ti Cirene; ken dagiti naggapu sadi Roma, dagiti Judio ken dagiti simmurot iti kinajudio.
11
Dagiti taga Creta ken Arabia, mangngegmi ida nga agsasao cadagiti saomi cadagiti nacascasdaaw nga aramid ti Dios.
12
Ket addada amin a namalmalanga ken agduadua, a cuncunada iti maysa ken maysa; Ania ti caipapananna daytoy?
13
Ngem dagidi dadduma agrabrabacda a kinunada: Napnoda iti baro nga arac.
14
Ngem timmacder ni Pedro agraman cadagidi sangapulo ket maysa, indackelna ti timecna ket nakisao cadacuada; Dacayo lallaki a Judio ken dacay amin nga agnaed iti Jerusalem, ammoenyo coma daytoy ket imdenganyo dagiti saoc.
15
Ta dagitoy saanda a nabartec, a cas iti panangipagarupyo, ta horas a maicatlo pay laeng iti aldaw;
16
Ngem isu daytoy ti sinao ni mammadto a Joel:
17
Ket maaramidto cadagiti maud-udi nga aldaw, cuna ti Dios, Ibuyatconto ti Espirituc iti amin a lasag, ket dagiti annacyo a lallaki ken babbai agipadtodanto, ket dagiti babbaroyo macakitadanto cadagiti parparmata, Ket dagiti lal-lacayyo agtagainepdanto ti tagtagainep:
18
Wen, ken cadagiti adipenco a lallaki ken babbai, cadagita nga aldaw ibuyatconto ti Espirituc, ket agipadtodanto.
19
Ket iparangconto dagiti nacascasdaaw a banag iti langit, ken pagilasinan ditoy daga, dara ken apuy, ken ulep ti asuc:
20
Ti init agbalinto a sipnget, ket ti bulan agbalinto a dara, casangoanan ti yaay ti dackel ken naisingayan nga aldaw ti Apo.
21
Ket maaramidto a siasinoman nga umawagto iti nagan ti Apo, maisalacanto.
22
O lallaki nga Israelitas: denggenyo dagitoy a sao: Ni Jesus a taga Nazaret, lalaki a pinanecnecan ti Dios cadacayo cadagiti pannacabalin ken nacascasdaaw ken cadagiti pagilasinan nga inaramid ti Dios gapu kencuana iti nagtengngaanyo, a cas ammoyo met;
23
Daytoy, nayawat a mayalubog iti natudingan a panggep ken sigud a pannacaammo ti Dios, pinapatayyo ken inlansayo iti cruz gapu cadagiti ima dagiti nadamsac a tattao;
24
Isu a pinagungar ti Dios, a nacalapsut cadagiti rigat ni patay; gapu ta saan a nabalinan a tenglen ni patay.
25
Ta cuna ni David a maipapan kencuana: Agnanayon a nakitac ti Apo iti sangoanac: Ta adda iti macanawanco, tapno saanacto a magaraw.
26
Gapuna ti pusoc agracsac, ket agrag-o ti dilac maysa pay ti lasagco agianto ken inanama:
27
Ta dicanto ipalubos nga agtaeng ti cararuac iti Hades, ket dicanto met iyawat ti Santom iti panagrupsa;
28
Impacaammom caniac dagiti dalan ti biag; punoennacto ti ragsac gapu iti caaddam.
29
Lallaki a cacabsat, mabalinco a saoen cadacayo a siwawaya ti maipapan ken amaentayo a David, a natay ken naitanem ket ti tanemna adda cadatayo agingga ita nga aldaw.
30
Idinto ngarud a mammadto, ket siaammo nga incari ti Dios kencuana agraman maysa a sapata, a cadagiti bunga ti tianna, addanto pagtugawenna iti tronona;
31
Isu, idinto a nakitana a sigud, nagsao iti maipapan iti panagungar ni Cristo, a saan met a nabaybayan nga agtaeng idiay Hades, ket ti lasagna saan met a nayawat iti panagrupsa.
32
Daytoy a Jesus pinagungar ti Dios, isu a masacsianmi amin.
33
Iti casta idinto a naitan-oc iti macanawan ti Dios ken inawatna iti Ama ti cari ti Espiritu Santo, imbuyatna daytoy nga makitayo ken mangngegyo.
34
Ta ni David saan nga immuli cadagiti langlangit; ngem isu met laeng cunana; kinuna ti Apo iti Apoc: agtugawca iti macanawanco,
35
Agingga iti mapagbalinco dagiti cabusormo a pagbatayam.
36
Ammoen ngarud nga awan duadua ti amin a balay ti Israel, a daytoy Jesus nga inlansayo iti cruz, inaramid ti Dios nga Apo ken Cristo.
37
Ket idi mangngegda daytoy, napaladingitan ti pusoda, ket kinunada cada Pedro ken cadagidi dadduma nga apostol: Lallaki a cacabsat, ania ti aramidenmi?
38
Ket ni Pedro kinunana cadacuada: Agbabawicayo, ken mabautizaran ti tunggal maysa cadacayo iti nagan ni Jesu-Cristo a maipaay iti pannacaiccat dagiti basbasolyo; ket awatenyonto ti parangcap ti Espiritu Santo.
39
Ta ti cari maipaay cadacayo ken cadagiti annacyo, ken cadagiti isu-amin nga adda iti adayu; isu-amin nga ayabanto ti Apo a Diostayo.
40
Ket cadagiti sabsabali pay nga adu a sao pinanecnecanna ken binagbagaanna ida, a cuncunana: Isalacanyo ti bagiyo itoy managdacdakes a caputotan.
41
Dagidi ngarud immawat iti saona, nabautizaranda: ket nainayon cadacuada iti daydi nga aldaw ti agtallo ribo a cararua.
42
Ket nagtalinaedda iti sursuro dagidi apostol, ken iti panagcacaddua, ken iti panagpipinnisi iti tinapay, ken kadagiti cararag.
43
Ket napabuteng dagiti amin a tao: ket dagidi apostol nagararamidda ti adu a datdatlag ken pagilasinan.
44
Ket isu-amin dagidi namati nagtitiponda; ket amin a cucua ti tunggal maysa cucuada amin;
45
Ket inlacoda dagiti taltalon ken dagiti cucuada ket imburayda ida cadagiti isu-amin cas ti pacasapulan ti tunggal maysa.
46
Ket inaldaw-aldaw a nagtitimpuyogda iti templo, ken pinispisida idi ti tinapay cadagiti balbalay, ket kinnanda ti pagtaraonda a siraragsac ken sidadalus ti pusoda,
47
Nga intantan-ocda ti Dios ket pinadayawan ida dagiti amin nga umili. Ket ti Apo inayonna idi cadacuada nga inaldaw dagiti naisalsalacan.
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 3 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28