bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilokano
/
Ilokano (Ti Biblia (1973))
/
Acts 9
Acts 9
Ilokano (Ti Biblia (1973))
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 10 →
1
Ngem ni Saulo, nga agbibiag pay laeng cadagiti panangam-amesna ken panangpapatayna cadagiti adalan ti Apo, napan iti panguloen dagiti papadi,
2
Ket dimmawat kencuana ti sursurat a mapan sadi Damasco cadagiti sinagoga, tapno no adda masaracanna nga addada itoy a Dalan a lallaki man ken babai, iyegna coma ida a sirereppet sadi Jerusalem.
3
Ket napasamac nga idinto a nagna ket nacaasideg idiay Damasco, pagamuanen isu linacub ti maysa a lawag nanipud sadi langit:
4
Ket napasag iti daga, ket nangngegna ti maysa a timec a nagcuna kencuana: Saulo, Saulo, apayapay idadanesnac?
5
Ket kinunana: Asinoca, Apo? Ket kinunana: Siac ni Jesus, nga idadanesmo:
6
Ngem tumacderca, ket sumrecca iti Ili ket maibaganto kenca ti rebbengmo nga aramiden.
7
Ket dagiti tao a nakicuyog kencuana, nagsardengda a napaumel iti siddaaw, a nangngegda ti timec ngem awan ti tao a nakitada.
8
Ket ni Saulo timmacder iti daga ket idi a nagmata saan a nacakita a pulos: ket isu kinibinda, ken inserrecda idiay Damasco.
9
Ket nagtaeng bayat iti tal-lo nga aldaw a di nacakita: ket saan a nangan ken di met imminum.
10
Ket idiay Damasco adda idi maysa nga adalan a managan Ananias, ket ti Apo kinunana kencuana iti parparmata: Ananias. Ket kinunana: Adtoyac. Apo.
11
Ket ti Apo kinunana kencuana: Tumacderca, ket inca iti dalan a managan ti Nalinteg, ket sapulem idiay balay ni Judas ti maysa nga agnagan ti Saulo, maysa a taga Tarso: ta adtoy, isu agcarcararag;
12
Ket nakitana iti parparmata a sumsumrec ti maysa a lalaki nga agnagan Ananias, ket ipatayna kencuana dagiti imana tapno macakita.
13
Ngem ni Ananias simmungbat: Apo, nangngegco cadagiti adu ti maipapan itoy a tao, nagadu a ranggas ti inaramidna cadagiti sasantom idiay Jerusalem:
14
Ket uray ditoy, adda palubos dagiti panguloen dagiti papadi a mangparaut cadagiti isu-amin nga umawag iti naganmo.
15
Ngem kinuna kencuana ti Apo: Inca, ta daytoy ti vaso a napili a maipaay caniac a mangipan iti naganco iti sangoanan dagiti Gentil, ken dagiti arari ken dagiti annac ti Israel.
16
Ta ipakitacto kencuana no casano ti caadu dagiti masapulna a sagabaen gapu iti naganco.
17
Ket napan ni Ananias, ket simrec iti balay, ket idi nga inpatayna dagiti imimana kencuana kinunana: Cabsat Saulo, ti Apo, ni Jesus, a nagparang kenca iti dalan nga inayam, imbaonnac tapno macakitaca ken tapno mapnoca iti Espiritu Santo.
18
Ket naigiddato a nagtinnag cadagiti matana ti cacasla sicsic, ket nacakitan: ket timmacder, ket nabautizaran;
19
Ket idi nacapanganen, pimmigsa ket naggian ni Saulo iti sumagmamano nga aldaw a naicuyog cadagiti adalan nga adda idi idiay Damasco.
20
Ket dagus a cadagiti sinagoga incascasabana ni Cristo; nga isu ti Anac ti Dios.
21
Ket isu-amin dagiti nacangngeg kencuana, namalmalangada ket kinunada: Saan nga isu daytoy aya daydi mamarparigat idiay Jerusalem cadagiti umawag itoy a nagan? ket dayta ti inayanna ditoy tapno maipanna ida a sirereppet iti sangoanan dagiti panguloen dagiti papadi.
22
Ngem ni Saulo umadda la nga umadda ti pigsana ket dina pasungbaten dagidi Judio nga agnaed idiay Damasco, nga impakitana a daytoy isu ni Cristo.
23
Ket idi napalabas dagiti adu nga aldaw, dagiti Judio nagtutulaganda a papatayen:
24
Ngem naawatan ni Saulo ti panagemda: ket binantayanda dagiti ruangan met iti aldaw ken rabii tapno isu mapapatayda:
25
Ngem dagiti adalanna isu innalada iti rabii, ket incabilda iti maysa nga curibut ket imbabada iti muralla.
26
Ket idi dimteng sadi Jerusalem, ginayagayna ti makitipon cadagiti adalan: ket isu kinabutengda amin, a dida patien nga isu maysa nga adalan.
27
Ngem isu innala ni Bernabe ket inyegna cadagidi apostol: ket sinaritana cadacuada no casano ti pannacakitana ken pannakisaona iti Apo iti dalan ken no casano ti panangascasabana a situtured idiay Damasco iti nagan ni Jesus.
28
Ket adda idi a makicuycuyog cadacuada a sumrec ken rummuar idiay Jerusalem,
29
A mangascasaba a situtured iti nagan ti Apo. Ket makisao ken makisupsuppiat cadagiti Judio a Griego; ngem agawaanda idi a papatayen.
30
Ket idi naammoan daytoy dagiti cacabsat, isu kinuyogda a simmalog agingga idiay Cesarea ket imbaonda idiay Tarso.
31
Iti casta, ti Iglesia naaddaan ti talna idi iti isu-amin a Judea ken Galilea ken Samaria, ket napabilegda; ket magmagnada iti buteng iti Apo ken babaen ti panangliwliwa ti Espiritu Santo, immaduda.
32
Ket naaramid, nga iti panangpagna ni Pedro, cadagiti amin a disso, simmalog met cadagiti sasanto nga agnaed idiay Lidda.
33
Ket nasaracanna idiay ti maysa a tao nga agnagan ti Eneas a walo a tawen nga agid-iddan ket saan a macagunay.
34
Ket kinuna kencuana ni Pedro: Eneas, ni Jesu-Cristo agasannaca, tumacderca ket ipacnim ti pagiddaam. Ket dagus a timmacder.
35
Ket idi isu nakita dagiti amin aga agnaed idi sadi Lidda ken idiay Sarona simmurotda iti Apo.
36
Ket adda idi sadi Joppe ti maysa a babai nga adalan nga agnagan Tabita, Dorcas iti sao ti griego daytoy adduan cadagiti naimbag nga aramid ken limlimos nga inaramidna.
37
Ket naaramid cadagidi nga aldaw, nga isu nagsakit, ket natay; ket iti calpasan ti pannacadigosna, incabilda iti maysa a nangatngato a silid.
38
Ket agsipud ta ti Lidda asideg ti Joppe, dagidi adalan, idi nangngegda a ni Pedro adda sadiay, nangibaonda ti dua a tao, a nagdawat kencuana: Saanca nga agbayag nga umay cadacami.
39
Ket timmacder ni Pedro, ket kimmuyog cadacuada: ket idi a dimteng, isu impanda idi nangatngato a silid, ket isu linicmut dagiti amin a babbai a balo, nga agsangsangit ket impakitada dagidi amin a cawes ken pagananay nga inararamid ni Dorcas idi adda pay cadacuada.
40
Ngem ni Pedro pinaruarna amin ida, ket nagparintumeng a nagcararag; ket idi a sinangona di bangcay, kinunana: Tabita, tumacderca. Ket isu nagmata ket idi a makitana ni Pedro, bimmangon.
41
Ket ni Pedro iniggamanna ti imana ket pinatacderna: inayabanna dagiti sasanto ken dagidi babbai a balo ket imparangna a sibibiag.
42
Ket naipadamag daytoy iti isu-amin a Joppe; ket adu dagiti namati iti Apo.
43
Ket napasamac a nagtaeng ti adu nga aldaw idiay Joppe, iti balay ti maysa nga agnagan ti Simon, nga agcurcurti.
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 10 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28