Exodus 12

Mien Bible (Thai Script) © Thailand Bible Society, 2007

1เยียม อียิบ เต่ย-ปูง เฒี้ยว ก๊อง บั๋ว โมเซ เหธา อาโลน,

2“น้าย นอม หฮลา อ๋อย หฒุ เป๋น เม่ย บัว เญย ฒี่ หฮลา, เซ เซียง-หฮญัง เญย ต้าว นอม หฮลา.

3อ๋อย หฒุ บั๋ว อิสะลาเอน เญย หฒวัง เมี่ยน, น้าย นอม หฮลา เถา แซง-เหฒียบ วั้ว ฮนอย, เต้าๆ มจั่ง ตอน อ๋อย หฒุ เถง กั้น เญย ฮมวั้ง ต่อย กิ๊น เต้า ยู่ง ตอน ไฟ ปะกี ยู่ง ตอน, เหยียด ป่วน เมี่ยน หล่ง เหยียด เต้า.

4หาย ป่วน เมี่ยน ฮมวั้ง โหฒะ, หญั่น ไม้ เหฑ่ง เหยียด เต้า ปะกี ยู่ง ตอน นอ, อ๋อย หฒุ เหธา เยียม นิด ฟัด วั้ว ป่วน จวั่ง หญั่น. หย่า อ๋อย หฒุ ฝุน ปะกี ยู่ง ตอน หฒิว เมี่ยน ล่าน หญั่น ตุ๊ บัวะ เหฒีย.

5หล่ง ปะกี ยู่ง ตอน หย่า ตุ๊, ยู่ง ตอน หย่า ตุ๊, มป่า อ๋อย หฒุ หล่ง ต๋อย หฮญัง, ไม้ ม่าย ต๋อง เฆ่ม เญย ยู่ง ไฟ ปะกี ยู่ง โก๊ว ตอน.

6กิ๊น ธ้วด ต้าย หวุย เจี๊ยน เถา น้าย นอม หฮลา เหฒียบ เฝย วั้ว ฮนอย. ลู่ง ม์าน-หฮมวัง, อิสะลาเอน เญย หฒวัง เมี่ยน อ๋อย หฒุ เฒาะ นิ่น บัว เญย ยู่ง ตอน ไต๋.

7เยียม หาย นอม เปย๊า หญั่น, อ๋อย หฒุ เฒาะ วั้ว เต้า ยู่ง ตอน เญย ฑย้าม ฑ้าด เจี๊ยน แก้ง กู้ หงว่าย เหธา อี ปูง แก้ง โหฒ่ว.

8ต้ง วั้ว ม์วน นิ่น บัว อ๋อย หฒุ หญั่น ฒิ ต้าย เญย ยู่ง อ๊อ เหธา ไม้ อัน ปี๊ง เญย ฌั้ว เหธา เจี๊ยน ไล-อิม.

9วั้ว เต๋ย อ๊อ ไม้ ตู๋ง หญั่น เญี์ยม หย่า ไม้ ตู๋ง โฒ้ว. อ๋อย หฒุ เฒี่ยง เต้า ฒิ, เลี่ยม มฆ้อง, เลี่ยม ปั์ว-เหฒา, เลี่ยม จ้าง, ฮลัน โล หาย.

10ไม้ ตู๋ง เลี่ยว เหยียด เต๋ย เถา ลู่ง ดอม. สี ก๊อง ม่าย เหฒ่ง เถา ลู่ง ดอม อ๋อย หฒุ ปั๊ว กวั่ง.

11หญั่น เญย เฒี่ยง โห่ อ๋อย หฒุ ฮนั้ง น้าย นอ หญั่น. อ๋อย หฒุ ไซ เจี๊ยน โหว-ฮลาง, ตาบ เจี๊ยน เฮ่, นั้น เจี๊ยน ปย๊า-บย่า ก๊าน เจี๊ยน หญั่น. น้าย เซ เฒี้ยว เญย เสีย แหม่ง ฒิบ.

12“ต้ง น้าย ม์วน เยีย อ๋อย มี่ง ก๋อม อียิบ เต่ย-ปูง ไต๋ เหฑ่ง เต้าๆ ตอน-หละเก๊า เหธา แซง-คู้ เหฌี่ย เญย ต้าว ทอย ตอน. เยีย หย่า อ๋อย เซี้ยม ตี่ง อียิบ เต่ย-ปูง เหยียด ฒู้ง เฒี่ยน เญย ฒุ์ย. เยีย เซ เฒี้ยว.

13ฑ้าด แก้ง โหฒ่ว, แก้ง กู้ หงว่าย วั้ว เต๋ย ฑย้าม โหฒว จั๋ง-โห่ ปุน ธีง เม่ย บัว เยียม เญย ต๋อง. เยีย ปวัด น้าย เต๋ย ฑย้าม, เยีย ฯฒฯ แปง หฒะ เจี๋ย, เหฆน ธ้วด เม่ย บัว อ๊ะ. เยีย ไต๋ อียิบ เมี่ยน วั้ว หฒั่น, เยีย ไม้ ปุน เม่ย บัว หฒุ น้าย เต๋ย ต้ง เยีย ห่อย อียิบ เมี่ยน แหม่ง เญย เหฒะ หน่าน.

14“น้าย นอม ฮนอย เม่ย บัว อ๋อย หฒุ จั๋ง เจี๊ยน. เหยียด ต่อย เจี๋ย เหยียด ต่อย อ๋อย หฒุ หล่ง น้าย นอม ฮนอย เจี๋ย ฒิบ โห่ว เฒี้ยว, เซ เหยียด ลิ์ว อ๋อย หฒุ กัน เญย เล์ย-เหญ่ย.

15“เสี่ย ฮนอย กะญั์ว อ๋อย หฒุ หญั่น ไม้ อัน ปี๊ง เญย ฌั้ว. ต้าว ฮนอย อ๋อย หฒุ เฒาะ เยียม เปย๊า เญย ปี๊ง ธ้วด เหฑ่ง เหว่ย หฒุ เยียม ต้าว ฮนอย เถา ตะเธี้ยด ฮนอย กะญั์ว, หาย เต้า หญั่น อัน ปี๊ง เญย กะน้าย นอ, อ๋อย หฒุ เยียม อิสะลาเอน เมี่ยน บุด๋ง หฒุ ไพ กวั่ง มี่ง.

16ตะเยี้ยด ฮนอย อ๋อย หฒุ กั๊บ ฒุ้น โหฒว เล์ย-ป๋าย. ตะเธี้ยด ฮนอย ฟี่ ฮนั้ง เญย. น้าย เต๋ย ฮนอย กะญั์ว, ธ้วด ลิ์ว เบ่น หญั่น เบ่น ฮบ ปุน หฒวัง เมี่ยน หญั่น, ไม้ ตู๋ง โหฒว กั้น หญู่ง กง.

17“อ๋อย หฒุ เจี๋ย ไม้ อัน ปี๊ง เญย ฌั้ว เญย ฒิบ เหว่ย หฒุ ต้ง น้าย นอม ฮนอย เยีย ต้อ เม่ย บัว กวั้นๆ เยียม อียิบ เต่ย-ปูง ธ้วด. เหว่ย น้าย เม่ย บัว อ๋อย หฒุ เจี๋ย น้าย นอม ฒิบ, เป๋น เม่ย บัว เหยียด ต่อย เจี๋ย เหยียด ต่อย เญย เล์ย-เหญ่ย.

18ฒี่ หฮลา เหฒียบ เฝย วั้ว ฮนอย ลู่ง ม์าน-หฮมวัง, เถา หญี่ เหฒียบ เยี้ยด ลู่ง ม์าน-หฮมวัง, อ๋อย หฒุ หญั่น ไม้ อัน ปี๊ง เญย ฌั้ว.

19น้าย เต๋ย เสี่ย ฮนอย ไม้ ตู๋ง ปุน หาย เต้า เญย เปย๊า ม่าย ปี๊ง. หาย เต้า หญั่น ตะฟ่าน อัน ปี๊ง เญย กะน้าย, ไม้ กุ๊น กั้น ฝีง เมี่ยน ไฟ ป๊วน-ฝีง เมี่ยน, วั้ว เต้า อ๋อย หฒุ เยียม อิสะลาเอน เญย หฒวัง เมี่ยน บุด๋ง ไพ กวั่ง มี่ง.

20ไม้ ตู๋ง หญั่น หาย หญู่ง อัน ปี๊ง เญย กะน้าย. ไม้ กุ๊น เยียม หาย, อ๋อย หฒุ หญั่น ไม้ อัน ปี๊ง เญย ฌั้ว.”

21โมเซ เห่ว อิสะลาเอน เญย หฒวัง เมี่ยน โก๋ ต้าย ฑ่อย, ก๊อง บั๋ว นิ่น บัว, “เม่ย บัว อ๋อย หฒุ มี่ง หฒิว เม่ย บัว เญย เปย๊า ฒง ฮมวั้ง ต่อย กิ๊น เต้า ปะกี ยู่ง ตอน ไฟ ยู่ง ตอน ไต๋ ต้าย โหฒว เสีย แหม่ง ฒิบ เญย ปะกี ยู่ง ตอน.

22อ๋อย หฒุ เฒาะ เหยียด เฒ้ย หุโสบ เมี้ย เหฒียม ปุ้น กะญั์ว เญย ฑย้าม, ต้อ มี่ง ฑ้าด แก้ง กู้ หงว่าย เหธา อี ปูง แก้ง โหฒ่ว. ไม้ ตู๋ง ปุน หาย เต้า ธ้วด แก้ง ขะเดา เถา ลู่ง ดอม.

23เฒี้ยว อ๋อย มี่ง ก๋อม อียิบ เต่ย-ปูง ไต๋ อียิบ เมี่ยน. นิ่น ปวัด แก้ง กู้ หงว่าย เหธา อี ปูง แก้ง โหฒ่ว เญย ฑย้าม นอ, นิ่น ฯฒฯ เจี๋ย แก้ง ด่าง, ไม้ ปุน เหมียด แหม่ง วั้ว เต้า เปียะ เม่ย บัว เญย เปย๊า ไต๋ เม่ย บัว.

24“เม่ย บัว เหธา เม่ย บัว เญย เฒ้ย-ฟุน อ๋อย หฒุ เหยียด ลิ์ว กัน น้าย ติ้ว เล์ย.

25เม่ย บัว มี่ง เถา เฒี้ยว แล์ง ปุน เม่ย บัว วั้ว นอม เต่ย-ปูง, เม่ย บัว อ๋อย หฒุ กัน น้าย หญู่ง เล์ย-เหญ่ย.

26เม่ย บัว เญย น่าม โญ์ว หน่าย ก๋า เม่ย บัว, ‘กัน น้าย หญู่ง เล์ย-เหญ่ย ม่าย หาย หญู่ง เอ๋ย เล์ย?’

27เม่ย บัว อ๋อย หฒุ บั๋ว นิ่น บัว, ‘น้าย เซ ฝ่ง ห่อ เหฒี่ย ปุน เฒี้ยว, เหว่ย เจี๋ย เฒี้ยว เสีย แหม่ง ฒิบ. เซ เยีย บัว เยียม อียิบ เต่ย-ปูง, เฒี้ยว ไต๋ อียิบ เมี่ยน วั้ว หฒั่น, นิ่น เจี๋ย อิสะลาเอน เมี่ยน เญย เปย๊า, เลี่ยว เยีย บัว เญย แหม่ง.’” แปะ ฝีง ฯฒฯ เกว่ย เหฌี่ย เดา ป๋าย เฒี้ยว.

28อิสะลาเอน เญย หฒวัง เมี่ยน เอย เจี๊ยน เฒี้ยว บั๋ว โมเซ เหธา อาโลน เญย หว่า โหฒว.

29เถา ด๊าม ม์วน, เฒี้ยว ไต๋ อียิบ เต่ย-ปูง เมี่ยน เญย เต้าๆ ตอน-หละเก๊า. เยียม เฒว์ย เจี๊ยน ฮู่ง เหว่ย วั้ว เต้า ฟาโล เญย ตอน-หละเก๊า ไต๋ เถา เยียม โล่ หฮมวัง วั้ว เต้า ฒุ์ย-เมี่ยน เญย ตอน-หละเก๊า. เลี่ยม แซง-คู้ เญย ต้าว ทอย ตอน เหยียด ฒู้ง ไต๋ เหฑ่ง.

30วั้ว ม์วน ฟาโล เหธา นิ่น เญย เจียน เหธา หฒวัง แปะ ฝีง เจี์ย ซิน ต้าย. อียิบ เมี่ยน เหยียด ฒู้ง เบี้ยวๆ เญย เญี้ยม, เหว่ย หฒุ ไม้ ม่าย เหยียด นอม เปย๊า ไม้ ไต่ เหยียด ล่าน เมี่ยน.

31ต้ง วั้ว ม์วน ฟาโล เห่ว โมเซ เหธา อาโลน ต้าย. นิ่น ก๊อง, “เม่ย บัว กุ๊น มี่ง อ๊ะ. เลี่ยม เม่ย บัว เหธา อิสะลาเอน เญย หฒวัง เมี่ยน ก๊าน ธ้วด เยีย เญย เต่ย-ปูง อ๊ะ. ฮนั้ง เม่ย บัว โท้ วั้ว นอ, กุ๊น มี่ง หฒั่ง เม่ย บัว เญย เฒี้ยว ม่าะ!

32ต้อ เจี๊ยน เม่ย บัว เญย ง่ง กวั้น, ยู่ง เหธา ปะกี ยู่ง กวั้น, ฮนั้ง เม่ย บัว ก๊อง วั้ว นอ มี่ง อ๊ะ. หย่า โท้ ฟุ ปุน เยีย.”

33อียิบ เมี่ยน เป๊ะ อิสะลาเอน เมี่ยน ก๊าน ธ้วด นิ่น บัว เญย เต่ย-ปูง. นิ่น บัว ก๊อง, “เม่ย บัว ไม้ เปย๋า นอ แอ๊ะ, เยีย บัว เหยียด ฒู้ง ไต่ เหฑ่ง อ๊ะ.”

34อิสะลาเอน เมี่ยน ฯฒฯ เฒาะ ไหธ เหฒียง ไม้ แก้ง อัน ปี๊ง เญย ฌั้ว ตั๊บ เจี๊ยน นิ่น บัว ไหธ ฌั้ว เญย ปุ้น, หล่ง ลุย เปว เจี๊ยน, แอ๋ง ปุ๋ย เจี๊ยน มี่ง อ๊ะ.

35นิ่น บัว เอย เจี๊ยน โมเซ พ้าย เญย หว่า โหฒว, เถง อียิบ เมี่ยน โท้ เจียม ญ่าน เญย เซียว-เซ้ด เหธา ลุย-โหว.

36เฒี้ยว ปุน อียิบ เมี่ยน ฆอย ฟิม ฆอย เอ๋ย นิ่น บัว. นิ่น บัว โท้ หาย หญู่ง, อียิบ เมี่ยน ฯฒฯ ปุน วั้ว หญู่ง. นิ่น บัว ฮนั้ง น้าย นอ ดั๊ว ตุ๊ อียิบ เมี่ยน เญย กะน้าย ต้อ เจี๊ยน มี่ง เหฑ่ง.

37อิสะลาเอน เมี่ยน เยียม ลามาเสด ธ้วด เจ๊า มี่ง เถา สุกโค้ด. มจั่ง ตอน ม่าย เล่ย ไม้ โก จุ๊ สิน เต้า, ธี่ ธ้วด มเซียะ ตอน เหธา ฝุเจว๊ย.

38แอ๋ง ม่าย กั้น ฝีง เมี่ยน ธั้ม เญย เหธา เจี๊ยน ง่ง กวั้น, ยู่ง เหธา ปะกี ยู่ง กวั้น ธั้ม เญย, กัน เจี๊ยน นิ่น บัว มี่ง.

39นิ่น บัว ฒิ เยียม อียิบ เต่ย-ปูง ต้อ ต้าย เญย ฌั้ว-เญี์ยม. นิ่น บัว ไม้ ตุ๊ อัน ปี๊ง เหว่ย หฒุ นิ่น บัว หฒุ หฒุ่น, เป๊ะ เจี๊ยน ธ้วด อียิบ ฯฒฯ ไม้ ม่าย ฉัง เบ่น นิ่น บัว เญย หญั่น ฮบ.

40อิสะลาเอน เมี่ยน เยียม อียิบ เต่ย-ปูง เฝย แป๊ะ ฟ่า เหฒียบ หฮญัง.

41ปวั๊ง เฝย แป๊ะ ฟ่า เหฒียบ หฮญัง วั้ว ฮนอย, เฒี้ยว เญย กวั้นๆ เมี่ยน ธ้วด อียิบ เต่ย-ปูง.

42อิสะลาเอน เมี่ยน ธ้วด อียิบ เต่ย-ปูง วั้ว ม์วน, เฒี้ยว ฒั้ว เจี๊ยน, โก๋ว เจี๊ยน นิ่น บัว. ฮนั้ง หน่าย, อิสะลาเอน เมี่ยน เหยียด ต่อย เจี๋ย เหยียด ต่อย อ๋อย หฒุ เหยียด ลิ์ว จั๋ง เจี๊ยน วั้ว ม์วน.

43เฒี้ยว ก๊อง บั๋ว โมเซ เหธา อาโลน, “น้าย เซ เสีย แหม่ง ฒิบ เญย เล์ย-เหญ่ย. “ไม้ ตู๋ง ปุน กั้น ฝีง เมี่ยน หญั่น.

44มป่า หล่ง ญ่าน ม์าย ต้าย เญย โน่ว เก๊า อ๋อย หฒุ เจี๋ย ก๊าด เญย เล์ย ด่าง หธีง ปุน นิ่น หญั่น ตุ๊.

45“เหธา เยียม เม่ย บัว เญย เปย๊า หธาม ป๊า เญย แคะ เมี่ยน ไฟ ธี้ง ต้าย เญย กง-เมี่ยน หญั่น ไม้ ตุ๊.

46“หญั่น เญย เฒี่ยง โห่ อ๋อย หฒุ เยียม เปย๊า กะญั์ว หญั่น. ไม้ ตู๋ง ต้อ ธ้วด แก้ง ขะเดา. หญั่น วั้ว เต้า ยู่ง ตอน ไม้ ตู๋ง ปุน บู๊ง เน้า เหยียด ติ้ว.

47อิสะลาเอน เญย หฒวัง เมี่ยน อ๋อย หฒุ เจี๋ย น้าย นอม ฒิบ.

48“สี ก๊อง ม่าย กั้น ฝีง เมี่ยน ต้าย เยียม เม่ย บัว บุด๋ง, นิ่น หย่า อ๋อย เจี๋ย เฒี้ยว เญย เสีย แหม่ง ฒิบ, วั้ว ล่าน เมี่ยน เญย เปย๊า ฒง มจั่ง ตอน เหยียด ฒู้ง อ๋อย หฒุ เจี๋ย ก๊าด เญย เล์ย เหฑ่ง. นิ่น ฯฒฯ ฮนั้ง ป๊วน-เต่ย เมี่ยน นอ, หญั่น ตุ๊ เญย. มป่า หาย เต้า มจั่ง ตอน ไม้ เจี๋ย ก๊าด เญย เล์ย, ไม้ ตุ๊ เหธา เจี๊ยน หญั่น.

49ป๊วน-เต่ย อิสะลาเอน เมี่ยน ไฟ เยียม เม่ย บัว บุด๋ง เญย กั้น ฝีง เมี่ยน อ๋อย หฒุ จวั่ง น้าย ติ้ว เล์ย หล่ง.”

50เฒี้ยว ฮนั้ง หาย นอ บั๋ว โมเซ เหธา อาโลน, อิสะลาเอน เญย หฒวัง เมี่ยน ฮนั้ง วั้ว นอ โหฒว.

51ต้ง วั้ว ฮนอย, เฒี้ยว ต้อ กวั้นๆ อิสะลาเอน เมี่ยน ธ้วด อียิบ เต่ย-ปูง.

← Chapter 11 Jump to: Chapter 13 →